<p><strong>ಜೆರುಸಲೇಂ (ಪಿಟಿ):</strong> ಇತ್ತೀಚಿನ ದಿನ ಗಳಲ್ಲಿ ಅಂತರರಾಷ್ಟ್ರೀಯ ಮಟ್ಟದಲ್ಲಿಯೂ `ತಿಪ್ಪೆಗುಂಡಿ ನಗರ' (ಗಾರ್ಬೆಜ್ ಸಿಟಿ) ಎಂಬ ಕುಖ್ಯಾತಿಗೆ ಪಾತ್ರ ವಾಗಿರುವ ಉದ್ಯಾನ ನಗರಿ ಬೆಂಗಳೂರು, ಇದೀಗ ಮಾಲಿನ್ಯದ ವಿಷಯದಲ್ಲಿಯೂ ಸುದ್ದಿ ಮಾಡುತ್ತಿದೆ.</p>.<p>`ಗರಿಷ್ಠ ಪ್ರಮಾಣದ ಮಾಲಿನ್ಯ ಇರುವ ವಿಶ್ವದ ಮುಂಚೂಣಿ ಮಹಾ ನಗರಗಳ ಪಟ್ಟಿಯಲ್ಲಿ ಬೆಂಗಳೂರು ಕೂಡ ಇದೆ' ಎಂದು ಹೊಸ ಅಧ್ಯಯನ ಹೇಳಿದೆ.</p>.<p>ಬೆಂಗಳೂರು ಮಾತ್ರವಲ್ಲದೆ ಈಶಾನ್ಯ ಚೀನಾ, ಮಧ್ಯಪ್ರಾಚ್ಯ ಹಾಗೂ ಮಧ್ಯ ಆಫ್ರಿಕಾ ದೇಶಗಳು ಕೂಡ ಈ ಸಾಲಿಗೆ ಸೇರುತ್ತವೆ. `2002 ಹಾಗೂ 2010 ಅವಧಿಯಲ್ಲಿ ಇಲ್ಲಿ ವಾಯು ಮಾಲಿನ್ಯ ಶೇ 34ರಷ್ಟು ಹೆಚ್ಚಳವಾಗಿದೆ' ಎಂದು ತಜ್ಞರು ಹೇಳಿದ್ದಾರೆ. ವಾಹನ ಹಾಗೂ ಕೈಗಾರಿಕೆಗಳು ಉಗುಳುವ ಹೊಗೆ, ನೈಸರ್ಗಿಕ ಸಂಪನ್ಮೂಲಗಳ ಅತಿಯಾದ ಬಳಕೆಯಿಂದ ಮಹಾನಗರಗಳಲ್ಲಿ ಮಾಲಿನ್ಯ ಪ್ರಮಾಣ ಹೆಚ್ಚಾಗಿದೆ ಎಂದೂ ಸಂಶೋಧಕರು ಹೇಳುತ್ತಾರೆ.</p>.<p>ವಾಯು ಮಾಲಿನ್ಯ ತಪಾಸಣೆಗೆ `ನಾಸಾ' ಉಡಾವಣೆ ಮಾಡಿದ್ದ ಮೂರು ಉಪಗ್ರಹಗಳಿಂದ ಪಡೆದುಕೊಂಡ ಮಾಹಿತಿ ವಿಶ್ಲೇಷಿಸಿ ಇಸ್ರೇಲ್ ವಿಜ್ಞಾನಿಗಳು 189 ಮಹಾ ನಗರಗಳಲ್ಲಿ ಮಾಲಿನ್ಯ ಪ್ರಮಾಣ ಪತ್ತೆ ಮಾಡಿದ್ದಾರೆ.</p>.<p>`ಯೂರೋಪ್, ಈಶಾನ್ಯ ಮತ್ತು ಮಧ್ಯ ಉತ್ತರ ಅಮೆರಿಕದಲ್ಲಿ ವಾಯುಮಾಲಿನ್ಯ ಭಾರಿ ಪ್ರಮಾಣದಲ್ಲಿ ಕಡಿಮೆಯಾಗಿದೆ' ಎಂದು ಟೆಲ್ ಅವಿವ್ ವಿವಿಯ ವೆಬ್ಸೈಟ್ ಹೇಳಿದೆ.</p>.