<p>ಆರು ತಿಂಗಳ ಹಿಂದಿನ ಮಾತು. ಬೆಂಗಳೂರಿನ ಜೆ.ಪಿ ನಗರದ ಶಾಲೆಯೊಂದರ ಬೆಳ್ಳಿಹಬ್ಬದ ಉದ್ಘಾಟನಾ ಕಾರ್ಯಕ್ರಮಕ್ಕೆ ಮಾಜಿ ರಾಷ್ಟ್ರಪತಿ ಡಾ. ಎ.ಪಿ.ಜೆ.ಅಬ್ದುಲ್ ಕಲಾಂ ಬಂದಿದ್ದರು. ಕಾರ್ಯಕ್ರಮದ ಅಂಗವಾಗಿ ವಿದ್ಯಾರ್ಥಿಗಳೊಂದಿಗೆ ಸಂವಾದ ಕಾರ್ಯಕ್ರಮ ಏರ್ಪಡಿಸಲಾಗಿತ್ತು.<br /> <br /> ‘ಸೌರಶಕ್ತಿ ಬಳಕೆ ಹೆಚ್ಚಾಗಬೇಕೆಂದು ಸರ್ಕಾರ ಹೇಳುತ್ತದೆ. ಆದರೆ, ಸೌರಫಲಕಗಳ ಬೆಲೆ ಹೆಚ್ಚಾಗಿದೆಯಲ್ಲಾ ಸರ್? ಇದಕ್ಕೇನು ಪರಿಹಾರ’? ಏಳನೇ ತರಗತಿ ವಿದ್ಯಾರ್ಥಿನಿ ಇಂಚರ ಹೀಗೊಂದು ಪ್ರಶ್ನೆಯನ್ನು ಕಲಾಂರತ್ತ ಎಸೆದಳು.<br /> <br /> ನಗುಮೊಗದಿಂದಲೇ ಈ ಪ್ರಶ್ನೆಗೆ ಉತ್ತರಿಸಿದ ಕಲಾಂ, ‘ದೇಶದ ಪ್ರತಿ ಮನೆಯಲ್ಲೂ ಸೌರಶಕ್ತಿ ಬಳಕೆಯಾಗಬೇಕು. ಸೌರಶಕ್ತಿಯಿಂದ ವಿದ್ಯುತ್ ಉತ್ಪಾದಿಸುವ ಘಟಕಗಳು ಹೆಚ್ಚಾಗಬೇಕು. ಸೌರಶಕ್ತಿಯ ಬಳಕೆ ಹೆಚ್ಚಾದರೆ, ಸೌರಫಲಕಗಳ (ಸೋಲಾರ್ ಪ್ಯಾನೆಲ್) ಬೆಲೆ ಕಡಿಮೆಯಾಗುತ್ತದೆ. ಆಗ ಸರ್ಕಾರವೂ ಸೌರಶಕ್ತಿಯಿಂದ ಹೆಚ್ಚು ವಿದ್ಯುತ್ ಉತ್ಪಾದಿಸಲು ಮುಂದಾಗುತ್ತದೆ’ ಎಂದಿದ್ದರು.<br /> <br /> <strong>ಕಲಾಂ ಕನಸು</strong><br /> ‘ಸೌರಶಕ್ತಿಯಿಂದ ಜಗವು ಬೆಳಗಬೇಕು’ ಎನ್ನುವುದು ಕಲಾಂ ಕನಸು. ನವೀಕರಿಸಬಹುದಾದ ಇಂಧನ ಮೂಲಗಳನ್ನು ಬಳಸಿಕೊಂಡರೆ ದೇಶವು ಇಂಧನ ಬಳಕೆಯಲ್ಲಿ ಸ್ವಾವಲಂಬನೆ ಸಾಧಿಸುವುದರಲ್ಲಿ ಸಂಶಯವೇ ಇಲ್ಲ ಎನ್ನುವುದು ಅವರ ವಿಶ್ವಾಸ. ಕಳೆದ ಮೇನಲ್ಲಿ ಕ್ಯಾಲಿಫೋರ್ನಿಯಾದಲ್ಲಿ ನಡೆದ 32ನೇ ಅಂತರರಾಷ್ಟ್ರೀಯ ಬಾಹ್ಯಾಕಾಶ ಅಭಿವೃದ್ಧಿ ಸಮ್ಮೇಳನದಲ್ಲಿ ಅವರು ವಿಶೇಷವಾದ ಉಪನ್ಯಾಸವೊಂದನ್ನು ನೀಡಿದರು. ಬಾಹ್ಯಾಕಾಶದಲ್ಲೇ ಸೌರಶಕ್ತಿಯನ್ನು ಸಂಗ್ರಹಿಸಿ ನಂತರ ಅದನ್ನು ಭೂಮಿಗೆ ಹೇಗೆ ವರ್ಗಾಯಿಸಬಹುದು ಎಂಬುದನ್ನು ಅವರು ಪವರ್ ಪಾಯಿಂಟ್ ಪ್ರೆಸಂಟೇಷನ್ (ಪಿಪಿಟಿ) ಮೂಲಕ ವಿವರಿಸಿದ್ದರು.<br /> <br /> ಕಲಾಂ ಅವರ ಈ ಕನಸಿನ ಯೋಜನೆಯನ್ನು ಇದೀಗ ಅಮೆರಿಕದ ವಿಜ್ಞಾನಿಗಳು ನನಸು ಮಾಡುವ ಸಿದ್ಧತೆಯಲ್ಲಿದ್ದಾರೆ. ಅಮೆರಿಕದ ರಕ್ಷಣಾ ಇಲಾಖೆಗೆ ಸೇರಿದ ನೇವಲ್ ರೀಸರ್ಚ್ ಲ್ಯಾಬೊರೇಟರಿಯ (ಎನ್ಆರ್ಎಲ್) ಬಾಹ್ಯಾಕಾಶ ಎಂಜಿನಿಯರ್ ಡಾ. ಪೌಲ್ ಜಾಫೆ, ಬಾಹ್ಯಾಕಾಶದಲ್ಲೇ ಸೌರಶಕ್ತಿ ಸಂಗ್ರಹಿಸುವ ಮತ್ತು ಅಲ್ಲಿಂದ ಭೂಮಿಗೆ ವರ್ಗಾಯಿಸುವ ‘ಮಾದರಿ’ ಯಂತ್ರವೊಂದನ್ನು ಅಭಿವೃದ್ಧಿಪಡಿಸಿದ್ದಾರೆ.<br /> <br /> ಹೀಗೆ ಸಂಗ್ರಹವಾಗುವ ವಿದ್ಯುತ್ನಿಂದ ಒಂದು ಬೃಹತ್ ನಗರವನ್ನೇ ಬೆಳಗಿಸಬಹುದು. ಮೋಡ ಕವಿದ ವಾತಾವರಣ ಇದ್ದಾಗಲೂ ಸೌರಶಕ್ತಿ ಸಂಗ್ರಹವಾಗುತ್ತಲೇ ಇರುತ್ತದೆ. ದಿನದ 24 ಗಂಟೆ, ವರ್ಷದ 365 ದಿನಗಳೂ ಅಡೆತಡೆ ಇಲ್ಲದೆ ವಿದ್ಯುತ್ ಲಭಿಸುತ್ತದೆ ಎನ್ನುವುದು ಅವರ ವಿವರಣೆ.