<p><strong>ಮೈಸೂರು:</strong> ಮಹಾಮಳೆಗೆ ತತ್ತರಿಸಿರುವ ಉತ್ತರಾಖಂಡ ರಾಜ್ಯಕ್ಕೆ ಆಹಾರ ಪದಾರ್ಥಗಳನ್ನು ಪೂರೈಸಲು ನಗರದ ರಕ್ಷಣಾ ಆಹಾರ ಸಂಶೋಧನಾಲಯ (ಡಿಎಫ್ಆರ್ಎಲ್) ಸಿದ್ಧತೆ ಮಾಡಿಕೊಳ್ಳುತ್ತಿದೆ. ಡಿಎಫ್ಆರ್ಎಲ್ ಕೇಂದ್ರ ಸ್ಥಾನದಿಂದ ಮಾಹಿತಿ ಬಂದಿರುವ ಹಿನ್ನೆಲೆಯಲ್ಲಿ ಆಹಾರ ಪದಾರ್ಥಗಳನ್ನು ಭರದಿಂದ ಸಿದ್ಧ ಮಾಡಲಾಗುತ್ತಿದೆ.<br /> <br /> `3 ಸಾವಿರ ಪ್ಯಾಕೆಟ್ನಷ್ಟು ಆಹಾರ ಸಿದ್ಧಪಡಿಸುವಂತೆ ಡಿಎಫ್ಆರ್ಎಲ್ ನವದೆಹಲಿ ಮುಖ್ಯ ಕೇಂದ್ರದಿಂದ ಗುರುವಾರ ಸಂಜೆ ಮಾಹಿತಿ ಬಂತು. ಹಾಗಾಗಿ, ವೆಜ್ ಪಲಾವ್, ಉಪ್ಪಿಟ್ಟು ಮತ್ತು ರವೆ ಹಲ್ವ ಸಿದ್ಧಮಾಡಲಾಗುತ್ತಿದೆ.<br /> <br /> ಜೂನ್ 27ರಂದು ಮೈಸೂರಿನಿಂದ ಉತ್ತರಾಖಂಡಕ್ಕೆ ಆಹಾರ ಪದಾರ್ಥಗಳನ್ನು ಕಾಲ ಮಿತಿಯೊಳಗೆ ಪೂರೈಕೆ ಮಾಡಲಾಗುವುದು. ಒಂದು ಕೆಜಿ ಪ್ಯಾಕೆಟ್ನಷ್ಟು ಆಹಾರವನ್ನು ಬಿಸಿ ನೀರಿನಲ್ಲಿ ಮಿಶ್ರಣ ಮಾಡಿದಲ್ಲಿ 3 ಕೆಜಿಯಷ್ಟು ಆಹಾರ ಸಿದ್ಧವಾಗುತ್ತದೆ. 1 ಕೆ.ಜಿ. ಪೊಟ್ಟಣದಿಂದ ಸುಮಾರು 2,500ರಿಂದ 3 ಸಾವಿರ ಪೊಟ್ಟಣಗಳನ್ನು ಸರಬರಾಜು ಮಾಡಲಾಗುವುದು' ಎಂದು ಡಿಎಫ್ಆರ್ಎಲ್ ಡಾ.ಹರ್ಷ ವಿ. ಬಾತ್ರ ತಿಳಿಸಿದರು.<br /> <br /> ಸುರಕ್ಷಿತ ಸ್ಥಳಕ್ಕೆ ಜನರನ್ನು ತಲುಪಿಸಿದ ನಂತರ ಒಮ್ಮೆಲೇ ಸಹಸ್ರಾರು ಜನರಿಗೆ ಆಹಾರ ಪೂರೈಕೆ ಮಾಡುವುದು ಕಷ್ಟ. ಪ್ರಾಕೃತಿಕ ವಿಪತ್ತು ಆದಂತಹ ಸಂದರ್ಭದಲ್ಲಿ ಮೈಸೂರು ಮೂಲದ ಕೇಂದ್ರೀಯ ಆಹಾರ ತಾಂತ್ರಿಕ ಸಂಶೋಧನಾಲಯ (ಸಿಎಫ್ಟಿಆರ್ಐ) ಮತ್ತು ಡಿಎಫ್ಆರ್ಎಲ್ಗೆ ಆಹಾರ ಪೂರೈಕೆ ಮಾಡುವಂತೆ ಕೋರಿಕೆ ಬರುತ್ತವೆ.<br /> <br /> `ಆಹಾರ ಪೂರೈಕೆ ಮಾಡುವಂತೆ ಉತ್ತರಾಖಂಡ ರಾಜ್ಯದಿಂದ ಇದುವರೆಗೂ ಯಾವುದೇ ಮಾಹಿತಿ ಬಂದಿಲ್ಲ. ಒಂದು ವೇಳೆ ಮಾಹಿತಿ ಬಂದರೆ ಆಹಾರ ಪದಾರ್ಥ ಪೂರೈಕೆ ಮಾಡಲಾಗುವುದು. 3 ಟನ್ನಷ್ಟು ಆಹಾರ ಸಿದ್ಧಪಡಿಸಲು ಎರಡು ದಿನಗಳು ಬೇಕು. ಯಾವುದೇ ಸಂದರ್ಭದಲ್ಲೂ ಆಹಾರ ಪೂರೈಸಲು ಸಂಸ್ಥೆ ಸಿದ್ಧ' ಎಂದು ಸಿಎಫ್ಟಿಆರ್ಐನ ಮಾಹಿತಿ ಮತ್ತು ಪ್ರಚಾರ ವಿಭಾಗದ ಎ.ಎಸ್.ಕೆ.ವಿ.