<p><strong>ಕಾರ್ಗಲ್ (ಶಿವಮೊಗ್ಗ):</strong> ಜೋಗದ ಮಹಾತ್ಮಗಾಂಧಿ ವಿದ್ಯುದಾಗಾರದಲ್ಲಿ ವಿದ್ಯುತ್ ಉತ್ಪಾದನೆ ಆರಂಭಗೊಂಡಿದ್ದರೂ, ಸುಮಾರು 50 ವರ್ಷಗಳಷ್ಟು ಹಳೆಯದಾದ ಘಟಕಗಳು ನಿರ್ವಹಣೆ ಮಾಡುವುದು ಕಷ್ಟದ ಕೆಲಸವಾಗಿದೆ. ಹಾಗಾಗಿ ನಿರೀಕ್ಷೆಯ ಪ್ರಮಾಣದಲ್ಲಿ ವಿದ್ಯುತ್ ಉತ್ಪಾದನೆಗೆ ಘಟಕಗಳು ಸ್ಪಂದಿಸುತ್ತಿಲ್ಲ ಎಂದು ಕೆಪಿಸಿಯ ಮುಖ್ಯ ಎಂಜಿನಿಯರ್ ಜಿ. ಹನುಮಂತಪ್ಪ ಅಭಿಪ್ರಾಯಪಟ್ಟರು.<br /> <br /> ವಿದ್ಯುದಾಗಾರದ ಒಂದು ಘಟಕದಿಂದ 17 ಮೆಗಾವ್ಯಾಟ್ ವಿದ್ಯುತ್ ಉತ್ಪಾದನೆಯಾಗುತ್ತಿದ್ದು, ಮತ್ತೊಂದು ಘಟಕ ಭಾನುವಾರದಿಂದ ಕಾರ್ಯ ನಿರ್ವಹಿಸುವ ಸಾಧ್ಯತೆಯಿದೆ. ಈ ನಿಟ್ಟಿನಲ್ಲಿ ನುರಿತ ತಂತ್ರಜ್ಞರ ತಂಡ ದುರಸ್ತಿ ಕಾರ್ಯದಲ್ಲಿ ತೊಡಗಿದೆ ಎಂದು `ಪ್ರಜಾವಾಣಿ~ಗೆ ತಿಳಿಸಿದರು.<br /> <br /> ನಾಲೆ ಕುಸಿದು ಎರಡೂವರೆ ತಿಂಗಳಿನಿಂದ ಸ್ಥಗಿತಗೊಂಡಿದ್ದ ಘಟಕಗಳಿಗೆ ನೀರು ಪೂರೈಸುತ್ತಿದ್ದ ಪೆನ್ ಸ್ಟಾಕ್ ಪೈಪ್ಗಳ ಜಾಯಿಂಟ್ಗಳು ರಿಪೇರಿಯಾಗಬೇಕಿದ್ದು, ಅವುಗಳ ಜಾಕೆಟ್ಗಳನ್ನು ಹೊಸದಾಗಿ ಅಳಡಿಸಲಾಗುತ್ತಿದೆ ಎಂದರು.<br /> <br /> ಹಿಂದೆ ಪೋರ್ ಭೇ ಚಾನಲ್ನಿಂದ ಹರಿದು ಬರುತ್ತಿದ್ದ ನೀರಿನಲ್ಲಿ 8 ಘಟಕಗಳು ಕಾರ್ಯ ನಿರ್ವಹಿಸಿ 140 ಮೆಗಾ ವ್ಯಾಟ್ ವಿದ್ಯುತ್ ಉತ್ಪಾದನೆ ಆಗುತ್ತಿದ್ದ ಬಗ್ಗೆ ಅವರ ಗಮನ ಸೆಳೆದಾಗ, ಹಳೆಯದಾದ ಘಟಕಗಳಿಂದ ವಿದ್ಯುತ್ ಉತ್ಪಾದನೆ ಕುಂಠಿತವಾಗಿದೆ. <br /> </p>.<p>ಘಟಕಗಳ ಪುನರ್ ನವೀಕರಣದ ಅಗತ್ಯ ಇದೆ. ಅಲ್ಲದೆ ಹಾಲಿ ನಾಲೆಯಲ್ಲಿ ಹರಿದು ಬರುತ್ತಿರುವ ನೀರು ಎಲ್ಲಾ ಘಟಕಗಳ ನಿರ್ವಹಣೆಗೆ ಸಾಕಾಗುತ್ತಿಲ್ಲ. ಲಭ್ಯವಿರುವ ನೀರಿನಿಂದ ಕೇವಲ 38 ಮೆಗಾವ್ಯಾಟ್ ವಿದ್ಯುತ್ ಉತ್ಪಾದಿಸಲು ಇಲ್ಲಿ ಸಾಧ್ಯ ಎಂದು ವಿವರಿಸಿದರು.