<p><strong>ಗಂಗಾವತಿ:</strong> ಇಲ್ಲಿನ ತಾಲ್ಲೂಕು ಪಂಚಾಯಿತಿ ಆವರಣದಲ್ಲಿ ಹೆಸರಿಲ್ಲದ ಇಲಾಖೆಯೊಂದು ಕಾರ್ಯ ನಿರ್ವಹಿಸುತ್ತಿದೆ. ಸರ್ಕಾರ ಜಾರಿಗೆ ತರುವ ವಿವಿಧ ಯೋಜನೆಗಳ ಮಾಹಿತಿ ಪಡೆಯಲು ತಾಲ್ಲೂಕಿನ ವಿವಿಧ ಭಾಗದಿಂದ ಆಗಮಿಸುವ ಪಾಲಕರು ಮತ್ತು ವಿದ್ಯಾರ್ಥಿಗಳಿಗೆ ಇಲಾಖೆ ಹೆಸರೇಳಿಕೊಂಡು ಅಲೆದಾಡಬೇಕಾದ ಸ್ಥಿತಿ ನಿರ್ಮಾಣವಾಗಿದೆ.<br /> <br /> ಹಿಂದುಳಿದ ಇಲಾಖೆ: ಸಹಜವಾಗಿ ಯಾವುದೇ ಸರ್ಕಾರಿ ಇಲಾಖೆಗಳು ಸ್ವಂತ ಅಥವಾ ಬಾಡಿಗೆ ಕಟ್ಟಡದಲ್ಲಿ ನಿರ್ವಹಿಸುತ್ತಿದ್ದರೂ ಸಾರ್ವಜನಿಕರ ಅನುಕೂಲಕ್ಕಾಗಿ ತಮ್ಮ ಇಲಾಖೆಯ ಹೆಸರುಳ್ಳ ನಾಮ ಫಲಕವನ್ನು ಕಚೇರಿಯ ಮುಂದೆ ಹಾಕಿಸುವುದು ವಾಡಿಕೆ. <br /> <br /> ಆದರೆ ತಾಲ್ಲೂಕು ಪಂಚಾಯಿತಿ ಆವರಣದಲ್ಲಿ ಕಾರ್ಯ ನಿರ್ವಹಿಸುತ್ತಿರುವ `ಹಿಂದುಳಿದ ಮತ್ತು ಅಲ್ಪ ಸಂಖ್ಯಾತರ ಕಲ್ಯಾಣ ಇಲಾಖೆ~ಯ ಕಚೇರಿ ಮುಂದೆ ಕನಿಷ್ಠ ಒಂದು ನಾಮ ಫಲಕವಿಲ್ಲ. ಹೀಗಾಗಿ ಜನ ಕಚೇರಿಯನ್ನು ಅರಸುತ್ತಾ ಪರದಾಡಬೇಕಾದ ಸ್ಥಿತಿ ನಿರ್ಮಾಣವಾಗಿದೆ.<br /> <br /> ಒಂದು ನಾಮ ಫಲಕ ಹಾಕಿಸುವಲ್ಲಿಯೇ ಇಲಾಖೆಯ ಸ್ಥಳೀಯ ಅಧಿಕಾರಿಗಳು ಹಿಂದುಳಿದಿದ್ದಾರೆ. ಇನ್ನೂ ಇಲಾಖೆ ಮೂಲಕ ಸರ್ಕಾರದಿಂದ ಜಾರಿಯಾಗುವ ಯೋಜನೆಗಳನ್ನು ಜನರಿಗೆ ಅದೆಷ್ಟು ತ್ವರಿತವಾಗಿ ತಲುಪಿಸುತ್ತಾರೆ? ಎಂದು ರೇವಣಪ್ಪ ಕನ್ನೇರಮಡು ಪ್ರಶ್ನಿಸುತ್ತಾರೆ.