ಎಸ್. ಶರ್ಮಾ ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೈಸೂರು:</strong> ಮಹಾಮಳೆಗೆ ತತ್ತರಿಸಿರುವ ಉತ್ತರಾಖಂಡ ರಾಜ್ಯಕ್ಕೆ ಆಹಾರ ಪದಾರ್ಥಗಳನ್ನು ಪೂರೈಸಲು ನಗರದ ರಕ್ಷಣಾ ಆಹಾರ ಸಂಶೋಧನಾಲಯ (ಡಿಎಫ್ಆರ್ಎಲ್) ಸಿದ್ಧತೆ ಮಾಡಿಕೊಳ್ಳುತ್ತಿದೆ. ಡಿಎಫ್ಆರ್ಎಲ್ ಕೇಂದ್ರ ಸ್ಥಾನದಿಂದ ಮಾಹಿತಿ ಬಂದಿರುವ ಹಿನ್ನೆಲೆಯಲ್ಲಿ ಆಹಾರ ಪದಾರ್ಥಗಳನ್ನು ಭರದಿಂದ ಸಿದ್ಧ ಮಾಡಲಾಗುತ್ತಿದೆ.<br /> <br /> `3 ಸಾವಿರ ಪ್ಯಾಕೆಟ್ನಷ್ಟು ಆಹಾರ ಸಿದ್ಧಪಡಿಸುವಂತೆ ಡಿಎಫ್ಆರ್ಎಲ್ ನವದೆಹಲಿ ಮುಖ್ಯ ಕೇಂದ್ರದಿಂದ ಗುರುವಾರ ಸಂಜೆ ಮಾಹಿತಿ ಬಂತು. ಹಾಗಾಗಿ, ವೆಜ್ ಪಲಾವ್, ಉಪ್ಪಿಟ್ಟು ಮತ್ತು ರವೆ ಹಲ್ವ ಸಿದ್ಧಮಾಡಲಾಗುತ್ತಿದೆ.<br /> <br /> ಜೂನ್ 27ರಂದು ಮೈಸೂರಿನಿಂದ ಉತ್ತರಾಖಂಡಕ್ಕೆ ಆಹಾರ ಪದಾರ್ಥಗಳನ್ನು ಕಾಲ ಮಿತಿಯೊಳಗೆ ಪೂರೈಕೆ ಮಾಡಲಾಗುವುದು. ಒಂದು ಕೆಜಿ ಪ್ಯಾಕೆಟ್ನಷ್ಟು ಆಹಾರವನ್ನು ಬಿಸಿ ನೀರಿನಲ್ಲಿ ಮಿಶ್ರಣ ಮಾಡಿದಲ್ಲಿ 3 ಕೆಜಿಯಷ್ಟು ಆಹಾರ ಸಿದ್ಧವಾಗುತ್ತದೆ. 1 ಕೆ.ಜಿ. ಪೊಟ್ಟಣದಿಂದ ಸುಮಾರು 2,500ರಿಂದ 3 ಸಾವಿರ ಪೊಟ್ಟಣಗಳನ್ನು ಸರಬರಾಜು ಮಾಡಲಾಗುವುದು' ಎಂದು ಡಿಎಫ್ಆರ್ಎಲ್ ಡಾ.ಹರ್ಷ ವಿ. ಬಾತ್ರ ತಿಳಿಸಿದರು.<br /> <br /> ಸುರಕ್ಷಿತ ಸ್ಥಳಕ್ಕೆ ಜನರನ್ನು ತಲುಪಿಸಿದ ನಂತರ ಒಮ್ಮೆಲೇ ಸಹಸ್ರಾರು ಜನರಿಗೆ ಆಹಾರ ಪೂರೈಕೆ ಮಾಡುವುದು ಕಷ್ಟ. ಪ್ರಾಕೃತಿಕ ವಿಪತ್ತು ಆದಂತಹ ಸಂದರ್ಭದಲ್ಲಿ ಮೈಸೂರು ಮೂಲದ ಕೇಂದ್ರೀಯ ಆಹಾರ ತಾಂತ್ರಿಕ ಸಂಶೋಧನಾಲಯ (ಸಿಎಫ್ಟಿಆರ್ಐ) ಮತ್ತು ಡಿಎಫ್ಆರ್ಎಲ್ಗೆ ಆಹಾರ ಪೂರೈಕೆ ಮಾಡುವಂತೆ ಕೋರಿಕೆ ಬರುತ್ತವೆ.<br /> <br /> `ಆಹಾರ ಪೂರೈಕೆ ಮಾಡುವಂತೆ ಉತ್ತರಾಖಂಡ ರಾಜ್ಯದಿಂದ ಇದುವರೆಗೂ ಯಾವುದೇ ಮಾಹಿತಿ ಬಂದಿಲ್ಲ. ಒಂದು ವೇಳೆ ಮಾಹಿತಿ ಬಂದರೆ ಆಹಾರ ಪದಾರ್ಥ ಪೂರೈಕೆ ಮಾಡಲಾಗುವುದು. 3 ಟನ್ನಷ್ಟು ಆಹಾರ ಸಿದ್ಧಪಡಿಸಲು ಎರಡು ದಿನಗಳು ಬೇಕು. ಯಾವುದೇ ಸಂದರ್ಭದಲ್ಲೂ ಆಹಾರ ಪೂರೈಸಲು ಸಂಸ್ಥೆ ಸಿದ್ಧ' ಎಂದು ಸಿಎಫ್ಟಿಆರ್ಐನ ಮಾಹಿತಿ ಮತ್ತು ಪ್ರಚಾರ ವಿಭಾಗದ ಎ.ಎಸ್.ಕೆ.ವಿ.ಎಸ್. ಶರ್ಮಾ ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