<br /> <br /> <strong>‘ಸ್ಯಾಂಡ್ವಿಚ್’ ಮಾದರಿ</strong><br /> ಜಾಫೆ ಅಭಿವೃದ್ಧಿಪಡಿಸಿರುವ ‘ಸ್ಯಾಂಡ್ವಿಚ್’ ಮಾದರಿ ಯಂತ್ರ ಒಂದರ ಮೇಲೊಂದು ಮೂರು ಫಲಕಗಳನ್ನು ಒಳಗೊಂಡಿದೆ. ಒಂದು ಬದಿಯಲ್ಲಿ ‘ದ್ಯುತಿವಿದ್ಯುತ್ ಜನಕ’ ಇದೆ. ಇದು ಸೌರಶಕ್ತಿಯನ್ನು ಸಂಗ್ರಹಿಸಿ ವಿದ್ಯುಚ್ಛಕ್ತಿಯಾಗಿ ಪರಿವರ್ತಿಸುತ್ತದೆ. ಮಧ್ಯದಲ್ಲಿರುವ ಎಲೆಕ್ಟ್ರಾನಿಕ್ ಫಲಕ ನೇರ ವಿದ್ಯುಚ್ಛಕ್ತಿಯನ್ನು ರೇಡಿಯೊ ತರಂಗಾಂತರಗಳಾಗಿ ಪರಿವರ್ತಿಸುತ್ತದೆ. ಕೆಳಭಾಗದಲ್ಲಿರುವ ಅಂಟೆನಾ ಇದನ್ನು ಭೂಮಿಗೆ ವರ್ಗಾಯಿಸುತ್ತದೆ. ಆದರೆ, ಈ ಯಂತ್ರದ ಕಾರ್ಯದಕ್ಷತೆ ಕುರಿತು ಈಗ ಪ್ರಶ್ನೆಗಳೆದ್ದಿವೆ.<br /> <br /> ಜಾಫೆ ಅವರು ಅಭಿವೃದ್ಧಿಪಡಿಸಿರುವ ‘ಸ್ಯಾಂಡ್ವಿಚ್ ಮಾದರಿ ಯಂತ್ರ’ ಹಿಂದಿನ ಎಲ್ಲ ಮಾದರಿಗಳಿಗಿಂತ ನಾಲ್ಕು ಪಟ್ಟು ಹೆಚ್ಚಿನ ಸಾಮರ್ಥ್ಯ ಹೊಂದಿದೆ ಎನ್ನುವುದು ‘ಎನ್ಆರ್ಎಲ್’ ವಿವರಣೆ.<br /> <br /> ಉಷ್ಣ ವಿದ್ಯುತ್ ಬಳಕೆಗೆ ಸಂಬಂಧಿಸಿದ ‘ಸೆಫ್ಟ್’ ಮಾದರಿಯನ್ನೂ ಜಾಫೆ ಅಭಿವೃದ್ಧಿಪಡಿಸಿದ್ದಾರೆ. ವಿಕಿರಣ ಬಳಸಿಕೊಂಡು ವಿದ್ಯುತ್ ಉತ್ಪಾದಿಸುವ ತಂತ್ರಜ್ಞಾನ ಇದು. ಇದಿನ್ನೂ ಪ್ರಾಥಮಿಕ ಹಂತದಲ್ಲಿದೆ. ಜಾಫೆ ಅವರ ಈ ಎರಡು ಮಾದರಿಗಳಿಗೂ ಕಳೆದ ವರ್ಷ ಕಲಾಂ ನೀಡಿದ ಉಪನ್ಯಾಸ ಪ್ರೇರಣೆ.<br /> <br /> ‘ಬಾಹ್ಯಾಕಾಶದಲ್ಲಿ ಲಭಿಸುವ ಸೌರಶಕ್ತಿ ಅತ್ಯಂತ ಸುರಕ್ಷಿತ ಶಕ್ತಿ ಮೂಲ. ಎಲ್ಲ ದೇಶಗಳು ಇದರ ಲಾಭ ಪಡೆದುಕೊಳ್ಳಬಹುದು. ಈ ನಿಟ್ಟಿನಲ್ಲಿ ಸಂಶೋಧನೆ ನಡೆಯಬೇಕಿದೆ’ ಎಂದು ಕಲಾಂ ಉಪನ್ಯಾಸದಲ್ಲಿ ಹೇಳಿದ್ದರು.