<p>ಪ್ರಯಾಣ ಮಾಡಬೇಕಾದ ಸಂದರ್ಭದಲ್ಲಿ ಮೊಬೈಲ್, ಲ್ಯಾಪ್ ಟಾಪ್ನೊಂದಿಗೆ ಚಾರ್ಜರ್ಗಳನ್ನೂ ಮರೆಯದೇ ತೆಗೆದುಕೊಂಡು ಹೋಗಬೇಕಾದ ಅನಿವಾರ್ಯತೆ ಇರುತ್ತದೆ. <br /> <br /> ಬಸ್, ರೈಲು, ವಿಮಾನ ನಿಲ್ದಾಣಗಳಲ್ಲಿ ಸಾಕೆಟ್ಗೆ ಪ್ಲಗ್ ಜೋಡಿಸಿ, ಪಕ್ಕದಲ್ಲೇ ಕುಳಿತು ಲ್ಯಾಪ್ಟಾಪ್ ಅಥವಾ ಮೊಬೈಲ್ ರಿಚಾರ್ಚ್ ಮಾಡಿಕೊಳ್ಳುತ್ತಿರುವ ದೃಶ್ಯ ಸಾಮಾನ್ಯ. ಇನ್ನು ರೈಲು ಬೋಗಿಗಳಲ್ಲಿ ಅಳವಡಿಸಿರುವ `ರಿಚಾರ್ಜರ್ ಸಾಕೆಟ್~ಗೆ ಮೊಬೈಲ್ ಜೋಡಿಸಿಕೊಂಡು ರೀಚಾರ್ಜ್ಮಾಡಿಕೊಳ್ಳಲು ಯಾವಾಗಲೂ ಸರತಿ ಸಾಲಿನಲ್ಲಿ ಇರಬೇಕಾಗುತ್ತದೆ.<br /> <br /> ದೂರದಿಂದಲೇ- ಅಂದರೆ ಚಾರ್ಜರ್ಗೂ ಉಪಕರಣಕ್ಕೂ ಸಂಪರ್ಕವಿಲ್ಲದೇ ರೀಚಾರ್ಜ್ಮಾಡಿಕೊಳ್ಳಲು ಸಾಧ್ಯವಿಲ್ಲವೇ?<br /> <br /> ಈವರೆಗೆ `ಅಸಾಧ್ಯ~ ಎಂದೇ ಹೇಳಲಾಗುತ್ತಿದ್ದ ಇದನ್ನು ಈಗ ಸಾಧಿಸಲಾಗಿದೆ. ನಿಗದಿತ ಅಂತರದಲ್ಲಿ ಉಪಕರಣ ಇಟ್ಟು, ರೀಚಾರ್ಜ್ ಮಾಡಿಕೊಳ್ಳುವ ತಂತ್ರಜ್ಞಾನ ಸಂಶೋಧಿಸಲಾಗಿದೆ. <br /> <br /> ಇದರಿಂದ ಬರೀ ಲ್ಯಾಪ್ಟಾಪ್, ಮೊಬೈಲ್ ಮಾತ್ರವಲ್ಲದೇ ಕಂಪ್ಯೂಟರ್, ವ್ಯಾಕ್ಯೂಮ್ ಕ್ಲೀನರ್, ಸಿ.ಡಿ. ಅಥವಾ ಡಿವಿಡಿ ಪ್ಲೇಯರ್ ಸಹ ಬಳಸಬಹುದು!<br /> <br /> ಮೆಸ್ಯಾಚುಸೆಟ್ಸ್ನ `ವೈಟ್ರಿಸಿಟಿ ಕಾರ್ಪೊರೇಶನ್~ ಸಂಶೋಧಿಸಿರುವ ಈ ತಂತ್ರಜ್ಞಾನವು, ದೂರದಿಂದಲೇ ರೀಚಾರ್ಜ್ ಮಾಡುವ ಅನುಕೂಲವನ್ನು ಗ್ರಾಹಕರಿಗೆ ಒದಗಿಸಲಿದೆ. <br /> <br /> ಇದಕ್ಕೆ ~ನಿಸ್ತಂತು ವಿದ್ಯುತ್ಶಕ್ತಿ ವರ್ಗಾವಣೆ~ ಎಂದೂ ಕರೆಯಲಾಗುತ್ತಿದೆ. ಕಾಂತೀಯ ಸುರುಳಿ ಹೊಂದಿದ ಉಪಕರಣವೊಂದು ಎಲೆಕ್ಟ್ರಾನಿಕ್ ಸಾಧನಗಳಿಗೆ ವಿದ್ಯುತ್ ಶಕ್ತಿ ವರ್ಗಾಯಿಸುವ ತಂತ್ರಜ್ಞಾನ ಇದಾಗಿದೆ.