<p>ದೈಹಿಕವಾಗಿ ಅಸಮರ್ಥನಾಗಿರುವ ಮಗ ಭವಿಷ್ಯದಲ್ಲಿ ನಮ್ಮ ಬಾಳಿಗೆ ಬೆಳಕಾಗದಿದ್ದರೂ, ಆತನ ಜೀವನ ಚೆನ್ನಾಗಿ ಇರಲೆಂದು ಹಾರೈಸುತ್ತಿದ್ದ ತಾಯಿಗೆ ಅಂದು ಮರಳುಗಾಡಿನಲ್ಲಿ ಓಯಸಿಸ್ ಕಂಡಷ್ಟು ಸಂತೋಷವಾಗಿತ್ತು. <br /> <br /> ಆತ ಅಂಗವಿಕಲತೆಯನ್ನು ಮೆಟ್ಟಿ `ಕೇಕ್ ಪಾರ್ಲರ್~ನಲ್ಲಿ ಕೆಲಸ ಮಾಡಿ ಮೂರು ಸಾವಿರ ರೂಪಾಯಿ ಸಂಬಳ ಪಡೆದಿದ್ದ. ಆ ಮೊದಲ ಸಂಬಳದಿಂದ ತಾನೊಂದು ಶರ್ಟ್ ಕೊಳ್ಳಬೇಕೆಂದು ಹೇಳಿದಾಗ ಆತನ ತಾಯಿಗೆ ಆದ ಸಂತೋಷಕ್ಕೆ ಪಾರವೇ ಇರಲಿಲ್ಲ.<br /> <br /> ಆಶಾ ಸೆಂಟರ್ನ ಪ್ರಾಂಶುಪಾಲರಾದ ಮೀರಾ ರವಿಚಂದರ್ ಈ ಕಥಾನಕವನ್ನು ಹೆಮ್ಮೆಯಿಂದ ಹೇಳಿಕೊಳ್ಳುತ್ತಾರೆ. <br /> <br /> ಮಾನಸಿಕ ಹಾಗೂ ದೈಹಿಕ ಅಸಮರ್ಥ ಮಕ್ಕಳಿಗಾಗಿ ಎಂ.ಜಿ.ರಸ್ತೆಯ ರಾಜೇಂದ್ರ ಸಿಂಗ್ಜೀ ಇನ್ಸ್ಟಿಟ್ಯೂಟ್ನ (ಆರ್ಎಸ್ಐ) ಆವರಣದಲ್ಲಿ ಮಾರ್ಚ್ 4ರಂದು ಜಸ್ಟ್ ಬೇಕ್ ಬೇಕರಿ ಆರಂಭಿಸಲಾಗಿತ್ತು. ಇಲ್ಲಿ ಆಶಾ ಸೆಂಟರ್ನ ಎಂಟು ಮಕ್ಕಳು ಕೆಲಸ ಮಾಡಿ ಸೈ ಎನಿಸಿಕೊಂಡರು.<br /> <br /> ಗ್ರಾಹಕರಿಗೆ ಕೇಕ್ ಸರ್ವ್ ಮಾಡುವುದು, ಪಾರ್ಸಲ್ ಮಾಡುವುದು ಹಾಗೂ ಐಸ್ಕ್ರೀಂ ಮಿಕ್ಸ್ ಮಾಡಿ ಕೊಡುವ ಕೆಲಸವನ್ನು ನಿರ್ವಹಿಸುತ್ತಿದ್ದಾರೆ. ಏಪ್ರಿಲ್ 19ರಂದು ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಮಕ್ಕಳಿಗೆ ಕರ್ನಾಟಕ ಮತ್ತು ಕೇರಳ ಉಪವಲಯದ ಮೇಜರ್ ಜನರಲ್ ಕೆ.ಎಸ್.ವೇಣುಗೋಪಾಲ್ ಒಂದು ತಿಂಗಳ ವಂತಿಕೆ ವಿತರಿಸಿದರು.<br /> <br /> ನಂದಿತಾ ರಾವ್, ಸ್ಮಿತಾ ರಾವ್, ಅನಿರುದ್ಧ ಭಂಡಾರ್ಕರ್, ಪ್ರದೀಪ್ ಕುಮಾರ್, ಎಂ. ಶರತ್, ಮಣಿಕಂಠನ್, ಪಲ್ಲವ್ ಪೈನ್ಯುಲಿ ಹಾಗೂ ಸಿಕಂದರ್ ಸಿಂಗ್ ಈಗಾಗಲೇ ಒಂದು ತಿಂಗಳ ಸಂಬಳ ಸಂಪಾದಿಸಿ, ಇತರರಿಗಿಂತ ತಾವೇನೂ ಕಡಿಮೆಯಿಲ್ಲ ಎಂಬುದನ್ನು ಸಾಬೀತುಮಾಡಿದ್ದಾರೆ.<br /> <br /> ಆಶಾ ಸೆಂಟರ್ ದೈಹಿಕ ಹಾಗೂ ಮಾನಸಿಕ ಸಮಸ್ಯೆ ಎದುರಿಸುತ್ತಿರುವ ಮಕ್ಕಳಿಗಾಗಿ ನಡೆಸುತ್ತಿರುವ ಪಾಠಶಾಲೆ. 45 ಮಕ್ಕಳಿರುವ ಈ ಕೇಂದ್ರದಲ್ಲಿ ಮಕ್ಕಳಿಗೆ ಕಂಪ್ಯೂಟರ್, ಯೋಗ, ಸ್ಪೀಚ್ ಥೆರಪಿ, ಮ್ಯೂಸಿಕ್ ಥೆರಪಿ ಕುರಿತು ಹೇಳಿಕೊಡಲಾಗುತ್ತದೆ. <br /> <br /> ಮಾನಸಿಕ ಹಾಗೂ ದೈಹಿಕವಾಗಿ ಅಸಮರ್ಥರಾಗಿರುವ ಎಂಟು ಮಕ್ಕಳು `ಜಸ್ಟ್ ಬೇಕ್~ ಬೇಕರಿಯಲ್ಲಿ ಕೆಲಸ ಮಾಡಿ ತಮ್ಮ ಮೊದಲ ಸಂಬಳವನ್ನು ತೆಗೆದುಕೊಳ್ಳುವ ಮೂಲಕ ಆರ್ಥಿಕ ಸ್ವಾವಲಂಬಿಗಳಾಗಲು ದಾರಿಯಾಗಿದೆ ಎಂದು ಹೇಳುತ್ತಾರೆ ಪ್ರಾಂಶುಪಾಲರಾದ ಮೀರಾ ರವಿಚಂದರ್. <br /> <br /> ಹದಿನೆಂಟರಿಂದ ಮೂವತ್ತೆರಡು ವರ್ಷ ವಯಸ್ಸಿನವರು ಅನೇಕ ಕೆಲಸಗಳನ್ನು ಮಡುವ ಸಾಮರ್ಥ್ಯ ಹೊಂದಿದ್ದು, ಜಸ್ಟ್ಬೇಕ್ನಲ್ಲಿ ಅಲ್ಲದೇ ಕಾಫಿ ಶಾಪ್ನಲ್ಲಿ ಕೂಡ ಕೆಲಸ ನಿರ್ವಹಿಸುತ್ತಿದ್ದಾರೆ. ಬೆಳಿಗ್ಗೆ 9.30ರಿಂದ 1.30, ಮಧ್ಯಾಹ್ನ 1.30ರಿಂದ ಸಂಜೆ 4 ಹಾಗೂ ಸಂಜೆ 4ರಿಂದ ರಾತ್ರಿ 8ರವರೆಗೆ ನಾಲ್ಕು ತಂಡಗಳಾಗಿ ಒಬ್ಬರು ನಾಲ್ಕು ಗಂಟೆ ಕೆಲಸ ಮಾಡುತ್ತಾರೆ. <br /> <br /> ರಜೆ ದಿನಗಳಲ್ಲಿ ಈ ಮಕ್ಕಳಿಗೆ ಹಣಕಾಸು ವ್ಯವಹಾರದ ಬಗ್ಗೆ ಹಾಗೂ ಉದ್ಯೋಗ ಕೌಶಲಗಳ ಬಗ್ಗೆ ಹೇಳಿಕೊಡಲಾಗುತ್ತದೆ. ಆ ಮೂಲಕ ಅವರಲ್ಲಿರುವ ಖಿನ್ನತೆಯನ್ನು ತೊಲಗಿಸಿ ತಾವೂ ಬೇರೆಯವರಂತೆ ಬದುಕಲು ಆತ್ಮಸ್ಥೈರ್ಯ ತುಂಬುವ ಕೆಲಸವನ್ನು ಸಂಸ್ಥೆ ಮಾಡುತ್ತಿದೆ.