ತೈಲ ಸಚಿವಾಲಯಕ್ಕೆ ಸಿಎಜಿ ಛೀಮಾರಿ

ನವದೆಹಲಿ (ಪಿಟಿಐ): ವಿವಾದಿತ `ಕೆಜಿ-ಡಿ6~ ಅನಿಲ ಘಟಕವನ್ನು ತನ್ನ ಬಳಿಯೇ ಉಳಿಸಿಕೊಳ್ಳಲು ಮುಖೇಶ್ ಅಂಬಾನಿ ಒಡೆತನದ ರಿಲಯನ್ಸ್ ಇಂಡಸ್ಟ್ರೀಸ್ಗೆ (ಆರ್ಐಎಲ್) ಅನುಮತಿ ನೀಡಿದ ತೈಲ ಸಚಿವಾಲಯದ ಕ್ರಮಕ್ಕೆ ಮಹಾಲೇಖಪಾಲರು ತೀವ್ರ ಛೀಮಾರಿ ಹಾಕಿದ್ದಾರೆ.

ತೈಲ ಸಚಿವಾಲಯದ ಕ್ರಮಕ್ಕೆ ಛೀಮಾರಿ ಹಾಕಿರುವ `ಸಿಎಜಿ~, ಇದೇ ಘಟಕದ ಕ್ಷೇತ್ರ ಅಭಿವೃದ್ಧಿ ವೆಚ್ಚ ಮೂರು ಪಟ್ಟು ಹೆಚ್ಚಳವಾಗಿರುವ ಕುರಿತು ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ.

2004ರಲ್ಲಿ 2.4 ಶತಕೋಟಿ ಡಾಲರ್ ಇದ್ದ `ಕೆಜಿ-ಡಿ6~ ಘಟಕದ ಪ್ರಸ್ತಾವಿತ ಹೂಡಿಕೆ 2006ರಲ್ಲಿ 8.8 ಶತಕೋಟಿ ಡಾಲರ್ಗಳಿಗೆ ಏರಿಕೆಯಾಗಿದೆ. ಈ ಕುರಿತು ಸಿಎಜಿ ತನ್ನ ವರದಿಯಲ್ಲಿ ಯಾವುದೇ ಮಾಹಿತಿ ನೀಡಿಲ್ಲ.

ಸುಮಾರು 7,645 ಚದರ ಕಿ.ಮೀ ವಿಸ್ತೀರ್ಣದ ಬಂಗಾಳ ಕೊಲ್ಲಿಯ `ಕೆಜಿ-ಡಿ6~ ಅನಿಲ ಉತ್ಪಾದನೆ ಪ್ರದೇಶವನ್ನು ತನ್ನ ಬಳಿಯೇ ಉಳಿಸಿಕೊಳ್ಳಲು `ಆರ್ಐಎಲ್~ಗೆ ಅನುಮತಿ ನೀಡುವಾಗ, ತೈಲ ಸಚಿವಾಲಯ ಮತ್ತು ಅದರ ತಾಂತ್ರಿಕ ತಂಡವಾದ ಹೈಡ್ರೋಕಾರ್ಬನ್ ಮಹಾನಿರ್ದೇಶಕರು (ಡಿಜಿಎಚ್) ತಪ್ಪೆಸಗಿದ್ದಾರೆ ಎಂದು `ಸಿಎಜಿ~ ವರದಿ ಹೇಳಿದೆ.

ಉತ್ಪಾದನೆ ಪಾಲುದಾರಿಕೆ ಒಪ್ಪಂದದ (ಪಿಎಸ್ಸಿ) ಪ್ರಕಾರ, ರಿಲಯನ್ಸ್ ಇಂಡಸ್ಟ್ರೀಸ್ ಒಟ್ಟು ಪ್ರದೇಶದಲ್ಲಿ ಶೇ 25ರಷ್ಟು ಪಾಲನ್ನು ಸರ್ಕಾರಕ್ಕೆ ನೀಡಬೇಕಿತ್ತು. ಆದರೆ, ಸಂಪೂರ್ಣ ಪ್ರದೇಶವನ್ನು ತಾನೇ ಪತ್ತೆ ಹಚ್ಚಿರುವುದಾಗಿ, ಹಾಗೂ ಅದರ ಸಂಪೂರ್ಣ ಒಡೆತನ ತನಗೆ ಸೇರಿರುವುದಾಗಿ `ಆರ್ಐಎಲ್~ 2005ರಲ್ಲಿ ಘೋಷಿಸಿಕೊಂಡ ಹಿನ್ನೆಲೆಯಲ್ಲಿ ವಿವಾದ ತಲೆದೋರಿತ್ತು.

