<p><strong>ಚನ್ನಗಿರಿ: </strong>ತಾಲ್ಲೂಕಿನಾದ್ಯಂತ ಮೂರು ದಿನಗಳ ಕಾಲ ಅತ್ಯಂತ ಸಂಭ್ರಮ, ಸಡಗರದಿಂದ ಬೆಳಕಿನ ಹಬ್ಬ ದೀಪಾವಳಿಯನ್ನು ಆಚರಿಸಲಾಯಿತು.<br /> <br /> ಮಂಗಳವಾರ ನರಕ ಚತುದರ್ಶಿ ಆಚರಿಸಿದರೆ, ಬುಧವಾರ ಅಮಾವಾಸ್ಯೆ ದಿನ ವೈಭವದಿಂದ ಲಕ್ಷ್ಮೀಪೂಜೆಯನ್ನು ನೆರವೇರಿಸಲಾಯಿತು.<br /> <br /> ಬಲಿಪಾಡ್ಯಮಿ ದಿನವಾದ ಗುರುವಾರ ಎಲ್ಲರ ಮನೆಗಳಲ್ಲೂ ಬೆಳಗಿನಿಂದಲೇ ಸಂಭ್ರಮ. ಬೆಳಿಗ್ಗೆ ಎದ್ದು ಎಣ್ಣೆ ಸ್ನಾನ ಮುಗಿಸಿ ಹೊಸ ಬಟ್ಟೆಗಳನ್ನು ಧರಿಸಿ ಹಬ್ಬದ ಆಚರಣೆಗೆ ಸಿದ್ದಗೊಳ್ಳಲಾಯಿತು.</p>.<p>ಮಧ್ಯಾಹ್ನದ ನಂತರ ಮನೆಗಳ ಮುಂದೆ ಹಟ್ಟಿ ಹಾಕುವ ಮೂಲಕ ವಿವಿಧ ಬಣ್ಣದ ಹೂವು, ಕವಚಿ ಹುಲ್ಲಿನ ಕಟ್ಟು ಹಾಗೂ ಸಗಣಿಯಿಂದ ಮಾಡಿದ ಬೆನಕನನ್ನು ಇಟ್ಟು ಪೂಜೆ ಸಲ್ಲಿಸುವ ಮೂಲಕ ಹಬ್ಬಕ್ಕೆ ಚಾಲನೆ ನೀಡಲಾಯಿತು.<br /> <br /> ನಂತರ ಮನೆಗಳ ಮುಂದೆ ಸಾಲು ಸಾಲು ಹಣತೆಗಳನ್ನು ಹಚ್ಚಿಟ್ಟು, ಅದರ ಬೆಳಕಿನಲ್ಲಿ ಹಬ್ಬದ ಸಂಭ್ರಮವನ್ನು ಆಚರಿಸಲಾಯಿತು. ಬೆಳಗುವ ಹಣತೆಗಳ ಬೆಳಕಲ್ಲಿ ಮನೆ, ಮನಗಳ ಕತ್ತಲನ್ನು ಓಡಿಸಿ ಎಲ್ಲೆಡೆ ಬೆಳಕು ಮೂಡಿಸಿ ಈ ಹಬ್ಬವನ್ನು ಸಂಭ್ರಮಿಸಲಾಯಿತು. ಸಂಜೆ ಬಣ್ಣ ಬಣ್ಣದ ಪಟಾಕಿಗಳನ್ನು ಸಿಡಿಸಿ ಹಬ್ಬಕ್ಕೆ ಕಳೆ ನೀಡಲಾಯಿತು.</p>.<p>ರಾತ್ರಿ ಹಿರಿಯರ ಪೂಜೆ ಮಾಡಿ ಹೋಳಿಗೆ ಮುಂತಾದ ಭಕ್ಷ್ಯ ಭೋಜನಗಳನ್ನು ಸೇವಿಸಿ ಕಿರಿಯರು ಹಿರಿಯರ ಕಾಲಿಗೆ ಬಿದ್ದು ಆಶೀರ್ವಾದ ಪಡೆದುಕೊಳ್ಳಲಾಯಿತು. ಕಳೆದ ಎರಡು ದಿನಗಳಿಂದ ಸಂಜೆಯ ಹೊತ್ತು ಬೀಳುತ್ತಿರುವ ಮಳೆ ಒಂದಿಷ್ಟು ಹಬ್ಬದ ಅಬ್ಬರವನ್ನು ಅಡಗಿಸಿತ್ತು.