<p>ಬೆಂಗಳೂರು: ಪುಟ್ಟ ಕೈಗಳಲ್ಲಿ ಮೈಕ್ ಹಿಡಿದು ವೇದಿಕೆಯ ಎದುರು ನಿಂತ ಪೋರನಿಗೆ ಹಾಡಲು ಯಾವುದೇ ಅಳುಕಿರಲಿಲ್ಲ. ಆತನ ಕೈಯ ಅಳತೆಗೆ ಆ ಮೈಕ್ನ ಗಾತ್ರ ಹೆಚ್ಚೇ ಎನಿಸಿದರೂ ಪುಟ್ಟ ಕಂಠದಿಂದ ಹೊಮ್ಮುತ್ತಿದ್ದ ಹಾಡಿನ ಓಘ ಅಚ್ಚರಿ ಮೂಡಿಸುವಂತಿತ್ತು. ವೇದಿಕೆ ಏರಿ ಹಾಡಲಾರಂಭಿಸಿದ ಪುಟ್ಟನ ಗಾನಕ್ಕೆ ಸಭಾಂಗಣದಲ್ಲಿ ಕಿಕ್ಕಿರಿದು ಸೇರಿದ್ದ ಪ್ರೇಕ್ಷಕ ಸಮೂಹದಿಂದ ಚಪ್ಪಾಳೆಯ ಸುರಿಮಳೆ.<br /> <br /> ಆದರ್ಶ ಸುಗಮ ಸಂಗೀತ ಅಕಾಡೆಮಿಯು ಸಾಯಿ ಗೋಲ್ಡ್ ಪ್ಯಾಲೇಸ್ನ ಸಹಯೋಗದಲ್ಲಿ ನಗರದ ಬಿಎಂಶ್ರೀ ಸಭಾಂಗಣದಲ್ಲಿ ಭಾನುವಾರ ಆಯೋಜಿಸಿದ್ದ `ಪುಟಾಣಿ ಪೋರ ಸಂಗೀತ ಚತುರ' ಕಾರ್ಯಕ್ರಮದಲ್ಲಿ ಐದು ವರ್ಷದ ಅಧೀಶ್ ಸುಗಮ ಸಂಗೀತ ಗೀತೆಗಳನ್ನು ಪ್ರಸ್ತುತಪಡಿಸಿದ ರೀತಿ ಪ್ರೇಕ್ಷಕರನ್ನು ಮೋಡಿ ಮಾಡುವಂತಿತ್ತು.<br /> <br /> `ಮೊದಲಿಗೆ ನೆನೆವೆನು ಗಜಮುಖನ, ಗಣಪ್ಪನ್ನ' ಎಂದು ಹಾಡಲು ಮೊದಲು ಮಾಡಿದ ಅಧೀಶ್ನ ಗಾನ ಲಹರಿ ಒಂದು ಗಂಟೆಗೂ ಹೆಚ್ಚು ಕಾಲ ನಡೆಯಿತು. `ಕನ್ನಡವೆಂದರೆ ಬರಿ ನುಡಿಯಲ್ಲ ಹಿರಿದಿದೆ ಅದರರ್ಥ' ಎಂದು ಪುಟ್ಟ ಬಾಯಿಯಲ್ಲಿ ದೊಡ್ಡ ಅರ್ಥದ ಗೀತೆಯನ್ನು ಆತ ಹಾಡುವಾಗ ಹಾಲುಗಲ್ಲದ ಹುಡುಗನ ಲಯ - ತಾಳಗಳ ಮೇಲಿನ ಹಿಡಿತವನ್ನು ಕಂಡು ಪ್ರೇಕ್ಷಕರು ತಲೆದೂಗಿದರು.<br /> <br /> `ಉಳುವಾ ಯೋಗಿಯ ನೋಡಲ್ಲಿ' ಗೀತೆಯ ತಾರಕ ಸ್ವರಗಳನ್ನು ಆತ ಶ್ರುತಿ ತಪ್ಪದೆ ಪ್ರಸ್ತುತಪಡಿಸಿದಾಗ ಅಲ್ಲಿ ಸೇರಿದ್ದ ಹಿರಿಯ ಸುಗಮ ಸಂಗೀತ ಗಾಯಕರೂ ಅವಾಕ್ಕಾದರು.