ನಮಗೇಕೆ ವಿಷ?!

ಎಚ್‌ಎಂಟಿ ಮೆಷಿನ್‌ ಟೂಲ್ಸ್ ವಿಭಾಗದ ನೌಕರರಿಗೆ ನಿವೃತ್ತಿ ವಯಸ್ಸು ಏರಿಸಿ, 1997ರ ವೇತನ ಪರಿಷ್ಕರಣೆಗೆ ಕೇಂದ್ರ ಸಚಿವ ಸಂಪುಟ ಸಮ್ಮತಿಸಿದೆ (ಪ್ರ.ವಾ.ಮಾರ್ಚ್‌ 1)  ಸಂತಸದ ವಿಷಯ! ಆದರೆ ಎಚ್‌ಎಂಟಿಯ ಗಡಿಯಾರ ವಿಭಾ­­ಗದ ನೌಕರರಿಗೆ ‘ವಿಷ’ ನೀಡಿದೆ.



ಗಡಿ­ಯಾರ ವಿಭಾಗವು ಲಾಭದಲ್ಲಿ­ದ್ದಾಗ, ನಷ್ಟದ­ಲ್ಲಿದ್ದ ಮೆಷಿನ್‌ ಟೂಲ್ಸ್ ವಿಭಾಗದ ನೌಕರರಿಗೆ ಸಂಬಳ ನೀಡುತ್ತಿತ್ತು! ಗಡಿಯಾರ ವಿಭಾಗವು ನಷ್ಟಕ್ಕೆ ಒಳಗಾದಾಗ ಮೆಷಿನ್‌ ಟೂಲ್ಸ್ ಮತ್ತು ಗಡಿಯಾರ ವಿಭಾಗ­ವನ್ನೇ ಬೇರೆ ಅಂದರೆ ಎಚ್‌ಎಂಟಿ ಲಿಮಿಟೆಡ್‌  ಬೇರೆ, ಎಚ್ಎಂಟಿ  ವಾಚಸ್ ಲಿಮಿಟೆಡ್ ಬೇರೆಯಾಗಿ ಮಾಡ­ಲಾಯ್ತು! ಗಡಿಯಾರ ವಿಭಾಗಕ್ಕೆ ನಿವೃತ್ತಿ ವಯಸ್ಸು ಏರಿಕೆಯೂ ಇಲ್ಲ, ವೇತನ ಪರಿ­ಷ್ಕ­ರಣೆಯೂ ಇಲ್ಲ.



ಜೊತೆಗೆ ಕಳೆದ ಏಪ್ರಿಲ್‌ನಿಂದ ಅಂದರೆ 11 ತಿಂಗಳುಗಳಿಂದ ವೇತನವಿಲ್ಲ! 2003ಕ್ಕೂ ಹಿಂದೆ ‘ಸ್ವಯಂ ನಿವೃತ್ತಿ’ ಹೆಸರಲ್ಲಿ ಹೊರ­ದೂಡಿದ ನೌಕರರಲ್ಲಿ ಆತ್ಮಹತ್ಯೆಗೆ ಒಳಗಾದವರ ಲೆಕ್ಕವಿಲ್ಲ! ಇದಕ್ಕೆಲ್ಲ ಯಾರು ಹೊಣೆ?