<p><strong>ಫೋರ್ಸ್ಕ್ವೇರ್ ಎಂದರೇನು?<br /> </strong>ಬ್ಲ್ಯಾಕ್ಬೆರ್ರಿ, ಐಫೋನ್, ಆಂಡ್ರಾಯಿಡ್ ಮೊದಲಾದ ಮೊಬೈಲ್ ಪರಿಕರಗಳಲ್ಲಿ ಬಳಕೆಯಾಗುವ `ಲೊಕೇಷನ್ ಆಧಾರಿತ ಸೋಷಿಯಲ್ ನೆಟ್ವರ್ಕಿಂಗ್ ವೆಬ್ಸೈಟ್~ಗೆ ಫೋರ್ಸ್ಕ್ವೇರ್ ಎನ್ನುತ್ತಾರೆ. ಜಿಪಿಎಸ್ ಇರುವ ಮೊಬೈಲ್ಗಳಲ್ಲಿ ಸಾಫ್ಟ್ವೇರ್ ಮೂಲಕ ಇಂಟರ್ನೆಟ್ ಸೌಲಭ್ಯ ಸಾಧ್ಯ. 2009ರಲ್ಲಿ ಡೆನಿಸ್ ಕ್ರೌಲಿ ಹಾಗೂ ನವೀನ್ ಸೆಲ್ವದುರೈ ಫೋರ್ಸ್ಕ್ವೇರ್ ಪ್ರಾರಂಭಿಸಿದರು.</p>.<p><strong>ಅದು ಏನು ಮಾಡುತ್ತದೆ?</strong><br /> ಮೊಬೈಲ್ ಮೂಲಕವೇ ಸ್ನೇಹಿತರನ್ನು ಹುಡುಕಲು, ವಿಳಾಸಗಳನ್ನು ಪತ್ತೆಮಾಡಲು ಹಾಗೂ ಆಟವಾಡಲು ಇದು ಸಹಾಯಕ. ಈ ಜಾಲಕ್ಕೆ ಒಳಪಡುವ ಸ್ನೇಹಿತರು ತಮ್ಮ ಆಪ್ತರು ಎಲ್ಲಿದ್ದಾರೆ? ಕಚೇರಿಯಲ್ಲೇ ಇದ್ದಾರಾ ಅಥವಾ ಶಾಪಿಂಗ್ ಮಾಡುತ್ತಿದ್ದಾರಾ ಎಂಬ ವಿವರಗಳ ಹಂಚಿಕೆ ಇದರಿಂದ ಸಾಧ್ಯ.</p>.<p><strong>ಆಟವಾಡುವುದು ಹೇಗೆ ಸಾಧ್ಯ?</strong><br /> ಫೋರ್ಸ್ಕ್ವೇರ್ ಜಾಲದ ಸ್ನೇಹಿತರಲ್ಲಿ ಯಾರು ನಿರ್ದಿಷ್ಟ ಸ್ಥಳಕ್ಕೆ ಹೆಚ್ಚು ಬಾರಿ ಭೇಟಿ ನೀಡುತ್ತಾರೋ ಅವರಿಗೆ ಹೆಚ್ಚು ಪಾಯಿಂಟ್ಗಳು ಲಭಿಸುತ್ತವೆ. ಹೊಸ ಹೊಸ ಆನ್ಲೈನ್ ಚಟುವಟಿಕೆಗಳಲ್ಲಿ ತೊಡಗಿದರಂತೂ ಬ್ಯಾಡ್ಜ್ ಕೊಡಲಾಗುತ್ತದೆ. <br /> <br /> ಇಂಥ ಬ್ಯಾಡ್ಜ್ ಪಡೆದವರನ್ನು ಆ ಜಾಲವ್ಯಾಪ್ತಿಯ `ಮೇಯರ್~ ಎನ್ನುತ್ತಾರೆ. ಮೊಬೈಲ್ ಸಾಮಾಜಿಕ ಒಡನಾಟ ಹೆಚ್ಚಲಿ ಎಂದು ಈ ಯಶಸ್ವಿ ತಂತ್ರ ಹೂಡಲಾಗಿದೆ.</p>.<p><strong>ವ್ಯಾಪಾರಿಗಳಿಗೆ ಇದು ಹೇಗೆ ಲಾಭದಾಯಕ?