<br /> <br /> `ವೈಟ್ರಿಸಿಟಿ ಸೌಲಭ್ಯವುಳ್ಳ ಉಪಕರಣಗಳನ್ನು ಈ ವರ್ಷ ಗ್ರಾಹಕರಿಗೆ ತಲುಪಿಸುವ ಗುರಿ ಹೊಂದಲಾಗಿದೆ. ಹಾಗೆಂದು ಉಪಕರಣಗಳನ್ನೇ ನೇರವಾಗಿ ಗ್ರಾಹಕರಿಗೆ ಮಾರುವುದಿಲ್ಲ. ಬದಲಾಗಿ ಈ ತಂತ್ರಜ್ಞಾನವನ್ನು ಉಪಕರಣಗಳ ತಯಾರಕರಿಗೆ ಕೊಡಲಾಗುವುದು. <br /> <br /> ಲ್ಯಾಪ್ಟಾಪ್, ಫೋನ್, ವ್ಯಾಕ್ಯೂಮ್ ಕ್ಲೀನರ್ ಇತರ ಸಂಗೀತ ಉಪಕರಣಗಳ ತಯಾರಕರ ಜತೆ ಈಗಾಗಲೇ ಮಾತುಕತೆ ನಡೆದಿದೆ~ ಎಂದು ಕಂಪೆನಿಯ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಎರಿಕ್ ಗಿಲೆರ್ ಹೇಳುತ್ತಾರೆ.<br /> <br /> ಈ ಹಿನ್ನೆಲೆಯಲ್ಲಿ `ವೈಟ್ರಿಸಿಟಿ~ ಕಂಪೆನಿಯು ತೈವಾನ್ನ ಪ್ರಮುಖ ಕಂಪೆನಿಯಾದ `ಮೀಡಿಯಾಟೆಕ್~ ಜತೆ ಒಪ್ಪಂದ ಮಾಡಿಕೊಂಡಿದೆ. ಸೆಮಿಕಂಡಕ್ಟರ್ ಉತ್ಪಾದನೆಯಲ್ಲಿ ಅಗ್ರಸ್ಥಾನ ಪಡೆದಿರುವ ಮೀಡಿಯಾಟೆಕ್, ಎಲೆಕ್ಟ್ರಾನಿಕ್ ಉಪಕರಣ ಉತ್ಪಾದನಾ ಕಂಪೆನಿಗಳಿಗೆ ಹೊಂದಿಕೊಳ್ಳುವ ಸಾಧನಗಳನ್ನು ತಯಾರಿಸಿ ಕೊಡಲಿದೆ.<br /> <br /> ಸಣ್ಣ ಉಪಕರಣಗಳನ್ನು ದೂರದಿಂದಲೇ ರೀಚಾರ್ಜ್ ಮಾಡುವ ತಂತ್ರಜ್ಞಾನ ಸಂಶೋಧಿಸಿ ಸಫಲತೆ ಕಂಡಿರುವ `ವೈಟ್ರಿಸಿಟಿ~, ವಿದ್ಯುತ್ ಚಾಲಿತ ವಾಹನಗಳಿಗೂ ತಂತ್ರಜ್ಞಾನ ರೂಪಿಸುವ ಹುಮ್ಮಸ್ಸಿನಲ್ಲಿದೆ. ಅದರ ಮುಂದಿನ ಗುರಿ- ಹೃದಯ ಸಂಬಂಧಿ ರೋಗಗಳ ಚಿಕಿತ್ಸೆಯಲ್ಲಿ ನೆರವಾಗುವ ಉಪಕರಣಗಳನ್ನೂ ಇದಕ್ಕೆ ಹೊಂದಿಕೊಳ್ಳುವಂತೆ ಮಾಡುವುದು.<br /> <br /> `ಮ್ಯಾಗ್ನೆಟಿಕ್ ಇಂಡಕ್ಷನ್ (ಅಯಸ್ಕಾಂತೀಯ ಪ್ರೇರಕ)~ ಆಧಾರಿತ ಈ ತಂತ್ರಜ್ಞಾನದಲ್ಲಿ ಕಾಂತೀಯ ಸುರುಳಿಯೊಂದು ವಿದ್ಯುತ್ ಶಕ್ತಿಯನ್ನು ಕಾಂತೀಯ ಅಲೆಗಳನ್ನಾಗಿ ಮಾರ್ಪಡಿಸುತ್ತದೆ; ಇನ್ನೊಂದು ಸುರುಳಿಯು ಈ ಅಲೆಗಳನ್ನು ಗ್ರಹಿಸಿ, ಅದನ್ನು ವಿದ್ಯುತ್ ಶಕ್ತಿಯನ್ನಾಗಿ ಪರಿವರ್ತಿಸುತ್ತದೆ.