<br /> <br /> ಇದಕ್ಕೆ ಸಂಬಂಧಿಸಿದಂತೆ ಭಾರತ ಮತ್ತು ಅಮೆರಿಕ ಜಂಟಿಯಾಗಿ ಪ್ರಯತ್ನ ನಡೆಸುತ್ತಿದೆ ಎಂದು ಅಮೆರಿಕದ ರಾಷ್ಟ್ರೀಯ ಬಾಹ್ಯಾಕಾಶ ಸಂಸ್ಥೆ (ಎನ್ಎಸ್ಎಸ್) ಕಳೆದ ಜೂನ್ನಲ್ಲಿ ಹೇಳಿತ್ತು.<br /> <br /> ‘ಬಾಹ್ಯಾಕಾಶದಿಂದ ಭೂಮಿಗೆ ವಿದ್ಯುತ್ ತರುವ ಯೋಜನೆ ಮುಂದಿನ 30 ವರ್ಷಗಳಲ್ಲಿ ಸಹಕಾರಗೊಳ್ಳಬಹುದು’ ಎನ್ನುವುದು ಅಂತರರಾಷ್ಟ್ರೀಯ ಖಗೋಳಶಾಸ್ತ್ರಜ್ಞರ ಸಂಘಟನೆಯ ಅಭಿಮತ. ಈ ಯೋಜನೆಗೆ ಅಂತರರಾಷ್ಟ್ರೀಯ ಸಹಕಾರ ಬೇಕು ಎಂದು ನ್ಯಾಷನಲ್ ಸ್ಪೇಸ್ ಸೊಸೈಟಿಯ ಕಾರ್ಯಕಾರಿ ಸಮಿತಿ ಅಧ್ಯಕ್ಷರಾದ ಡಾ. ಕಲಾಂ ಮತ್ತು ಮಾರ್ಕ್ ಹಾಪ್ಕಿನ್ಸ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಆರು ತಿಂಗಳ ಹಿಂದಿನ ಮಾತು. ಬೆಂಗಳೂರಿನ ಜೆ.ಪಿ ನಗರದ ಶಾಲೆಯೊಂದರ ಬೆಳ್ಳಿಹಬ್ಬದ ಉದ್ಘಾಟನಾ ಕಾರ್ಯಕ್ರಮಕ್ಕೆ ಮಾಜಿ ರಾಷ್ಟ್ರಪತಿ ಡಾ. ಎ.ಪಿ.ಜೆ.ಅಬ್ದುಲ್ ಕಲಾಂ ಬಂದಿದ್ದರು. ಕಾರ್ಯಕ್ರಮದ ಅಂಗವಾಗಿ ವಿದ್ಯಾರ್ಥಿಗಳೊಂದಿಗೆ ಸಂವಾದ ಕಾರ್ಯಕ್ರಮ ಏರ್ಪಡಿಸಲಾಗಿತ್ತು.<br /> <br /> ‘ಸೌರಶಕ್ತಿ ಬಳಕೆ ಹೆಚ್ಚಾಗಬೇಕೆಂದು ಸರ್ಕಾರ ಹೇಳುತ್ತದೆ. ಆದರೆ, ಸೌರಫಲಕಗಳ ಬೆಲೆ ಹೆಚ್ಚಾಗಿದೆಯಲ್ಲಾ ಸರ್? ಇದಕ್ಕೇನು ಪರಿಹಾರ’? ಏಳನೇ ತರಗತಿ ವಿದ್ಯಾರ್ಥಿನಿ ಇಂಚರ ಹೀಗೊಂದು ಪ್ರಶ್ನೆಯನ್ನು ಕಲಾಂರತ್ತ ಎಸೆದಳು.<br /> <br /> ನಗುಮೊಗದಿಂದಲೇ ಈ ಪ್ರಶ್ನೆಗೆ ಉತ್ತರಿಸಿದ ಕಲಾಂ, ‘ದೇಶದ ಪ್ರತಿ ಮನೆಯಲ್ಲೂ ಸೌರಶಕ್ತಿ ಬಳಕೆಯಾಗಬೇಕು. ಸೌರಶಕ್ತಿಯಿಂದ ವಿದ್ಯುತ್ ಉತ್ಪಾದಿಸುವ ಘಟಕಗಳು ಹೆಚ್ಚಾಗಬೇಕು. ಸೌರಶಕ್ತಿಯ ಬಳಕೆ ಹೆಚ್ಚಾದರೆ, ಸೌರಫಲಕಗಳ (ಸೋಲಾರ್ ಪ್ಯಾನೆಲ್) ಬೆಲೆ ಕಡಿಮೆಯಾಗುತ್ತದೆ. ಆಗ ಸರ್ಕಾರವೂ ಸೌರಶಕ್ತಿಯಿಂದ ಹೆಚ್ಚು ವಿದ್ಯುತ್ ಉತ್ಪಾದಿಸಲು ಮುಂದಾಗುತ್ತದೆ’ ಎಂದಿದ್ದರು.<br /> <br /> <strong>ಕಲಾಂ ಕನಸು</strong><br /> ‘ಸೌರಶಕ್ತಿಯಿಂದ ಜಗವು ಬೆಳಗಬೇಕು’ ಎನ್ನುವುದು ಕಲಾಂ ಕನಸು. ನವೀಕರಿಸಬಹುದಾದ ಇಂಧನ ಮೂಲಗಳನ್ನು ಬಳಸಿಕೊಂಡರೆ ದೇಶವು ಇಂಧನ ಬಳಕೆಯಲ್ಲಿ ಸ್ವಾವಲಂಬನೆ ಸಾಧಿಸುವುದರಲ್ಲಿ ಸಂಶಯವೇ ಇಲ್ಲ ಎನ್ನುವುದು ಅವರ ವಿಶ್ವಾಸ. ಕಳೆದ ಮೇನಲ್ಲಿ ಕ್ಯಾಲಿಫೋರ್ನಿಯಾದಲ್ಲಿ ನಡೆದ 32ನೇ ಅಂತರರಾಷ್ಟ್ರೀಯ ಬಾಹ್ಯಾಕಾಶ ಅಭಿವೃದ್ಧಿ ಸಮ್ಮೇಳನದಲ್ಲಿ ಅವರು ವಿಶೇಷವಾದ ಉಪನ್ಯಾಸವೊಂದನ್ನು ನೀಡಿದರು. ಬಾಹ್ಯಾಕಾಶದಲ್ಲೇ ಸೌರಶಕ್ತಿಯನ್ನು ಸಂಗ್ರಹಿಸಿ ನಂತರ ಅದನ್ನು ಭೂಮಿಗೆ ಹೇಗೆ ವರ್ಗಾಯಿಸಬಹುದು ಎಂಬುದನ್ನು ಅವರು ಪವರ್ ಪಾಯಿಂಟ್ ಪ್ರೆಸಂಟೇಷನ್ (ಪಿಪಿಟಿ) ಮೂಲಕ ವಿವರಿಸಿದ್ದರು.<br /> <br /> ಕಲಾಂ ಅವರ ಈ ಕನಸಿನ ಯೋಜನೆಯನ್ನು ಇದೀಗ ಅಮೆರಿಕದ ವಿಜ್ಞಾನಿಗಳು ನನಸು ಮಾಡುವ ಸಿದ್ಧತೆಯಲ್ಲಿದ್ದಾರೆ. ಅಮೆರಿಕದ ರಕ್ಷಣಾ ಇಲಾಖೆಗೆ ಸೇರಿದ ನೇವಲ್ ರೀಸರ್ಚ್ ಲ್ಯಾಬೊರೇಟರಿಯ (ಎನ್ಆರ್ಎಲ್) ಬಾಹ್ಯಾಕಾಶ ಎಂಜಿನಿಯರ್ ಡಾ. ಪೌಲ್ ಜಾಫೆ, ಬಾಹ್ಯಾಕಾಶದಲ್ಲೇ ಸೌರಶಕ್ತಿ ಸಂಗ್ರಹಿಸುವ ಮತ್ತು ಅಲ್ಲಿಂದ ಭೂಮಿಗೆ ವರ್ಗಾಯಿಸುವ ‘ಮಾದರಿ’ ಯಂತ್ರವೊಂದನ್ನು ಅಭಿವೃದ್ಧಿಪಡಿಸಿದ್ದಾರೆ.