</strong><br /> ಅಂಗಡಿಗಳು, ಕೆಫೆಗಳು ಗ್ರಾಹಕರನ್ನು ಆಕರ್ಷಿಸಲು ಫೋರ್ಸ್ಕ್ವೇರ್ ಬಳಸುತ್ತಿವೆ. ಮೇಯರ್ ಆಗುವವರಿಗೆ ಅಂಥ ಅಂಗಡಿಗಳು ಆಫರ್ಗಳನ್ನು ಮುಂದಿಡುತ್ತವೆ. ಗ್ರಾಹಕರಿಂದ ತಮ್ಮ ಮಳಿಗೆ, ಕೆಫೆಯ ಸೇವೆ ಹೇಗಿದೆ ಎಂದು ಪ್ರತಿಕ್ರಿಯೆ ಪಡೆದುಕೊಳ್ಳುತ್ತವೆ.<br /> <br /> ಇದರಿಂದ ಗ್ರಾಹಕರಿಗೂ ಮಳಿಗೆ ಅಥವಾ ಕೆಫೆಯ ಜೊತೆಗೆ ವಿಶ್ವಸನೀಯ ಸಂಬಂಧ ಬೆಳೆಯುತ್ತದೆ. ಕೆಲವು ಜಾಗತಿಕ ಬ್ರಾಂಡ್ಗಳು ಹೆಚ್ಚು ಗ್ರಾಹಕರನ್ನು ಒಳಗೊಳ್ಳಲು ಹಾಗೂ ತಮ್ಮ ಉತ್ಪನ್ನಗಳ ಪ್ರಚಾರಕ್ಕೆ ಫೋರ್ಸ್ಕ್ವೇರ್ ಬಳಸುವುದುಂಟು.</p>.<p><strong>ಈಗ ಅದೆಷ್ಟು ಜನಪ್ರಿಯ?</strong><br /> ಏಪ್ರಿಲ್ 2011ಕ್ಕೆ ಎಂಬತ್ತು ಲಕ್ಷ ಜನ ಫೋರ್ಸ್ಕ್ವೇರ್ಗೆ ನೋಂದಾಯಿಸಿಕೊಂಡಿದ್ದರು. ವಿಶ್ವ ಆರ್ಥಿಕ ಒಕ್ಕೂಟ (ದಿ ವರ್ಲ್ಡ್ ಎಕನಾಮಿಕ್ ಫೋರಂ) 2011ರ ಉದ್ದಿಮೆಯ ದಿಗ್ಗಜ ಎಂದು ಫೋರ್ಸ್ಕ್ವೇರನ್ನು ಗುರುತಿಸಿದೆ. ಏಪ್ರಿಲ್ 16, 2010ರಂದು ಉತ್ತರ ಅಮೆರಿಕದ `ಸೋಷಿಯಲ್ ನೆಟ್ವರ್ಕಿಂಗ್~ ಅಭಿಮಾನಿಗಳು `ಫೋರ್ಸ್ಕ್ವೇರ್ ದಿನ~ ಆಚರಿಸಿದರು. <br /> <br /> ವಿಶ್ವದ ಹೆಚ್ಚು ಸ್ನೇಹಿತರನ್ನು ಈ ಜಾಲದಡಿ ತರಬೇಕೆನ್ನುವುದು ದಿನಾಚರಣೆಯ ಉದ್ದೇಶ. ವರ್ಷದ 4ನೇ ತಿಂಗಳು ಏಪ್ರಿಲ್. ಹಾಗಾಗಿ ಇದು `ಫೋರ್~ ಎಂಬುದರ ಸಂಕೇತ. ಸ್ಕ್ವೇರ್ ಅಂದರೆ `ನಾಲ್ಕು ನಾಲ್ಕಲಿ ಹದಿನಾರು~ ಎನ್ನುತ್ತೇವಲ್ಲ ಹಾಗೆ. ಆದ್ದರಿಂದ 16ನೇ ತಾರೀಖು ಅದಕ್ಕೆ ಸೂಕ್ತ ಎಂದು ಅದೇ ದಿನ ನಿರ್ಧರಿಸಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಫೋರ್ಸ್ಕ್ವೇರ್ ಎಂದರೇನು?