ಚಿತ್ರೋತ್ಸವಕ್ಕೆ ವಿದ್ಯಾ ರಾಯಭಾರಿ

ಮೆಲ್ಬರ್ನ್‌ನಲ್ಲಿ ನಡೆಯಲಿರುವ ವಿಕ್ಟೋರಿಯಾ ಚಲನಚಿತ್ರೋತ್ಸವಕ್ಕೆ ವಿದ್ಯಾ ಬಾಲನ್ ರಾಯಭಾರಿಯಾಗಿ ಆಯ್ಕೆಯಾಗಿದ್ದಾರೆ.



ಈ ಬಗ್ಗೆ ಸಂತೋಷ ವ್ಯಕ್ತ ಪಡಿಸಿರುವ ವಿದ್ಯಾ ನನಗಿದು, ಬಯಸದೆ ಬಂದ ಭಾಗ್ಯವಾಗಿದೆ ಎಂದು ಉದ್ಗರಿಸಿದ್ದಾರೆ.



ವಿಕ್ಟೋರಿಯಾ ಹಾಗೂ ಭಾರತದ ಎರಡೂ ಸಮುದಾಯಗಳ ನಡುವೆ ಈ ಚಿತ್ರೋತ್ಸವ ಉತ್ತಮ ಬಾಂಧವ್ಯವನ್ನು ಬೆಸೆಯುತ್ತದೆ. ಚಿತ್ರೋದ್ಯಮಿಗಳಿಗೆ ಪ್ರೋತ್ಸಾಹವನ್ನೂ ನೀಡುತ್ತದೆ. ಇಲ್ಲಿ ಏರ್ಪಡಿಸಲಾಗಿರುವ ಶಾರ್ಟ್ ಫಿಲ್ಮ್ ಸ್ಪರ್ಧೆಯಿಂದಾಗಿ ನೂತನ ಪ್ರತಿಭೆಗಳಿಗೆ ಉತ್ತಮ ವೇದಿಕೆಯೂ ದೊರೆಯುತ್ತದೆ ಎಂದೆಲ್ಲ ಈ ಬೆಡಗಿ ಪಕ್ಕಾ ರಾಯಭಾರಿಯಂತೆಯೇ ಮಾತನಾಡತೊಡಗಿದ್ದಾಳೆ.



ಕಳೆದೆರಡು ವರ್ಷಗಳಿಂದ ಸತತವಾಗಿ ಚಿತ್ರ ರಂಗದಲ್ಲಿ ತೊಡಗಿಸಿಕೊಂಡಿದ್ದ ವಿದ್ಯಾ ಬಾಲನ್ `ಕಹಾನಿ~ ಚಿತ್ರದ ನಂತರ ಬ್ರೇಕ್ ಬೇಕು ಎಂದು ಬಯಸಿದ್ದಳು. ಆದರೆ ಅಷ್ಟರಲ್ಲಿಯೇ `ಘನ್‌ಚಕ್ಕರ್~ ಚಿತ್ರದ ಯೋಜನೆ ಸಿದ್ಧವಾಗಿತ್ತು.



ಈಗ ಈ ಸಿನಿ ಉತ್ಸವದಿಂದ ಸಣ್ಣದೊಂದು ರಜೆ ಅಥವಾ ಬಿಡುವು ಸಿಗಬಹುದು ಎಂದು ವಿದ್ಯಾ ಎಣಿಸಿದ್ದಾರೆ. ಮೆಲ್ಬರ್ನ್ ತಮ್ಮ ಅತಿ ನೆಚ್ಚಿನ ತಾಣವೆಂದು ಮೆಚ್ಚುಗೆಯ ಮಾತು ಆಡುವುದನ್ನು ಮಾತ್ರ ವಿದ್ಯಾ ಮರೆತಿಲ್ಲ.