<p>ಎದುರಿನ ಖಾಲಿ ಬಿಳಿ ಗೋಡೆ<br /> ಗೋಡೆಯಿದ್ದ ಮೇಲೆ, ಬಿಳುಪಿದ್ದ ಮೇಲೆ<br /> ಖಾಲಿ ಹೇಗೆಂದು ಕೇಳಬೇಡಿ ದಮ್ಮಯ್ಯ<br /> ಎದುರಿಗಷ್ಟೇ ಅಲ್ಲ<br /> ಹಿಂದೆ–ಮುಂದೆ, ಅಕ್ಕ-ಪಕ್ಕ, ಮೇಲೆ-ಕೆಳಗೆ ಕೂಡ!<br /> ಬಾಗಿಲು ಕಿಟಕಿಗಳಿಲ್ಲದ ಖಾಲಿ ಬಿಳಿ ಗೋಡೆ</p>.<p>ಗೋಡೆಯೊಳಗಿಂದ ಇದ್ದಕ್ಕಿದ್ದಂತೆ<br /> ಮೊಳೆವ ಕಪ್ಪು–ಹಳದಿ ಕೈಕಾಲುಗಳು<br /> ಚಾಚುತ್ತಾ ಹೊರಹೊರಡುತ್ತಿವೆ<br /> ‘ಬಾಗಿಲು ಕಿಟಕಿಗಳಿಲ್ಲವಲ್ಲ,<br /> ಮತ್ತೆ ಹೇಗೆ?’ ಎಂದು ಕೇಳಬೇಡಿ ದಮ್ಮಯ್ಯ<br /> ನನಗೂ ಗೊತ್ತಿಲ್ಲ – ನಂಬಿ</p>.<p>ಮತ್ತೆ ಸರಿರಾತ್ರಿಗೆ ಹಿಂದಿರುಗುತ್ತವೆ<br /> ಕೈತುಂಬಿಕೊಂಡು ತಂದ<br /> ರೇಡಿಯಂ ನಕ್ಷತ್ರಗಳನ್ನು<br /> ಛಾವಣಿಗೆ ಅಂಟಿಸಿ<br /> ‘ಆಕಾಶ ಬೇಕೆಂದಿದ್ದೆಯಲ್ಲ ತೊಗೋ’<br /> ಅನ್ನುತ್ತವೆ.<br /> ಜೊತೆಗೆ ತಂದ ಪ್ಲಾಸ್ಟಿಕ್<br /> ಗಿಡ, ಬಳ್ಳಿ, ಹೂ, ಹಣ್ಣುಗಳನ್ನು<br /> ನನ್ನ ಸುತ್ತ ಚಂದ ಜೋಡಿಸಿ<br /> ‘ಈ ಬಯಲ ರಾಜ್ಯ ನಿನ್ನದೇ’<br /> ಅನ್ನುತ್ತದೆ ದೇಹವಿಲ್ಲದ್ದೊಂದು ದನಿ</p>.<p>ಕ್ಷಣಾರ್ಧದಲ್ಲಿ ಆ ಅದೇ ದನಿ<br /> ಹತ್ತಾಗಿ ನೂರಾಗಿ ಸಹಸ್ರ<br /> ಚೂರಾಗಿ ಒಡೆದು ಚದುರುತ್ತದೆ</p>.<p>ಅಯ್ಯೋ ಎಲ್ಲ ದನಿಗಳೂ<br /> ಕರ್ಣ ಪಿಶಾಚಿಗಳಾಗಿ<br /> ಕಿವಿತಮಟೆಯನ್ನು ಒಡೆದೇಬಿಡುವಂತೆ<br /> ಬಾರಿಸುತ್ತಿವೆ. ತಾಳಲಾರದೆ<br /> ಪ್ರಜ್ಞೆ ತಪ್ಪಿದ ನನ್ನನ್ನು<br /> ಪ್ಲಾಸ್ಟಿಕ್ ಜಗ್ಗಿನಿಂದ ನೀರು<br /> ಚಿಮುಕಿಸುತ್ತಾ<br /> ‘ಮಳೆ ಬರುತ್ತಿದೆ ಏಳು ಮಗೂ’<br /> ಎಂದು ಎಬ್ಬಿಸುತ್ತಿದೆ<br /> ಆ ಅದೇ ದನಿ!</p>.<p>ಕಣ್ಣು ಬಿಟ್ಟು ನೋಡಿದರೆ<br /> ಮತ್ತೆ ಸುತ್ತ<br /> ಖಾಲಿ ಬಿಳಿ ಗೋಡೆ!