ಬಾಂಬೆ ಜಯಶ್ರೀ- ಪಲ್ಲವಿ ಗಾನ

`ಸಂಗೀತವನ್ನು ನಮ್ಮ ಬದುಕಿನೊಂದಿಗೆ ಹೇಗೆ ಬೆಸೆಯುತ್ತೇವೆಯೋ ಹಾಗೆಯೇ ಸಂಗೀತ ಕಾರ್ಯನಿರ್ವಹಿಸುತ್ತದೆ. ಇದನ್ನು ನನ್ನ ಸಂಗೀತದ ಬದುಕಿನುದ್ದಕ್ಕೂ ಕಂಡುಕೊಂಡಿದ್ದೇನೆ. ನನ್ನಳೊಗೆ ಈ ಭಾವ ಹುಟ್ಟಲು ಸಂಗೀತ ಕುರಿತ ಆಳವಾದ ಜ್ಞಾನ, ಹಾಡಿನ ತಾತ್ವಿಕ ಅರ್ಥ ಅಥವಾ ಶಾಸ್ತ್ರೀಯ ಸಂಗೀತದಲ್ಲಿನ ಭಕ್ತಿ ಕಾರಣ ಇರಬಹುದು.~

- ಖ್ಯಾತ ಕಲಾವಿದೆ ಬಾಂಬೆ ಜಯಶ್ರೀ ಸಂಗೀತವನ್ನು ವ್ಯಾಖ್ಯಾನಿಸುವ ಪರಿ ಇದು. ಸಂಗೀತವನ್ನು ಇನ್ನಿಲ್ಲದಂತೆ ಪ್ರೀತಿಸುವ, ಸಾವಿರಾರು ಗೀತೆಗಳಿಗೆ ಸುಶ್ರಾವ್ಯ ಕಂಠ ನೀಡಿರುವ ಬಿ.ಜಯಶ್ರೀ ಅವರಿಗೆ ದೇಶದ ಉದ್ದಗಲಕ್ಕೂ ಲಕ್ಷಾಂತರ ಅಭಿಮಾನಿಗಳಿದ್ದಾರೆ. ಈಗ ಬೆಂಗಳೂರು ನಗರಿಗರಿಗೆ ಜಯಶ್ರೀ ಕಂಠವನ್ನು ಮತ್ತೊಮ್ಮೆ ಆಸ್ವಾದಿಸುವ ಹಿಗ್ಗು.

ಬಾಂಬೆ ಜಯಶ್ರೀ ಆಗಸ್ಟ್ 2 ಮತ್ತು 3ರಂದು `ಲಿಸನಿಂಗ್ ಟು ಲೈಫ್-ದಿ ಜರ್ನಿ ಆಫ್ ಎ ರಾಗ~ ಸಂಗೀತ ಕಾರ್ಯಕ್ರಮ ನಡೆಸಿಲಿದ್ದಾರೆ.70-80ರ ದಶಕದ ಖ್ಯಾತ ಹಾಡುಗಳನ್ನೂ ಒಳಗೊಂಡ ಈ ಕಾರ್ಯಕ್ರಮ ಆಗಸ್ಟ್ 2ರಂದು ಜೆ.ಪಿ.ನಗರದ ಬ್ರಿಗೇಡ್ ಕನ್ವೆನ್ಶನ್ ಸೆಂಟರ್ ಹಾಗೂ ಆಗಸ್ಟ್ 3ರಂದು ಚೌಡಯ್ಯ ಸ್ಮಾರಕ ಭವನದಲ್ಲಿ ನಡೆಯಲಿದೆ. 90 ನಿಮಿಷ ಅವಧಿಯ ಈ ಕಾರ್ಯಕ್ರಮ ಎರಡೂ ದಿನವೂ ರಾತ್ರಿ 8 ಗಂಟೆಗೆ ಆರಂಭವಾಗಲಿದೆ.