`ತೈಲ ಮತ್ತು ನೈಸರ್ಗಿಕ ಅನಿಲ ಸಚಿವಾಲಯವೇ `ಕೆಜಿ-ಡಿ6~ ಘಟಕದ ಸಂಪೂರ್ಣ ವಿವಾದವನ್ನು ಇತ್ಯರ್ಥಗೊಳಿಸಬೇಕು ಎಂದೂ `ಸಿಎಜಿ~ ಶಿಫಾರಸು ಮಾಡಿದೆ.

ರಿಲಯನ್ಸ್ ಇಂಡಸ್ಟ್ರೀಸ್ಗೆ `ಕೆಜಿ-ಡಿ6~ ಘಟಕದಲ್ಲಿ ಉತ್ಪಾದನಾ ಘಟಕ ಆರಂಭಿಸಲು 1.1 ಶತಕೋಟಿ ಡಾಲರ್ ಮೊತ್ತದ ಒಪ್ಪಂದಕ್ಕೆ ತೈಲ ಸಚಿವಾಲಯ ಏಕ ಹರಾಜು ಪ್ರಕ್ರಿಯೆ ಮೂಲಕ ಅನುಮತಿ ನೀಡಿರುವುದನ್ನೂ `ಸಿಎಜಿ~ ಪ್ರಶ್ನಿಸಿದೆ.

ಆರ್ಐಎಲ್ ಪ್ರತಿಕ್ರಿಯೆ: ಕೃಷ್ಣ-ಗೋದಾವರಿ `ಕೆಜಿ-ಡಿ6~ ಅನಿಲ ಉತ್ಪಾದನೆ ಪಾಲುದಾರಿಕೆ ಒಪ್ಪಂದದಲ್ಲಿ ಯಾವುದೇ ನಿಯಮ ಉಲ್ಲಂಘನೆ ಆಗಿಲ್ಲ ಎಂದು ರಿಲಯನ್ಸ್ ಇಂಡಸ್ಟ್ರೀಸ್ ಸಮರ್ಥಿಸಿಕೊಂಡಿದೆ.

ಈ ಪಾಲುದಾರಿಕೆ ಒಪ್ಪಂದದ ನಿಯಮಗಳನ್ನು `ಆರ್ಐಎಲ್~ ಉಲ್ಲಂಘಿಸಿದ್ದು, ಇದರಿಂದ ಬೊಕ್ಕಸಕ್ಕೆ ನಷ್ಟವಾಗಿದೆ ಎಂದು `ಸಿಎಜಿ~ ವರದಿ ಹೇಳಿದೆ.

ಉತ್ಪಾದನೆ ಪಾಲುದಾರಿಕೆ ಒಪ್ಪಂದದ ಪ್ರಕಾರ, ರಿಲಯನ್ಸ್ ಇಂಡಸ್ಟ್ರೀಸ್ ಒಟ್ಟು ಅನುಮತಿ ನೀಡಲಾದ ಪ್ರದೇಶದ ಶೇ 25ರಷ್ಟು ಪಾಲನ್ನು ಸರ್ಕಾರಕ್ಕೆ ಬಿಟ್ಟುಕೊಡಬೇಕಿತ್ತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ತೈಲ ಸಚಿವಾಲಯಕ್ಕೆ ಸಿಎಜಿ ಛೀಮಾರಿ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ

ಚುರುಮುರಿ: ಪ್ರಾರ್ಥನೆ ಮತ್ತು ಪ್ರಯತ್ನ

ಟೆನಿಸ್ ಆಟಗಾರರು ಭಾರತ-ಪಾಕ್ ಪಂದ್ಯಗಳಿಗೆ ಸಮಾನ ಒತ್ತಡ ನಿಭಾಯಿಸುತ್ತಾರೆ: ಕೊಹ್ಲಿ

ನಾಯಕನಾಗಿ ಗಿಲ್‌ ಹನಿಮೂನ್ ಅವಧಿ ಆನಂದಿಸುತ್ತಿದ್ದಾರೆ: ಗಂಗೂಲಿ

Wimbledon | ಸೆಮಿಗೆ ಸಬಲೆಂಕಾ, ಫ್ರಿಟ್ಜ್‌

Ind vs Eng Test: ಲಾರ್ಡ್ಸ್‌ನಲ್ಲಿ ಸವಾಲಿನ ಪಿಚ್‌ ನಿರೀಕ್ಷೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ

ಚುರುಮುರಿ: ಪ್ರಾರ್ಥನೆ ಮತ್ತು ಪ್ರಯತ್ನ