<br /> <br /> ಸಿಬ್ಬಂದಿ ಮನೆಯಲ್ಲಿ: ವಾಸ್ತವಿಕವಾಗಿ ಇಲಾಖೆಯ ತಾಲ್ಲೂಕು ಕಚೇರಿ ಆರಂಭಿಸಲು ಸ್ವಂತದೊಂದು ಕಟ್ಟಡ ಇಲ್ಲ. ಕನಿಷ್ಠ ಪಕ್ಷ ಬಾಡಿಗೆ ಪಡೆಯಲು ಅಧಿಕಾರಿಗಳು ವಿಚಾರಣೆ ನಡೆಸಿದರೆ, ಇಲಾಖೆಯ ಕರಾರುಗಳಿಂದ ಯಾವೊಬ್ಬ ಮನೆ ಮಾಲಿಕರು ಇಲಾಖೆಗೆ ಬಾಡಿಗೆ ನೀಡಲು ಮುಂದಾಗುತ್ತಿಲ್ಲ.<br /> <br /> ಹೀಗಾಗಿ ತಾಲ್ಲೂಕು ಪಂಚಾಯಿತಿ ಆವರಣದಲ್ಲಿ ಪಂಚಾಯಿತಿ ಸಿಬ್ಬಂದಿಗೆಂದು ನಿರ್ಮಿಸಲಾದ ಗೃಹ (ಕ್ವಾರ್ಟರ್ಸ್)ದಲ್ಲಿ ಕಚೇರಿ ನಡೆಯುತ್ತಿದೆ. ಆದರೆ ಕನಿಷ್ಠ ಒಂದು ನಾಮ ಫಲಕ ಹಾಕಿಸುವಷ್ಟು ಗಂಭೀರ ಸ್ಥಿತಿ ಇಲಾಖೆಗಿಲ್ಲ. ಜನರ ಅನುಕೂಲಕ್ಕಾಗಿಯಾದರೂ ನಾಮಫಲಕ ಹಾಕಿಸಬೇಕಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಗಂಗಾವತಿ:</strong> ಇಲ್ಲಿನ ತಾಲ್ಲೂಕು ಪಂಚಾಯಿತಿ ಆವರಣದಲ್ಲಿ ಹೆಸರಿಲ್ಲದ ಇಲಾಖೆಯೊಂದು ಕಾರ್ಯ ನಿರ್ವಹಿಸುತ್ತಿದೆ. ಸರ್ಕಾರ ಜಾರಿಗೆ ತರುವ ವಿವಿಧ ಯೋಜನೆಗಳ ಮಾಹಿತಿ ಪಡೆಯಲು ತಾಲ್ಲೂಕಿನ ವಿವಿಧ ಭಾಗದಿಂದ ಆಗಮಿಸುವ ಪಾಲಕರು ಮತ್ತು ವಿದ್ಯಾರ್ಥಿಗಳಿಗೆ ಇಲಾಖೆ ಹೆಸರೇಳಿಕೊಂಡು ಅಲೆದಾಡಬೇಕಾದ ಸ್ಥಿತಿ ನಿರ್ಮಾಣವಾಗಿದೆ.<br /> <br /> ಹಿಂದುಳಿದ ಇಲಾಖೆ: ಸಹಜವಾಗಿ ಯಾವುದೇ ಸರ್ಕಾರಿ ಇಲಾಖೆಗಳು ಸ್ವಂತ ಅಥವಾ ಬಾಡಿಗೆ ಕಟ್ಟಡದಲ್ಲಿ ನಿರ್ವಹಿಸುತ್ತಿದ್ದರೂ ಸಾರ್ವಜನಿಕರ ಅನುಕೂಲಕ್ಕಾಗಿ ತಮ್ಮ ಇಲಾಖೆಯ ಹೆಸರುಳ್ಳ ನಾಮ ಫಲಕವನ್ನು ಕಚೇರಿಯ ಮುಂದೆ ಹಾಕಿಸುವುದು ವಾಡಿಕೆ. <br /> <br /> ಆದರೆ ತಾಲ್ಲೂಕು ಪಂಚಾಯಿತಿ ಆವರಣದಲ್ಲಿ ಕಾರ್ಯ ನಿರ್ವಹಿಸುತ್ತಿರುವ `ಹಿಂದುಳಿದ ಮತ್ತು ಅಲ್ಪ ಸಂಖ್ಯಾತರ ಕಲ್ಯಾಣ ಇಲಾಖೆ~ಯ ಕಚೇರಿ ಮುಂದೆ ಕನಿಷ್ಠ ಒಂದು ನಾಮ ಫಲಕವಿಲ್ಲ. ಹೀಗಾಗಿ ಜನ ಕಚೇರಿಯನ್ನು ಅರಸುತ್ತಾ ಪರದಾಡಬೇಕಾದ ಸ್ಥಿತಿ ನಿರ್ಮಾಣವಾಗಿದೆ.<br /> <br /> ಒಂದು ನಾಮ ಫಲಕ ಹಾಕಿಸುವಲ್ಲಿಯೇ ಇಲಾಖೆಯ ಸ್ಥಳೀಯ ಅಧಿಕಾರಿಗಳು ಹಿಂದುಳಿದಿದ್ದಾರೆ. ಇನ್ನೂ ಇಲಾಖೆ ಮೂಲಕ ಸರ್ಕಾರದಿಂದ ಜಾರಿಯಾಗುವ ಯೋಜನೆಗಳನ್ನು ಜನರಿಗೆ ಅದೆಷ್ಟು ತ್ವರಿತವಾಗಿ ತಲುಪಿಸುತ್ತಾರೆ? ಎಂದು ರೇವಣಪ್ಪ ಕನ್ನೇರಮಡು ಪ್ರಶ್ನಿಸುತ್ತಾರೆ.<br /> <br /> ಸಿಬ್ಬಂದಿ ಮನೆಯಲ್ಲಿ: ವಾಸ್ತವಿಕವಾಗಿ ಇಲಾಖೆಯ ತಾಲ್ಲೂಕು ಕಚೇರಿ ಆರಂಭಿಸಲು ಸ್ವಂತದೊಂದು ಕಟ್ಟಡ ಇಲ್ಲ. ಕನಿಷ್ಠ ಪಕ್ಷ ಬಾಡಿಗೆ ಪಡೆಯಲು ಅಧಿಕಾರಿಗಳು ವಿಚಾರಣೆ ನಡೆಸಿದರೆ, ಇಲಾಖೆಯ ಕರಾರುಗಳಿಂದ ಯಾವೊಬ್ಬ ಮನೆ ಮಾಲಿಕರು ಇಲಾಖೆಗೆ ಬಾಡಿಗೆ ನೀಡಲು ಮುಂದಾಗುತ್ತಿಲ್ಲ.<br /> <br /> ಹೀಗಾಗಿ ತಾಲ್ಲೂಕು ಪಂಚಾಯಿತಿ ಆವರಣದಲ್ಲಿ ಪಂಚಾಯಿತಿ ಸಿಬ್ಬಂದಿಗೆಂದು ನಿರ್ಮಿಸಲಾದ ಗೃಹ (ಕ್ವಾರ್ಟರ್ಸ್)ದಲ್ಲಿ ಕಚೇರಿ ನಡೆಯುತ್ತಿದೆ. ಆದರೆ ಕನಿಷ್ಠ ಒಂದು ನಾಮ ಫಲಕ ಹಾಕಿಸುವಷ್ಟು ಗಂಭೀರ ಸ್ಥಿತಿ ಇಲಾಖೆಗಿಲ್ಲ. ಜನರ ಅನುಕೂಲಕ್ಕಾಗಿಯಾದರೂ ನಾಮಫಲಕ ಹಾಕಿಸಬೇಕಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