<br /> <br /> ಸದ್ಯ `ವೈಟ್ರಿಸಿಟಿ~ ಸಂಶೋಧಿಸಿದ ತಂತ್ರಜ್ಞಾನವು ನಾಲ್ಕರಿಂದ ಐದು ಅಡಿ ಅಂತರದಲ್ಲಿ ಎರಡು ಸುರುಳಿಗಳನ್ನಿಟ್ಟು, ಒಂದರಿಂದ ಇನ್ನೊಂದು ಕಡೆ ವಿದ್ಯುತ್ ವರ್ಗಾಯಿಸುವ ವಿಧಾನ ಹೊಂದಿದೆ. <br /> <br /> `ಇದೊಂದು ಸುಲಭ ಹಾಗೂ ಪರಿಣಾಮಕಾರಿ ವಿಧಾನ. ಈ ವಿಧಾನದಲ್ಲಿ ನೇರವಾಗಿ ಎರಡೂ ತುದಿಗಳನ್ನು ಸಂಪರ್ಕಿಸದೆಯೇ ವಿದ್ಯುತ್ ಅನ್ನು ಪಡೆಯಬಹುದು. ಇದು ಟ್ಯಾಬ್ಲೆಟ್, ನೋಟ್ಬುಕ್, ಲ್ಯಾಪ್ಟಾಪ್ನಂಥ ಬಹೂಪಯೋಗಿ ಸಾಧನಗಳಿಗೆ ಹೆಚ್ಚಿನ ಅನುಕೂಲ ಮಾಡಬಲ್ಲದು~ ಎಂದು ಬಣ್ಣಿಸುತ್ತಾರೆ, ಪ್ರಿನ್ಸ್ಟನ್ನ ಎಂಜಿನಿಯರಿಂಗ್ ಕಾಲೇಜಿನಲ್ಲಿ ಎಲೆಕ್ಟ್ರೊಮ್ಯಾಗ್ನೆಟಿಕ್ ವಿಭಾಗದಲ್ಲಿ ಸಹ ಪ್ರಾಧ್ಯಾಪಕರಾದ ಜೇಸನ್ ಫಿಷರ್.<br /> <br /> ಇಂಥ ತಂತ್ರಜ್ಞಾನ ಇನ್ನಷ್ಟು ಸಂಶೋಧನೆಗೆ ಅವಕಾಶ ನೀಡಲಿದೆ. ಮನೆಯ ಮಾಲೀಕ ಒಂದೆಡೆ `ವೈಟ್ರಿಸಿಟಿ~ ಸುರುಳಿಯನ್ನು ಪ್ಲಗ್ಗೆ ಜೋಡಿಸಿ ಇಟ್ಟರೆ, ಉಳಿದೆಲ್ಲ ಉಪಕರಣಗಳಿಗೂ ಅದರಿಂದಲೇ ವಿದ್ಯುತ್ ರೀಚಾರ್ಜ್ ಮಾಡಬಹುದು. ಮನೆಯ ಕಸಗುಡಿಸುವ ವ್ಯಾಕ್ಯೂಮ್ ಕ್ಲೀನರ್, ಹೊರಗೆ ತೆಗೆದುಕೊಂಡು ಹೋಗುವ ಎಂಪಿ-3, ಎಂಪಿ-4 ಪ್ಲೇಯರ್, ಲ್ಯಾಪ್ಟಾಪ್, ಟ್ಯಾಬ್ಲೆಟ್, ಮೊಬೈಲ್ಗಳೆಲ್ಲ ತಾವು ಇರುವೆಡೆಯಿಂದಲೇ ರೀಚಾರ್ಜ್ ಆಗುತ್ತವೆ.<br /> <br /> `ವೈಟ್ರಿಸಿಟಿ~ ತಂತ್ರಜ್ಞಾನವನ್ನು ಸಂಶೋಧಿಸಿದ್ದು- ಮೆಸಾಚುಸೆಟ್ಸ್ ತಾಂತ್ರಿಕ ಸಂಸ್ಥೆಯ ಪ್ರೊಫೆಸರ್ ಮರಿನ್ ಸೊಲ್ಜಿಸಿಕ್. ಇದು 2007ರ `ಸೈನ್ಸ್ ಜರ್ನಲ್~ನಲ್ಲಿ ಪ್ರಕಟವಾಗಿತ್ತು. ಈ ಮಹತ್ವದ ಸಂಶೋಧನೆಗಾಗಿ 2008ರಲ್ಲಿ ಮರಿನ್ಗೆ 5 ಲಕ್ಷ ಡಾಲರ್ ಮೊತ್ತದ ಬಹುಮಾನ ಕೂಡ ಬಂದಿತ್ತು. ಎರಡು ಸುರುಳಿಗಳ ನಡುವಿನ ಅಂತರ ಹೆಚ್ಚಿಸಿದರೂ, ವಿದ್ಯುತ್ ವರ್ಗಾಯಿಸಬಲ್ಲ ತಂತ್ರಜ್ಞಾನದ ಬಗ್ಗೆ ಅವರು ಈಗ ಮತ್ತಷ್ಟು ಅಧ್ಯಯನದಲ್ಲಿ ನಿರತರಾಗಿದ್ದಾರೆ.