<br /> <br /> ಶರಾವತಿ ವಿದ್ಯುದಾಗಾರದಲ್ಲಿ 980, ಲಿಂಗನಮಕ್ಕಿಯಲ್ಲಿ 55, ಮತ್ತು ಗೇರುಸೊಪ್ಪದಲ್ಲಿ 240, ಎಂ.ಜಿ.ಎಚ್.ಇ ನಲ್ಲಿ 17 ಮೆಗಾವ್ಯಾಟ್ನಂತೆ ಶರಾವತಿ ಕೊಳ್ಳದಲ್ಲಿ ಒಟ್ಟು 1,292 ಮೆಗಾವ್ಯಾಟ್ ವಿದ್ಯುತ್ ಉತ್ಪಾದಿಸಲಾಗುತ್ತಿದೆ ಎಂದು ಮಾಹಿತಿ ನೀಡಿದರು.<br /> <br /> ಈ ವಿದ್ಯುದಾಗಾರಕ್ಕೆ ಬಳಕೆಯಾಗಬೇಕಿದ್ದ ನೀರು, ದುರಸ್ತಿ ಕಾರ್ಯದ ನಿಮಿತ್ತ ಕಳೆದ ಎರಡೂವರೆ ತಿಂಗಳಿನಿಂದ, 600 ಕ್ಯೂಸೆಕ್ನಿಂದ 1,200 ಕ್ಯೂಸೆಕ್ವರೆಗೂ ನಿರಂತರವಾಗಿ ನದಿಗೆ ಹರಿದು ಜೋಗ ಜಲಪಾತದಲ್ಲಿ ಧುಮುಕುತ್ತಿದೆ. ಇದು ಪ್ರವಾಸಿಗರಿಗೆ ಜೋಗ ಜಲಪಾತದ ಅದ್ಭುತ ಸೌಂದರ್ಯ ಸವಿಯಲು ಅವಕಾಶವಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕಾರ್ಗಲ್ (ಶಿವಮೊಗ್ಗ):</strong> ಜೋಗದ ಮಹಾತ್ಮಗಾಂಧಿ ವಿದ್ಯುದಾಗಾರದಲ್ಲಿ ವಿದ್ಯುತ್ ಉತ್ಪಾದನೆ ಆರಂಭಗೊಂಡಿದ್ದರೂ, ಸುಮಾರು 50 ವರ್ಷಗಳಷ್ಟು ಹಳೆಯದಾದ ಘಟಕಗಳು ನಿರ್ವಹಣೆ ಮಾಡುವುದು ಕಷ್ಟದ ಕೆಲಸವಾಗಿದೆ. ಹಾಗಾಗಿ ನಿರೀಕ್ಷೆಯ ಪ್ರಮಾಣದಲ್ಲಿ ವಿದ್ಯುತ್ ಉತ್ಪಾದನೆಗೆ ಘಟಕಗಳು ಸ್ಪಂದಿಸುತ್ತಿಲ್ಲ ಎಂದು ಕೆಪಿಸಿಯ ಮುಖ್ಯ ಎಂಜಿನಿಯರ್ ಜಿ. ಹನುಮಂತಪ್ಪ ಅಭಿಪ್ರಾಯಪಟ್ಟರು.<br /> <br /> ವಿದ್ಯುದಾಗಾರದ ಒಂದು ಘಟಕದಿಂದ 17 ಮೆಗಾವ್ಯಾಟ್ ವಿದ್ಯುತ್ ಉತ್ಪಾದನೆಯಾಗುತ್ತಿದ್ದು, ಮತ್ತೊಂದು ಘಟಕ ಭಾನುವಾರದಿಂದ ಕಾರ್ಯ ನಿರ್ವಹಿಸುವ ಸಾಧ್ಯತೆಯಿದೆ. ಈ ನಿಟ್ಟಿನಲ್ಲಿ ನುರಿತ ತಂತ್ರಜ್ಞರ ತಂಡ ದುರಸ್ತಿ ಕಾರ್ಯದಲ್ಲಿ ತೊಡಗಿದೆ ಎಂದು `ಪ್ರಜಾವಾಣಿ~ಗೆ ತಿಳಿಸಿದರು.