ಬುಧವಾರ, ಜುಲೈ 28, 2021
29 °C

ದುರಸ್ತಿ ಕಾಣದ ಹೊರನಾಡು-ಬಲಿಗೆ ರಸ್ತೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಹೊರನಾಡು (ಕಳಸ): ಹೊರನಾಡು ಗ್ರಾಮವನ್ನು ಬಲಿಗೆ ಗ್ರಾಮದೊಂದಿಗೆ ಸಂಪರ್ಕಿಸುವ 8 ಕಿ.ಮೀ ರಸ್ತೆ ಕಾಮಗಾರಿ ಕಳೆದ ವರ್ಷವಷ್ಟೇ ಮುಗಿದಿದೆ. ಆದರೆ ಇದೇ ರಸ್ತೆಯ ಆರಂಭದ 2 ಕಿ.ಮೀ ಕಾಮಗಾರಿ ಇದುವರೆಗೂ ನಡೆಯದೆ ಸಂಚಾರಕ್ಕೆ ತೊಡಕುಂಟಾಗಿದೆ.



ಹೊರನಾಡಿನಿಂದ ಸರ್ಕಾರಿ ಪ್ರೌಢಶಾಲೆ ಬಳಸಿ ಬಲಿಗೆ ರಸ್ತೆಯನ್ನು ಸಂಪರ್ಕಿಸುವ ರಸ್ತೆಗೆ ದಶಕದ ಹಿಂದೊಮ್ಮೆ ಡಾಂಬರೀಕರಣ ಮಾಡಲಾಗಿತ್ತು. ಆದರೆ ಭಾರಿ ಮಳೆಯಿಂದಾಗಿ ಆ ರಸ್ತೆಯೇ ಕೊಚ್ಚಿಹೋಗಿತ್ತು. ಅಂದಿನಿಂದ ಈ ರಸ್ತೆಗೆ ಅನುದಾನವೇ ಬಿಡುಗಡೆ ಆಗಿಲ್ಲ ಎಂಬುದು ಗ್ರಾಮಸ್ಥರ ಆಕ್ರೋಶ.



ಬಲಿಗೆ ರಸ್ತೆಯನ್ನು ರೂ. 1.5 ಕೋಟಿ ವೆಚ್ಚದಲ್ಲಿ ನಿರ್ಮಿಸಲಾಗಿದೆ. ಅಲ್ಲಿಂದ ಮೆಣಸಿನಹಾಡ್ಯ ಮೂಲಕ ಹೊರನಾಡು-ಶೃಂಗೇರಿ ಕ್ಷೇತ್ರಗಳ ಸಂಪರ್ಕ ಇದೇ ರಸ್ತೆ ಮೂಲಕ ಸುಲಭ ಆಗುತ್ತದೆ. ಆದರೆ ಆರಂಭದ 2 ಕಿ.ಮೀ ರಸ್ತೆಯನ್ನು ಕಂಡರೆ ಈ ಮಾರ್ಗದಲ್ಲಿ ಯಾವುದೇ ಪ್ರವಾಸಿ ವಾಹನವೂ ಚಲಿಸುವ ಧೈರ್ಯ ಮಾಡುವುದಿಲ್ಲ.



ರಸ್ತೆ ವಿಸ್ತರಣೆ ಹಾಗೂ ಮರು ಡಾಂಬರೀಕರಣಕ್ಕೆ ಅನೇಕ ಬಾರಿ ಅರ್ಜಿ ಸಲ್ಲಿಸಿದ್ದರೂ ಅದಿಕಾರಿಗಳಿಂದ ಯಾವುದೇ ಪ್ರತಿಕ್ರಿಯೆ ಸಿಕ್ಕಿಲ್ಲ. ಆದ್ದರಿಂದ ರಸ್ತೆ ಅಭಿವೃದ್ಧಿ ಈಗ ಉಳಿದಿರುವುದು ಕೇವಲ ಪ್ರತಿಭಟನೆಯ ಹಾದಿ ಮಾತ್ರ ಎಂದು ಗ್ರಾಮಸ್ಥರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.