<br /> </strong>ಬ್ಲ್ಯಾಕ್ಬೆರ್ರಿ, ಐಫೋನ್, ಆಂಡ್ರಾಯಿಡ್ ಮೊದಲಾದ ಮೊಬೈಲ್ ಪರಿಕರಗಳಲ್ಲಿ ಬಳಕೆಯಾಗುವ `ಲೊಕೇಷನ್ ಆಧಾರಿತ ಸೋಷಿಯಲ್ ನೆಟ್ವರ್ಕಿಂಗ್ ವೆಬ್ಸೈಟ್~ಗೆ ಫೋರ್ಸ್ಕ್ವೇರ್ ಎನ್ನುತ್ತಾರೆ. ಜಿಪಿಎಸ್ ಇರುವ ಮೊಬೈಲ್ಗಳಲ್ಲಿ ಸಾಫ್ಟ್ವೇರ್ ಮೂಲಕ ಇಂಟರ್ನೆಟ್ ಸೌಲಭ್ಯ ಸಾಧ್ಯ. 2009ರಲ್ಲಿ ಡೆನಿಸ್ ಕ್ರೌಲಿ ಹಾಗೂ ನವೀನ್ ಸೆಲ್ವದುರೈ ಫೋರ್ಸ್ಕ್ವೇರ್ ಪ್ರಾರಂಭಿಸಿದರು.</p>.<p><strong>ಅದು ಏನು ಮಾಡುತ್ತದೆ?</strong><br /> ಮೊಬೈಲ್ ಮೂಲಕವೇ ಸ್ನೇಹಿತರನ್ನು ಹುಡುಕಲು, ವಿಳಾಸಗಳನ್ನು ಪತ್ತೆಮಾಡಲು ಹಾಗೂ ಆಟವಾಡಲು ಇದು ಸಹಾಯಕ. ಈ ಜಾಲಕ್ಕೆ ಒಳಪಡುವ ಸ್ನೇಹಿತರು ತಮ್ಮ ಆಪ್ತರು ಎಲ್ಲಿದ್ದಾರೆ? ಕಚೇರಿಯಲ್ಲೇ ಇದ್ದಾರಾ ಅಥವಾ ಶಾಪಿಂಗ್ ಮಾಡುತ್ತಿದ್ದಾರಾ ಎಂಬ ವಿವರಗಳ ಹಂಚಿಕೆ ಇದರಿಂದ ಸಾಧ್ಯ.</p>.<p><strong>ಆಟವಾಡುವುದು ಹೇಗೆ ಸಾಧ್ಯ?</strong><br /> ಫೋರ್ಸ್ಕ್ವೇರ್ ಜಾಲದ ಸ್ನೇಹಿತರಲ್ಲಿ ಯಾರು ನಿರ್ದಿಷ್ಟ ಸ್ಥಳಕ್ಕೆ ಹೆಚ್ಚು ಬಾರಿ ಭೇಟಿ ನೀಡುತ್ತಾರೋ ಅವರಿಗೆ ಹೆಚ್ಚು ಪಾಯಿಂಟ್ಗಳು ಲಭಿಸುತ್ತವೆ. ಹೊಸ ಹೊಸ ಆನ್ಲೈನ್ ಚಟುವಟಿಕೆಗಳಲ್ಲಿ ತೊಡಗಿದರಂತೂ ಬ್ಯಾಡ್ಜ್ ಕೊಡಲಾಗುತ್ತದೆ. <br /> <br /> ಇಂಥ ಬ್ಯಾಡ್ಜ್ ಪಡೆದವರನ್ನು ಆ ಜಾಲವ್ಯಾಪ್ತಿಯ `ಮೇಯರ್~ ಎನ್ನುತ್ತಾರೆ. ಮೊಬೈಲ್ ಸಾಮಾಜಿಕ ಒಡನಾಟ ಹೆಚ್ಚಲಿ ಎಂದು ಈ ಯಶಸ್ವಿ ತಂತ್ರ ಹೂಡಲಾಗಿದೆ.</p>.<p><strong>ವ್ಯಾಪಾರಿಗಳಿಗೆ ಇದು ಹೇಗೆ ಲಾಭದಾಯಕ?