ಗುರುವಾರ , ಮೇ 13, 2021
36 °C

ಬಿದರಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |



 

ಪ್ರಜಾವಾಣಿ ವಾರ್ತೆ:

ಬೆಂಗಳೂರು: ವೀರಪ್ಪನ್ ಕಾರ್ಯಾಚರಣೆ  ವೇಳೆಯಲ್ಲಿ ಎಸ್.ಟಿ.ಎಫ್  ಮುಖ್ಯಸ್ಥರಾಗಿದ್ದ ಶಂಕರ್ ಬಿದರಿ ಮತ್ತು ಅವರ ತಂಡದ ಸದಸ್ಯರು ಸ್ಥಳೀಯ ಮಹಿಳೆಯರ ಮೇಲೆ ಮಾನಸಿಕ ಮತ್ತು ದೈಹಿಕ ಚಿತ್ರಹಿಂಸೆಯನ್ನು ನೀಡಿದ್ದರು~ ಎಂದು ಮೃತ ವೀರಪ್ಪನ್ ಪತ್ನಿ ಮುತ್ತು ಲಕ್ಷ್ಮಿ ಆರೋಪಿಸಿದರು.

ಶುಕ್ರವಾರ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, `ಶಂಕರ ಬಿದರಿ ವೀರಪ್ಪನ್ ಕಾರ್ಯಾಚರಣೆ ಸಂದರ್ಭದಲ್ಲಿ ಅನೇಕ ಮಹಿಳೆಯರಿಗೆ ಮಾನಸಿಕ ಹಿಂಸೆ ನೀಡುವುದರೊಂದಿಗೆ ಅವರಿಗೆ ವಿದ್ಯುತ್ ಶಾಕ್ ನೀಡಿದ್ದರು. ಇದಲ್ಲದೆ ಆತನು ನನ್ನ ಬಳಿ ಬಂದು ನನ್ನ ಮಾಂಗಲ್ಯವನ್ನು ಕಿತ್ತು ಹಾಕುವಂತೆ ಬೆದರಿಸಿ, ನನ್ನ ಮಾಂಗಲ್ಯಕ್ಕೆ ಕೈ ಹಾಕಿದನು~.

 ಹಿರಿಯ ಪೊಲೀಸ್ ಅಧಿಕಾರಿಗಳಾದ ಮುಸಲೆ, ಟೈಗರ್ ಅಶೋಕ್‌ಕುಮಾರ್, ಬಾವ, ಕುಮಾರದಾಸ್ ಮುಂತಾದವರು ಕಾರ್ಯಚರಣೆ ವೇಳೆ ಚಿತ್ರಹಿಂಸೆ ನೀಡಿದ್ದರು. ಈ ಬಗ್ಗೆ ಕೋರ್ಟ್‌ನಲ್ಲಿ ಹೇಳಿಕೆ ನೀಡಿದರೆ ಮತ್ತೆ ಚಿತ್ರ ಹಿಂಸೆ ನೀಡುವುದಾಗಿ ಬೆದರಿಕೆ  ಹಾಕಿದರು ಆದ್ದರಿಂದ ನಾನು ಇಲ್ಲಿಯ ವರೆಗೆ ಆ ವಿಷಯನ್ನು ಹೇಳಲಿಲ್ಲ~ ಎಂದು ಅವರು ಇಲ್ಲಿ ಆರೋಪಿಸಿದರು.

`ನನ್ನ ಪತಿ ವೀರಪ್ಪನ್ ಕೆಟ್ಟವನಲ್ಲ. ಈ ಬಗ್ಗೆ ಮಲೆಮಾದೇಶ್ವರ ಬೆಟ್ಟ ಹಾಗೂ ಸುತ್ತಮುತ್ತಲಿನ ಜನರನ್ನು ಕೇಳಿದರೆ ಗೊತ್ತಾಗುತ್ತದೆ. ವೀರಪ್ಪನ ಕೊಲೆಗಳನ್ನು ಮಾಡಿದ್ದಾನೆ ನಿಜ, ಆದರೆ, ಅದನ್ನು ಮಾಡಲು ರಾಜಕಾರಣಿಗಳು, ಪೊಲೀಸ್ ಮತ್ತು ಅಲ್ಲಿನ ಅರಣ್ಯ ಅಧಿಕಾರಿಗಳು ಕಾರಣರಾಗಿದ್ದಾರೆ.

ಪತಿ ವೀರಪ್ಪನ್ ಕುರಿತು 650 ಪುಟಗಳನ್ನು ಒಳಗೊಂಡಿರುವ ಕನ್ನಡ, ತಮಿಳು ಸೇರಿದಂತೆ ಇತರೆ ಭಾಷೆಗಳಲ್ಲಿರುವ ಪುಸ್ತಕವನ್ನು ಅತೀ ಶೀಘ್ರದಲ್ಲೇ ತರುವುದಾಗಿ ಹೇಳಿದರು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.