ನಿಮಗೂ ದಂತ ಕಲೆ ಸಮಸ್ಯೆಯೇ?

ಬಹಳ ಜನರಿಗೆ ಹಲ್ಲು ಹುಳುಕು, ಬಾಯಿ ದುರ್ವಾಸನೆ, ವಸಡಿನ ರೋಗವನ್ನು ಬಿಟ್ಟರೆ ಕಾಡುವ ಮತ್ತೊಂದು ಸಮಸ್ಯೆ ಎಂದರೆ ದಂತ ಕಲೆ.

ದಂತ ಕಲೆಗಳನ್ನು ಎರಡು ವಿಭಾಗಗಳಾಗಿ ವಿಂಗಡಿಸಬಹುದು:

ಬಾಹ್ಯ ಕಲೆಗಳು * ಹಳದಿ ಬಣ್ಣದ ಕಲೆ: ಈ ಕಲೆ ಯಾರು ಕ್ರಮಬದ್ಧವಾಗಿ ಹಲ್ಲನ್ನು ಸ್ವಚ್ಛಗೊಳಿಸುವುದಿಲ್ಲವೋ ಅವರಲ್ಲಿ ಉಂಟಾಗುತ್ತದೆ. ಬ್ಯಾಕ್ಟೀರಿಯಾ ಸಹಿತವಾದ ತೆಳು ಹಳದಿ ಬಣ್ಣ ಹಲ್ಲುಗಳ ಮೇಲೆ ಕಾಣಿಸಿಕೊಳ್ಳುತ್ತದೆ. ಈ ಕಲೆ ಸಾಮಾನ್ಯವಾಗಿ ಎಲ್ಲಾ ವಯೋಮಾನದ ಜನರಲ್ಲಿಯೂ ಉಂಟಾಗುತ್ತದೆ.

* ಹಸಿರು ಕಲೆ: ಈ ಕಲೆಯು ಕ್ರೋಮೊಜಿನಿಕ್ ಮತ್ತು ಫಂಗೈ (Chormogenic Bacteria & Fungi)ಎಂಬ ಕೀಟಾಣುಗಳಿಂದ ಉಂಟಾಗುತ್ತದೆ. ಈ ಕಲೆಯನ್ನು ಸಾಮಾನ್ಯವಾಗಿ ಹಾಲು ಹಲ್ಲುಗಳಲ್ಲಿ ಮತ್ತು ಶಾಶ್ವತ ಹಲ್ಲುಗಳಲ್ಲಿ ನೋಡಬಹುದು.

* ಕಪ್ಪು ಬಣ್ಣದ ಕಲೆ: ಈ ಕಪ್ಪು ಕಲೆಗಳು ಗ್ರಾಮ್ ಪಾಸಿಟೀವ್ರಾಡ್ಸ್(Gram Positive rods) ಎಂಬ ಕೀಟಾಣುಗಳಿಂದ ಉಂಟಾಗುತ್ತದೆ. ಈ ಕಲೆ ಎಲ್ಲಾ ವಯಸ್ಸಿನವರಲ್ಲಿ ಕಾಣಬಹುದು.

* ಹೊಗೆಸೊಪ್ಪಿನ ಕಲೆ: ತಂಬಾಕು ದಹನದಿಂದ ಅಥವಾ ತಂಬಾಕು ಸೇವಿಸುವವರಲ್ಲಿ ಉತ್ಪತ್ತಿಯಾದ ಪದಾರ್ಥಗಳು ಹಲ್ಲಿನ ಸಂದುಗಳಲ್ಲಿ ತೂರಿ ಹೋದಾಗ ತೆಳು ಕಂದು ಬಣ್ಣ ಕಲೆ ಉಂಟಾಗುತ್ತದೆ. ಈ ಕಲೆ ಜಾಸ್ತಿ ಧೂಮಪಾನಿಗಳಲ್ಲಿ ಮತ್ತು ತಂಬಾಕು ಸೇವಿಸುವವರಲ್ಲಿ ಕಾಣಬಹುದು.

* ಕಂದು ಬಣ್ಣದ ಕಲೆ: ಈ ಕಲೆ ಅತಿಯಾದ ಕಾಫಿ, ಟೀ, ಸೋಯಾಸಾಸ್, ಎಲೆ-ಅಡಿಕೆ ಸೇವಿಸುವವರಲ್ಲಿ ಕಾಣುತ್ತದೆ. ಅಲ್ಲದೇ, ಬಹುಕಾಲ ಬಾಯಿ ಸ್ವಚ್ಛಗೊಳಿಸಲು ಔಷದಿಯನ್ನು ಉಪಯೋಗಿಸಿದಾಗ ಈ ಔಷದಿಯಲ್ಲಿ ಇರುವ ರಾಸಾಯನಿಕ ಅಂಶವಾದ ಕ್ಲೋರ್ ಹೆಕ್ಸಿಡಿನ್ನಿಂದಲೂ ಈ ಕಲೆ ಉಂಟಾಗುತ್ತದೆ.

