ಗುರುವಾರ , ಜೂನ್ 24, 2021
22 °C

ಗೂಗಲ್‌ಗೆ ₨30,500 ಕೋಟಿ ದಂಡ ಸಾಧ್ಯತೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ನವದೆಹಲಿ (ಪಿಟಿಐ): ಏಕಸ್ವಾಮ್ಯ ಕಾಯ್ದೆ ಉಲ್ಲಂಘನೆ ಆರೋಪಕ್ಕೆ ಸಂಬಂಧಿಸಿದಂತೆ ಭಾರತೀಯ ಸ್ಪರ್ಧಾತ್ಮಕ ಆಯೋಗದ (ಸಿಸಿಐ) ತನಿಖೆ ಎದುರಿಸುತ್ತಿರುವ ಇಂಟರ್‌ನೆಟ್‌ ದೈತ್ಯ ಗೂಗಲ್‌, ಒಂದು ವೇಳೆ ದೇಶದ ಸ್ಪರ್ಧಾತ್ಮಕ ನಿಯಮ­ಗಳನ್ನು ಉಲ್ಲಂಘಿ­ಸಿದ್ದು ಸಾಬೀತಾದಲ್ಲಿ ₨30,500 ಕೋಟಿ ದಂಡ ತೆರಬೇಕಾಗುತ್ತದೆ.



ಈ ನಡುವೆ, ಸಿಸಿಐ ನಡೆಸುತ್ತಿರುವ ತನಿಖೆಗೆ ಸಂಪೂರ್ಣ ಸಹಕಾರ ನೀಡುವುದಾಗಿ ಗೂಗಲ್‌ ಹೇಳಿದೆ. ಅಮೆರಿಕದ ಹಕ್ಕುಸ್ವಾಮ್ಯ ನಿಗಾ ಸಂಸ್ಥೆಯು ಕಳೆದ ಎರಡು ವರ್ಷಗಳಿಂದ ತನಿಖೆ ನಡೆಸಿ, ತಾನು ನೀಡುತ್ತಿರುವ ಸೇವೆ ಯೋಗ್ಯವಾಗಿದೆ ಎಂಬುದಾಗಿ ವರದಿ ನೀಡಿದೆ ಎಂದೂ ಗೂಗಲ್‌ ಹೇಳಿಕೊಂಡಿದೆ.



ಪೈಪೋಟಿಯಲ್ಲಿ ಮುಂಚೂಣಿ­ಯಲ್ಲಿರುವ ಗೂಗಲ್ ತನ್ನ ಸ್ಥಾನವನ್ನು ದುರುಪಯೋಗ ಪಡೆಸಿಕೊಂಡಿದೆ ಎಂಬ ಆರೋಪಕ್ಕೆ ಸಂಬಂಧಿಸಿದಂತೆ ಸಿಸಿಐ ಎರಡು ವರ್ಷಗಳಿಂದ ತನಿಖೆ ನಡೆಸುತ್ತಿದೆ. ಭಾರತದ ಸ್ಪರ್ಧಾತ್ಮಕ ನಿಯಮಗಳ ಉಲ್ಲಂಘನೆ ಸಾಬೀತಾದರೆ ಕಂಪೆನಿಯ ಮೂರು ವರ್ಷಗಳ ಸರಾಸರಿ ವಹಿ­ವಾಟಿನ ಶೇ 10ರವರೆಗೆ ದಂಡ ವಿಧಿಸ­ಬಹುದು.



ಗೂಗಲ್‌ನ ಮೂರು ವರ್ಷಗಳ ಸರಾಸರಿ ವಹಿವಾಟು ಸುಮಾರು ₨3.01 ಲಕ್ಷ ಕೋಟಿ ಇದೆ. ಹಾಗಾಗಿ ಗರಿಷ್ಠ ₨30,500 ಕೋಟಿ ದಂಡವನ್ನು ವಿಧಿಸಬಹುದಾಗಿದೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.