<p><strong>ಬಸವಕಲ್ಯಾಣ:</strong> ತಾಲ್ಲೂಕಿನಲ್ಲಿನ ಅನೇಕ ರಸ್ತೆಗಳು ತೀರ ಹದಗೆಟ್ಟಿರುವುದರಿಂದ ವಾಹನ ಸಂಚಾರಕ್ಕೆ ತೊಂದರೆ ಆಗುತ್ತಿದೆ. ಆದ್ದರಿಂದ ಶೀಘ್ರ ಇಂಥ ರಸ್ತೆಗಳ ದುರುಸ್ತಿ ಕಾರ್ಯ ನಡೆಸಬೇಕು ಎಂದು ಕಾಂಗ್ರೆಸ್ ಯುವ ಘಟಕದ ಜಿಲ್ಲಾಧ್ಯಕ್ಷ ಆನಂದ ದೇವಪ್ಪ ಸಂಬಂಧಿತರಿಗೆ ಒತ್ತಾಯಿಸಿದ್ದಾರೆ.<br /> <br /> ತಾಲ್ಲೂಕಿನಲ್ಲಿ ಎಲ್ಲಿ ಹೊದರೂ ರಸ್ತೆಗಳ ಡಾಂಬರು ಕಿತ್ತುಕೊಂಡು ತಗ್ಗುಗಳು ಬಿದ್ದಿರುವುದು ಕಾಣುತ್ತದೆ. ಇಂಥಲ್ಲಿ ಬಸ್ನಲ್ಲಿ ಅಥವಾ ಇತರೆ ವಾಹನಗಳಲ್ಲಿ ಸಂಚರಿಸಿದರೆ ಮೈಯೆಲ್ಲ ನುಗ್ಗಾಗುತ್ತದೆ. ಕೆಲವೆಡೆ ಕಚ್ಚಾ ರಸ್ತೆಗಳಿದ್ದರೂ ಸಂಬಂಧಿತರು ಕ್ರಮ ಕೈಗೊಂಡಿಲ್ಲ ಎಂದಿದ್ದಾರೆ.<br /> <br /> ಮುಖ್ಯವಾಗಿ ಮುಚಳಂಬ -ಭಾಲ್ಕಿ ರಸ್ತೆಯು ಗೋರಟಾ ಮತ್ತು ಹೊನ್ನಳ್ಳಿ ಹತ್ತಿರ ತೀರ ಕೆಟ್ಟಿದೆ. ಈ ರಸ್ತೆ ಬಸವಕಲ್ಯಾಣದಿಂದ ಭಾಲ್ಕಿ ಮತ್ತು ಬೀದರಗೆ ಹೋಗಲು ಅನುಕೂಲ ಆಗಿದೆ. ಆದ್ದರಿಂದ ಇಲ್ಲಿಂದ ವಾಹನ ಸಂಚಾರ ಹೆಚ್ಚಾಗಿರುತ್ತದೆ. ಆದರೆ ಈ ರಸ್ತೆ ವಾಹನ ಸಂಚಾರಕ್ಕೆ ಅಷ್ಟೇಅಲ್ಲ; ಮನುಷ್ಯರಿಗೆ ಮತ್ತು ದನಕರುಗಳಿಗೆ ಹೋಗಲು ಸಹ ಅಯೋಗ್ಯವಾಗಿದೆ. ನಡೆದುಕೊಂಡು ಹೋದರೂ ಎಡವಿ ಬೀಳುವುದು ಖಚಿತ ಎನ್ನುವಂತಾಗಿದೆ.<br /> <br /> ಇಲ್ಲಾಳದಿಂದ ಜಾಪೂರವಾಡಿಗೆ ಹೋಗುವುದಕ್ಕೆ ಕಚ್ಚಾ ರಸ್ತೆ ಇರುವುದರಿಂದ ಮಳೆ ಬಂದಾಗ ಕೆಸರಿನಿಂದ ತುಂಬಿರುತ್ತದೆ. ಬಿಸಿಲಿದ್ದಾಗ ಧೂಳು ಮೈಮೇಲೆ ಬರುತ್ತದೆ. ಎಲ್ಲೆಡೆ ಡಾಂಬರು ರಸ್ತೆಗಳಿರುವಾಗ ಇಲ್ಲಿ ಇನ್ನುವರೆಗೆ ಕಚ್ಚಾ ರಸ್ತೆ ಇರುವುದು ಜನಪ್ರತಿನಿಧಿಗಳ ಮತ್ತು ಅಧಿಕಾರಿಗಳ ದಿವ್ಯ ನಿರ್ಲಕ್ಷಕ್ಕೆ ಸಾಕ್ಷಿಯಾಗಿದೆ ಎಂದಿದ್ದಾರೆ.