<p>ನ್ಯೂಯಾರ್ಕ್ (ಪಿಟಿಐ): ಅಮೋಘ ಪ್ರದರ್ಶನ ಮುಂದುವರಿಸಿರುವ ಭಾರತದ ಲಿಯಾಂಡರ್ ಪೇಸ್ ಹಾಗೂ ಮಹೇಶ್ ಭೂಪತಿ ಇಲ್ಲಿ ನಡೆಯುತ್ತಿರುವ ಅಮೆರಿಕ ಓಪನ್ ಟೆನಿಸ್ ಟೂರ್ನಿಯ ಪುರುಷರ ಡಬಲ್ಸ್ನಲ್ಲಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದಾರೆ.<br /> <br /> ಪೇಸ್-ಭೂಪತಿ 6-4, 7-5ರಲ್ಲಿ ಭಾರತದ ಸೋಮದೇವ್ ದೇವ್ವರ್ಮನ್ ಹಾಗೂ ಫಿಲಿಪ್ಪೀನ್ಸ್ನ ಟ್ರೀಟ್ ಕೊನ್ರಾಡ್ ಹ್ಯೂ ಅವರನ್ನು ಮಣಿಸಿದರು. ನಾಲ್ಕನೇ ಶ್ರೇಯಾಂಕದ ಭಾರತದ ಜೋಡಿಯನ್ನು ಪ್ರತಿ ಹಂತದಲ್ಲೂ ಸೋಮ್ ಹಾಗೂ ಟ್ರೀಟ್ ಕಾಡಿದರು. ಹಾಗಾಗಿ ಈ ಪಂದ್ಯ ಒಂದೂವರೆ ಗಂಟೆ ನಡೆಯಿತು.<br /> <br /> ಮೊದಲ ಸೆಟ್ನಲ್ಲಿಯೇ ಆಕರ್ಷಕ ಏಸ್ಗಳನ್ನು ಸಿಡಿಸಿದ ಸೋಮ್ ಹಾಗೂ ಟ್ರೀಟ್ ಗೆಲುವಿನ ಸನಿಹ ಬಂದಿದ್ದರು. ಆದರೆ ಸ್ವಯಂಕೃತ ತಪ್ಪುಗಳನ್ನು ಎಸಗಿ ಎಡವಟ್ಟು ಮಾಡಿಕೊಂಡರು. ಅನುಭವಿ ಆಟಗಾರರಾದ ಪೇಸ್ ಹಾಗೂ ಭೂಪತಿ ಈ ಅವಕಾಶದ ಸದುಪಯೋಗ ಪಡೆದು 6-4ರಲ್ಲಿ ಸೆಟ್ ಜಯಿಸಿದರು.<br /> <br /> ಎರಡನೇ ಸೆಟ್ ಗೆಲ್ಲಲು ಕೂಡ `ಇಂಡಿಯನ್ ಎಕ್ಸ್ಪ್ರೆಸ್~ ಜೋಡಿ ಖ್ಯಾತಿಯ ಪೇಸ್ ಹಾಗೂ ಭೂಪತಿ ಸಾಕಷ್ಟು ಕಷ್ಟಪಡಬೇಕಾಯಿತು. ಆದರೆ ಈ ಆಟಗಾರರು ತಮ್ಮ ಅನುಭವದ ನೆರವು ಪಡೆದು ಎದುರಾಳಿ ಆಟಗಾರರ ಮೇಲೆ ಒತ್ತಡ ಹೇರಿದರು.<br /> <br /> ಭಾರತದ ಜೋಡಿ ಎಂಟರ ಘಟ್ಟದ ಪಂದ್ಯದಲ್ಲಿ ಪೋಲೆಂಡ್ನ ಮರಿಯುಸ್ ಫಿಸ್ಟೆನ್ಬರ್ಗ್ ಹಾಗೂ ಮಾರ್ಸಿನ್ ಮಟ್ಕೊಸ್ಕಿ ಎದುರುಆಡಲಿದೆ. <br /> <br /> ಭಾರತ ರೋಹನ್ ಬೋಪಣ್ಣ ಹಾಗೂ ಪಾಕಿಸ್ತಾನದ ಐಸಾಮ್ ಉಲ್ ಹಕ್ ಖುರೇಶಿ ಈಗಾಗಲೇ ಎಂಟರ ಘಟ್ಟ ತಲುಪಿದ್ದಾರೆ. <br /> <br /> ಮಿಶ್ರ ಡಬಲ್ಸ್ನಲ್ಲಿ ಪೇಸ್ ಹಾಗೂ ರಷ್ಯಾದ ಎಲೆನಾ ವೆಸ್ನಿನಾ ಸೆಮಿಫೈನಲ್ ತಲುಪಿದ್ದಾರೆ. ಅವರು 6-2, 6-4ರಲ್ಲಿ ಒಲ್ಗಾ ಗೊವರ್ಸೊವಾ ಹಾಗೂ ಮಾಟ್ಕೊಸ್ಕಿ ಎದುರು ಗೆದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ನ್ಯೂಯಾರ್ಕ್ (ಪಿಟಿಐ): ಅಮೋಘ ಪ್ರದರ್ಶನ ಮುಂದುವರಿಸಿರುವ ಭಾರತದ ಲಿಯಾಂಡರ್ ಪೇಸ್ ಹಾಗೂ ಮಹೇಶ್ ಭೂಪತಿ ಇಲ್ಲಿ ನಡೆಯುತ್ತಿರುವ ಅಮೆರಿಕ ಓಪನ್ ಟೆನಿಸ್ ಟೂರ್ನಿಯ ಪುರುಷರ ಡಬಲ್ಸ್ನಲ್ಲಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದಾರೆ.<br /> <br /> ಪೇಸ್-ಭೂಪತಿ 6-4, 7-5ರಲ್ಲಿ ಭಾರತದ ಸೋಮದೇವ್ ದೇವ್ವರ್ಮನ್ ಹಾಗೂ ಫಿಲಿಪ್ಪೀನ್ಸ್ನ ಟ್ರೀಟ್ ಕೊನ್ರಾಡ್ ಹ್ಯೂ ಅವರನ್ನು ಮಣಿಸಿದರು. ನಾಲ್ಕನೇ ಶ್ರೇಯಾಂಕದ ಭಾರತದ ಜೋಡಿಯನ್ನು ಪ್ರತಿ ಹಂತದಲ್ಲೂ ಸೋಮ್ ಹಾಗೂ ಟ್ರೀಟ್ ಕಾಡಿದರು. ಹಾಗಾಗಿ ಈ ಪಂದ್ಯ ಒಂದೂವರೆ ಗಂಟೆ ನಡೆಯಿತು.<br /> <br /> ಮೊದಲ ಸೆಟ್ನಲ್ಲಿಯೇ ಆಕರ್ಷಕ ಏಸ್ಗಳನ್ನು ಸಿಡಿಸಿದ ಸೋಮ್ ಹಾಗೂ ಟ್ರೀಟ್ ಗೆಲುವಿನ ಸನಿಹ ಬಂದಿದ್ದರು. ಆದರೆ ಸ್ವಯಂಕೃತ ತಪ್ಪುಗಳನ್ನು ಎಸಗಿ ಎಡವಟ್ಟು ಮಾಡಿಕೊಂಡರು. ಅನುಭವಿ ಆಟಗಾರರಾದ ಪೇಸ್ ಹಾಗೂ ಭೂಪತಿ ಈ ಅವಕಾಶದ ಸದುಪಯೋಗ ಪಡೆದು 6-4ರಲ್ಲಿ ಸೆಟ್ ಜಯಿಸಿದರು.<br /> <br /> ಎರಡನೇ ಸೆಟ್ ಗೆಲ್ಲಲು ಕೂಡ `ಇಂಡಿಯನ್ ಎಕ್ಸ್ಪ್ರೆಸ್~ ಜೋಡಿ ಖ್ಯಾತಿಯ ಪೇಸ್ ಹಾಗೂ ಭೂಪತಿ ಸಾಕಷ್ಟು ಕಷ್ಟಪಡಬೇಕಾಯಿತು. ಆದರೆ ಈ ಆಟಗಾರರು ತಮ್ಮ ಅನುಭವದ ನೆರವು ಪಡೆದು ಎದುರಾಳಿ ಆಟಗಾರರ ಮೇಲೆ ಒತ್ತಡ ಹೇರಿದರು.<br /> <br /> ಭಾರತದ ಜೋಡಿ ಎಂಟರ ಘಟ್ಟದ ಪಂದ್ಯದಲ್ಲಿ ಪೋಲೆಂಡ್ನ ಮರಿಯುಸ್ ಫಿಸ್ಟೆನ್ಬರ್ಗ್ ಹಾಗೂ ಮಾರ್ಸಿನ್ ಮಟ್ಕೊಸ್ಕಿ ಎದುರುಆಡಲಿದೆ. <br /> <br /> ಭಾರತ ರೋಹನ್ ಬೋಪಣ್ಣ ಹಾಗೂ ಪಾಕಿಸ್ತಾನದ ಐಸಾಮ್ ಉಲ್ ಹಕ್ ಖುರೇಶಿ ಈಗಾಗಲೇ ಎಂಟರ ಘಟ್ಟ ತಲುಪಿದ್ದಾರೆ. <br /> <br /> ಮಿಶ್ರ ಡಬಲ್ಸ್ನಲ್ಲಿ ಪೇಸ್ ಹಾಗೂ ರಷ್ಯಾದ ಎಲೆನಾ ವೆಸ್ನಿನಾ ಸೆಮಿಫೈನಲ್ ತಲುಪಿದ್ದಾರೆ. ಅವರು 6-2, 6-4ರಲ್ಲಿ ಒಲ್ಗಾ ಗೊವರ್ಸೊವಾ ಹಾಗೂ ಮಾಟ್ಕೊಸ್ಕಿ ಎದುರು ಗೆದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