<br /> <br /> ಎಲೆಕ್ಟ್ರಾನಿಕ್ ಉಪಕರಣಗಳನ್ನು ಹೆಚ್ಚು ಹೆಚ್ಚಾಗಿ ಬಳಸುವ ಜನರಿಗೆ ಈ ತಂತ್ರಜ್ಞಾನ ವರದಾನವಿದ್ದಂತೆ ಎಂದು ಯೇಲ್ ವಿಶ್ವವಿದ್ಯಾಲಯದ ಭೌತಶಾಸ್ತ್ರ ವಿಭಾಗದ ಮುಖ್ಯಸ್ಥ ಎ.ಡಗ್ಲಾಸ್ ಸ್ಟೊನ್ ಹೇಳುತ್ತಾರೆ.<br /> <br /> `ವಿದ್ಯುತ್ ಶಕ್ತಿಯಿಂದ ಕಾರ್ಯನಿರ್ವಹಿಸುವ ಎಷ್ಟೋ ಉಪಕರಣಗಳು ಪದೇ ಪದೇ ಚಾರ್ಜ್ ಆಗಲೇಬೇಕು. ಅವುಗಳ ಕಾರ್ಯನಿರ್ವಹಣೆಗೆ ಇದೇ ಸಮಸ್ಯೆಯಾಗದಂತೆ ಸಂಶೋಧಿಸಲಾದ ಈ ತಂತ್ರಜ್ಞಾನವು ನಿಜಕ್ಕೂ ವೃತ್ತಿಪರ ತಂತ್ರಜ್ಞರಿಗೆ ಹೆಚ್ಚು ನೆರವಾಗಬಲ್ಲದು ಎಂದು ಅವರು ಹೇಳುತ್ತಾರೆ.<br /> <br /> ವಿದ್ಯುತ್ ಶಕ್ತಿಯನ್ನೇ ಇಂಧನವಾಗಿ ಮಾಡಿಕೊಂಡು ಚಲಿಸುವ ಕಾರುಗಳ ಬಗ್ಗೆ ಈಗ ಗ್ರಾಹಕರು ಹೆಚ್ಚು ಒಲವು ತೋರಿಸುತ್ತಿದ್ದಾರೆ. ತಂತಿ ಜೋಡಿಸಿ, ರೀಚಾರ್ಜ್ ಮಾಡಿಕೊಳ್ಳಲೇಬೇಕಾದ ಅನಿವಾರ್ಯತೆ ತಪ್ಪಿಸಬೇಕೆಂದರೆ, ವೈಟ್ರಿಸಿಟಿ ತಂತ್ರಜ್ಞಾನ ಅದಕ್ಕೊಂದು ಪರ್ಯಾಯ ಆಗಬಲ್ಲದು.</p>.<p><br /> ಈಗ ಸ್ವಲ್ಪ ಅಂತರದಿಂದ ರೀಚಾರ್ಜ್ ಮಾಡಬಹುದಾದ ತಂತ್ರಜ್ಞಾನವನ್ನು ಇನ್ನಷ್ಟು ಪರಿಷ್ಕರಿಸಿದರೆ, ಆರು ಮೀಟರ್ ದೂರದಲ್ಲಿನ ಉಪಕರಣಕ್ಕೂ ವಿದ್ಯುತ್ ಶಕ್ತಿ ವರ್ಗಾವಣೆಯಾಗಬಲ್ಲದು.<br /> <br /> ಪ್ಲಗ್ ಜೋಡಿಸಿ ವೈರ್ ಮೂಲಕ ಪಡೆಯುವ ವಿದ್ಯುತ್ ಪ್ರಮಾಣಕ್ಕೆ ಹೋಲಿಸಿದರೆ, ನಿಸ್ತಂತು ತಂತ್ರಜ್ಞಾನದ ಮೂಲಕ ತುಸು ಕಡಿಮೆ ಪ್ರಮಾಣದಲ್ಲಿ ವಿದ್ಯುತ್ ಪಡೆಯಬಹುದು ಎಂಬುದು ಸಂಶೋಧನೆಯಿಂದ ತಿಳಿದುಬಂದಿದೆ. <br /> <br /> ಈ ಬಗ್ಗೆ ಕೂಡ ವಿಜ್ಞಾನಿಗಳು ಗಮನಹರಿಸುತ್ತಿದ್ದು, ಇದು ಯಶಸ್ವಿಯಾದರೆ ಪೂರ್ಣ ಪ್ರಮಾಣದ ವಿದ್ಯುತ್ ಶಕ್ತಿಯನ್ನು ನಿಸ್ತಂತು ವಿಧಾನದಲ್ಲೇ ಪಡೆಯುವ ದಿನ ದೂರವಿಲ್ಲ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಪ್ರಯಾಣ ಮಾಡಬೇಕಾದ ಸಂದರ್ಭದಲ್ಲಿ ಮೊಬೈಲ್, ಲ್ಯಾಪ್ ಟಾಪ್ನೊಂದಿಗೆ ಚಾರ್ಜರ್ಗಳನ್ನೂ ಮರೆಯದೇ ತೆಗೆದುಕೊಂಡು ಹೋಗಬೇಕಾದ ಅನಿವಾರ್ಯತೆ ಇರುತ್ತದೆ. <br /> <br /> ಬಸ್, ರೈಲು, ವಿಮಾನ ನಿಲ್ದಾಣಗಳಲ್ಲಿ ಸಾಕೆಟ್ಗೆ ಪ್ಲಗ್ ಜೋಡಿಸಿ, ಪಕ್ಕದಲ್ಲೇ ಕುಳಿತು ಲ್ಯಾಪ್ಟಾಪ್ ಅಥವಾ ಮೊಬೈಲ್ ರಿಚಾರ್ಚ್ ಮಾಡಿಕೊಳ್ಳುತ್ತಿರುವ ದೃಶ್ಯ ಸಾಮಾನ್ಯ. ಇನ್ನು ರೈಲು ಬೋಗಿಗಳಲ್ಲಿ ಅಳವಡಿಸಿರುವ `ರಿಚಾರ್ಜರ್ ಸಾಕೆಟ್~ಗೆ ಮೊಬೈಲ್ ಜೋಡಿಸಿಕೊಂಡು ರೀಚಾರ್ಜ್ಮಾಡಿಕೊಳ್ಳಲು ಯಾವಾಗಲೂ ಸರತಿ ಸಾಲಿನಲ್ಲಿ ಇರಬೇಕಾಗುತ್ತದೆ.<br /> <br /> ದೂರದಿಂದಲೇ- ಅಂದರೆ ಚಾರ್ಜರ್ಗೂ ಉಪಕರಣಕ್ಕೂ ಸಂಪರ್ಕವಿಲ್ಲದೇ ರೀಚಾರ್ಜ್ಮಾಡಿಕೊಳ್ಳಲು ಸಾಧ್ಯವಿಲ್ಲವೇ?<br /> <br /> ಈವರೆಗೆ `ಅಸಾಧ್ಯ~ ಎಂದೇ ಹೇಳಲಾಗುತ್ತಿದ್ದ ಇದನ್ನು ಈಗ ಸಾಧಿಸಲಾಗಿದೆ. ನಿಗದಿತ ಅಂತರದಲ್ಲಿ ಉಪಕರಣ ಇಟ್ಟು, ರೀಚಾರ್ಜ್ ಮಾಡಿಕೊಳ್ಳುವ ತಂತ್ರಜ್ಞಾನ ಸಂಶೋಧಿಸಲಾಗಿದೆ. <br /> <br /> ಇದರಿಂದ ಬರೀ ಲ್ಯಾಪ್ಟಾಪ್, ಮೊಬೈಲ್ ಮಾತ್ರವಲ್ಲದೇ ಕಂಪ್ಯೂಟರ್, ವ್ಯಾಕ್ಯೂಮ್ ಕ್ಲೀನರ್, ಸಿ.ಡಿ. ಅಥವಾ ಡಿವಿಡಿ ಪ್ಲೇಯರ್ ಸಹ ಬಳಸಬಹುದು!<br /> <br /> ಮೆಸ್ಯಾಚುಸೆಟ್ಸ್ನ `ವೈಟ್ರಿಸಿಟಿ ಕಾರ್ಪೊರೇಶನ್~ ಸಂಶೋಧಿಸಿರುವ ಈ ತಂತ್ರಜ್ಞಾನವು, ದೂರದಿಂದಲೇ ರೀಚಾರ್ಜ್ ಮಾಡುವ ಅನುಕೂಲವನ್ನು ಗ್ರಾಹಕರಿಗೆ ಒದಗಿಸಲಿದೆ. <br /> <br /> ಇದಕ್ಕೆ ~ನಿಸ್ತಂತು ವಿದ್ಯುತ್ಶಕ್ತಿ ವರ್ಗಾವಣೆ~ ಎಂದೂ ಕರೆಯಲಾಗುತ್ತಿದೆ. ಕಾಂತೀಯ ಸುರುಳಿ ಹೊಂದಿದ ಉಪಕರಣವೊಂದು ಎಲೆಕ್ಟ್ರಾನಿಕ್ ಸಾಧನಗಳಿಗೆ ವಿದ್ಯುತ್ ಶಕ್ತಿ ವರ್ಗಾಯಿಸುವ ತಂತ್ರಜ್ಞಾನ ಇದಾಗಿದೆ.