<br /> <br /> ನಾಲೆ ಕುಸಿದು ಎರಡೂವರೆ ತಿಂಗಳಿನಿಂದ ಸ್ಥಗಿತಗೊಂಡಿದ್ದ ಘಟಕಗಳಿಗೆ ನೀರು ಪೂರೈಸುತ್ತಿದ್ದ ಪೆನ್ ಸ್ಟಾಕ್ ಪೈಪ್ಗಳ ಜಾಯಿಂಟ್ಗಳು ರಿಪೇರಿಯಾಗಬೇಕಿದ್ದು, ಅವುಗಳ ಜಾಕೆಟ್ಗಳನ್ನು ಹೊಸದಾಗಿ ಅಳಡಿಸಲಾಗುತ್ತಿದೆ ಎಂದರು.<br /> <br /> ಹಿಂದೆ ಪೋರ್ ಭೇ ಚಾನಲ್ನಿಂದ ಹರಿದು ಬರುತ್ತಿದ್ದ ನೀರಿನಲ್ಲಿ 8 ಘಟಕಗಳು ಕಾರ್ಯ ನಿರ್ವಹಿಸಿ 140 ಮೆಗಾ ವ್ಯಾಟ್ ವಿದ್ಯುತ್ ಉತ್ಪಾದನೆ ಆಗುತ್ತಿದ್ದ ಬಗ್ಗೆ ಅವರ ಗಮನ ಸೆಳೆದಾಗ, ಹಳೆಯದಾದ ಘಟಕಗಳಿಂದ ವಿದ್ಯುತ್ ಉತ್ಪಾದನೆ ಕುಂಠಿತವಾಗಿದೆ. <br /> </p>.<p>ಘಟಕಗಳ ಪುನರ್ ನವೀಕರಣದ ಅಗತ್ಯ ಇದೆ. ಅಲ್ಲದೆ ಹಾಲಿ ನಾಲೆಯಲ್ಲಿ ಹರಿದು ಬರುತ್ತಿರುವ ನೀರು ಎಲ್ಲಾ ಘಟಕಗಳ ನಿರ್ವಹಣೆಗೆ ಸಾಕಾಗುತ್ತಿಲ್ಲ. ಲಭ್ಯವಿರುವ ನೀರಿನಿಂದ ಕೇವಲ 38 ಮೆಗಾವ್ಯಾಟ್ ವಿದ್ಯುತ್ ಉತ್ಪಾದಿಸಲು ಇಲ್ಲಿ ಸಾಧ್ಯ ಎಂದು ವಿವರಿಸಿದರು.<br /> <br /> ಶರಾವತಿ ವಿದ್ಯುದಾಗಾರದಲ್ಲಿ 980, ಲಿಂಗನಮಕ್ಕಿಯಲ್ಲಿ 55, ಮತ್ತು ಗೇರುಸೊಪ್ಪದಲ್ಲಿ 240, ಎಂ.ಜಿ.ಎಚ್.ಇ ನಲ್ಲಿ 17 ಮೆಗಾವ್ಯಾಟ್ನಂತೆ ಶರಾವತಿ ಕೊಳ್ಳದಲ್ಲಿ ಒಟ್ಟು 1,292 ಮೆಗಾವ್ಯಾಟ್ ವಿದ್ಯುತ್ ಉತ್ಪಾದಿಸಲಾಗುತ್ತಿದೆ ಎಂದು ಮಾಹಿತಿ ನೀಡಿದರು.<br /> <br /> ಈ ವಿದ್ಯುದಾಗಾರಕ್ಕೆ ಬಳಕೆಯಾಗಬೇಕಿದ್ದ ನೀರು, ದುರಸ್ತಿ ಕಾರ್ಯದ ನಿಮಿತ್ತ ಕಳೆದ ಎರಡೂವರೆ ತಿಂಗಳಿನಿಂದ, 600 ಕ್ಯೂಸೆಕ್ನಿಂದ 1,200 ಕ್ಯೂಸೆಕ್ವರೆಗೂ ನಿರಂತರವಾಗಿ ನದಿಗೆ ಹರಿದು ಜೋಗ ಜಲಪಾತದಲ್ಲಿ ಧುಮುಕುತ್ತಿದೆ. ಇದು ಪ್ರವಾಸಿಗರಿಗೆ ಜೋಗ ಜಲಪಾತದ ಅದ್ಭುತ ಸೌಂದರ್ಯ ಸವಿಯಲು ಅವಕಾಶವಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>