</strong><br /> ಅಂಗಡಿಗಳು, ಕೆಫೆಗಳು ಗ್ರಾಹಕರನ್ನು ಆಕರ್ಷಿಸಲು ಫೋರ್ಸ್ಕ್ವೇರ್ ಬಳಸುತ್ತಿವೆ. ಮೇಯರ್ ಆಗುವವರಿಗೆ ಅಂಥ ಅಂಗಡಿಗಳು ಆಫರ್ಗಳನ್ನು ಮುಂದಿಡುತ್ತವೆ. ಗ್ರಾಹಕರಿಂದ ತಮ್ಮ ಮಳಿಗೆ, ಕೆಫೆಯ ಸೇವೆ ಹೇಗಿದೆ ಎಂದು ಪ್ರತಿಕ್ರಿಯೆ ಪಡೆದುಕೊಳ್ಳುತ್ತವೆ.<br /> <br /> ಇದರಿಂದ ಗ್ರಾಹಕರಿಗೂ ಮಳಿಗೆ ಅಥವಾ ಕೆಫೆಯ ಜೊತೆಗೆ ವಿಶ್ವಸನೀಯ ಸಂಬಂಧ ಬೆಳೆಯುತ್ತದೆ. ಕೆಲವು ಜಾಗತಿಕ ಬ್ರಾಂಡ್ಗಳು ಹೆಚ್ಚು ಗ್ರಾಹಕರನ್ನು ಒಳಗೊಳ್ಳಲು ಹಾಗೂ ತಮ್ಮ ಉತ್ಪನ್ನಗಳ ಪ್ರಚಾರಕ್ಕೆ ಫೋರ್ಸ್ಕ್ವೇರ್ ಬಳಸುವುದುಂಟು.</p>.<p><strong>ಈಗ ಅದೆಷ್ಟು ಜನಪ್ರಿಯ?</strong><br /> ಏಪ್ರಿಲ್ 2011ಕ್ಕೆ ಎಂಬತ್ತು ಲಕ್ಷ ಜನ ಫೋರ್ಸ್ಕ್ವೇರ್ಗೆ ನೋಂದಾಯಿಸಿಕೊಂಡಿದ್ದರು. ವಿಶ್ವ ಆರ್ಥಿಕ ಒಕ್ಕೂಟ (ದಿ ವರ್ಲ್ಡ್ ಎಕನಾಮಿಕ್ ಫೋರಂ) 2011ರ ಉದ್ದಿಮೆಯ ದಿಗ್ಗಜ ಎಂದು ಫೋರ್ಸ್ಕ್ವೇರನ್ನು ಗುರುತಿಸಿದೆ. ಏಪ್ರಿಲ್ 16, 2010ರಂದು ಉತ್ತರ ಅಮೆರಿಕದ `ಸೋಷಿಯಲ್ ನೆಟ್ವರ್ಕಿಂಗ್~ ಅಭಿಮಾನಿಗಳು `ಫೋರ್ಸ್ಕ್ವೇರ್ ದಿನ~ ಆಚರಿಸಿದರು. <br /> <br /> ವಿಶ್ವದ ಹೆಚ್ಚು ಸ್ನೇಹಿತರನ್ನು ಈ ಜಾಲದಡಿ ತರಬೇಕೆನ್ನುವುದು ದಿನಾಚರಣೆಯ ಉದ್ದೇಶ. ವರ್ಷದ 4ನೇ ತಿಂಗಳು ಏಪ್ರಿಲ್. ಹಾಗಾಗಿ ಇದು `ಫೋರ್~ ಎಂಬುದರ ಸಂಕೇತ. ಸ್ಕ್ವೇರ್ ಅಂದರೆ `ನಾಲ್ಕು ನಾಲ್ಕಲಿ ಹದಿನಾರು~ ಎನ್ನುತ್ತೇವಲ್ಲ ಹಾಗೆ. ಆದ್ದರಿಂದ 16ನೇ ತಾರೀಖು ಅದಕ್ಕೆ ಸೂಕ್ತ ಎಂದು ಅದೇ ದಿನ ನಿರ್ಧರಿಸಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