<br /> <br /> `ಚಿಕ್ಕ ವಯಸ್ಸಿನಲ್ಲೇ ನಾದೋಪಾಸನೆಯಲ್ಲಿ ತೊಡಗಿದ ಅಧೀಶ್ನ ಸಾಧನೆ ಅಚ್ಚರಿ ತರಿಸಿದೆ. ಪದಗಳ ಉಚ್ಚಾರವೇ ಕಷ್ಟವಾಗುವ ವಯಸ್ಸಿನಲ್ಲಿ ಈತನ ಹಾಡಿನ ಮೋಡಿ ಎಂಥವರನ್ನೂ ಬೆರಗುಗೊಳಿಸುವಂತಿದೆ. ಅಧೀಶ್ನ ಸಂಗೀತ ಸಾಧನೆಗೆ ಶುಭವಾಗಲಿ' ಎಂದು ಗಾಯಕ ಶ್ರೀನಿವಾಸ ಉಡುಪ ಹರಸಿದರು.<br /> <br /> `ಒಂದು ಗಂಟೆ ಸುಗಮ ಸಂಗೀತ ಗಾಯನ ಕಾರ್ಯಕ್ರಮ ನಡೆಸಿಕೊಡುವ ಮೂಲಕ ಅಧೀಶ್ನ ಸಾಧನೆ ಲಿಮ್ಕಾ ದಾಖಲೆಯಾಗಲಿದೆ' ಎಂದು ಆದರ್ಶ ಸುಗಮ ಸಂಗೀತ ಅಕಾಡೆಮಿಯ ಅಧ್ಯಕ್ಷ ಕಿಕ್ಕೇರಿ ಕೃಷ್ಣಮೂರ್ತಿ ಹೇಳಿದರು.<br /> <br /> ಕೊಳದಮಠದ ಶಾಂತವೀರ ಸ್ವಾಮೀಜಿ, ಸುಗಮ ಸಂಗೀತ ಗಾಯಕರಾದ ಶಿವಮೊಗ್ಗ ಸುಬ್ಬಣ್ಣ, ರತ್ನಮಾಲಾ ಪ್ರಕಾಶ್, ಕವಿಗಳಾದ ದೊಡ್ಡರಂಗೇಗೌಡ, ಬಿ.ಆರ್.ಲಕ್ಷ್ಮಣ್ರಾವ್, ಸಾಯಿ ಗೋಲ್ಡ್ ಪ್ಯಾಲೇಸ್ನ ಶರವಣ ಮತ್ತಿತರರು ಉಪಸ್ಥಿತರಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಬೆಂಗಳೂರು: ಪುಟ್ಟ ಕೈಗಳಲ್ಲಿ ಮೈಕ್ ಹಿಡಿದು ವೇದಿಕೆಯ ಎದುರು ನಿಂತ ಪೋರನಿಗೆ ಹಾಡಲು ಯಾವುದೇ ಅಳುಕಿರಲಿಲ್ಲ. ಆತನ ಕೈಯ ಅಳತೆಗೆ ಆ ಮೈಕ್ನ ಗಾತ್ರ ಹೆಚ್ಚೇ ಎನಿಸಿದರೂ ಪುಟ್ಟ ಕಂಠದಿಂದ ಹೊಮ್ಮುತ್ತಿದ್ದ ಹಾಡಿನ ಓಘ ಅಚ್ಚರಿ ಮೂಡಿಸುವಂತಿತ್ತು. ವೇದಿಕೆ ಏರಿ ಹಾಡಲಾರಂಭಿಸಿದ ಪುಟ್ಟನ ಗಾನಕ್ಕೆ ಸಭಾಂಗಣದಲ್ಲಿ ಕಿಕ್ಕಿರಿದು ಸೇರಿದ್ದ ಪ್ರೇಕ್ಷಕ ಸಮೂಹದಿಂದ ಚಪ್ಪಾಳೆಯ ಸುರಿಮಳೆ.<br /> <br /> ಆದರ್ಶ ಸುಗಮ ಸಂಗೀತ ಅಕಾಡೆಮಿಯು ಸಾಯಿ ಗೋಲ್ಡ್ ಪ್ಯಾಲೇಸ್ನ ಸಹಯೋಗದಲ್ಲಿ ನಗರದ ಬಿಎಂಶ್ರೀ ಸಭಾಂಗಣದಲ್ಲಿ ಭಾನುವಾರ ಆಯೋಜಿಸಿದ್ದ `ಪುಟಾಣಿ ಪೋರ ಸಂಗೀತ ಚತುರ' ಕಾರ್ಯಕ್ರಮದಲ್ಲಿ ಐದು ವರ್ಷದ ಅಧೀಶ್ ಸುಗಮ ಸಂಗೀತ ಗೀತೆಗಳನ್ನು ಪ್ರಸ್ತುತಪಡಿಸಿದ ರೀತಿ ಪ್ರೇಕ್ಷಕರನ್ನು ಮೋಡಿ ಮಾಡುವಂತಿತ್ತು.