<p><strong> ಲಂಡನ್ (ಪಿಟಿಐ):</strong> ವಿಶ್ವ ಅಗ್ರರ್ಯಾಂಕ್ನ ಆಟಗಾರ್ತಿ ಮರಿಯಾ ಶರ್ಪೋವಾ ಅವರಿಗೆ ನಾಲ್ಕನೇ ಸುತ್ತಿನಲ್ಲಿಯೇ ಆಘಾತ ಎದುರಾಗಿದೆ. ಎರಡು ವಾರಗಳ ಹಿಂದೆಯಷ್ಟೇ ಫ್ರೆಂಚ್ ಓಪನ್ ಜಯಿಸಿದ್ದ ರಷ್ಯಾದ ಈ ಆಟಗಾರ್ತಿ ವಿಂಬಲ್ಡನ್ ಟೆನಿಸ್ ಚಾಂಪಿಯನ್ಷಿಪ್ನಿಂದ ಹೊರಬಿದ್ದಿದ್ದಾರೆ.<br /> <br /> ಆಲ್ ಇಂಗ್ಲೆಂಡ್ ಕ್ಲಬ್ನ ಒಂದನೇ ಕೋರ್ಟ್ನಲ್ಲಿ ಸೋಮವಾರ ನಡೆದ ಮಹಿಳೆಯರ ಸಿಂಗಲ್ಸ್ನ ನಾಲ್ಕನೇ ಸುತ್ತಿನ ಪಂದ್ಯದಲ್ಲಿ ಶರ್ಪೋವಾ 4-6, 3-6ರಲ್ಲಿ ಜರ್ಮನಿಯ ಸಬಿನ್ ಲಿಸಿಕಿ ಎದುರು ಪರಾಭವಗೊಂಡರು. ಎರಡನೇ ಬಾರಿ ವಿಂಬಲ್ಡನ್ ಗ್ರ್ಯಾನ್ಸ್ಲಾಮ್ ಗೆಲ್ಲುವ ಕನಸಿನೊಂದಿಗೆ ಇಲ್ಲಿಗೆ ಬಂದಿದ್ದ ಅವರ ಆಸೆ ಭಗ್ನಗೊಂಡಿತು.<br /> ವಿಶ್ವದ 15ನೇ ರ್ಯಾಂಕ್ನ ಲಿಸಿಕಿ ಈ ಮೂಲಕ ಕ್ವಾರ್ಟರ್ ಫೈನಲ್ನಲ್ಲಿ ಆಡಲು ಪ್ರವೇಶ ಪಡೆದುಕೊಂಡರು. 2011ರ ವಿಂಬಲ್ಡನ್ನ ಸೆಮಿಫೈನಲ್ನಲ್ಲಿ ಶರ್ಪೋವಾ ವಿರುದ್ಧ ಸೋಲು ಕಂಡಿದ್ದ ಅವರು ಇಲ್ಲಿ ಸೇಡು ತೀರಿಸಿಕೊಂಡರು.<br /> <br /> ನಾಲ್ಕು ಬಾರಿಯ ವಿಂಬಲ್ಡನ್ ಚಾಂಪಿಯನ್ ಅಮೆರಿಕದ ಸೆರೆನಾ ವಿಲಿಯಮ್ಸ ಹಾಗೂ ಹಾಲಿ ಚಾಂಪಿಯನ್ ಪೆಟ್ರೊ ಕ್ವಿಟೋವಾ ಅವರು ಎಂಟರ ಘಟ್ಟ ಪ್ರವೇಶಿಸುವ ಮುನ್ನ ಭಾರಿ ಸವಾಲು ಎದುರಿಸಬೇಕಾಯಿತು. ನಾಲ್ಕನೇ ಸುತ್ತಿನ ಪಂದ್ಯದಲ್ಲಿ ಸೆರೆನಾ 6-1, 2-6, 7-5ರಲ್ಲಿ ಕಜಕಸ್ತಾನದ ಯಾರೊಸ್ಲೇವಾ ಶ್ವೆಡೋವಾ ಎದುರು