ಜಂಟಿ ಅಧಿವೇಶನ: ರಾಷ್ಟಪತಿ ಭಾಷಣ

ನವದೆಹಲಿ, (ಯುಎನ್ಐ/ಪಿಟಿಐ): ರಾಷ್ಟ್ರಪತಿ ಪ್ರತಿಭಾ ಪಾಟೀಲ್ ಅವರು ಸೋಮವಾರ ಬೆಳಿಗ್ಗೆ ಸಂಸತ್ತಿನ ಜಂಟಿ ಅಧಿವೇಶನ ಉದ್ದೇಶಿಸಿ ಭಾಷಣಮಾಡುವುದರೊಂದಿಗೆ ಕೇಂದ್ರ ಸರ್ಕಾರದ ಬಜೆಟ್ ಅಧಿವೇಶನ ಆರಂಭವಾಯಿತು.

~ನನ್ನ   ಸರ್ಕಾರ ಈಗ ಆಡಳಿತದ ಅರ್ಧ ಅವಧಿಯನ್ನು ಪೂರೈಸಿದೆ. ಜಾಗತಿಕ ಮಟ್ಟದಲ್ಲಿ ಆರ್ಥಿಕ ಸ್ಥಿತಿ ಅನಿಶ್ಚಿತೆತೆಯಲ್ಲಿದ್ದರೂ ಭಾರತವು ತನ್ನ ಅರ್ಥಿಕ ಪರಿಸ್ಥಿತಿಯನ್ನು ಯಶಸ್ವಿಯಾಗಿ ನಿರ್ವಹಿಸಿದೆ~ ಎಂದು ಅವರ ಹೇಳಿದ್ದಾರೆ.

~ಭಾರತದ ಆರ್ಥಿಕ ವೃದ್ಧಿಯು ಉತ್ತಮ ಸ್ಥಿತಿಯಲ್ಲಿದ್ದು, ಇಷ್ಟರಲ್ಲೇ ಈ ಆರ್ಥಿಕ ವೃದ್ಧಿ ದರವು ಶೇ9 ರ ಪಥಕ್ಕೆ ಸೇರಬಹುದು~ ಎಂದು ಅವರು ಆಶಿಸಿದ್ದಾರೆ.

~ಸರ್ಕಾರವು ಭ್ರಷ್ಟಾಚಾರ ಮುಕ್ತ ಆಡಳಿತ ನೀಡಲು ಬದ್ಧವಾಗಿದ್ದು, ಈ ನಿಟ್ಟಿನಲ್ಲಿ ಲೋಕಪಾಲ್ ಮಸೂದೆ ಸೇರಿದಂತೆ ಹಲವಾರು ಕ್ರಮಗಳನ್ನು ಕೈಗೊಂಡಿದೆ~ ಎಂದಿದ್ದಾರೆ.

 

~ಕಪ್ಪು ಹಣ ನಿಗ್ರಹಕ್ಕೆ ಬಿಗಿಯಾದ ಕ್ರಮಗಳನ್ನು ಜರುಗಿಸಲು ಸರ್ಕಾರವು ಮುಂದಾಗಿದ್ದು, ಈ ದಿಶೆಯಲ್ಲಿ ಹಲವಾರು ಮಸೂದೆಗಳನ್ನು ಸಿದ್ಧಪಡಿಸಲಾಗುತ್ತಿದೆ~ ಎಂದೂ ಅವರು ತಿಳಿಸಿದ್ದಾರೆ.