<p><strong>ಲಂಡನ್ (ಪಿಟಿಐ):</strong> ನಾಪತ್ತೆಯಾಗಿರುವ ಮಲೇಷ್ಯಾ ವಿಮಾನಯಾನ ಸಂಸ್ಥೆಯ ‘ಎಂಎಚ್370‘ ವಿಮಾನದಿಂದ ಸಂಕೇತಗಳು ಬಂದಿದ್ದವು ಎಂದು ಜಾಗತಿಕವಾಗಿ ಮೊಬೈಲ್ ದೂರವಾಣಿಗಳಿಗೆ ಉಪಗ್ರಹ ಸಂವಹನ ಸೇವೆಗಳನ್ನು ಒದಗಿಸುವ ಬ್ರಿಟನ್ನಿನ ಉಪಗ್ರಹ ಆಧಾರಿತ ದೂರಸಂಪರ್ಕ ಕಂಪೆನಿ ‘ಇನ್ಮಾರ್ಸಾಟ್’ ಹೇಳಿದೆ.<br /> <br /> ‘ದಿನನಿತ್ಯ ಸ್ವಯಂಚಾಲಿತ ಸಂಕೇತಗಳು ಉಪಗ್ರಹದಲ್ಲಿ ದಾಖಲಾಗುತ್ತಿವೆ. ಹೀಗೆ ದಾಖಲಾದ ಸಂವಹನಗಳನ್ನು ವಿಶ್ಲೇಷಿಸಿದಾಗ ಒಂದು ಸಂಕೇತವು ನಾಪತ್ತೆಯಾಗಿರುವ ಮಲೇಷ್ಯಾದ ವಿಮಾನದಿಂದ ಮಾರ್ಚ್ 8ರಂದು ಬಂದಿದೆ ಎಂದು ನಮ್ಮ ಕಂಪೆನಿಯ ಪಾಲುದಾರ ಸಂಸ್ಥೆ ಎಸ್ಐಟಿಎ ಒದಗಿಸಿದೆ. ಇದನ್ನು ಮಲೇಷ್ಯಾದ ವಿಮಾನಯಾನ ಸಂಸ್ಥೆ ಜೊತೆಗೆ ಹಂಚಿಕೊಳ್ಳಲಾಗಿದೆ’ ಎಂಬ ‘ಇನ್ಮಾರ್ಸಾಟ್’ ಹೇಳಿಕೆಯನ್ನು ‘ಕ್ಸಿನ್ಹುವಾ’ ಸುದ್ದಿಸಂಸ್ಥೆ ವರದಿ ಮಾಡಿದೆ.<br /> <br /> ವಿಮಾನವು ನಾಪತ್ತೆಯಾದ ಕನಿಷ್ಠ ಐದು ತಾಸಿನ ನಂತರ ಈ ಸಂಕೇತಗಳು ‘ಇನ್ಮಾರ್ಸಾಟ್’ ಉಪಗ್ರಹಕ್ಕೆ ಬಂದಿದೆ ಎಂದು ‘ಬಿಬಿಸಿ’ ವರದಿ ಮಾಡಿದೆ.<br /> <br /> <strong>ಕ್ವಾಲಾಲಂಪುರ ವರದಿ:</strong> ವಿಮಾನ ಕಣ್ಮರೆಯ ನಂತರ ಇದೇ ಮೊದಲ ಬಾರಿಗೆ ಶನಿವಾರ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಮಲೇಷ್ಯಾ ಪ್ರಧಾನಿ ನಜೀಬ್ ರಜಾಕ್, ‘ಮಾಧ್ಯಮಗಳಲ್ಲಿ ವಿಮಾನ ಅಪಹರಣದ ಬಗ್ಗೆ ವರದಿಗಳು ಬರುತ್ತಿದ್ದರೂ ನಾವು ಸಕಾರಾತ್ಮಕ ನಿರೀಕ್ಷೆಯನ್ನೇ ಇರಿಸಿಕೊಂಡು ಎಲ್ಲ ಸಾಧ್ಯತೆಗಳ ಬಗ್ಗೆಯೂ ಪರಿಶೀಲನೆ ನಡೆಸುತ್ತಿದ್ದೇವೆ’ ಎಂದರು.<br /> <br /> ‘ವಿಮಾನದ ಸಂವಹನ ವ್ಯವಸ್ಥೆಯನ್ನು ಉದ್ದೇಶಪೂರ್ವಕವಾಗಿ ನಿಷ್ಕ್ರಿಯಗೊಳಿಸಿರಬಹುದು. ಇದರಿಂದಾಗಿ ವಿಮಾನ ರೆಡಾರ್ ಸಂಪರ್ಕಕ್ಕೆ ದೊರಕಿಲ್ಲ. ಬಹುಶಃ ವಿಮಾನ ವಾಪಸ್ ಬಂದಿರುವ ಸಾಧ್ಯತೆ ಇದ್ದು, ಈ ಹಂತದಲ್ಲಿ ಪಶ್ಚಿಮ ದಿಕ್ಕಿಗೆ ತಿರುಗಿದ ವಿಮಾನ ನಂತರದಲ್ಲಿ ವಾಯವ್ಯ ದಿಕ್ಕಿನತ್ತ ಸಾಗಿರಬಹುದು. ಈ ಸಾಧ್ಯತೆಗಳನ್ನು ಗಮನಿಸಿದರೆ ವಿಮಾನದ ವಿರುದ್ಧ ನಿಶ್ಚಿತ ರೀತಿಯಲ್ಲಿ ಪಿತೂರಿ ನಡೆದಿದೆ’ ಎಂದ ಅವರು, ವಿಮಾನ ಅಪಹರಣವಾಗಿರುವ ಸಾಧ್ಯತೆ ಇದೆ ಎಂದು ಬಾಯಿಬಿಟ್ಟು ಹೇಳಲಿಲ್ಲ.<br /> <br /> ಮಲೇಷ್ಯಾದ ತನಿಖಾಧಿಕಾರಿಗಳು, ವಿಮಾನ ಅಪಹರಣವಾಗಿರುವ ಸಾಧ್ಯತೆ ಹೆಚ್ಚಿದೆ ಎಂದು ಸ್ಪಷ್ಟವಾಗಿ ಹೇಳಿದ್ದಾರೆ. 14 ರಾಷ್ಟ್ರಗಳ 43 ಹಡಗುಗಳು, 58 ವಿಮಾನಗಳು ಆಗ್ನೇಯ ಏಷ್ಯಾದ ಭಾಗದಲ್ಲಿ ಶೋಧ ಕಾರ್ಯ ನಡೆಸಿದರೂ ಇದುವರೆಗೆ ವಿಮಾನದ ಬಗ್ಗೆ ಯಾವುದೇ ಸುಳಿವು ಅಥವಾ ಅದರ ಭಗ್ನಾವಶೇಷ ದೊರಕಿಲ್ಲ.<br /> <br /> ನಾಪತ್ತೆಯಾಗಿರುವ ಬೋಯಿಂಗ್ 777–200ಇಆರ್ ವಿಮಾನದಲ್ಲಿ 12 ಸಿಬ್ಬಂದಿ ವರ್ಗದವರು ಮತ್ತು 227 ಪ್ರಯಾಣಿಕರು ಸೇರಿ ಒಟ್ಟ 239 ಜನರು ಇದ್ದಾರೆ.<br /> <br /> <strong>ವಿಮಾನ ಪೈಲಟ್ ಮನೆಗೆ ಪೊಲೀಸರು:</strong> ನಾಪತ್ತೆಯಾಗಿರುವ ವಿಮಾನದ ಮುಖ್ಯ ಚಾಲಕ (ಪೈಲಟ್) ಜಹರಿ ಅಹ್ಮದ್ ಷಾ ಅವರ ಮನೆಗೆ ಪೊಲೀಸರು ಶನಿವಾರ ಭೇಟಿ ನೀಡಿದ್ದರು.<br /> <br /> ವಿಮಾನದ ಸಿಬ್ಬಂದಿ ಮತ್ತು ಪ್ರಯಾಣಿಕರ ಕುರಿತ ತನಿಖೆಯನ್ನು ಮರುಪರಿಶೀಲಿಸಲಾಗುವುದು ಎಂದು ಪ್ರಧಾನಿ ರಜಾಕ್ ಸುದ್ದಿಗೋಷ್ಠಿಯಲ್ಲಿ ಹೇಳಿದ ಕೆಲವೇ ನಿಮಿಷಗಳಲ್ಲಿ ಇಬ್ಬರು ಪೊಲೀಸ್ ಅಧಿಕಾರಿಗಳು ಪೈಲಟ್ ಷಾ ಅವರ ಮನೆಗೆ ಹೋಗಿದ್ದರು ಎಂದಿರುವ ಮೂಲಗಳು, ಈ ಕುರಿತು ಹೆಚ್ಚಿನ ಮಾಹಿತಿ ನೀಡಲಿಲ್ಲ.<br /> <br /> ಈ ಮಧ್ಯೆ, ವಿಮಾನ ಪೈಲಟ್ ಕ್ಯಾಪ್ಟನ್ ಜಹರಿ ಅಹ್ಮದ್ ಷಾ (53) ಅವರ ಪ್ರಾಮಾಣಿಕತೆ ಬಗ್ಗೆಯೂ ಶಂಕೆಗಳು ವ್ಯಕ್ತವಾಗಿದ್ದವು. ಆದರೆ, ಇದನ್ನು ಅವರ ಸಹೋದ್ಯೋಗಿಗಳು ಮತ್ತು ಪರಿಚಿತರು ಅಲ್ಲಗಳೆದು ಅವರೊಬ್ಬ ನಿಷ್ಠಾವಂತ ಮತ್ತು ದಕ್ಷ ಪೈಲಟ್ ಎಂದಿದ್ದರು.