* ಕಿತ್ತಳೆ ಮತ್ತು ಕೆಂಪು ಕಲೆ: ಈ ಕಲೆಯು ಕ್ರೋಮಿಜಿನಿಕ್ ಕೀಟಾಣು (Chromogenic Bacteria) ಗಳಿಂದ ಉಂಟಾಗುತ್ತದೆ.

ಆಂತರಿಕ ಕಲೆಗಳು ರೋಗಗ್ರಸ್ತವಾದ ಹಲ್ಲಿನ ತಿರುಳು: ಹಲ್ಲಿಗೆ ಪೆಟ್ಟು ಬಿದ್ದಾಗ ಅಥವಾ ರೋಗಗ್ರಸ್ತವಾದ ಹಲ್ಲಿನ ತಿರುಳಿನಲ್ಲಿರುವ ರಕ್ತನಾಳಗಳ ಬಿರುಕು ಉಂಟಾಗಿ ತಿರುಳಿನ ಸಾಯುವಿಕೆಯಿಂದ ಹಲ್ಲು ಹಳದಿ ಮಿಶ್ರಿತ ಕಂದು, ಕೆಂಪು ಮಿಶ್ರಿತ ಕಂದು, ಕಂದು ಅಥವಾ ಕಪ್ಪು ಬಣ್ಣಕ್ಕೆ ತಿರುಗುತ್ತದೆ.

* ಟೆಟ್ರಾಸೈಕ್ಲಿನ್ ಕಲೆ: ಟೆಟ್ರಾ ಸೈಕ್ಲಿನ್ ಎಂಬ ಔಷಧಿ (ಮಾತ್ರೆಯನ್ನು) ಕಾಯಿಲೆ ಪೀಡಿತ ತಾಯಿ ಅಥವಾ ಮಗು ಸೇವಿಸಿದಾಗ ಮಗುವಿನ ಹಲ್ಲಿನ ಮೇಲೆ ಈ ಕಲೆ ಉಂಟಾಗುತ್ತದೆ.

* ಲೋಹದ ಕಲೆ: ಹುಳುಕು ಹಲ್ಲಿನ ಚಿಕಿತ್ಸೆಯಲ್ಲಿ (ಬೆಳ್ಳಿಯ ಅಳವಡಿಕೆಯ) ಲೋಹದ ಅಂಶವು ಹಲ್ಲಿನ ಎನಾಮನ್ ಮತ್ತು ಡೆಂಟೈನ್ನಲ್ಲಿ ತೂರಿ ಹೋದಾಗ ಉಂಟಾಗುವ ಕಲೆಯೇ ಲೋಹದ ಕಲೆ.

* ಫ್ಲೋರೋಸಿಸ್ ಕಲೆ: ನಾವು ಉಪಯೋಗಿಸುವ ಕುಡಿಯುವ ನೀರಿನಲ್ಲಿ ಪ್ಲೋರೈಡ್ ಖನಿಜ 2 ಪಿ.ಪಿ.ಎಂ. ಗಿಂತ ಹೆಚ್ಚಾಗಿದ್ದರೆ ಉಂಟಾಗುವ ಕಲೆ ಫ್ಲೋರೋಸಿಸ್ ಕಲೆ.

* ಎರಿತ್ರೋಬ್ಲಾಸ್ಟೋಸಿಸ್ ಫೀಟಾಲಿಸ್: ಎನಾಮಲ್ ಮತ್ತು ಡೆಂಟೈನ್ನಲ್ಲಿ ರಕ್ತದ ಬಣ್ಣ ದ್ರವ್ಯಗಳು ಬೆಳೆಯುವ ಹಲ್ಲುಗಳಲ್ಲಿ ಸೇರಿಕೊಂಡಾಗ ಈ ಕಲೆ ಉಂಟಾಗುತ್ತದೆ.

ಈ ಎಲ್ಲಾ ದಂತ ಕಲೆಗಳಿಗೆ ಚಿಕಿತ್ಸೆ ಇದೆ. ಕಲೆಯನ್ನು ಕಡೆಗಣಿಸದೆ ಕೂಡಲೇ ನಿಮ್ಮ ದಂತವೈದ್ಯರನ್ನು ಕಂಡು ನಿಮ್ಮ ದಂತ ಕಲೆಗೆ ಪರಿಹಾರ ಪಡೆದುಕೊಳ್ಳಿ. (ಲೇಖಕರ ಮೊಬೈಲ್ ಸಂಖ್ಯೆ 9986288267)

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನಿಮಗೂ ದಂತ ಕಲೆ ಸಮಸ್ಯೆಯೇ?

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

IND vs ENG 2nd Test: ಆತಿಥೇಯರಿಗೆ ರೂಟ್ ಆಸರೆ

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ದಾಖಲೆಯ 14ನೇ ಬಾರಿ ಸೆಮಿಗೆ ಜೊಕೊವಿಚ್‌

ಮಂಗಳೂರಿನಲ್ಲಿ ರಾಜ್ಯ ರ‍್ಯಾಂಕಿಂಗ್ TT:ಮಹಿಳಾ ಸಿಂಗಲ್ಸ್ ಪ್ರಶಸ್ತಿ ಗೆದ್ದ ತೃಪ್ತಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