ಗೆದ್ದರು. ಶ್ವೆಡೋವಾ ಎರಡನೇ ಸೆಟ್ ಗೆದ್ದು ವಿಲಿಯಮ್ಸಗೆ ಆಘಾತ ನೀಡಲು ಪ್ರಯತ್ನಿಸಿದರು. ಈ ಸೆಟ್ನಲ್ಲಿ ಸೆರೆನಾ ತುಂಬಾ ಪರದಾಡಿದರು. ಆದರೆ ನಿರ್ಣಾಯಕ ಸೆಟ್ನಲ್ಲಿ ಅಮೆರಿಕದ ಆಟಗಾರ್ತಿ ತಿರುಗೇಟು ನೀಡಿದರು.<br /> <br /> ನಾಲ್ಕನೇ ಶ್ರೇಯಾಂಕದ ಆಟಗಾರ್ತಿ ಜೆಕ್ ಗಣರಾಜ್ಯದ ಕ್ವಿಟೋವಾ 4-6, 7-5, 6-1ರಲ್ಲಿ ಇಟಲಿಯ ಫ್ರಾನ್ಸೆಸ್ಕಾ ಶಿಯಾವೋನ್ ಎದುರು ಜಯ ಗಳಿಸಿದರು. ಆದರೆ ಬೆಲ್ಜಿಯಂನ ಕಿಮ್ ಕ್ಲೈಸ್ಟರ್ಸ್ ಆಘಾತ ಅನುಭವಿಸಿದರು. ಅವರು 1-6, 1-6ರಲ್ಲಿ ಜರ್ಮನಿಯ ಆ್ಯಂಜಲಿಕ್ ಕರ್ಬರ್ ಎದುರು ಸೋತರು. ಇನ್ನುಳಿದ ಪಂದ್ಯಗಳಲ್ಲಿ ತಮಿರಾ ಪಜೆಕ್ 6-2, 6-2ರಲ್ಲಿ ಇಟಲಿಯ ರಾಬೆರ್ಟಾ ವಿನ್ಸಿ ಎದುರೂ, ಪೋಲೆಂಡ್ನ ಅಗ್ನಿಸ್ಕಾ ರಾಡ್ವಾಂಸ್ಕಾ ವಿರುದ್ಧವೂ ಜಯ ಸಾಧಿಸಿದರು. <br /> <br /> <strong>ಫೆಡರರ್ಗೆ ಜಯ:</strong> ಮೂರನೇ ಶ್ರೇಯಾಂಕದ ಆಟಗಾರ ರೋಜರ್ ಫೆಡರರ್ ಪುರುಷರ ವಿಭಾಗದ ಸಿಂಗಲ್ಸ್ನಲ್ಲಿ ಕ್ವಾರ್ಟರ್ ಫೈನಲ್ ತಲುಪಿದರು. ಬೆನ್ನು ನೋವಿಗೆ ಒಳಗಾಗಿರುವ ಅವರು ನಾಲ್ಕನೇ ಸುತ್ತಿನ ಪಂದ್ಯದಲ್ಲಿ 7-6, 6-1, 4-6, 6-3ರಲ್ಲಿ ಬೆಲ್ಜಿಯಂನ ಕ್ಸೇವಿಯರ್ ಮಲಿಸ್ ಎದುರು ಗೆದ್ದರು. ಮತ್ತೊಂದು ಪಂದ್ಯದಲ್ಲಿ ಮಿಖಾಯಿಲ್ ಯೋಜ್ನಿ 6-3, 5-7, 6-4, 7-6, 5-7ರಲ್ಲಿ ಉಜ್ಬೆಕಿಸ್ತಾನದ ಡೆನಿಸ್ ಇಸ್ತೊಮಿನ್ ಅವರನ್ನು ಮಣಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong> ಲಂಡನ್ (ಪಿಟಿಐ):</strong> ವಿಶ್ವ ಅಗ್ರರ್ಯಾಂಕ್ನ ಆಟಗಾರ್ತಿ ಮರಿಯಾ ಶರ್ಪೋವಾ ಅವರಿಗೆ ನಾಲ್ಕನೇ ಸುತ್ತಿನಲ್ಲಿಯೇ ಆಘಾತ ಎದುರಾಗಿದೆ. ಎರಡು ವಾರಗಳ ಹಿಂದೆಯಷ್ಟೇ ಫ್ರೆಂಚ್ ಓಪನ್ ಜಯಿಸಿದ್ದ ರಷ್ಯಾದ ಈ ಆಟಗಾರ್ತಿ ವಿಂಬಲ್ಡನ್ ಟೆನಿಸ್ ಚಾಂಪಿಯನ್ಷಿಪ್ನಿಂದ ಹೊರಬಿದ್ದಿದ್ದಾರೆ.<br /> <br /> ಆಲ್ ಇಂಗ್ಲೆಂಡ್ ಕ್ಲಬ್ನ ಒಂದನೇ ಕೋರ್ಟ್ನಲ್ಲಿ ಸೋಮವಾರ ನಡೆದ ಮಹಿಳೆಯರ ಸಿಂಗಲ್ಸ್ನ ನಾಲ್ಕನೇ ಸುತ್ತಿನ ಪಂದ್ಯದಲ್ಲಿ ಶರ್ಪೋವಾ 4-6, 3-6ರಲ್ಲಿ ಜರ್ಮನಿಯ ಸಬಿನ್ ಲಿಸಿಕಿ ಎದುರು ಪರಾಭವಗೊಂಡರು. ಎರಡನೇ ಬಾರಿ ವಿಂಬಲ್ಡನ್ ಗ್ರ್ಯಾನ್ಸ್ಲಾಮ್ ಗೆಲ್ಲುವ ಕನಸಿನೊಂದಿಗೆ ಇಲ್ಲಿಗೆ ಬಂದಿದ್ದ ಅವರ ಆಸೆ ಭಗ್ನಗೊಂಡಿತು.<br /> ವಿಶ್ವದ 15ನೇ ರ್ಯಾಂಕ್ನ ಲಿಸಿಕಿ ಈ ಮೂಲಕ ಕ್ವಾರ್ಟರ್ ಫೈನಲ್ನಲ್ಲಿ ಆಡಲು ಪ್ರವೇಶ ಪಡೆದುಕೊಂಡರು. 2011ರ ವಿಂಬಲ್ಡನ್ನ ಸೆಮಿಫೈನಲ್ನಲ್ಲಿ ಶರ್ಪೋವಾ ವಿರುದ್ಧ ಸೋಲು ಕಂಡಿದ್ದ ಅವರು ಇಲ್ಲಿ ಸೇಡು ತೀರಿಸಿಕೊಂಡರು.<br /> <br /> ನಾಲ್ಕು ಬಾರಿಯ ವಿಂಬಲ್ಡನ್ ಚಾಂಪಿಯನ್ ಅಮೆರಿಕದ ಸೆರೆನಾ ವಿಲಿಯಮ್ಸ ಹಾಗೂ ಹಾಲಿ ಚಾಂಪಿಯನ್ ಪೆಟ್ರೊ ಕ್ವಿಟೋವಾ ಅವರು ಎಂಟರ ಘಟ್ಟ ಪ್ರವೇಶಿಸುವ ಮುನ್ನ ಭಾರಿ ಸವಾಲು ಎದುರಿಸಬೇಕಾಯಿತು. ನಾಲ್ಕನೇ ಸುತ್ತಿನ ಪಂದ್ಯದಲ್ಲಿ ಸೆರೆನಾ 6-1, 2-6, 7-5ರಲ್ಲಿ ಕಜಕಸ್ತಾನದ ಯಾರೊಸ್ಲೇವಾ ಶ್ವೆಡೋವಾ ಎದುರು ಗೆದ್ದರು. ಶ್ವೆಡೋವಾ ಎರಡನೇ ಸೆಟ್ ಗೆದ್ದು ವಿಲಿಯಮ್ಸಗೆ ಆಘಾತ ನೀಡಲು ಪ್ರಯತ್ನಿಸಿದರು. ಈ ಸೆಟ್ನಲ್ಲಿ ಸೆರೆನಾ ತುಂಬಾ ಪರದಾಡಿದರು. ಆದರೆ ನಿರ್ಣಾಯಕ ಸೆಟ್ನಲ್ಲಿ ಅಮೆರಿಕದ ಆಟಗಾರ್ತಿ ತಿರುಗೇಟು ನೀಡಿದರು.<br /> <br /> ನಾಲ್ಕನೇ ಶ್ರೇಯಾಂಕದ ಆಟಗಾರ್ತಿ ಜೆಕ್ ಗಣರಾಜ್ಯದ ಕ್ವಿಟೋವಾ 4-6, 7-5, 6-1ರಲ್ಲಿ ಇಟಲಿಯ ಫ್ರಾನ್ಸೆಸ್ಕಾ ಶಿಯಾವೋನ್ ಎದುರು ಜಯ ಗಳಿಸಿದರು. ಆದರೆ ಬೆಲ್ಜಿಯಂನ ಕಿಮ್ ಕ್ಲೈಸ್ಟರ್ಸ್ ಆಘಾತ ಅನುಭವಿಸಿದರು. ಅವರು 1-6, 1-6ರಲ್ಲಿ ಜರ್ಮನಿಯ ಆ್ಯಂಜಲಿಕ್ ಕರ್ಬರ್ ಎದುರು ಸೋತರು. ಇನ್ನುಳಿದ ಪಂದ್ಯಗಳಲ್ಲಿ ತಮಿರಾ ಪಜೆಕ್ 6-2, 6-2ರಲ್ಲಿ ಇಟಲಿಯ ರಾಬೆರ್ಟಾ ವಿನ್ಸಿ ಎದುರೂ, ಪೋಲೆಂಡ್ನ ಅಗ್ನಿಸ್ಕಾ ರಾಡ್ವಾಂಸ್ಕಾ ವಿರುದ್ಧವೂ ಜಯ ಸಾಧಿಸಿದರು. <br /> <br /> <strong>ಫೆಡರರ್ಗೆ ಜಯ:</strong> ಮೂರನೇ ಶ್ರೇಯಾಂಕದ ಆಟಗಾರ ರೋಜರ್ ಫೆಡರರ್ ಪುರುಷರ ವಿಭಾಗದ ಸಿಂಗಲ್ಸ್ನಲ್ಲಿ ಕ್ವಾರ್ಟರ್ ಫೈನಲ್ ತಲುಪಿದರು. ಬೆನ್ನು ನೋವಿಗೆ ಒಳಗಾಗಿರುವ ಅವರು ನಾಲ್ಕನೇ ಸುತ್ತಿನ ಪಂದ್ಯದಲ್ಲಿ 7-6, 6-1, 4-6, 6-3ರಲ್ಲಿ ಬೆಲ್ಜಿಯಂನ ಕ್ಸೇವಿಯರ್ ಮಲಿಸ್ ಎದುರು ಗೆದ್ದರು. ಮತ್ತೊಂದು ಪಂದ್ಯದಲ್ಲಿ ಮಿಖಾಯಿಲ್ ಯೋಜ್ನಿ 6-3, 5-7, 6-4, 7-6, 5-7ರಲ್ಲಿ ಉಜ್ಬೆಕಿಸ್ತಾನದ ಡೆನಿಸ್ ಇಸ್ತೊಮಿನ್ ಅವರನ್ನು ಮಣಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
