ತೀವ್ರಗಾಮಿ ಚಟುವಟಿಕೆಗೆ ಸಹಕಾರ ಆರೋಪ: ಭಾರತೀಯನ ಗಡೀಪಾರು

ಸಿಂಗಪುರ (ಪಿಟಿಐ): ಹಿಂಸಾಚಾರ­ದಿಂದ ನಲುಗಿರುವ ಸಿರಿಯಾದಲ್ಲಿ ತೀವ್ರಗಾಮಿ ಚಟುವಟಿಕೆ ಕೈಗೊಳ್ಳಲು ವ್ಯಕ್ತಿಯೊ­ಬ್ಬನಿಗೆ ಸಹಕಾರ ನೀಡಿದ ಆರೋಪದ ಮೇರೆಗೆ ಭಾರತೀಯ ಮೂಲದ ಗುಲ್‌ ಮೊಹಮ್ಮದ್‌ ಮಾರ್ಸಾಚಿ  ಮರೈಕಾರ್ ಎಂಬಾತ­ನನ್ನು ಸಿಂಗಪುರ ಅಧಿಕಾರಿಗಳು ಗಡೀಪಾರು ಮಾಡಿದ್ದಾರೆ.



ವಿಧ್ವಂಸಕ ಕೃತ್ಯ ನಡೆಸಲು ಹಜಾ ಫಕ್ರುದ್ದೀನ್‌ ಉಸ್ಮಾನ್‌ ಅಲಿ ಎಂಬಾತ ಹೊಂಚು ಹಾಕಿದ್ದು, ಈತನ ಯೋಜನೆ­ಗಳಿಗೆ ಗುಲ್‌ ಮೊಹಮ್ಮದ್‌ ಸಹಕಾರ ನೀಡಿದ್ದ. ಗುಲ್‌ ಮೊಹಮ್ಮದ್‌ ಸಿಂಗಾಪು­ರದ ಕಾಯಂ ನಿವಾಸಿಯಾಗಿದ್ದು ಸ್ಥಳೀಯ ಗಣಕಯಂತ್ರಗಳ ನಿರ್ವಹಣೆಯ ಕೆಲಸದಲ್ಲಿದ್ದಾನೆ.