ತನಿಖೆಗೆ ಆರ್.ಕೆ. ದತ್ತ

ಬೆಂಗಳೂರು: ಸಿಟಿ ಸಿವಿಲ್ ನ್ಯಾಯಾಲಯದ ಆವರಣದಲ್ಲಿ ಕಳೆದ ಶುಕ್ರವಾರ ಜರುಗಿದ ಘರ್ಷಣೆಗೆ ಸಂಬಂಧಿಸಿದಂತೆ ಸಿಐಡಿ ಡಿಜಿಪಿ ರೂಪಕ್‌ಕುಮಾರ್ ದತ್ತ ಅವರಿಂದಲೂ ಆಂತರಿಕವಾಗಿ ತನಿಖೆ ಮಾಡಿಸಲು ರಾಜ್ಯ ಸರ್ಕಾರ ನಿರ್ಧರಿಸಿದೆ.



ನ್ಯಾಯಾಂಗ ತನಿಖೆ ಮಾಡುವ ಬಗ್ಗೆ ಸರ್ಕಾರ ಈಗಾಗಲೇ ತೀರ್ಮಾನ ಪ್ರಕಟಿಸಿದೆ. ಅದರ ಜತೆಗೆ ದತ್ತ ಅವರಿಂದಲೂ ತನಿಖೆ ಮಾಡಿಸಲು ತೀರ್ಮಾನಿಸಿದೆ. ನ್ಯಾಯಾಂಗ ತನಿಖೆಯ ಜವಾಬ್ದಾರಿಯನ್ನು ಯಾರಿಗೆ ವಹಿಸಬೇಕು ಎಂಬುದರ ಬಗ್ಗೆ ಬುಧವಾರ ಸರ್ಕಾರ ನಿರ್ಧರಿಸಲಿದೆ.