ಸೋಮವಾರ, ಜೂನ್ 21, 2021
30 °C
ಫುಕುಶಿಮಾ ಪರಮಾಣು ದುರಂತಕ್ಕೆ ಮೂರು ವರ್ಷ

ಪರಮಾಣು ಸ್ಥಾವರ ವಿರೋಧಿಸಿ ಪ್ರತಿಭಟನೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ತೈಪೆ(ಎಪಿಎಫ್‌): ಜಪಾನಿನ ಫುಕು­ಶಿಮಾದ ಪರಮಾಣು ಘಟಕದಲ್ಲಿ ಅವ­ಘಡ ಸಂಭವಿಸಿ ಮೂರು ವರ್ಷ ಕಳೆದ ಹಿನ್ನೆಲೆಯಲ್ಲಿ, ಪರಮಾಣು ಘಟಕ ಸ್ಥಾಪನೆ ವಿರೋಧಿಸಿ ಶನಿವಾರ ತೈವಾನ್‌­ನಲ್ಲಿ  ರ್‍್ಯಾಲಿ ಏರ್ಪಡಿಸಲಾಗಿತ್ತು.



ತೈಪೆಯಲ್ಲಿ ಆಯೋಜಿಸಿದ್ದ ಈ ರ್‍್ಯಾಲಿಯಲ್ಲಿ ಸಾವಿರಾರು ಸಂಖ್ಯೆಯಲ್ಲಿ ಭಾಗವಹಿಸಿದ್ದ ಪ್ರತಿಭಟನಾಕಾರರು, ನ್ಯೂಕ್ಲಿಯರ್‌ ಬೇಡ, ಫುಕುಶಿಮಾ ಘಟಕ ಬೇಡ, ‘ನ್ಲೂಕ್ಲಿಯರ್‌ನಿಂದ ತೈವಾನ್‌ ಉಳಿಸಿ’ ಎಂಬ ಭಿತ್ತಿ ಪತ್ರಗಳನ್ನು ಪ್ರದರ್ಶಿಸಿದರು.



ನೂತನವಾಗಿ ನಿರ್ಮಿಸಲು ಉದ್ದೇಶಿಸುವ ಪರಮಾಣು ಘಟಕವನ್ನು ಸರ್ಕಾರ ಶೀಘ್ರವೇ ನಿಲ್ಲಿಸಬೇಕು ಹಾಗೂ ಪರಮಾಣು ಘಟಕದಿಂದ ಹೊರಬರುವ  ತ್ಯಾಜ್ಯವನ್ನು ಕಡಲಾಚೆ ವಿಸರ್ಜನೆ ಮಾಡಬೇಕು ಎಂದು  ರಾಷ್ಟ್ರೀಯ ಪರಮಾಣು ನಿರ್ಮೂಲನಾ ವೇದಿಕೆ ವಕ್ತಾರ ಲಿಯೊ ಹೈಮಿನ್‌ ಒತ್ತಾಯಿಸಿದ್ದಾರೆ.



2011ರ ಮಾರ್ಚ್ 11ರಂದು ಸಂಭವಿಸಿದ ಭಾರಿ ಭೂಕಂಪನದಿಂದ ಫುಕುಶಿಮಾ ಅಣುಸ್ಥಾವರ ಸೋರಿಕೆಯಾಗಿ ಅಪಾರ ಪ್ರಮಾಣದ ಆಸ್ತಿಪಾಸ್ತಿಗೆ ಹಾನಿ ಉಂಟಾಗಿತ್ತು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.