ಭಾನುವಾರ, ಮೇ 16, 2021
26 °C

ಫುಟ್‌ಬಾಲ್: ಐಟಿಸಿ, ಬೆಂಗಳೂರು ರೆಡ್ಸ್‌ಗೆ ಗೆಲುವು

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಂಗಳೂರು: ಐಟಿಸಿ ಮತ್ತು ಬೆಂಗಳೂರು ರೆಡ್ಸ್ ತಂಡಗಳು ಬಿಡಿಎಫ್‌ಎ ಆಶ್ರಯದಲ್ಲಿ ನಡೆಯುತ್ತಿರುವ `ಸಿ' ಡಿವಿಷನ್ ಫುಟ್‌ಬಾಲ್ ಲೀಗ್ ಚಾಂಪಿಯನ್‌ಷಿಪ್‌ನ ಮಂಗಳವಾರದ ಪಂದ್ಯದಲ್ಲಿ ಗೆಲುವು ಸಾಧಿಸಿದವು.



ಅಶೋಕ ನಗರದಲ್ಲಿರುವ ರಾಜ್ಯ ಫುಟ್‌ಬಾಲ್ ಸಂಸ್ಥೆ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಐಟಿಸಿ 5-1 ಗೋಲುಗಳಿಂದ ಭಾರತ್ ಮಾತಾ ಎದುರು ಜಯದ ನಗೆ ಬೀರಿತು.



ವಿಜಯಿ ತಂಡದ ಸಂದೇಶ್ ಐದನೇ ನಿಮಿಷದಲ್ಲಿ ಗೋಲಿನ ಖಾತೆ ತೆರೆದರೆ, ಅಮರ್‌ನಾಥ್ (21ನೇ ನಿಮಿಷ) ಎರಡನೇ ಗೋಲು ತಂದಿತ್ತರು. ಸೇಂದಿಲ್ 41, 55 ಮತ್ತು 57ನೇ ನಿಮಿಷದಲ್ಲಿ ಗೋಲು ಗಳಿಸಿ ಹ್ಯಾಟ್ರಿಕ್ ಗೌರವಕ್ಕೆ ಪಾತ್ರರಾದರಲ್ಲದೇ ಐಟಿಸಿ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದರು.

ಇನ್ನೊಂದು ಪಂದ್ಯದಲ್ಲಿ ರೆಡ್ಸ್ ತಂಡ 5-1 ಗೋಲುಗಳಿಂದ ಬೆಂಗಳೂರು ವಾಂಡರರ್ಸ್ ಎದುರು ಜಯ ಸಾಧಿಸಿತು.



ಆಕಾಶ್ ಐದನೇ ನಿಮಿಷದಲ್ಲಿ ಮೊದಲ ಗೋಲು ಗಳಿಸಿ, ನಂತರ 37ನೇ ನಿಮಿಷದಲ್ಲಿ ಇನ್ನೊಂದು ಗೋಲನ್ನು ತಂದಿತ್ತರು. ಈ ತಂಡದ ಇನ್ನುಳಿದ ಗೋಲುಗಳನ್ನು ಜಾನ್ಸನ್ (10 ಹಾಗೂ 11ನೇ ನಿಮಿಷ) ಮತ್ತು ರಾಹುಲ್ (48ನೇ ನಿ.) ಗಳಿಸಿ ಬೆಂಗಳೂರು ರೆಡ್ಸ್ ತಂಡದ ಗೆಲುವಿನ ಪಾಲುದಾರರಾದರು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.