<br /> <br /> `ಮೊದಲಿಗೆ ನೆನೆವೆನು ಗಜಮುಖನ, ಗಣಪ್ಪನ್ನ' ಎಂದು ಹಾಡಲು ಮೊದಲು ಮಾಡಿದ ಅಧೀಶ್ನ ಗಾನ ಲಹರಿ ಒಂದು ಗಂಟೆಗೂ ಹೆಚ್ಚು ಕಾಲ ನಡೆಯಿತು. `ಕನ್ನಡವೆಂದರೆ ಬರಿ ನುಡಿಯಲ್ಲ ಹಿರಿದಿದೆ ಅದರರ್ಥ' ಎಂದು ಪುಟ್ಟ ಬಾಯಿಯಲ್ಲಿ ದೊಡ್ಡ ಅರ್ಥದ ಗೀತೆಯನ್ನು ಆತ ಹಾಡುವಾಗ ಹಾಲುಗಲ್ಲದ ಹುಡುಗನ ಲಯ - ತಾಳಗಳ ಮೇಲಿನ ಹಿಡಿತವನ್ನು ಕಂಡು ಪ್ರೇಕ್ಷಕರು ತಲೆದೂಗಿದರು.<br /> <br /> `ಉಳುವಾ ಯೋಗಿಯ ನೋಡಲ್ಲಿ' ಗೀತೆಯ ತಾರಕ ಸ್ವರಗಳನ್ನು ಆತ ಶ್ರುತಿ ತಪ್ಪದೆ ಪ್ರಸ್ತುತಪಡಿಸಿದಾಗ ಅಲ್ಲಿ ಸೇರಿದ್ದ ಹಿರಿಯ ಸುಗಮ ಸಂಗೀತ ಗಾಯಕರೂ ಅವಾಕ್ಕಾದರು.<br /> <br /> `ಚಿಕ್ಕ ವಯಸ್ಸಿನಲ್ಲೇ ನಾದೋಪಾಸನೆಯಲ್ಲಿ ತೊಡಗಿದ ಅಧೀಶ್ನ ಸಾಧನೆ ಅಚ್ಚರಿ ತರಿಸಿದೆ. ಪದಗಳ ಉಚ್ಚಾರವೇ ಕಷ್ಟವಾಗುವ ವಯಸ್ಸಿನಲ್ಲಿ ಈತನ ಹಾಡಿನ ಮೋಡಿ ಎಂಥವರನ್ನೂ ಬೆರಗುಗೊಳಿಸುವಂತಿದೆ. ಅಧೀಶ್ನ ಸಂಗೀತ ಸಾಧನೆಗೆ ಶುಭವಾಗಲಿ' ಎಂದು ಗಾಯಕ ಶ್ರೀನಿವಾಸ ಉಡುಪ ಹರಸಿದರು.<br /> <br /> `ಒಂದು ಗಂಟೆ ಸುಗಮ ಸಂಗೀತ ಗಾಯನ ಕಾರ್ಯಕ್ರಮ ನಡೆಸಿಕೊಡುವ ಮೂಲಕ ಅಧೀಶ್ನ ಸಾಧನೆ ಲಿಮ್ಕಾ ದಾಖಲೆಯಾಗಲಿದೆ' ಎಂದು ಆದರ್ಶ ಸುಗಮ ಸಂಗೀತ ಅಕಾಡೆಮಿಯ ಅಧ್ಯಕ್ಷ ಕಿಕ್ಕೇರಿ ಕೃಷ್ಣಮೂರ್ತಿ ಹೇಳಿದರು.<br /> <br /> ಕೊಳದಮಠದ ಶಾಂತವೀರ ಸ್ವಾಮೀಜಿ, ಸುಗಮ ಸಂಗೀತ ಗಾಯಕರಾದ ಶಿವಮೊಗ್ಗ ಸುಬ್ಬಣ್ಣ, ರತ್ನಮಾಲಾ ಪ್ರಕಾಶ್, ಕವಿಗಳಾದ ದೊಡ್ಡರಂಗೇಗೌಡ, ಬಿ.ಆರ್.ಲಕ್ಷ್ಮಣ್ರಾವ್, ಸಾಯಿ ಗೋಲ್ಡ್ ಪ್ಯಾಲೇಸ್ನ ಶರವಣ ಮತ್ತಿತರರು ಉಪಸ್ಥಿತರಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