<br /> <br /> ಹೀಗೆ ಸಂಗ್ರಹವಾಗುವ ವಿದ್ಯುತ್ನಿಂದ ಒಂದು ಬೃಹತ್ ನಗರವನ್ನೇ ಬೆಳಗಿಸಬಹುದು. ಮೋಡ ಕವಿದ ವಾತಾವರಣ ಇದ್ದಾಗಲೂ ಸೌರಶಕ್ತಿ ಸಂಗ್ರಹವಾಗುತ್ತಲೇ ಇರುತ್ತದೆ. ದಿನದ 24 ಗಂಟೆ, ವರ್ಷದ 365 ದಿನಗಳೂ ಅಡೆತಡೆ ಇಲ್ಲದೆ ವಿದ್ಯುತ್ ಲಭಿಸುತ್ತದೆ ಎನ್ನುವುದು ಅವರ ವಿವರಣೆ.<br /> <br /> <strong>‘ಸ್ಯಾಂಡ್ವಿಚ್’ ಮಾದರಿ</strong><br /> ಜಾಫೆ ಅಭಿವೃದ್ಧಿಪಡಿಸಿರುವ ‘ಸ್ಯಾಂಡ್ವಿಚ್’ ಮಾದರಿ ಯಂತ್ರ ಒಂದರ ಮೇಲೊಂದು ಮೂರು ಫಲಕಗಳನ್ನು ಒಳಗೊಂಡಿದೆ. ಒಂದು ಬದಿಯಲ್ಲಿ ‘ದ್ಯುತಿವಿದ್ಯುತ್ ಜನಕ’ ಇದೆ. ಇದು ಸೌರಶಕ್ತಿಯನ್ನು ಸಂಗ್ರಹಿಸಿ ವಿದ್ಯುಚ್ಛಕ್ತಿಯಾಗಿ ಪರಿವರ್ತಿಸುತ್ತದೆ. ಮಧ್ಯದಲ್ಲಿರುವ ಎಲೆಕ್ಟ್ರಾನಿಕ್ ಫಲಕ ನೇರ ವಿದ್ಯುಚ್ಛಕ್ತಿಯನ್ನು ರೇಡಿಯೊ ತರಂಗಾಂತರಗಳಾಗಿ ಪರಿವರ್ತಿಸುತ್ತದೆ. ಕೆಳಭಾಗದಲ್ಲಿರುವ ಅಂಟೆನಾ ಇದನ್ನು ಭೂಮಿಗೆ ವರ್ಗಾಯಿಸುತ್ತದೆ. ಆದರೆ, ಈ ಯಂತ್ರದ ಕಾರ್ಯದಕ್ಷತೆ ಕುರಿತು ಈಗ ಪ್ರಶ್ನೆಗಳೆದ್ದಿವೆ.<br /> <br /> ಜಾಫೆ ಅವರು ಅಭಿವೃದ್ಧಿಪಡಿಸಿರುವ ‘ಸ್ಯಾಂಡ್ವಿಚ್ ಮಾದರಿ ಯಂತ್ರ’ ಹಿಂದಿನ ಎಲ್ಲ ಮಾದರಿಗಳಿಗಿಂತ ನಾಲ್ಕು ಪಟ್ಟು ಹೆಚ್ಚಿನ ಸಾಮರ್ಥ್ಯ ಹೊಂದಿದೆ ಎನ್ನುವುದು ‘ಎನ್ಆರ್ಎಲ್’ ವಿವರಣೆ.