ಶನಿವಾರ, ಜೂನ್ 19, 2021
27 °C

ನೀರನ್ನು ಕೇಳುವ ನೆಪದಲ್ಲಿ ದರೋಡೆ?

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಂಗಳೂರು: ‘ನೀರು ಕೇಳುವ ನೆಪದಲ್ಲಿ ಮನೆ ಬಳಿ ಬಂದ ಮಹಿಳೆ ಹಾಗೂ ಯುವಕ, ನನ್ನ ಕೈ--ಕಾಲುಗಳನ್ನು ಕಟ್ಟಿ 400 ಗ್ರಾಂ ಚಿನ್ನಾಭರಣ ದೋಚಿದರು’ ಎಂದು ಕವಿತಾ ಎಂಬುವರು ಕುಮಾರಸ್ವಾಮಿ ಲೇಔಟ್‌ ಠಾಣೆಗೆ ಶನಿವಾರ ದೂರು ಕೊಟ್ಟಿದ್ದಾರೆ.



‘ಸಂಜೆ 4 ಗಂಟೆ ಸುಮಾರಿಗೆ ಅತ್ತೆ ಹಾಗೂ ನಾನು ನಡುಮನೆಯಲ್ಲಿ ಮಲ­ಗಿ­ದ್ದೆವು. ಈ ವೇಳೆ ಬಾಗಿಲು ಬಡಿದ ಮಹಿಳೆ, ಕುಡಿಯಲು ನೀರು ಕೇಳಿ­ದಳು. ಆಕೆಯೊಂದಿಗೆ ಒಬ್ಬ ಯುವಕ ಕೂಡ ಇದ್ದ. ನೀರು ತರಲು ಒಳಗೆ ಹೋಗು­ತ್ತಿ­ದ್ದಂತೆಯೇ ಇಬ್ಬರೂ ನನ್ನನ್ನು ಹಿಂಬಾಲಿಸಿ ಬಂದು ಬಾಯಿಗೆ ಬಟ್ಟೆ ತುರುಕಿದರು. ನಂತರ ಕೈಕಾ­ಲು­ಗ­ಳನ್ನು ಕಟ್ಟಿ ಚಾಕುವಿನಿಂದ ಬೆದರಿಸಿ­ದರು.



ನಂತರ ಕೋಣೆಗೆ ತೆರಳಿ ಅಲ್ಮೆ­ರಾ­ದಲ್ಲಿದ್ದ 400 ಗ್ರಾಂ ತೂಕದ ಒಡ­ವೆ­ಗಳನ್ನು ದೋಚಿದರು’ ಎಂದು ಕವಿತಾ ದೂರಿನಲ್ಲಿ ಹೇಳಿದ್ದಾರೆ. ಆದರೆ, ಕವಿತಾ ಅತ್ತೆ ಪಾಪಮ್ಮ ಈ ಆರೋಪ­ವನ್ನು ತಳ್ಳಿ ಹಾಕಿದ್ದಾರೆ. ‘ಮಗ ಮಂಜುನಾಥ್‌ ಖಾಸಗಿ ಕಂಪೆನಿ­ಯಲ್ಲಿ ಉದ್ಯೋಗಿ­ಯಾಗಿ­ದ್ದಾನೆ. ಸೊಸೆ ಕವಿತಾ ರಿಯಲ್‌ ಎಸ್ಟೇಟ್‌ ವ್ಯವಹಾರ ಮಾಡು­ತ್ತಾಳೆ.



ಸಂಜೆ 4 ಗಂಟೆಗೆ ನಾನು ಸಹ ಆಕೆಯ ಜತೆಯೇ ಮಲಗಿದ್ದೆ. ಯಾವುದೇ ಕಳ್ಳರು ಮನೆಗೆ ನುಗ್ಗಿಲ್ಲ. ಈಕೆಯೇ ಆಭರಣ ತೆಗೆದುಕೊಂಡು ನಾಟಕ­ವಾಡುತ್ತಿದ್ದಾಳೆ’ ಎಂದು ಪೊಲೀಸರಿಗೆ ಹೇಳಿಕೆ ನೀಡಿದ್ದಾರೆ.



‘ಪ್ರಕರಣ ಸಂಬಂಧ ಕುಟುಂಬ ಸದಸ್ಯರು ಭಿನ್ನ ಹೇಳಿಕೆಗಳನ್ನು ನೀಡಿ­ದ್ದಾರೆ. ಎಲ್ಲಾ ಆಯಾಮಗಳಿಂದ ತನಿಖೆ ಮಾಡಲಾಗುತ್ತಿದೆ’ ಎಂದು ಹಿರಿಯ ಅಧಿಕಾರಿಗಳು  ಮಾಹಿತಿ ನೀಡಿದರು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.