ಸೋಮವಾರ, ಜೂನ್ 14, 2021
24 °C

ಬಂಗಾರು ಲಕ್ಷ್ಮಣ ಇನ್ನಿಲ್ಲ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಹೈದರಾಬಾದ್ (ಪಿಟಿಐ): ಮಾಜಿ ಕೇಂದ್ರ ಸಚಿವ ಮತ್ತು ಬಿಜೆಪಿಯ ಮಾಜಿ ರಾಷ್ಟ್ರೀಯ ಅಧ್ಯಕ್ಷ ಬಂಗಾರು ಲಕ್ಷ್ಮಣ (75) ಅವರು ಹೃದ­ಯಾಘಾತದಿಂದ ಶನಿವಾರ ಇಲ್ಲಿನ ಖಾಸಗಿ ಆಸ್ಪತ್ರೆ­ಯಲ್ಲಿ ನಿಧನ­ರಾದರು.



ಲಕ್ಷ್ಮಣ ಅವರು ಬಿಜೆಪಿ ಸಂಸದೆ ಸುಶೀಲಾ ಬಂಗಾರು, ಒಬ್ಬ ಪುತ್ರ ಮತ್ತು ಮೂವರು ಪುತ್ರಿ­ಯರನ್ನು ಅಗಲಿದ್ದಾರೆ.

ತುರ್ತು ಪರಿಸ್ಥಿತಿ ಕಾಲದಲ್ಲಿ ಜೈಲು ವಾಸ ಅನುಭವಿಸಿದ ಬಂಗಾರು ಲಕ್ಷ್ಮಣ ಯೌವನದಲ್ಲೇ ರಾಜಕೀಯದತ್ತ ಆಕ­ರ್ಷಿ­ತ­ರಾಗಿದ್ದರು. 1996ರಲ್ಲಿ ರಾಜ್ಯ­ಸಭೆ ಸದಸ್ಯರಾಗಿ ಅವರು ಆಯ್ಕೆ­ಯಾದರು.



ಬಂಗಾರು ಲಕ್ಷ್ಮಣ ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಹುದ್ದೆ ಅಲಂಕರಿಸಿದ ಮೊದಲ ದಲಿತ ನಾಯಕ. ಶಸ್ತ್ರಾಸ್ತ್ರ ಖರೀದಿ ದಲ್ಲಾಳಿಗಳಿಂದ ಲಂಚ ಪಡೆಯುವುದಕ್ಕೆ ಸಂಬಂಧಿಸಿ­ದಂತೆ ತೆಹೆಲ್ಕಾ 2001ರಲ್ಲಿ ನಡೆಸಿದ ಮಾರು­ವೇಷದ ಕಾರ್ಯಾಚರಣೆ­ಯಲ್ಲಿ ಬಂಗಾರು ಲಕ್ಷ್ಮಣ ಸಿಕ್ಕಿಬಿದ್ದಿದ್ದರು. ಆಗ ಇದು ಭಾರಿ ಸುದ್ದಿಯಾಗಿತ್ತು.



ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ವಿಶೇಷ ಸಿಬಿಐ ನ್ಯಾಯಾಲದಿಂದ ಅವರು ಜೈಲು ಶಿಕ್ಷೆಗೂ ಗುರಿಯಾಗಿದ್ದರು. ಈ ಘಟನೆ ಅವರ ರಾಜಕೀಯ ಜೀವನಕ್ಕೆ ಕಪ್ಪು­ಚುಕ್ಕೆಯನ್ನಿಟ್ಟಿತ್ತು. ಲಂಚ ಪಡೆದ ಪ್ರಕ­ರಣ ಅಂದಿನ ಎನ್‌ಡಿಎ ಸರ್ಕಾರಕ್ಕೂ ಮುಜುಗರ ತಂದಿತ್ತು.

ಸಂತಾಪ: ಬಿಜೆಪಿ ಅಧ್ಯಕ್ಷ ರಾಜನಾಥ್‌ ಸಿಂಗ್‌ ಸೇರಿದಂತೆ ಪಕ್ಷದ ಇತರ ನಾಯಕರು ಬಂಗಾರು ಲಕ್ಷ್ಮಣ ನಿಧನಕ್ಕೆ ಸಂತಾಪ ಸೂಚಿಸಿದ್ದಾರೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.