ಗುರುವಾರ , ಮೇ 6, 2021
21 °C

ದೇಗುಲ ಸಂರಕ್ಷಣೆ ಕಾಮಗಾರಿ ಚುರುಕು

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಜಾವಗಲ್: ಇತಿಹಾಸ ಪ್ರಸಿದ್ಧ ಲಕ್ಷ್ಮೀನರಸಿಂಹಸ್ವಾಮಿ ದೇಗುಲದ ಸಂರಕ್ಷಣೆಗಾಗಿ 75 ಲಕ್ಷ ರೂಪಾಯಿ ಬಿಡುಗಡೆಯಾಗಿದ್ದು, ಕಾಮಗಾರಿ ಬಿರುಸಿನಿಂದ ನಡೆಯುತ್ತಿದೆ.



ಹೊಯ್ಸಳರ ವಾಸ್ತು ಶಿಲ್ಪಕ್ಕೆ ಹೆಸರಾಗಿದ್ದ ಬೇಲೂರು, ಹಳೇಬೀಡು ದೇಗುಲದಂತೆಯೇ ಜಾವಗಲ್ ದೇವಾಲಯವೂ ಆಕಷರ್ಕ ಶಿಲ್ಪಿ ಗಳಿಂದ ಕೂಡಿದೆ. ಐತಿಹಾಸಿಕ ಸ್ಮಾರಕಗಳ ಸಂರಕ್ಷಣೆಗೆ ಸರ್ಕಾರ ಬಿಡುಗಡೆ ಮಾಡಿದ ರೂ.60 ಲಕ್ಷ ಅನುದಾನದಲ್ಲಿ ಮುಖ್ಯ ದ್ವಾರದ ಮಹಾಲಕ್ಷ್ಮಿ ದೇಗುಲ, ಮುಖ ಮಂಟಪದ ಸಂರಕ್ಷಣೆ ಕಾಮಗಾರಿ ಪೂರ್ಣಗೊಂಡಿವೆ.



ನರಸಿಂಹಸ್ವಾಮಿ ದೇಗುಲದ ದುರಸ್ತಿಗೆ ಪುನಃ ರೂ. 75 ಲಕ್ಷ ಹಣ ಬಿಡುಗಡೆಯಾಗಿದೆ. ಅನುಭವಿ ಶಿಲ್ಪಿಗಳ ತಂಡ ಕೆಲಸ ಆರಂಭಿಸಿದೆ. ರೂ.75 ಲಕ್ಷ ವೆಚ್ಚದ ಕಾಮಗಾರಿ ವೀಕ್ಷಣೆಗೆ ಪ್ರಾಚ್ಯವಸ್ತು ಇಲಾಖೆಯ ಎಂಜಿನಿಯರ್ ಅಶ್ವತ್ಥನಾರಾಯಣ, ಇಲಾಖೆಯ ಆಯುಕ್ತ ವಸ್ತ್ರದ್, ಸಮಿತಿ ಸದಸ್ಯ ಎಂ.ಎಂ. ರಾಯಚೂರು ಅವರು ಭೇಟಿ ನೀಡಿ ಕಾಮಗಾರಿ ಪರಿಶೀಲಿಸಿದ್ದಾರೆ.



ದೇಗುಲದ ಸುತ್ತಲೂ ಉದ್ಯಾನ, ನೆಲಹಾಸು ನಿರ್ಮಾಣ, ಮಹಾಲಕ್ಷ್ಮಿ ಅಮ್ಮನವರ ಗೋಪುರ, ಪಾಕಶಾಲಾ, ಹದಿನಾರು ಕಾಲು ಮಂಟಪದ ದುರಸ್ತಿ ಮಾಡಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದರು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.