<br /> <br /> ಹೋಬಳಿ ಕೇಂದ್ರವಾದ ಹುಲಸೂರದಿಂದ ಹಾಲಹಳ್ಳಿಗೆ ಹೋಗುವ ರಸ್ತೆ, ಧನ್ನೂರದಿಂದ ಕಾದೇಪುರಕ್ಕೆ ಹೋಗುವ ರಸ್ತೆ ಮತ್ತು ಮುಡಬಿ- ಕಿಣ್ಣಿವಾಡಿ, ರಾಷ್ಟ್ರೀಯ ಹೆದ್ದಾರಿಯಿಂದ ಉಮಾಪುರಕ್ಕೆ ಹೋಗುವ ರಸ್ತೆಗಳು ಸಹ ತೀರ ಹದಗೆಟ್ಟಿವೆ. ಒಟ್ಟಾರೆ ಗ್ರಾಮೀಣ ಪ್ರದೇಶದಲ್ಲಿನ ರಸ್ತೆಗಳು ಹಾಳಾಗಿದ್ದು ಈ ಬಗ್ಗೆ ಗ್ರಾಮಸ್ಥರು ಸಾಕಷ್ಟು ಸಲ ಮನವಿ ಸಲ್ಲಿಸಿದರೂ ಪ್ರಯೋಜನ ಆಗಿಲ್ಲ. ಇನ್ನುಮುಂದೆ ರಸ್ತೆ ಸುಧಾರಣೆಗೆ ವಿಳಂಬ ಮಾಡಿದರೆ ಯುವ ಕಾಂಗ್ರೆಸ್ದಿಂದ ರಸ್ತೆತಡೆ ಮತ್ತು ತಹಸೀಲ ಕಚೇರಿ ಎದುರು ಧರಣಿ ನಡೆಸಲಾಗುವುದು ಎಂದು ಆನಂದ ದೇವಪ್ಪ ಎಚ್ಚರಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬಸವಕಲ್ಯಾಣ:</strong> ತಾಲ್ಲೂಕಿನಲ್ಲಿನ ಅನೇಕ ರಸ್ತೆಗಳು ತೀರ ಹದಗೆಟ್ಟಿರುವುದರಿಂದ ವಾಹನ ಸಂಚಾರಕ್ಕೆ ತೊಂದರೆ ಆಗುತ್ತಿದೆ. ಆದ್ದರಿಂದ ಶೀಘ್ರ ಇಂಥ ರಸ್ತೆಗಳ ದುರುಸ್ತಿ ಕಾರ್ಯ ನಡೆಸಬೇಕು ಎಂದು ಕಾಂಗ್ರೆಸ್ ಯುವ ಘಟಕದ ಜಿಲ್ಲಾಧ್ಯಕ್ಷ ಆನಂದ ದೇವಪ್ಪ ಸಂಬಂಧಿತರಿಗೆ ಒತ್ತಾಯಿಸಿದ್ದಾರೆ.<br /> <br /> ತಾಲ್ಲೂಕಿನಲ್ಲಿ ಎಲ್ಲಿ ಹೊದರೂ ರಸ್ತೆಗಳ ಡಾಂಬರು ಕಿತ್ತುಕೊಂಡು ತಗ್ಗುಗಳು ಬಿದ್ದಿರುವುದು ಕಾಣುತ್ತದೆ. ಇಂಥಲ್ಲಿ ಬಸ್ನಲ್ಲಿ ಅಥವಾ ಇತರೆ ವಾಹನಗಳಲ್ಲಿ ಸಂಚರಿಸಿದರೆ ಮೈಯೆಲ್ಲ ನುಗ್ಗಾಗುತ್ತದೆ. ಕೆಲವೆಡೆ ಕಚ್ಚಾ ರಸ್ತೆಗಳಿದ್ದರೂ ಸಂಬಂಧಿತರು ಕ್ರಮ ಕೈಗೊಂಡಿಲ್ಲ ಎಂದಿದ್ದಾರೆ.