<br /> ಗೋಡೆಯಿದ್ದ ಮೇಲೆ, ಬಿಳುಪಿದ್ದ ಮೇಲೆ<br /> ಖಾಲಿ ಹೇಗೆಂದು ಕೇಳಬೇಡಿ ದಮ್ಮಯ್ಯ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಎದುರಿನ ಖಾಲಿ ಬಿಳಿ ಗೋಡೆ<br /> ಗೋಡೆಯಿದ್ದ ಮೇಲೆ, ಬಿಳುಪಿದ್ದ ಮೇಲೆ<br /> ಖಾಲಿ ಹೇಗೆಂದು ಕೇಳಬೇಡಿ ದಮ್ಮಯ್ಯ<br /> ಎದುರಿಗಷ್ಟೇ ಅಲ್ಲ<br /> ಹಿಂದೆ–ಮುಂದೆ, ಅಕ್ಕ-ಪಕ್ಕ, ಮೇಲೆ-ಕೆಳಗೆ ಕೂಡ!<br /> ಬಾಗಿಲು ಕಿಟಕಿಗಳಿಲ್ಲದ ಖಾಲಿ ಬಿಳಿ ಗೋಡೆ</p>.<p>ಗೋಡೆಯೊಳಗಿಂದ ಇದ್ದಕ್ಕಿದ್ದಂತೆ<br /> ಮೊಳೆವ ಕಪ್ಪು–ಹಳದಿ ಕೈಕಾಲುಗಳು<br /> ಚಾಚುತ್ತಾ ಹೊರಹೊರಡುತ್ತಿವೆ<br /> ‘ಬಾಗಿಲು ಕಿಟಕಿಗಳಿಲ್ಲವಲ್ಲ,<br /> ಮತ್ತೆ ಹೇಗೆ?’ ಎಂದು ಕೇಳಬೇಡಿ ದಮ್ಮಯ್ಯ<br /> ನನಗೂ ಗೊತ್ತಿಲ್ಲ – ನಂಬಿ</p>.<p>ಮತ್ತೆ ಸರಿರಾತ್ರಿಗೆ ಹಿಂದಿರುಗುತ್ತವೆ<br /> ಕೈತುಂಬಿಕೊಂಡು ತಂದ<br /> ರೇಡಿಯಂ ನಕ್ಷತ್ರಗಳನ್ನು<br /> ಛಾವಣಿಗೆ ಅಂಟಿಸಿ<br /> ‘ಆಕಾಶ ಬೇಕೆಂದಿದ್ದೆಯಲ್ಲ ತೊಗೋ’<br /> ಅನ್ನುತ್ತವೆ.<br /> ಜೊತೆಗೆ ತಂದ ಪ್ಲಾಸ್ಟಿಕ್<br /> ಗಿಡ, ಬಳ್ಳಿ, ಹೂ, ಹಣ್ಣುಗಳನ್ನು<br /> ನನ್ನ ಸುತ್ತ ಚಂದ ಜೋಡಿಸಿ<br /> ‘ಈ ಬಯಲ ರಾಜ್ಯ ನಿನ್ನದೇ’<br /> ಅನ್ನುತ್ತದೆ ದೇಹವಿಲ್ಲದ್ದೊಂದು ದನಿ</p>.<p>ಕ್ಷಣಾರ್ಧದಲ್ಲಿ ಆ ಅದೇ ದನಿ<br /> ಹತ್ತಾಗಿ ನೂರಾಗಿ ಸಹಸ್ರ<br /> ಚೂರಾಗಿ ಒಡೆದು ಚದುರುತ್ತದೆ</p>.<p>ಅಯ್ಯೋ ಎಲ್ಲ ದನಿಗಳೂ<br /> ಕರ್ಣ ಪಿಶಾಚಿಗಳಾಗಿ<br /> ಕಿವಿತಮಟೆಯನ್ನು ಒಡೆದೇಬಿಡುವಂತೆ<br /> ಬಾರಿಸುತ್ತಿವೆ. ತಾಳಲಾರದೆ<br /> ಪ್ರಜ್ಞೆ ತಪ್ಪಿದ ನನ್ನನ್ನು<br /> ಪ್ಲಾಸ್ಟಿಕ್ ಜಗ್ಗಿನಿಂದ ನೀರು<br /> ಚಿಮುಕಿಸುತ್ತಾ<br /> ‘ಮಳೆ ಬರುತ್ತಿದೆ ಏಳು ಮಗೂ’<br /> ಎಂದು ಎಬ್ಬಿಸುತ್ತಿದೆ<br /> ಆ ಅದೇ ದನಿ!</p>.<p>ಕಣ್ಣು ಬಿಟ್ಟು ನೋಡಿದರೆ<br /> ಮತ್ತೆ ಸುತ್ತ<br /> ಖಾಲಿ ಬಿಳಿ ಗೋಡೆ!<br /> ಗೋಡೆಯಿದ್ದ ಮೇಲೆ, ಬಿಳುಪಿದ್ದ ಮೇಲೆ<br /> ಖಾಲಿ ಹೇಗೆಂದು ಕೇಳಬೇಡಿ ದಮ್ಮಯ್ಯ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>