ಕನ್ನಡದ ಖ್ಯಾತ ಹಾಡುಗಾರ್ತಿ ಎಂ.ಡಿ.ಪಲ್ಲವಿ ಕಾರ್ಯಕ್ರಮಕ್ಕೆ ಹೊಸ ಮೆರುಗು ನೀಡಲಿದ್ದಾರೆ. ಖುದ್ದು ಬಿ.ಜಯಶ್ರೀ ಅವರೇ ಪಲ್ಲವಿಯನ್ನು ಕಾರ್ಯಕ್ರಮಕ್ಕೆ ಆಹ್ವಾನಿಸಿರುವುದು ಮತ್ತೊಂದು ವಿಶೇಷ. ಹಾಗಾಗಿ ಸಂಗೀತ ಪ್ರೇಮಿಗಳು ಜಯಶ್ರೀ ಜತೆಗೆ ಪಲ್ಲವಿಯವರ ಮಧುರ ಗಾಯನವನ್ನು ಸವಿಯಬಹುದು. ಜೊತೆಗೆ ಸಾಂಪ್ರದಾಯಿಕ ಹಾಗೂ ಎಲೆಕ್ಟ್ರಾನಿಕ್ ವಯೊಲಿನ್ನಲ್ಲಿ ಎಂಬಾರ್ ಕಣ್ಣನ್, ಕೊಳಲಿನಲ್ಲಿ ನವೀನ್ ಅಯ್ಯರ್, ಪಿಯಾನೊ ಹಾಗೂ ಹಾರ್ಮೋನಿಯಂನಲ್ಲಿ ನವನೀತ್ ಸುಂದರ್ ಹಾಗೂ ಮೃದಂಗದಲ್ಲಿ ಜೆ. ವೈದ್ಯನಾಥನ್ ಮತ್ತು ಸಾಯಿ ಶ್ರವಣಂ ತಬಲಾದಲ್ಲಿ ಸಾಥ್ ನೀಡಲಿದ್ದಾರೆ. ಜಯಶ್ರೀ ಅವರ ವಿದ್ಯಾರ್ಥಿಗಳು ಕೋರಸ್ ಹಾಡಲಿದ್ದಾರೆ.

ಈ ಕಾರ್ಯಕ್ರಮದಲ್ಲಿ ಕರ್ನಾಟಕ ಸಂಗೀತ, ಹಿಂದುಸ್ತಾನಿ ಸಂಗೀತವಲ್ಲದೆ ಹಿಂದಿ, ತಮಿಳು ಮತ್ತು ಕನ್ನಡ ಚಲನಚಿತ್ರ ಗೀತೆಗಳು ಹಾಗೂ ಜಾನಪದ ಸಂಗೀತವೂ ಇರುತ್ತದೆ. `ಇಲ್ಲಿ ಕೇಳುಗರೇ ಮುಖ್ಯ.

ಸುಮಧುರ ಸಂಗೀತಕ್ಕೆ ಕೇಳುಗರ ಹೃದಯ ಹೇಗೆ ಮಿಡಿಯುತ್ತದೆ ಎನ್ನುವುದನ್ನು ತೋರಿಸುವುದು ಈ ಸಂಗೀತ ಕಾರ್ಯಕ್ರಮದ ಗುರಿ~ ಎನ್ನುವ ಜಯಶ್ರೀ ಸ್ವತಃ ಕಾರ್ಯಕ್ರಮವನ್ನು ನಿರ್ದೇಶಿಸಿದ್ದಾರೆ. ಕಾರ್ಯಕ್ರಮದ ನಡುವೆ ಸಿಗುವ ವಿರಾಮದಲ್ಲಿ ಸಂಗೀತ ಏನು ಅರ್ಥ ನೀಡುತ್ತದೆ ಎನ್ನುವ ಕುರಿತು ಜಯಶ್ರಿ ಮಾತನಾಡಲಿದ್ದಾರೆ.

ಟಿಕೆಟ್ ಹಾಗೂ ಹೆಚ್ಚಿನ ಮಾಹಿತಿಗೆ: 4206 4969, 3989 5050, 4018 2222, 2344 3956.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬಾಂಬೆ ಜಯಶ್ರೀ- ಪಲ್ಲವಿ ಗಾನ

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಚೆಸ್‌: ಮುನ್ನಡೆ ಹಂಚಿಕೊಂಡ ಗುಕೇಶ್‌

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ಎರಡನೇ ಸುತ್ತಿಗೆ ಬಾಲಾಜಿ– ವರೆಲಾ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್