<br /> <br /> ಮುಖ್ಯವಾಗಿ ಮುಚಳಂಬ -ಭಾಲ್ಕಿ ರಸ್ತೆಯು ಗೋರಟಾ ಮತ್ತು ಹೊನ್ನಳ್ಳಿ ಹತ್ತಿರ ತೀರ ಕೆಟ್ಟಿದೆ. ಈ ರಸ್ತೆ ಬಸವಕಲ್ಯಾಣದಿಂದ ಭಾಲ್ಕಿ ಮತ್ತು ಬೀದರಗೆ ಹೋಗಲು ಅನುಕೂಲ ಆಗಿದೆ. ಆದ್ದರಿಂದ ಇಲ್ಲಿಂದ ವಾಹನ ಸಂಚಾರ ಹೆಚ್ಚಾಗಿರುತ್ತದೆ. ಆದರೆ ಈ ರಸ್ತೆ ವಾಹನ ಸಂಚಾರಕ್ಕೆ ಅಷ್ಟೇಅಲ್ಲ; ಮನುಷ್ಯರಿಗೆ ಮತ್ತು ದನಕರುಗಳಿಗೆ ಹೋಗಲು ಸಹ ಅಯೋಗ್ಯವಾಗಿದೆ. ನಡೆದುಕೊಂಡು ಹೋದರೂ ಎಡವಿ ಬೀಳುವುದು ಖಚಿತ ಎನ್ನುವಂತಾಗಿದೆ.<br /> <br /> ಇಲ್ಲಾಳದಿಂದ ಜಾಪೂರವಾಡಿಗೆ ಹೋಗುವುದಕ್ಕೆ ಕಚ್ಚಾ ರಸ್ತೆ ಇರುವುದರಿಂದ ಮಳೆ ಬಂದಾಗ ಕೆಸರಿನಿಂದ ತುಂಬಿರುತ್ತದೆ. ಬಿಸಿಲಿದ್ದಾಗ ಧೂಳು ಮೈಮೇಲೆ ಬರುತ್ತದೆ. ಎಲ್ಲೆಡೆ ಡಾಂಬರು ರಸ್ತೆಗಳಿರುವಾಗ ಇಲ್ಲಿ ಇನ್ನುವರೆಗೆ ಕಚ್ಚಾ ರಸ್ತೆ ಇರುವುದು ಜನಪ್ರತಿನಿಧಿಗಳ ಮತ್ತು ಅಧಿಕಾರಿಗಳ ದಿವ್ಯ ನಿರ್ಲಕ್ಷಕ್ಕೆ ಸಾಕ್ಷಿಯಾಗಿದೆ ಎಂದಿದ್ದಾರೆ.<br /> <br /> ಹೋಬಳಿ ಕೇಂದ್ರವಾದ ಹುಲಸೂರದಿಂದ ಹಾಲಹಳ್ಳಿಗೆ ಹೋಗುವ ರಸ್ತೆ, ಧನ್ನೂರದಿಂದ ಕಾದೇಪುರಕ್ಕೆ ಹೋಗುವ ರಸ್ತೆ ಮತ್ತು ಮುಡಬಿ- ಕಿಣ್ಣಿವಾಡಿ, ರಾಷ್ಟ್ರೀಯ ಹೆದ್ದಾರಿಯಿಂದ ಉಮಾಪುರಕ್ಕೆ ಹೋಗುವ ರಸ್ತೆಗಳು ಸಹ ತೀರ ಹದಗೆಟ್ಟಿವೆ. ಒಟ್ಟಾರೆ ಗ್ರಾಮೀಣ ಪ್ರದೇಶದಲ್ಲಿನ ರಸ್ತೆಗಳು ಹಾಳಾಗಿದ್ದು ಈ ಬಗ್ಗೆ ಗ್ರಾಮಸ್ಥರು ಸಾಕಷ್ಟು ಸಲ ಮನವಿ ಸಲ್ಲಿಸಿದರೂ ಪ್ರಯೋಜನ ಆಗಿಲ್ಲ. ಇನ್ನುಮುಂದೆ ರಸ್ತೆ ಸುಧಾರಣೆಗೆ ವಿಳಂಬ ಮಾಡಿದರೆ ಯುವ ಕಾಂಗ್ರೆಸ್ದಿಂದ ರಸ್ತೆತಡೆ ಮತ್ತು ತಹಸೀಲ ಕಚೇರಿ ಎದುರು ಧರಣಿ ನಡೆಸಲಾಗುವುದು ಎಂದು ಆನಂದ ದೇವಪ್ಪ ಎಚ್ಚರಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>