<br /> <br /> ಆರ್ಎಸ್ಐ ಸಹಯೋಗದೊಂದಿಗೆ ಜಸ್ಟ್ಬೇಕ್ ಬೇಕರಿ ಆರಂಭಿಸುವ ಸಲಹೆಯನ್ನು ನೀಡಿದವರು ಜಸ್ಟ್ಬೇಕ್ನ ಅಧ್ಯಕ್ಷ ರಾಮರೆಡ್ಡಿ. ಅದರಂತೆ ಜಸ್ಟ್ಬೇಕ್ ಪಾರ್ಲರ್ ಆರಂಭಿಸುವ ಮೂಲಕ ಅಂಗವಿಕಲ ಮಕ್ಕಳ ಪಾಲಿಗೆ ಬೆಳಕಾಗಿದ್ದಾರೆ. ಈ ಬೇಕರಿಯಿಂದ ಬರುವ ಆದಾಯದಲ್ಲಿ ಶೇ 50ರಷ್ಟು ಹಣವನ್ನು ಆಶಾ ಸೆಂಟರ್ಗೆ ದೇಣಿಗೆ ನೀಡುವುದಾಗಿ ರೆಡ್ಡಿ ಅವರು ಹೇಳಿದ್ದಾರೆ.<br /> <br /> ಬೇಕರಿಗೆ ಬರುವ ಗ್ರಾಹಕರಿಗೆ ಅವರಿಗಿಷ್ಟದ ತಿನಿಸುಗಳನ್ನು ಸರ್ವ್ ಮಾಡುವ ಈ ದೈಹಿಕ ಸಮಸ್ಯೆಗೊಳಗಾದ ಮಕ್ಕಳ ನಗುಮುಖದಲ್ಲಿ ಆತ್ಮವಿಶ್ವಾಸದ ಅಲೆ ಸುಳಿದು ಹೋಗುತ್ತಿತ್ತು.<br /> <strong><br /> ಚಿತ್ರಗಳು: ಬಿ.ಎಚ್.ಶಿವಕುಮಾರ್</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ದೈಹಿಕವಾಗಿ ಅಸಮರ್ಥನಾಗಿರುವ ಮಗ ಭವಿಷ್ಯದಲ್ಲಿ ನಮ್ಮ ಬಾಳಿಗೆ ಬೆಳಕಾಗದಿದ್ದರೂ, ಆತನ ಜೀವನ ಚೆನ್ನಾಗಿ ಇರಲೆಂದು ಹಾರೈಸುತ್ತಿದ್ದ ತಾಯಿಗೆ ಅಂದು ಮರಳುಗಾಡಿನಲ್ಲಿ ಓಯಸಿಸ್ ಕಂಡಷ್ಟು ಸಂತೋಷವಾಗಿತ್ತು. <br /> <br /> ಆತ ಅಂಗವಿಕಲತೆಯನ್ನು ಮೆಟ್ಟಿ `ಕೇಕ್ ಪಾರ್ಲರ್~ನಲ್ಲಿ ಕೆಲಸ ಮಾಡಿ ಮೂರು ಸಾವಿರ ರೂಪಾಯಿ ಸಂಬಳ ಪಡೆದಿದ್ದ. ಆ ಮೊದಲ ಸಂಬಳದಿಂದ ತಾನೊಂದು ಶರ್ಟ್ ಕೊಳ್ಳಬೇಕೆಂದು ಹೇಳಿದಾಗ ಆತನ ತಾಯಿಗೆ ಆದ ಸಂತೋಷಕ್ಕೆ ಪಾರವೇ ಇರಲಿಲ್ಲ.<br /> <br /> ಆಶಾ ಸೆಂಟರ್ನ ಪ್ರಾಂಶುಪಾಲರಾದ ಮೀರಾ ರವಿಚಂದರ್ ಈ ಕಥಾನಕವನ್ನು ಹೆಮ್ಮೆಯಿಂದ ಹೇಳಿಕೊಳ್ಳುತ್ತಾರೆ. <br /> <br /> ಮಾನಸಿಕ ಹಾಗೂ ದೈಹಿಕ ಅಸಮರ್ಥ ಮಕ್ಕಳಿಗಾಗಿ ಎಂ.ಜಿ.