<p>ಶುದ್ಧ ಪರಿಸರ ನಗರಗಳು: ಹ್ಯೂಸ್ಟನ್ನಲ್ಲಿ ಎಂಟು ವರ್ಷಗಳ ಅವಧಿಯಲ್ಲಿ ಶೇ 31ರಷ್ಟು ಮಾಲಿನ್ಯ ತಗ್ಗಿದೆ. ಕ್ಯೂರಿಟಿಬಾ, ಬ್ರೆಜಿಲ್ನಲ್ಲಿ ಶೇ 26ರಷ್ಟು ಹಾಗೂ ಸ್ಟಾಕ್ಹೋಂ, ಸ್ವೀಡನ್ನಲ್ಲಿ ಶೇ 23ರಷ್ಟು ಮಾಲಿನ್ಯ ಕಡಿಮೆಯಾಗಿದೆ.</p>.<p>ಗರಿಷ್ಠ ಮಾಲಿನ್ಯದ ನಗರಗಳು: ಅಮೆರಿಕದ ಕೆಲವು ನಗರಗಳಲ್ಲಿ ಗರಿಷ್ಠ ಪ್ರಮಾಣದ ಮಾಲಿನ್ಯ ಪತ್ತೆಯಾಗಿದೆ. ಪೋರ್ಟ್ಲೆಂಟ್ನಲ್ಲಿ ಶೇ 53 ಹಾಗೂ ಸೀಟಲ್ನಲ್ಲಿ ವಾಯು ಮಾಲಿನ್ಯ ಶೇ 32ರಷ್ಟು ಹೆಚ್ಚಳವಾಗಿದೆ.</p>.<p>ಇದಕ್ಕೆ ಅನೇಕ ಬಾರಿ ಕಾಣಿಸಿಕೊಂಡ ಕಾಳ್ಗಿಚ್ಚೂ ಕಾರಣ ಎಂದು ಟೆಲ್ ಅವಿವ್ ವಿಶ್ವವಿದ್ಯಾಲಯದ ಭೂಭೌತಶಾಸ್ತ್ರ ಹಾಗೂ ಗ್ರಹ ವಿಜ್ಞಾನ ವಿಭಾಗದ ಪ್ರೊ. ಪಿನಾಸ್ ಅಲ್ಪರ್ಟ್ ಅಭಿಪ್ರಾಯಪಟ್ಟಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಜೆರುಸಲೇಂ (ಪಿಟಿ):</strong> ಇತ್ತೀಚಿನ ದಿನ ಗಳಲ್ಲಿ ಅಂತರರಾಷ್ಟ್ರೀಯ ಮಟ್ಟದಲ್ಲಿಯೂ `ತಿಪ್ಪೆಗುಂಡಿ ನಗರ' (ಗಾರ್ಬೆಜ್ ಸಿಟಿ) ಎಂಬ ಕುಖ್ಯಾತಿಗೆ ಪಾತ್ರ ವಾಗಿರುವ ಉದ್ಯಾನ ನಗರಿ ಬೆಂಗಳೂರು, ಇದೀಗ ಮಾಲಿನ್ಯದ ವಿಷಯದಲ್ಲಿಯೂ ಸುದ್ದಿ ಮಾಡುತ್ತಿದೆ.</p>.<p>`ಗರಿಷ್ಠ ಪ್ರಮಾಣದ ಮಾಲಿನ್ಯ ಇರುವ ವಿಶ್ವದ ಮುಂಚೂಣಿ ಮಹಾ ನಗರಗಳ ಪಟ್ಟಿಯಲ್ಲಿ ಬೆಂಗಳೂರು ಕೂಡ ಇದೆ' ಎಂದು ಹೊಸ ಅಧ್ಯಯನ ಹೇಳಿದೆ.</p>.<p>ಬೆಂಗಳೂರು ಮಾತ್ರವಲ್ಲದೆ ಈಶಾನ್ಯ ಚೀನಾ, ಮಧ್ಯಪ್ರಾಚ್ಯ ಹಾಗೂ ಮಧ್ಯ ಆಫ್ರಿಕಾ ದೇಶಗಳು ಕೂಡ ಈ ಸಾಲಿಗೆ ಸೇರುತ್ತವೆ. `2002 ಹಾಗೂ 2010 ಅವಧಿಯಲ್ಲಿ ಇಲ್ಲಿ ವಾಯು ಮಾಲಿನ್ಯ ಶೇ 34ರಷ್ಟು ಹೆಚ್ಚಳವಾಗಿದೆ' ಎಂದು ತಜ್ಞರು ಹೇಳಿದ್ದಾರೆ. ವಾಹನ ಹಾಗೂ ಕೈಗಾರಿಕೆಗಳು ಉಗುಳುವ ಹೊಗೆ, ನೈಸರ್ಗಿಕ ಸಂಪನ್ಮೂಲಗಳ ಅತಿಯಾದ ಬಳಕೆಯಿಂದ ಮಹಾನಗರಗಳಲ್ಲಿ ಮಾಲಿನ್ಯ ಪ್ರಮಾಣ ಹೆಚ್ಚಾಗಿದೆ ಎಂದೂ ಸಂಶೋಧಕರು ಹೇಳುತ್ತಾರೆ.