ಬ್ಯಾಂಕ್‌ ಸಾಲ ವಸೂಲಿಗೆ ತಾಕೀತು

ನವದೆಹಲಿ(ಪಿಟಿಐ): ಸರ್ಕಾರಿ ಸ್ವಾಮ್ಯದ ಬ್ಯಾಂಕುಗಳ ವಸೂ­ಲಾಗದ ಸಾಲದ ಪ್ರಮಾಣ (ಎನ್‌ಪಿಎ) ಹೆಚ್ಚುತ್ತಿ ರುವ ಕುರಿತು ತೀವ್ರ ಕಳವಳ ವ್ಯಕ್ತಪಡಿಸಿ ರುವ ಕೇಂದ್ರ ಹಣಕಾಸು ಸಚಿವ ಪಿ. ಚಿದಂಬರಂ, ಸಾಲ ವಸೂಲಿಗೆ, ವಿಶೇಷ ವಾಗಿ ಕಾರ್ಪೊ­ರೇಟ್‌ ಸಾಲ ವಸೂಲಿಗೆ ಕಠಿಣ ಕ್ರಮ ಕೈಗೊ­­ಳ್ಳಬೇಕು ಎಂದು ಬ್ಯಾಂಕುಗಳಿಗೆ ತಾಕೀತು ಮಾಡಿದ್ದಾರೆ.



ಬುಧವಾರ ಇಲ್ಲಿ ಸರ್ಕಾರಿ ಸ್ವಾಮ್ಯದ ಬ್ಯಾಂಕುಗಳ ಸಾಧನೆ ಕುರಿತು ಪರಾ ಮರ್ಶೆ ಸಭೆ ನಡೆಸಿದ ನಂತರ ಅವರು ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ­ದರು.

ಬ್ಯಾಂಕುಗಳು ಸಣ್ಣ ಮತ್ತು ಮಧ್ಯಮ ಪ್ರಮಾಣದ ಉದ್ಯಮ ಸಂಸ್ಥೆಗಳಿಗೆ (ಎಂ ಎಸ್‌­ಎಂಇ) ನೀಡುವ ಸಾಲದ ಪ್ರಮಾಣ ಗಣನೀಯವಾಗಿ ಕಡಿಮೆ ಆಗಿದೆ. ಕೃಷಿ ಕ್ಷೇತ್ರಕ್ಕೆ ಸಾಲ ವಿತರಣೆಯಲ್ಲೂ ಅಷ್ಟು ಹೆಚ್ಚಳ ಕಂಡುಬಂದಿಲ್ಲ. ಕೇವಲ ‘ತೃಪ್ತಿ ದಾಯಕ’ ಮಟ್ಟದಲ್ಲಿದೆ ಅಷ್ಟೆ ಎಂದರು.



ಕಾರ್ಪೊರೇಟ್‌, ಸಣ್ಣ ಕೈಗಾರಿಕೆ ಮತ್ತು ರಿಯಲ್‌ ಎಸ್ಟೇಟ್‌ ವಲಯ­ದಿಂದ ದೊಡ್ಡ ಪ್ರಮಾಣದಲ್ಲಿ ಸಾಲ ವಸೂಲಿ ಆಗಬೇಕಿದೆ. ‘ಪಿಎಸ್‌ಯು’ ಬ್ಯಾಂಕುಗಳ ಮುಖ್ಯಸ್ಥರು ಈ ಕುರಿತು ಗಮನ ಹರಿಸಬೇಕು. ಸಾಲ ಬಾಕಿ ಉಳಿಸಿ­ಕೊಂಡಿರುವವರ ಪಟ್ಟಿ ತಯಾರಿಸಿ ವಸೂ ಲಿಗೆ ನಿರ್ದಾಕ್ಷಿಣ್ಯ ಕ್ರಮ ಕೈಗೊಳ್ಳಬೇಕು ಎಂದು ಗಮನ ಸೆಳೆದರು.



2013ರ ಮಾರ್ಚ್‌ನಲ್ಲಿ ರೂ.1.83 ಲಕ್ಷ ಕೋಟಿಯಷ್ಟಿದ್ದ ಸರ್ಕಾರಿ  ಸ್ವಾಮ್ಯದ ಬ್ಯಾಂಕುಗಳ ‘ಎನ್‌ಪಿಎ’  ಸೆಪ್ಟೆಂಬರ್‌ ವೇಳೆಗೆ ಶೇ 28.5ರಷ್ಟು ಹೆಚ್ಚಿದ್ದು, ರೂ.2.36 ಲಕ್ಷ ಕೋಟಿಗೆ ಏರಿಕೆ ಕಂಡಿದೆ. ಈ ನಡುವೆ ಏಪ್ರಿಲ್‌–ಡಿಸೆಂಬರ್ ಅವಧಿಯಲ್ಲಿ ಬ್ಯಾಂಕುಗಳು ರೂ.18,933 ಕೋಟಿ ಸಾಲ ವಸೂಲಿ ಮಾಡಿವೆ ಎಂದು ಅವರು ವಿವರ ನೀಡಿದರು.