<br /> <br /> `ವೈಟ್ರಿಸಿಟಿ ಸೌಲಭ್ಯವುಳ್ಳ ಉಪಕರಣಗಳನ್ನು ಈ ವರ್ಷ ಗ್ರಾಹಕರಿಗೆ ತಲುಪಿಸುವ ಗುರಿ ಹೊಂದಲಾಗಿದೆ. ಹಾಗೆಂದು ಉಪಕರಣಗಳನ್ನೇ ನೇರವಾಗಿ ಗ್ರಾಹಕರಿಗೆ ಮಾರುವುದಿಲ್ಲ. ಬದಲಾಗಿ ಈ ತಂತ್ರಜ್ಞಾನವನ್ನು ಉಪಕರಣಗಳ ತಯಾರಕರಿಗೆ ಕೊಡಲಾಗುವುದು. <br /> <br /> ಲ್ಯಾಪ್ಟಾಪ್, ಫೋನ್, ವ್ಯಾಕ್ಯೂಮ್ ಕ್ಲೀನರ್ ಇತರ ಸಂಗೀತ ಉಪಕರಣಗಳ ತಯಾರಕರ ಜತೆ ಈಗಾಗಲೇ ಮಾತುಕತೆ ನಡೆದಿದೆ~ ಎಂದು ಕಂಪೆನಿಯ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಎರಿಕ್ ಗಿಲೆರ್ ಹೇಳುತ್ತಾರೆ.<br /> <br /> ಈ ಹಿನ್ನೆಲೆಯಲ್ಲಿ `ವೈಟ್ರಿಸಿಟಿ~ ಕಂಪೆನಿಯು ತೈವಾನ್ನ ಪ್ರಮುಖ ಕಂಪೆನಿಯಾದ `ಮೀಡಿಯಾಟೆಕ್~ ಜತೆ ಒಪ್ಪಂದ ಮಾಡಿಕೊಂಡಿದೆ. ಸೆಮಿಕಂಡಕ್ಟರ್ ಉತ್ಪಾದನೆಯಲ್ಲಿ ಅಗ್ರಸ್ಥಾನ ಪಡೆದಿರುವ ಮೀಡಿಯಾಟೆಕ್, ಎಲೆಕ್ಟ್ರಾನಿಕ್ ಉಪಕರಣ ಉತ್ಪಾದನಾ ಕಂಪೆನಿಗಳಿಗೆ ಹೊಂದಿಕೊಳ್ಳುವ ಸಾಧನಗಳನ್ನು ತಯಾರಿಸಿ ಕೊಡಲಿದೆ.<br /> <br /> ಸಣ್ಣ ಉಪಕರಣಗಳನ್ನು ದೂರದಿಂದಲೇ ರೀಚಾರ್ಜ್ ಮಾಡುವ ತಂತ್ರಜ್ಞಾನ ಸಂಶೋಧಿಸಿ ಸಫಲತೆ ಕಂಡಿರುವ `ವೈಟ್ರಿಸಿಟಿ~, ವಿದ್ಯುತ್ ಚಾಲಿತ ವಾಹನಗಳಿಗೂ ತಂತ್ರಜ್ಞಾನ ರೂಪಿಸುವ ಹುಮ್ಮಸ್ಸಿನಲ್ಲಿದೆ. ಅದರ ಮುಂದಿನ ಗುರಿ- ಹೃದಯ ಸಂಬಂಧಿ ರೋಗಗಳ ಚಿಕಿತ್ಸೆಯಲ್ಲಿ ನೆರವಾಗುವ ಉಪಕರಣಗಳನ್ನೂ ಇದಕ್ಕೆ ಹೊಂದಿಕೊಳ್ಳುವಂತೆ ಮಾಡುವುದು.<br /> <br /> `ಮ್ಯಾಗ್ನೆಟಿಕ್ ಇಂಡಕ್ಷನ್ (ಅಯಸ್ಕಾಂತೀಯ ಪ್ರೇರಕ)~ ಆಧಾರಿತ ಈ ತಂತ್ರಜ್ಞಾನದಲ್ಲಿ ಕಾಂತೀಯ ಸುರುಳಿಯೊಂದು ವಿದ್ಯುತ್ ಶಕ್ತಿಯನ್ನು ಕಾಂತೀಯ ಅಲೆಗಳನ್ನಾಗಿ ಮಾರ್ಪಡಿಸುತ್ತದೆ; ಇನ್ನೊಂದು ಸುರುಳಿಯು ಈ ಅಲೆಗಳನ್ನು ಗ್ರಹಿಸಿ, ಅದನ್ನು ವಿದ್ಯುತ್ ಶಕ್ತಿಯನ್ನಾಗಿ ಪರಿವರ್ತಿಸುತ್ತದೆ.<br /> <br /> ಸದ್ಯ `ವೈಟ್ರಿಸಿಟಿ~ ಸಂಶೋಧಿಸಿದ ತಂತ್ರಜ್ಞಾನವು ನಾಲ್ಕರಿಂದ ಐದು ಅಡಿ ಅಂತರದಲ್ಲಿ ಎರಡು ಸುರುಳಿಗಳನ್ನಿಟ್ಟು, ಒಂದರಿಂದ ಇನ್ನೊಂದು ಕಡೆ ವಿದ್ಯುತ್ ವರ್ಗಾಯಿಸುವ ವಿಧಾನ ಹೊಂದಿದೆ. <br /> <br /> `ಇದೊಂದು ಸುಲಭ ಹಾಗೂ ಪರಿಣಾಮಕಾರಿ ವಿಧಾನ. ಈ ವಿಧಾನದಲ್ಲಿ ನೇರವಾಗಿ ಎರಡೂ ತುದಿಗಳನ್ನು ಸಂಪರ್ಕಿಸದೆಯೇ ವಿದ್ಯುತ್ ಅನ್ನು ಪಡೆಯಬಹುದು. ಇದು ಟ್ಯಾಬ್ಲೆಟ್, ನೋಟ್ಬುಕ್, ಲ್ಯಾಪ್ಟಾಪ್ನಂಥ ಬಹೂಪಯೋಗಿ ಸಾಧನಗಳಿಗೆ ಹೆಚ್ಚಿನ ಅನುಕೂಲ ಮಾಡಬಲ್ಲದು~ ಎಂದು ಬಣ್ಣಿಸುತ್ತಾರೆ, ಪ್ರಿನ್ಸ್ಟನ್ನ ಎಂಜಿನಿಯರಿಂಗ್ ಕಾಲೇಜಿನಲ್ಲಿ ಎಲೆಕ್ಟ್ರೊಮ್ಯಾಗ್ನೆಟಿಕ್ ವಿಭಾಗದಲ್ಲಿ ಸಹ ಪ್ರಾಧ್ಯಾಪಕರಾದ ಜೇಸನ್ ಫಿಷರ್.<br /> <br /> ಇಂಥ ತಂತ್ರಜ್ಞಾನ ಇನ್ನಷ್ಟು ಸಂಶೋಧನೆಗೆ ಅವಕಾಶ ನೀಡಲಿದೆ. ಮನೆಯ ಮಾಲೀಕ ಒಂದೆಡೆ `ವೈಟ್ರಿಸಿಟಿ~ ಸುರುಳಿಯನ್ನು ಪ್ಲಗ್ಗೆ ಜೋಡಿಸಿ ಇಟ್ಟರೆ, ಉಳಿದೆಲ್ಲ ಉಪಕರಣಗಳಿಗೂ ಅದರಿಂದಲೇ ವಿದ್ಯುತ್ ರೀಚಾರ್ಜ್ ಮಾಡಬಹುದು. ಮನೆಯ ಕಸಗುಡಿಸುವ ವ್ಯಾಕ್ಯೂಮ್ ಕ್ಲೀನರ್, ಹೊರಗೆ ತೆಗೆದುಕೊಂಡು ಹೋಗುವ ಎಂಪಿ-3, ಎಂಪಿ-4 ಪ್ಲೇಯರ್, ಲ್ಯಾಪ್ಟಾಪ್, ಟ್ಯಾಬ್ಲೆಟ್, ಮೊಬೈಲ್ಗಳೆಲ್ಲ ತಾವು ಇರುವೆಡೆಯಿಂದಲೇ ರೀಚಾರ್ಜ್ ಆಗುತ್ತವೆ.<br /> <br /> `ವೈಟ್ರಿಸಿಟಿ~ ತಂತ್ರಜ್ಞಾನವನ್ನು ಸಂಶೋಧಿಸಿದ್ದು- ಮೆಸಾಚುಸೆಟ್ಸ್ ತಾಂತ್ರಿಕ ಸಂಸ್ಥೆಯ ಪ್ರೊಫೆಸರ್ ಮರಿನ್ ಸೊಲ್ಜಿಸಿಕ್. ಇದು 2007ರ `ಸೈನ್ಸ್ ಜರ್ನಲ್~ನಲ್ಲಿ ಪ್ರಕಟವಾಗಿತ್ತು. ಈ ಮಹತ್ವದ ಸಂಶೋಧನೆಗಾಗಿ 2008ರಲ್ಲಿ ಮರಿನ್ಗೆ 5 ಲಕ್ಷ ಡಾಲರ್ ಮೊತ್ತದ ಬಹುಮಾನ ಕೂಡ ಬಂದಿತ್ತು. ಎರಡು ಸುರುಳಿಗಳ ನಡುವಿನ ಅಂತರ ಹೆಚ್ಚಿಸಿದರೂ, ವಿದ್ಯುತ್ ವರ್ಗಾಯಿಸಬಲ್ಲ ತಂತ್ರಜ್ಞಾನದ ಬಗ್ಗೆ ಅವರು ಈಗ ಮತ್ತಷ್ಟು ಅಧ್ಯಯನದಲ್ಲಿ ನಿರತರಾಗಿದ್ದಾರೆ.