ಮಂಗಳವಾರ, ಮೇ 11, 2021
21 °C

ಜೆದ್ದಾ: ವಿಶ್ವದ ಅತ್ಯಂತ ಎತ್ತರದ ಗೋಪುರ ನಿರ್ಮಾಣ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ದುಬೈ (ಪಿಟಿಐ): ಒಂದು ಸಾವಿರ ಮೀಟರ್ ಉದ್ದದ ಮತ್ತು 6,330 ಕೋಟಿ ರೂಪಾಯಿ ವೆಚ್ಚದ ವಿಶ್ವದ ಅತ್ಯಂತ ಎತ್ತರದ ಗೋಪುರ ಸೌದಿ ಅರೇಬಿಯಾದ ಜೆದ್ದಾ ನಗರದಲ್ಲಿ ನಿರ್ಮಾಣವಾಗಲಿದೆ.



ಕಿಂಗ್‌ಡಂ ಹೋಲ್ಡಿಂಗ್ ಕಂಪೆನಿ (ಕೆಎಚ್‌ಸಿ) ಅಧ್ಯಕ್ಷ ಅಬ್ದುಲ್ ಅಜೀಜ್ ಅಲ್ಸೌದ್ ಅವರು ಸೋಮವಾರ ಈ ವಿಷಯ ಪ್ರಕಟಿಸಿದರು. 63 ತಿಂಗಳಲ್ಲಿ ಕಟ್ಟಡ ಪೂರ್ಣಗೊಳಿಸಲು ಉದ್ದೇಶಿಸಲಾಗಿದೆ ಎಂದು ತಿಳಿಸಿದರು.



ಸೌದಿ ಅರೇಬಿಯಾ ಮೂಲದ ಕೆಎಚ್‌ಸಿ ವಿಶ್ವದ ದೊಡ್ಡ ಮತ್ತು ಬಂಡವಾಳ ಹೂಡಿಕೆಯ ಖಾಸಗಿ ಸಂಸ್ಥೆಗಳಲ್ಲಿ ಒಂದಾಗಿದೆ. ಈ ಸಂಸ್ಥೆ ನಿರ್ಮಿಸುತ್ತಿರುವ ವಿಶ್ವದ ಎತ್ತರದ ಮೊದಲ ಗೋಪುರ ಇದಾಗಿದೆ. ಕಟ್ಟಡ ನಿರ್ಮಾಣಕ್ಕೆ ಸೌದಿ ಬಿನ್ ಲಾಡೆನ್ ಗ್ರೂಪ್ (ಎಸ್‌ಬಿಜಿ) ಸಂಸ್ಥೆ 2,065 ಕೋಟಿ ರೂಪಾಯಿ ಬಂಡವಾಳ ತೊಡಗಿಸಿದೆ ಎಂದು ಅವರು ವಿವರಿಸಿದರು. ಗೋಪುರ ನಿರ್ಮಾಣಕ್ಕಾಗಿ ಜೆದ್ದಾ ನಗರಸಭೆಯಿಂದ ಫೆಬ್ರುವರಿಯಲ್ಲಿಯೇ ಪರವಾನಗಿಯನ್ನು ಪಡೆಯಲಾಗಿದೆ ಎಂದು ತಿಳಿಸಿದರು.



 

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.