<br /> <br /> ಉಷ್ಣ ವಿದ್ಯುತ್ ಬಳಕೆಗೆ ಸಂಬಂಧಿಸಿದ ‘ಸೆಫ್ಟ್’ ಮಾದರಿಯನ್ನೂ ಜಾಫೆ ಅಭಿವೃದ್ಧಿಪಡಿಸಿದ್ದಾರೆ. ವಿಕಿರಣ ಬಳಸಿಕೊಂಡು ವಿದ್ಯುತ್ ಉತ್ಪಾದಿಸುವ ತಂತ್ರಜ್ಞಾನ ಇದು. ಇದಿನ್ನೂ ಪ್ರಾಥಮಿಕ ಹಂತದಲ್ಲಿದೆ. ಜಾಫೆ ಅವರ ಈ ಎರಡು ಮಾದರಿಗಳಿಗೂ ಕಳೆದ ವರ್ಷ ಕಲಾಂ ನೀಡಿದ ಉಪನ್ಯಾಸ ಪ್ರೇರಣೆ.<br /> <br /> ‘ಬಾಹ್ಯಾಕಾಶದಲ್ಲಿ ಲಭಿಸುವ ಸೌರಶಕ್ತಿ ಅತ್ಯಂತ ಸುರಕ್ಷಿತ ಶಕ್ತಿ ಮೂಲ. ಎಲ್ಲ ದೇಶಗಳು ಇದರ ಲಾಭ ಪಡೆದುಕೊಳ್ಳಬಹುದು. ಈ ನಿಟ್ಟಿನಲ್ಲಿ ಸಂಶೋಧನೆ ನಡೆಯಬೇಕಿದೆ’ ಎಂದು ಕಲಾಂ ಉಪನ್ಯಾಸದಲ್ಲಿ ಹೇಳಿದ್ದರು.<br /> <br /> ಇದಕ್ಕೆ ಸಂಬಂಧಿಸಿದಂತೆ ಭಾರತ ಮತ್ತು ಅಮೆರಿಕ ಜಂಟಿಯಾಗಿ ಪ್ರಯತ್ನ ನಡೆಸುತ್ತಿದೆ ಎಂದು ಅಮೆರಿಕದ ರಾಷ್ಟ್ರೀಯ ಬಾಹ್ಯಾಕಾಶ ಸಂಸ್ಥೆ (ಎನ್ಎಸ್ಎಸ್) ಕಳೆದ ಜೂನ್ನಲ್ಲಿ ಹೇಳಿತ್ತು.<br /> <br /> ‘ಬಾಹ್ಯಾಕಾಶದಿಂದ ಭೂಮಿಗೆ ವಿದ್ಯುತ್ ತರುವ ಯೋಜನೆ ಮುಂದಿನ 30 ವರ್ಷಗಳಲ್ಲಿ ಸಹಕಾರಗೊಳ್ಳಬಹುದು’ ಎನ್ನುವುದು ಅಂತರರಾಷ್ಟ್ರೀಯ ಖಗೋಳಶಾಸ್ತ್ರಜ್ಞರ ಸಂಘಟನೆಯ ಅಭಿಮತ. ಈ ಯೋಜನೆಗೆ ಅಂತರರಾಷ್ಟ್ರೀಯ ಸಹಕಾರ ಬೇಕು ಎಂದು ನ್ಯಾಷನಲ್ ಸ್ಪೇಸ್ ಸೊಸೈಟಿಯ ಕಾರ್ಯಕಾರಿ ಸಮಿತಿ ಅಧ್ಯಕ್ಷರಾದ ಡಾ. ಕಲಾಂ ಮತ್ತು ಮಾರ್ಕ್ ಹಾಪ್ಕಿನ್ಸ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>