ನಳಿನಿ, ಮುರುಗನ್ ಕಾರಾಗೃಹದಲ್ಲಿ ಭೇಟಿ
ಚೆನ್ನೈ (ಐಎಎನ್‌ಎಸ್): ಮಾಜಿ ಪ್ರಧಾನಿ ರಾಜೀವ್ ಗಾಂಧಿ ಹತ್ಯೆ ಪ್ರಕರಣದಲ್ಲಿ ಜೀವಾವಧಿ ಶಿಕ್ಷೆಗೆ ಗುರಿಯಾಗಿರುವ ನಳಿನಿ ಶನಿವಾರ ವೆಲ್ಲೂರು ಕೇಂದ್ರ ಕಾರಾಗೃಹದಲ್ಲಿರುವ ತನ್ನ ಪತಿ, ಇದೇ ಪ್ರಕರಣದಲ್ಲಿ ಗಲ್ಲು ಶಿಕ್ಷೆಗೆ ಗುರಿಯಾಗಿರುವ ಮುರುಗನ್‌ನನ್ನು ಭೇಟಿಯಾಗಿದ್ದಳು.
30 ನಿಮಿಷಗಳ ಕಾಲ ಇಬ್ಬರೂ ಮಾತನಾಡಿದರು. ಒಂದು ವರ್ಷದ ನಂತರ ಇದು ಅವರ ಮೊದಲ ಭೇಟಿ ಎಂದು ಜೈಲಿನ ಮೂಲಗಳು ತಿಳಿಸಿವೆ.ಮುರುಗನ್, ಸಂತಾನ್ ಮತ್ತು ಎ.ಜಿ.ಪೇರ್‌ಅರಿವಳನ್ ಸಲ್ಲಿಸಿದ್ದ ಕ್ಷಮಾದಾನ ಅರ್ಜಿಗಳನ್ನು ರಾಷ್ಟ್ರಪತಿ ಪ್ರತಿಭಾ ಪಾಟೀಲ್ ಕಳೆದ ತಿಂಗಳು ತಿರಸ್ಕರಿಸಿದ್ದಾರೆ.
ಬರಹ ಇಷ್ಟವಾಯಿತೆ?
0
0
0
0
0
