ಫುಟ್‌ಬಾಲ್: ಬೆಂಗಳೂರು ರೆಡ್ಸ್‌ಗೆ ಜಯ

ಬೆಂಗಳೂರು: ಹೊಂದಾಣಿಕೆಯ ಆಟವಾಡಿದ ಬೆಂಗಳೂರು ರೆಡ್ಸ್ ತಂಡ ಬಿಡಿಎಫ್‌ಎ ಆಶ್ರಯದಲ್ಲಿ ನಡೆಯುತ್ತಿರುವ `ಸಿ' ಡಿವಿಷನ್ ಫುಟ್‌ಬಾಲ್ ಲೀಗ್ ಚಾಂಪಿಯನ್‌ಷಿಪ್‌ನ ಪಂದ್ಯದಲ್ಲಿ ಭಾನುವಾರ 10-0 ಗೋಲುಗಳಿಂದ ಯಂಗ್ ಬ್ಲೂಸ್ ಎದುರು ಗೆಲುವು ಸಾಧಿಸಿತು.



ಅಶೋಕನಗರದಲ್ಲಿರುವ ರಾಜ್ಯ ಫುಟ್‌ಬಾಲ್ ಸಂಸ್ಥೆ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ವಿಜಯಿ ತಂಡದ ಚಂದ್ರಶೇಖರ (12, 28ನೇ ನಿಮಿಷ), ರೈನಾಲ್ಡ್ (17 ಹಾಗೂ 35ನೇ ನಿ.), ರಾಹುಲ್ (19ನೇ ನಿ.), ಶರತ್ (24, 26,34 ಮತ್ತು 79) ಹಾಗೂ ಆಕಾಶ್ (57ನೇ ನಿ.) ಗೋಲು ಗಳಿಸಿದರು.



ದಿನದ ಇನ್ನೊಂದು ಪಂದ್ಯದಲ್ಲಿ ಬೆಂಗಳೂರು ಈಗಲ್ಸ್ ತಂಡ 2-0ಗೋಲುಗಳಿಂದ ಮಹಮ್ಮಡನ್ ಸ್ಪೋರ್ಟಿಂಗ್ ಎದುರು ಗೆಲುವಿನ ನಗೆ ಬೀರಿತು. ಸಿ. ಸುನಿಲ್ (14ನೇ ನಿಮಿಷ) ಮತ್ತು ಪಿ. ಡೇವಿಡ್ (29ನೇ ನಿ.) ಗೋಲು ಕಲೆ ಹಾಕಿದರು. ಸೋಮವಾರ ಪಂದ್ಯಗಳು ನಡೆಯುವುದಿಲ್ಲ.