<br /> <br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಚನ್ನಗಿರಿ: </strong>ತಾಲ್ಲೂಕಿನಾದ್ಯಂತ ಮೂರು ದಿನಗಳ ಕಾಲ ಅತ್ಯಂತ ಸಂಭ್ರಮ, ಸಡಗರದಿಂದ ಬೆಳಕಿನ ಹಬ್ಬ ದೀಪಾವಳಿಯನ್ನು ಆಚರಿಸಲಾಯಿತು.<br /> <br /> ಮಂಗಳವಾರ ನರಕ ಚತುದರ್ಶಿ ಆಚರಿಸಿದರೆ, ಬುಧವಾರ ಅಮಾವಾಸ್ಯೆ ದಿನ ವೈಭವದಿಂದ ಲಕ್ಷ್ಮೀಪೂಜೆಯನ್ನು ನೆರವೇರಿಸಲಾಯಿತು.<br /> <br /> ಬಲಿಪಾಡ್ಯಮಿ ದಿನವಾದ ಗುರುವಾರ ಎಲ್ಲರ ಮನೆಗಳಲ್ಲೂ ಬೆಳಗಿನಿಂದಲೇ ಸಂಭ್ರಮ. ಬೆಳಿಗ್ಗೆ ಎದ್ದು ಎಣ್ಣೆ ಸ್ನಾನ ಮುಗಿಸಿ ಹೊಸ ಬಟ್ಟೆಗಳನ್ನು ಧರಿಸಿ ಹಬ್ಬದ ಆಚರಣೆಗೆ ಸಿದ್ದಗೊಳ್ಳಲಾಯಿತು.</p>.<p>ಮಧ್ಯಾಹ್ನದ ನಂತರ ಮನೆಗಳ ಮುಂದೆ ಹಟ್ಟಿ ಹಾಕುವ ಮೂಲಕ ವಿವಿಧ ಬಣ್ಣದ ಹೂವು, ಕವಚಿ ಹುಲ್ಲಿನ ಕಟ್ಟು ಹಾಗೂ ಸಗಣಿಯಿಂದ ಮಾಡಿದ ಬೆನಕನನ್ನು ಇಟ್ಟು ಪೂಜೆ ಸಲ್ಲಿಸುವ ಮೂಲಕ ಹಬ್ಬಕ್ಕೆ ಚಾಲನೆ ನೀಡಲಾಯಿತು.<br /> <br /> ನಂತರ ಮನೆಗಳ ಮುಂದೆ ಸಾಲು ಸಾಲು ಹಣತೆಗಳನ್ನು ಹಚ್ಚಿಟ್ಟು, ಅದರ ಬೆಳಕಿನಲ್ಲಿ ಹಬ್ಬದ ಸಂಭ್ರಮವನ್ನು ಆಚರಿಸಲಾಯಿತು. ಬೆಳಗುವ ಹಣತೆಗಳ ಬೆಳಕಲ್ಲಿ ಮನೆ, ಮನಗಳ ಕತ್ತಲನ್ನು ಓಡಿಸಿ ಎಲ್ಲೆಡೆ ಬೆಳಕು ಮೂಡಿಸಿ ಈ ಹಬ್ಬವನ್ನು ಸಂಭ್ರಮಿಸಲಾಯಿತು. ಸಂಜೆ ಬಣ್ಣ ಬಣ್ಣದ ಪಟಾಕಿಗಳನ್ನು ಸಿಡಿಸಿ ಹಬ್ಬಕ್ಕೆ ಕಳೆ ನೀಡಲಾಯಿತು.</p>.<p>ರಾತ್ರಿ ಹಿರಿಯರ ಪೂಜೆ ಮಾಡಿ ಹೋಳಿಗೆ ಮುಂತಾದ ಭಕ್ಷ್ಯ ಭೋಜನಗಳನ್ನು ಸೇವಿಸಿ ಕಿರಿಯರು ಹಿರಿಯರ ಕಾಲಿಗೆ ಬಿದ್ದು ಆಶೀರ್ವಾದ ಪಡೆದುಕೊಳ್ಳಲಾಯಿತು. ಕಳೆದ ಎರಡು ದಿನಗಳಿಂದ ಸಂಜೆಯ ಹೊತ್ತು ಬೀಳುತ್ತಿರುವ ಮಳೆ ಒಂದಿಷ್ಟು ಹಬ್ಬದ ಅಬ್ಬರವನ್ನು ಅಡಗಿಸಿತ್ತು.<br /> <br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>