</p>.<p>ವಾಯು ಮಾಲಿನ್ಯ ತಪಾಸಣೆಗೆ `ನಾಸಾ' ಉಡಾವಣೆ ಮಾಡಿದ್ದ ಮೂರು ಉಪಗ್ರಹಗಳಿಂದ ಪಡೆದುಕೊಂಡ ಮಾಹಿತಿ ವಿಶ್ಲೇಷಿಸಿ ಇಸ್ರೇಲ್ ವಿಜ್ಞಾನಿಗಳು 189 ಮಹಾ ನಗರಗಳಲ್ಲಿ ಮಾಲಿನ್ಯ ಪ್ರಮಾಣ ಪತ್ತೆ ಮಾಡಿದ್ದಾರೆ.</p>.<p>`ಯೂರೋಪ್, ಈಶಾನ್ಯ ಮತ್ತು ಮಧ್ಯ ಉತ್ತರ ಅಮೆರಿಕದಲ್ಲಿ ವಾಯುಮಾಲಿನ್ಯ ಭಾರಿ ಪ್ರಮಾಣದಲ್ಲಿ ಕಡಿಮೆಯಾಗಿದೆ' ಎಂದು ಟೆಲ್ ಅವಿವ್ ವಿವಿಯ ವೆಬ್ಸೈಟ್ ಹೇಳಿದೆ.</p>.<p>ಶುದ್ಧ ಪರಿಸರ ನಗರಗಳು: ಹ್ಯೂಸ್ಟನ್ನಲ್ಲಿ ಎಂಟು ವರ್ಷಗಳ ಅವಧಿಯಲ್ಲಿ ಶೇ 31ರಷ್ಟು ಮಾಲಿನ್ಯ ತಗ್ಗಿದೆ. ಕ್ಯೂರಿಟಿಬಾ, ಬ್ರೆಜಿಲ್ನಲ್ಲಿ ಶೇ 26ರಷ್ಟು ಹಾಗೂ ಸ್ಟಾಕ್ಹೋಂ, ಸ್ವೀಡನ್ನಲ್ಲಿ ಶೇ 23ರಷ್ಟು ಮಾಲಿನ್ಯ ಕಡಿಮೆಯಾಗಿದೆ.</p>.<p>ಗರಿಷ್ಠ ಮಾಲಿನ್ಯದ ನಗರಗಳು: ಅಮೆರಿಕದ ಕೆಲವು ನಗರಗಳಲ್ಲಿ ಗರಿಷ್ಠ ಪ್ರಮಾಣದ ಮಾಲಿನ್ಯ ಪತ್ತೆಯಾಗಿದೆ. ಪೋರ್ಟ್ಲೆಂಟ್ನಲ್ಲಿ ಶೇ 53 ಹಾಗೂ ಸೀಟಲ್ನಲ್ಲಿ ವಾಯು ಮಾಲಿನ್ಯ ಶೇ 32ರಷ್ಟು ಹೆಚ್ಚಳವಾಗಿದೆ.</p>.<p>ಇದಕ್ಕೆ ಅನೇಕ ಬಾರಿ ಕಾಣಿಸಿಕೊಂಡ ಕಾಳ್ಗಿಚ್ಚೂ ಕಾರಣ ಎಂದು ಟೆಲ್ ಅವಿವ್ ವಿಶ್ವವಿದ್ಯಾಲಯದ ಭೂಭೌತಶಾಸ್ತ್ರ ಹಾಗೂ ಗ್ರಹ ವಿಜ್ಞಾನ ವಿಭಾಗದ ಪ್ರೊ. ಪಿನಾಸ್ ಅಲ್ಪರ್ಟ್ ಅಭಿಪ್ರಾಯಪಟ್ಟಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>