<br /> <br /> ಎಲೆಕ್ಟ್ರಾನಿಕ್ ಉಪಕರಣಗಳನ್ನು ಹೆಚ್ಚು ಹೆಚ್ಚಾಗಿ ಬಳಸುವ ಜನರಿಗೆ ಈ ತಂತ್ರಜ್ಞಾನ ವರದಾನವಿದ್ದಂತೆ ಎಂದು ಯೇಲ್ ವಿಶ್ವವಿದ್ಯಾಲಯದ ಭೌತಶಾಸ್ತ್ರ ವಿಭಾಗದ ಮುಖ್ಯಸ್ಥ ಎ.ಡಗ್ಲಾಸ್ ಸ್ಟೊನ್ ಹೇಳುತ್ತಾರೆ.<br /> <br /> `ವಿದ್ಯುತ್ ಶಕ್ತಿಯಿಂದ ಕಾರ್ಯನಿರ್ವಹಿಸುವ ಎಷ್ಟೋ ಉಪಕರಣಗಳು ಪದೇ ಪದೇ ಚಾರ್ಜ್ ಆಗಲೇಬೇಕು. ಅವುಗಳ ಕಾರ್ಯನಿರ್ವಹಣೆಗೆ ಇದೇ ಸಮಸ್ಯೆಯಾಗದಂತೆ ಸಂಶೋಧಿಸಲಾದ ಈ ತಂತ್ರಜ್ಞಾನವು ನಿಜಕ್ಕೂ ವೃತ್ತಿಪರ ತಂತ್ರಜ್ಞರಿಗೆ ಹೆಚ್ಚು ನೆರವಾಗಬಲ್ಲದು ಎಂದು ಅವರು ಹೇಳುತ್ತಾರೆ.<br /> <br /> ವಿದ್ಯುತ್ ಶಕ್ತಿಯನ್ನೇ ಇಂಧನವಾಗಿ ಮಾಡಿಕೊಂಡು ಚಲಿಸುವ ಕಾರುಗಳ ಬಗ್ಗೆ ಈಗ ಗ್ರಾಹಕರು ಹೆಚ್ಚು ಒಲವು ತೋರಿಸುತ್ತಿದ್ದಾರೆ. ತಂತಿ ಜೋಡಿಸಿ, ರೀಚಾರ್ಜ್ ಮಾಡಿಕೊಳ್ಳಲೇಬೇಕಾದ ಅನಿವಾರ್ಯತೆ ತಪ್ಪಿಸಬೇಕೆಂದರೆ, ವೈಟ್ರಿಸಿಟಿ ತಂತ್ರಜ್ಞಾನ ಅದಕ್ಕೊಂದು ಪರ್ಯಾಯ ಆಗಬಲ್ಲದು.</p>.<p><br /> ಈಗ ಸ್ವಲ್ಪ ಅಂತರದಿಂದ ರೀಚಾರ್ಜ್ ಮಾಡಬಹುದಾದ ತಂತ್ರಜ್ಞಾನವನ್ನು ಇನ್ನಷ್ಟು ಪರಿಷ್ಕರಿಸಿದರೆ, ಆರು ಮೀಟರ್ ದೂರದಲ್ಲಿನ ಉಪಕರಣಕ್ಕೂ ವಿದ್ಯುತ್ ಶಕ್ತಿ ವರ್ಗಾವಣೆಯಾಗಬಲ್ಲದು.<br /> <br /> ಪ್ಲಗ್ ಜೋಡಿಸಿ ವೈರ್ ಮೂಲಕ ಪಡೆಯುವ ವಿದ್ಯುತ್ ಪ್ರಮಾಣಕ್ಕೆ ಹೋಲಿಸಿದರೆ, ನಿಸ್ತಂತು ತಂತ್ರಜ್ಞಾನದ ಮೂಲಕ ತುಸು ಕಡಿಮೆ ಪ್ರಮಾಣದಲ್ಲಿ ವಿದ್ಯುತ್ ಪಡೆಯಬಹುದು ಎಂಬುದು ಸಂಶೋಧನೆಯಿಂದ ತಿಳಿದುಬಂದಿದೆ. <br /> <br /> ಈ ಬಗ್ಗೆ ಕೂಡ ವಿಜ್ಞಾನಿಗಳು ಗಮನಹರಿಸುತ್ತಿದ್ದು, ಇದು ಯಶಸ್ವಿಯಾದರೆ ಪೂರ್ಣ ಪ್ರಮಾಣದ ವಿದ್ಯುತ್ ಶಕ್ತಿಯನ್ನು ನಿಸ್ತಂತು ವಿಧಾನದಲ್ಲೇ ಪಡೆಯುವ ದಿನ ದೂರವಿಲ್ಲ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
