ಭಾನುವಾರ, ಜನವರಿ 26, 2020
18 °C

ನೀರಿಲ್ಲದೆ ಪರದಾಟ : ಪ್ರತಿಭಟನೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಕೃಷ್ಣರಾಜಪುರ : ವಿಜನಾಪುರ ತಾಜಮಹಲ್ ಬಡಾವಣೆಗೆ  ಎರಡು ತಿಂಗಳಿಂದಲೂ ನೀರು ಪೂರೈಕೆಯಾಗದೇ, ನೀರಿಗಾಗಿ ಜನರು ತೀವ್ರ ಪರದಾಡುವಂತಾಗಿದೆ.



ಕೂಲಿ ಕೆಲಸ ಮಾಡಿ ಜೀವನ ನಡೆಸುತ್ತಿರುವುದರಿಂದ  ಟ್ಯಾಂಕರ್ ನೀರು ಪಡೆಯುವಷ್ಟು ಶಕ್ತರಿಲ್ಲ ಎಂದು ನಿವಾಸಿಗಳು ಅಳಲು ತೋಡಿಕೊಂಡರು. 



ಕುಡಿಯುವ ನೀರಿಗೆ ಅಳವಡಿಸಿದ ಕೊಳವೆಗಳು ತುಕ್ಕು ಹಿಡಿದಿವೆ. ಅವೈಜ್ಞಾನಿಕ ಕೊಳವೆ ಅಳವಡಿಕೆಯಿಂದ ನೀರು ಪೂರೈಕೆಯಾಗುತ್ತಿಲ್ಲ. ಜಲಮಂಡಳಿಗೆ ಈಗಾಗಲೇ ಮನವಿ ಸಲ್ಲಿಸಲಾಗಿದೆ. ಆದರೆ, ಯಾವುದೇ ಪ್ರಯೋಜನವಾಗಿಲ್ಲ ಎಂದು ಸಿಪಿಎಂ ಪೂರ್ವ ವಲಯ ಘಟಕದ ಕಾರ್ಯದರ್ಶಿ ಗೌರಮ್ಮ  ಜಲಮಂಡಳಿಯ ಅಧಿಕಾರಿಗಳಿಗೆ ಮನವಿ ಸಲ್ಲಿಸಿದರು.



ಇದಕ್ಕೆ ಪ್ರತಿಕ್ರಿಯಿಸಿದ ಜಲಮಂಡಳಿ ಸಹಾಯಕ ಕಾರ್ಯನಿರ್ವಾಹಕ ಎಂಜಿನಿಯರ್ ಚಂದ್ರಕಾಂತ, ಬಡಾವಣೆಗಳಿಗೆ ಹೊಸದಾಗಿ ಕೊಳವೆ ಅಳವಡಿಸುವ ಕಾಮಗಾರಿಗೆ  ಚಾಲನೆ ನೀಡಲಾಗುತ್ತದೆ. ಅಲ್ಲಿಯವರೆಗೆ ಎರಡು ಟ್ಯಾಂಕರುಗಳ ಮೂಲಕ ಉಚಿತವಾಗಿ ನೀರು ಪೂರೈಕೆ  ಮಾಡಲಾಗುತ್ತದೆ ಎಂದು ಅವರು ಭರವಸೆ ನೀಡಿದರು.

ಪ್ರತಿಕ್ರಿಯಿಸಿ (+)