<p><strong>ಹೊಳಲ್ಕೆರೆ: </strong>ರಸ್ತೆ ತುಂಬಾ ದೊಡ್ಡ ದೊಡ್ಡ ಗುಂಡಿಗಳು, ಕೆಲವೆಡೆ ರಸ್ತೆ ಮಧ್ಯದಲ್ಲಿಯೇ ಆಳುದ್ದ ಹೊಂಡಗಳು. ಗುಂಡಿ ಮುಚ್ಚಲೆಂದು ರಸ್ತಗೆ ಅಡ್ಡಲಾಗಿ ಸುರಿದ ಮಣ್ಣಿನ ರಾಶಿ. ಮಳೆ ಬಂದರೆ ಗುಂಡಿ ತುಂಬಾ ಕೆಸರು ನೀರು. ಬಿಸಿಲಿದ್ದರೆ ಕೆಂದೂಳು. ಹೊಂಡಗಳಲ್ಲಿ ಕುಲುಕುತ್ತಾ, ವಾಲುತ್ತಾ ಸಾಗುವ ವಾಹನಗಳು... <br /> ಇದು ಪಟ್ಟಣದಿಂದ ಹೊಸದುರ್ಗ ಮಾರ್ಗದ ರಾಜ್ಯ ಹೆದ್ದಾರಿ- 47ರ ಅಸಲಿ ಚಿತ್ರಣ.<br /> <br /> ಸದಾ ವಾಹನ ಸಂಚಾರ ಇರುವ ಈ ಮುಖ್ಯರಸ್ತೆಯನ್ನು ದಶಕದಿಂದ ದುರಸ್ತಿ ಮಾಡಿಲ್ಲ. ಹೊಸದುರ್ಗದಿಂದ ಪಟ್ಟಣದ ಮಾರ್ಗವಾಗಿ ಚಿತ್ರದುರ್ಗ, ದಾವಣಗೆರೆ, ಶಿವಮೊಗ್ಗ ನಗರಗಳಿಗೆ ಸಂಚರಿಸಲು ಇದು ಪ್ರಮುಖ ರಸ್ತೆ. ಪಟ್ಟಣದಿಂದಲೂ ಹೊಸದುರ್ಗ ಮೂಲಕ ಬೆಂಗಳೂರು, ಚಿಕ್ಕಮಗಳೂರು, ಹಾಸನ ಕಡೆಗೆ ಇದೇ ರಸ್ತೆಯಲ್ಲೇ ಸಂಚರಿಸಬೇಕು. <br /> <br /> ಈ ರಸ್ತೆಯಲ್ಲಿ ಪ್ರತಿ 5 ನಿಮಿಷಕ್ಕೆ ಒಂದರಂತೆ ಖಾಸಗಿ ಮತ್ತು ಸರ್ಕಾರಿ ಬಸ್ಗಳು ಸಂಚರಿಸುತ್ತವೆ. ಅಲ್ಲದೇ, ಆಟೋ ರಿಕ್ಷಾ, ಕಾರು, ಬೈಕು, ಲಾರಿ ಮತ್ತಿತರ ವಾಹನಗಳಿಗೆ ಲೆಕ್ಕವಿಲ್ಲ. ಪಟ್ಟಣದಿಂದ ಹೊಸದುರ್ಗ ಗಡಿವರೆಗೆ ರಸ್ತೆ ಸಂಪೂರ್ಣ ಹದಗೆಟ್ಟಿದ್ದು, ವಾಹನ ಸಂಚಾರಕ್ಕೆ ತೀವ್ರ ಅಡಚಣೆಯಾಗಿದೆ.<br /> <br /> ಗುಂಡಿಗಳಲ್ಲಿ ವಾಹನ ಓಡಿಸುವುದು ಚಾಲಕರಿಗಂತೂ ಒಂದು ದೊಡ್ಡ ಸವಾಲು. ಮಳೆ ಬಂದರಂತೂ, ಗುಂಡಿಗಳಲ್ಲಿ ಕೆಸರು ನೀರು ನಿಲ್ಲುವುದರಿಂದ ದ್ವಿಚಕ್ರ ವಾಹನ ಸವಾರರು ಮುಂದೆ ಚಲಿಸಲಾಗುವುದಿಲ್ಲ, ಎದುರಿನಿಂದ ಬರುವ ವಾಹನಗಳು ಸಿಡಿಸುವ ಕೊಳಕು ನೀರು ಮೈಮೆಲೆ ಸುರಿದು ಬಟ್ಟೆಗಳೆಲ್ಲ ಕೆಸರಾಗುತ್ತವೆ. <br /> <br /> ರಾತ್ರಿ ವೇಳೆ ಬೈಕ್, ಕಾರು, ಆಟೋಗಳಂತಹ ಲಘು ವಾಹನಗಳು ಸಂಚರಿಸಲು ಸಾಧ್ಯವಾಗುತ್ತಿಲ್ಲ. ಬೈಕ್ ಸವಾರರು ಗುಂಡಿಯಲ್ಲಿ ಬೀಳುವ ಘಟನೆಗಳು ಇಲ್ಲಿ ಸಾಮಾನ್ಯವಾಗಿವೆ. ಲೋಕೊಪಯೋಗಿ ಇಲಾಖೆಯವರು ಕಳೆದ ವರ್ಷ ಕಾಟಾಚಾರಕ್ಕೆ ಗುಂಡಿ ಮುಚ್ಚಿ ಕೈತೊಳೆದುಕೊಂಡರು. ಈ ಮಳೆಗಾಲದಲ್ಲಿ ಇನ್ನೂ ಹೆಚ್ಚಿನ ಗುಂಡಿಗಳಾಗಿವೆ. ಗುಂಡಿ ಮುಚ್ಚಲು ರಸ್ತೆ ಪಕ್ಕದಲ್ಲಿ ಮಣ್ಣಿನ ರಾಶಿ ಹಾಕಲಾಗಿದ್ದು, ಯಾರೊಬ್ಬರು ಇತ್ತ ತಿರುಗಿ ನೋಡಿಲ್ಲ. <br /> <br /> ರೂ. 5 ಕೋಟಿ ವೆಚ್ಚದಲ್ಲಿ ನೂತನ ರಸ್ತೆ ನಿರ್ಮಿಸುವುದಾಗಿ ಶಾಸಕ ಎಂ. ಚಂದ್ರಪ್ಪ ಹೇಳಿದ್ದಾರೆ. ಆದರೆ, ಹೊಸ ರಸ್ತೆ ನಿರ್ಮಾಣ ಆಗುವವರೆಗಾದರೂ, ತಾತ್ಕಾಲಿಕವಾಗಿ ಗುಂಡಿ ಮುಚ್ಚಿ ಸುಗಮ ಸಂಚಾರಕ್ಕೆ ಅವಕಾಶ ಮಾಡಿಕೊಡಲಿ ಎನ್ನುವುದು ಸಾರ್ವಜನಿಕರ ಆಗ್ರಹ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹೊಳಲ್ಕೆರೆ: </strong>ರಸ್ತೆ ತುಂಬಾ ದೊಡ್ಡ ದೊಡ್ಡ ಗುಂಡಿಗಳು, ಕೆಲವೆಡೆ ರಸ್ತೆ ಮಧ್ಯದಲ್ಲಿಯೇ ಆಳುದ್ದ ಹೊಂಡಗಳು. ಗುಂಡಿ ಮುಚ್ಚಲೆಂದು ರಸ್ತಗೆ ಅಡ್ಡಲಾಗಿ ಸುರಿದ ಮಣ್ಣಿನ ರಾಶಿ. ಮಳೆ ಬಂದರೆ ಗುಂಡಿ ತುಂಬಾ ಕೆಸರು ನೀರು. ಬಿಸಿಲಿದ್ದರೆ ಕೆಂದೂಳು. ಹೊಂಡಗಳಲ್ಲಿ ಕುಲುಕುತ್ತಾ, ವಾಲುತ್ತಾ ಸಾಗುವ ವಾಹನಗಳು... <br /> ಇದು ಪಟ್ಟಣದಿಂದ ಹೊಸದುರ್ಗ ಮಾರ್ಗದ ರಾಜ್ಯ ಹೆದ್ದಾರಿ- 47ರ ಅಸಲಿ ಚಿತ್ರಣ.<br /> <br /> ಸದಾ ವಾಹನ ಸಂಚಾರ ಇರುವ ಈ ಮುಖ್ಯರಸ್ತೆಯನ್ನು ದಶಕದಿಂದ ದುರಸ್ತಿ ಮಾಡಿಲ್ಲ. ಹೊಸದುರ್ಗದಿಂದ ಪಟ್ಟಣದ ಮಾರ್ಗವಾಗಿ ಚಿತ್ರದುರ್ಗ, ದಾವಣಗೆರೆ, ಶಿವಮೊಗ್ಗ ನಗರಗಳಿಗೆ ಸಂಚರಿಸಲು ಇದು ಪ್ರಮುಖ ರಸ್ತೆ. ಪಟ್ಟಣದಿಂದಲೂ ಹೊಸದುರ್ಗ ಮೂಲಕ ಬೆಂಗಳೂರು, ಚಿಕ್ಕಮಗಳೂರು, ಹಾಸನ ಕಡೆಗೆ ಇದೇ ರಸ್ತೆಯಲ್ಲೇ ಸಂಚರಿಸಬೇಕು. <br /> <br /> ಈ ರಸ್ತೆಯಲ್ಲಿ ಪ್ರತಿ 5 ನಿಮಿಷಕ್ಕೆ ಒಂದರಂತೆ ಖಾಸಗಿ ಮತ್ತು ಸರ್ಕಾರಿ ಬಸ್ಗಳು ಸಂಚರಿಸುತ್ತವೆ. ಅಲ್ಲದೇ, ಆಟೋ ರಿಕ್ಷಾ, ಕಾರು, ಬೈಕು, ಲಾರಿ ಮತ್ತಿತರ ವಾಹನಗಳಿಗೆ ಲೆಕ್ಕವಿಲ್ಲ. ಪಟ್ಟಣದಿಂದ ಹೊಸದುರ್ಗ ಗಡಿವರೆಗೆ ರಸ್ತೆ ಸಂಪೂರ್ಣ ಹದಗೆಟ್ಟಿದ್ದು, ವಾಹನ ಸಂಚಾರಕ್ಕೆ ತೀವ್ರ ಅಡಚಣೆಯಾಗಿದೆ.<br /> <br /> ಗುಂಡಿಗಳಲ್ಲಿ ವಾಹನ ಓಡಿಸುವುದು ಚಾಲಕರಿಗಂತೂ ಒಂದು ದೊಡ್ಡ ಸವಾಲು. ಮಳೆ ಬಂದರಂತೂ, ಗುಂಡಿಗಳಲ್ಲಿ ಕೆಸರು ನೀರು ನಿಲ್ಲುವುದರಿಂದ ದ್ವಿಚಕ್ರ ವಾಹನ ಸವಾರರು ಮುಂದೆ ಚಲಿಸಲಾಗುವುದಿಲ್ಲ, ಎದುರಿನಿಂದ ಬರುವ ವಾಹನಗಳು ಸಿಡಿಸುವ ಕೊಳಕು ನೀರು ಮೈಮೆಲೆ ಸುರಿದು ಬಟ್ಟೆಗಳೆಲ್ಲ ಕೆಸರಾಗುತ್ತವೆ. <br /> <br /> ರಾತ್ರಿ ವೇಳೆ ಬೈಕ್, ಕಾರು, ಆಟೋಗಳಂತಹ ಲಘು ವಾಹನಗಳು ಸಂಚರಿಸಲು ಸಾಧ್ಯವಾಗುತ್ತಿಲ್ಲ. ಬೈಕ್ ಸವಾರರು ಗುಂಡಿಯಲ್ಲಿ ಬೀಳುವ ಘಟನೆಗಳು ಇಲ್ಲಿ ಸಾಮಾನ್ಯವಾಗಿವೆ. ಲೋಕೊಪಯೋಗಿ ಇಲಾಖೆಯವರು ಕಳೆದ ವರ್ಷ ಕಾಟಾಚಾರಕ್ಕೆ ಗುಂಡಿ ಮುಚ್ಚಿ ಕೈತೊಳೆದುಕೊಂಡರು. ಈ ಮಳೆಗಾಲದಲ್ಲಿ ಇನ್ನೂ ಹೆಚ್ಚಿನ ಗುಂಡಿಗಳಾಗಿವೆ. ಗುಂಡಿ ಮುಚ್ಚಲು ರಸ್ತೆ ಪಕ್ಕದಲ್ಲಿ ಮಣ್ಣಿನ ರಾಶಿ ಹಾಕಲಾಗಿದ್ದು, ಯಾರೊಬ್ಬರು ಇತ್ತ ತಿರುಗಿ ನೋಡಿಲ್ಲ. <br /> <br /> ರೂ. 5 ಕೋಟಿ ವೆಚ್ಚದಲ್ಲಿ ನೂತನ ರಸ್ತೆ ನಿರ್ಮಿಸುವುದಾಗಿ ಶಾಸಕ ಎಂ. ಚಂದ್ರಪ್ಪ ಹೇಳಿದ್ದಾರೆ. ಆದರೆ, ಹೊಸ ರಸ್ತೆ ನಿರ್ಮಾಣ ಆಗುವವರೆಗಾದರೂ, ತಾತ್ಕಾಲಿಕವಾಗಿ ಗುಂಡಿ ಮುಚ್ಚಿ ಸುಗಮ ಸಂಚಾರಕ್ಕೆ ಅವಕಾಶ ಮಾಡಿಕೊಡಲಿ ಎನ್ನುವುದು ಸಾರ್ವಜನಿಕರ ಆಗ್ರಹ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