ರಸ್ತೆಯ ರಾಜೇಂದ್ರ ಸಿಂಗ್ಜೀ ಇನ್ಸ್ಟಿಟ್ಯೂಟ್ನ (ಆರ್ಎಸ್ಐ) ಆವರಣದಲ್ಲಿ ಮಾರ್ಚ್ 4ರಂದು ಜಸ್ಟ್ ಬೇಕ್ ಬೇಕರಿ ಆರಂಭಿಸಲಾಗಿತ್ತು. ಇಲ್ಲಿ ಆಶಾ ಸೆಂಟರ್ನ ಎಂಟು ಮಕ್ಕಳು ಕೆಲಸ ಮಾಡಿ ಸೈ ಎನಿಸಿಕೊಂಡರು.<br /> <br /> ಗ್ರಾಹಕರಿಗೆ ಕೇಕ್ ಸರ್ವ್ ಮಾಡುವುದು, ಪಾರ್ಸಲ್ ಮಾಡುವುದು ಹಾಗೂ ಐಸ್ಕ್ರೀಂ ಮಿಕ್ಸ್ ಮಾಡಿ ಕೊಡುವ ಕೆಲಸವನ್ನು ನಿರ್ವಹಿಸುತ್ತಿದ್ದಾರೆ. ಏಪ್ರಿಲ್ 19ರಂದು ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಮಕ್ಕಳಿಗೆ ಕರ್ನಾಟಕ ಮತ್ತು ಕೇರಳ ಉಪವಲಯದ ಮೇಜರ್ ಜನರಲ್ ಕೆ.ಎಸ್.ವೇಣುಗೋಪಾಲ್ ಒಂದು ತಿಂಗಳ ವಂತಿಕೆ ವಿತರಿಸಿದರು.<br /> <br /> ನಂದಿತಾ ರಾವ್, ಸ್ಮಿತಾ ರಾವ್, ಅನಿರುದ್ಧ ಭಂಡಾರ್ಕರ್, ಪ್ರದೀಪ್ ಕುಮಾರ್, ಎಂ. ಶರತ್, ಮಣಿಕಂಠನ್, ಪಲ್ಲವ್ ಪೈನ್ಯುಲಿ ಹಾಗೂ ಸಿಕಂದರ್ ಸಿಂಗ್ ಈಗಾಗಲೇ ಒಂದು ತಿಂಗಳ ಸಂಬಳ ಸಂಪಾದಿಸಿ, ಇತರರಿಗಿಂತ ತಾವೇನೂ ಕಡಿಮೆಯಿಲ್ಲ ಎಂಬುದನ್ನು ಸಾಬೀತುಮಾಡಿದ್ದಾರೆ.<br /> <br /> ಆಶಾ ಸೆಂಟರ್ ದೈಹಿಕ ಹಾಗೂ ಮಾನಸಿಕ ಸಮಸ್ಯೆ ಎದುರಿಸುತ್ತಿರುವ ಮಕ್ಕಳಿಗಾಗಿ ನಡೆಸುತ್ತಿರುವ ಪಾಠಶಾಲೆ. 45 ಮಕ್ಕಳಿರುವ ಈ ಕೇಂದ್ರದಲ್ಲಿ ಮಕ್ಕಳಿಗೆ ಕಂಪ್ಯೂಟರ್, ಯೋಗ, ಸ್ಪೀಚ್ ಥೆರಪಿ, ಮ್ಯೂಸಿಕ್ ಥೆರಪಿ ಕುರಿತು ಹೇಳಿಕೊಡಲಾಗುತ್ತದೆ. <br /> <br /> ಮಾನಸಿಕ ಹಾಗೂ ದೈಹಿಕವಾಗಿ ಅಸಮರ್ಥರಾಗಿರುವ ಎಂಟು ಮಕ್ಕಳು `ಜಸ್ಟ್ ಬೇಕ್~ ಬೇಕರಿಯಲ್ಲಿ ಕೆಲಸ ಮಾಡಿ ತಮ್ಮ ಮೊದಲ ಸಂಬಳವನ್ನು ತೆಗೆದುಕೊಳ್ಳುವ ಮೂಲಕ ಆರ್ಥಿಕ ಸ್ವಾವಲಂಬಿಗಳಾಗಲು ದಾರಿಯಾಗಿದೆ ಎಂದು ಹೇಳುತ್ತಾರೆ ಪ್ರಾಂಶುಪಾಲರಾದ ಮೀರಾ ರವಿಚಂದರ್. <br /> <br /> ಹದಿನೆಂಟರಿಂದ ಮೂವತ್ತೆರಡು ವರ್ಷ ವಯಸ್ಸಿನವರು ಅನೇಕ ಕೆಲಸಗಳನ್ನು ಮಡುವ ಸಾಮರ್ಥ್ಯ ಹೊಂದಿದ್ದು, ಜಸ್ಟ್ಬೇಕ್ನಲ್ಲಿ ಅಲ್ಲದೇ ಕಾಫಿ ಶಾಪ್ನಲ್ಲಿ ಕೂಡ ಕೆಲಸ ನಿರ್ವಹಿಸುತ್ತಿದ್ದಾರೆ. ಬೆಳಿಗ್ಗೆ 9.30ರಿಂದ 1.30, ಮಧ್ಯಾಹ್ನ 1.30ರಿಂದ ಸಂಜೆ 4 ಹಾಗೂ ಸಂಜೆ 4ರಿಂದ ರಾತ್ರಿ 8ರವರೆಗೆ ನಾಲ್ಕು ತಂಡಗಳಾಗಿ ಒಬ್ಬರು ನಾಲ್ಕು ಗಂಟೆ ಕೆಲಸ ಮಾಡುತ್ತಾರೆ. <br /> <br /> ರಜೆ ದಿನಗಳಲ್ಲಿ ಈ ಮಕ್ಕಳಿಗೆ ಹಣಕಾಸು ವ್ಯವಹಾರದ ಬಗ್ಗೆ ಹಾಗೂ ಉದ್ಯೋಗ ಕೌಶಲಗಳ ಬಗ್ಗೆ ಹೇಳಿಕೊಡಲಾಗುತ್ತದೆ. ಆ ಮೂಲಕ ಅವರಲ್ಲಿರುವ ಖಿನ್ನತೆಯನ್ನು ತೊಲಗಿಸಿ ತಾವೂ ಬೇರೆಯವರಂತೆ ಬದುಕಲು ಆತ್ಮಸ್ಥೈರ್ಯ ತುಂಬುವ ಕೆಲಸವನ್ನು ಸಂಸ್ಥೆ ಮಾಡುತ್ತಿದೆ.<br /> <br /> ಆರ್ಎಸ್ಐ ಸಹಯೋಗದೊಂದಿಗೆ ಜಸ್ಟ್ಬೇಕ್ ಬೇಕರಿ ಆರಂಭಿಸುವ ಸಲಹೆಯನ್ನು ನೀಡಿದವರು ಜಸ್ಟ್ಬೇಕ್ನ ಅಧ್ಯಕ್ಷ ರಾಮರೆಡ್ಡಿ. ಅದರಂತೆ ಜಸ್ಟ್ಬೇಕ್ ಪಾರ್ಲರ್ ಆರಂಭಿಸುವ ಮೂಲಕ ಅಂಗವಿಕಲ ಮಕ್ಕಳ ಪಾಲಿಗೆ ಬೆಳಕಾಗಿದ್ದಾರೆ. ಈ ಬೇಕರಿಯಿಂದ ಬರುವ ಆದಾಯದಲ್ಲಿ ಶೇ 50ರಷ್ಟು ಹಣವನ್ನು ಆಶಾ ಸೆಂಟರ್ಗೆ ದೇಣಿಗೆ ನೀಡುವುದಾಗಿ ರೆಡ್ಡಿ ಅವರು ಹೇಳಿದ್ದಾರೆ.<br /> <br /> ಬೇಕರಿಗೆ ಬರುವ ಗ್ರಾಹಕರಿಗೆ ಅವರಿಗಿಷ್ಟದ ತಿನಿಸುಗಳನ್ನು ಸರ್ವ್ ಮಾಡುವ ಈ ದೈಹಿಕ ಸಮಸ್ಯೆಗೊಳಗಾದ ಮಕ್ಕಳ ನಗುಮುಖದಲ್ಲಿ ಆತ್ಮವಿಶ್ವಾಸದ ಅಲೆ ಸುಳಿದು ಹೋಗುತ್ತಿತ್ತು.<br /> <strong><br /> ಚಿತ್ರಗಳು: ಬಿ.ಎಚ್.ಶಿವಕುಮಾರ್</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
