ಸೋಮವಾರ, ಮೇ 23, 2022
30 °C

ಬಿಎಸ್‌ವೈ ವಿಚಾರ ವರಿಷ್ಠರ ತೀರ್ಮಾನಕ್ಕೆ ಈಶ್ವರಪ್ಪ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಗುಲ್ಬರ್ಗ: `ಯಡಿಯೂರಪ್ಪ ಬಿಜೆಪಿಗೆ ಬರುವುದು, ಬಿಡುವುದು ನನಗೆ ಗೊತ್ತಿಲ್ಲ. ಅದು ಕೇಂದ್ರದ ನಾಯಕರಿಗೆ ಬಿಟ್ಟ ವಿಚಾರ' ಎಂದು ಬಿಜೆಪಿ ಮುಖಂಡ ಕೆ.ಎಸ್. ಈಶ್ವರಪ್ಪ ಹೇಳಿದರು.



ಸೂಪರ್ ಮಾರ್ಕೆಟ್‌ನಲ್ಲಿರುವ ಎಚ್‌ಕೆಸಿಸಿ ಸಭಾಂಗಣದಲ್ಲಿ ಸೋಮವಾರ ಆಯೋಜಿಸಿದ್ದ ಪಕ್ಷದ ಸಮಾಲೋಚನಾ ಹಾಗೂ ಸಂಘಟನಾ ಸಭೆಯಲ್ಲಿ ಅವರು ಮಾತನಾಡಿದರು.



`ಚುನಾವಣೆ ರಾಜಕಾರಣದ ಒಂದು ಭಾಗ. ಸೋತಿದ್ದೇವೆ ಎಂದು ರಾಜಕೀಯದಿಂದ ವಿಮುಖರಾಗಬಾರದು. 1985ರಲ್ಲಿ ಬಿಜೆಪಿ ಕೇವಲ 2 ಕಡೆ ಗೆದ್ದಿತ್ತು. ಈಗ ದೊಡ್ಡಪಕ್ಷವಾಗಿ ಬೆಳೆದಿದೆ. ಲೋಕಸಭೆ ಚುನಾವಣೆಯಲ್ಲಿ ನಮ್ಮ ಶಕ್ತಿ ತೋರಿಸೋಣ' ಎಂದು ಕಾರ್ಯಕರ್ತರನ್ನು ಹುರಿದುಂಬಿಸಿದರು.



`ಕಾಂಗ್ರೆಸ್ ಸರ್ಕಾರ ಇನ್ನೂ ಮಧುಚಂದ್ರದ ಅವಧಿಯಲ್ಲಿದೆ. ನಾವು ಈಗಲೇ ಟೀಕಿಸುವುದಿಲ್ಲ. 3 ತಿಂಗಳು ಸರ್ಕಾರ ನಡೆಸಲಿ. ಆರಂಭದಲ್ಲೇ ಹೆಚ್ಚಿನ ಮದ್ಯದಂಗಡಿಗಳಿಗೆ ಪರವಾನಗಿ, ಅಗ್ಗದ ಮದ್ಯ ಮಾರಾಟದಂಥ ಯೋಜನೆಗೆ ಕೈ ಹಾಕಿರುವ ಸಿದ್ದರಾಮಯ್ಯ ಸರ್ಕಾರ ತಪ್ಪು ಮಾಡುತ್ತಿದೆ ಎಂದು ಕೆಲ ಕಾಂಗ್ರೆಸ್ಸಿಗರು ಹಾಗೂ ಮಠಾಧೀಶರೇ ಟೀಕಿಸುತ್ತಿದ್ದಾರೆ' ಎಂದರು.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.