<br /> <br /> ಕ್ಯಾಪ್ಟನ್ ಷಾ ಅವರಿಗೆ ತಮ್ಮ ಹವ್ಯಾಸವನ್ನು ಮುಂದುವರಿಸಲು ನಿರ್ಬಂಧಗಳನ್ನು ಹೇರಿರಲಿಲ್ಲ. ಅನೇಕ ಪೈಲಟ್ಗಳು ತಮ್ಮದೇ ಆದ ‘ಸಿಮ್ಯುಲೇಟರ್’ಗಳನ್ನು ಹೊಂದಿದ್ದಾರೆ ಎಂದು ಮಲೇಷ್ಯಾ ವಿಮಾಯಾನ ಸಂಸ್ಥೆಯ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಅಹ್ಮದ್ ಜೌಹರಿ ಯಾಹ್ಯಾ ಈ ಹಿಂದೆಯೇ ಸ್ಪಷ್ಟಪಡಿಸಿದ್ದರು.<br /> <br /> <strong>ಅಮೆರಿಕದ ಅತ್ಯಾಧುನಿಕ ವಿಮಾನ ರವಾನೆ:</strong> ವಿಮಾನದ ಶೋಧ ಕಾರ್ಯಕ್ಕೆ ಅಮೆರಿಕ ತನ್ನ ಅತ್ಯಾಧುನಿಕ ವಿಮಾನ ‘ಪಿ8ಎ ಪೊಸೆಡನ್’ನ್ನು ನಿಯೋಜಿಸಿದೆ.<br /> <br /> ನಿಖರ ಮಾಹಿತಿ ಕೋರಿದ ಚೀನಾ: ನಾಪತ್ತೆಯಾಗಿರುವ ವಿಮಾನದ ಬಗ್ಗೆ ನಿಖರ ಮಾಹಿತಿಗಳನ್ನು ಹಂಚಿಕೊಳ್ಳುವಂತೆ ಮಲೇಷ್ಯಾ ಸರ್ಕಾರವನ್ನು ಚೀನಾ ಕೇಳಿದೆ.<br /> <br /> <strong>‘ನುರಿತವರಿಂದಲೇ ಅಪಹರಣ’</strong><br /> ವಿಮಾನ ಹಾರಾಟದಲ್ಲಿ ನುರಿತ ಒಂದಿಬ್ಬರು ವ್ಯಕ್ತಿಗಳು ವಿಮಾನ ಅಪಹರಿಸಿ, ಅದರ ಸಂವಹನ ಸಾಧನಗಳನ್ನು ನಿಷ್ಕ್ರಿಯಗೊಳಿಸಿರುವ ಸಾಧ್ಯತೆ ಇದೆ. ಈ ನಿಟ್ಟಿನಲ್ಲಿ ತನಿಖೆ ಸಾಗಿದೆ ಎಂದು ಮಲೇಷ್ಯಾದ ತನಿಖಾಧಿಕಾರಿಗಳು ಹೇಳಿದ್ದಾರೆ.<br /> <br /> ವಿಮಾನ ಅಪಹರಣದ ಉದ್ದೇಶ ಮತ್ತು ಬೇಡಿಕೆಗಳ ಬಗ್ಗೆ ಯಾವುದೇ ಮಾಹಿತಿ ಬಂದಿಲ್ಲ. ವಿಮಾನ ಎಲ್ಲಿದೆ ಎಂಬ ವಿವರವೂ ತಿಳಿದುಬಂದಿಲ್ಲ ಎಂದು ಹೆಸರು ಹೇಳಲು ಇಚ್ಛಿಸದ ಅಧಿಕಾರಿಯೊಬ್ಬರು ಹೇಳಿದ್ದಾರೆ. ‘ನಾಗರಿಕ ವಿಮಾನಯಾನದ ರೆಡಾರ್ನಿಂದ ವಿಮಾನ ತಪ್ಪಿಸಿಕೊಂಡರೂ ಸೇನೆಯ ರೆಡಾರ್ಗೆ ಅದರ ಸಂವಹನ ದೊರಕುವ ಸಾಧ್ಯತೆ ಶೇ 50ರಷ್ಟು ಇದ್ದೇ ಇತ್ತು. ಅದರೆ, ವಿಮಾನ ಸೇನೆಯ ರೆಡಾರ್ಗೂ ಸಿಕ್ಕಿಲ್ಲ ಎನ್ನುವುದು ತೀವ್ರ ಅನುಮಾನಗಳನ್ನು ಹುಟ್ಟಿಸಿತು.<br /> <br /> ರೆಡಾರ್ ಸಂಪರ್ಕದಿಂದ ವಿಮಾನ ನಾಪತ್ತೆಯಾದ ಮೇಲೂ ಅದರಲ್ಲಿ ಕನಿಷ್ಠ ಐದು ತಾಸುಗಳ ಕಾಲ ಹಾರಾಟ ಮಾಡುವಷ್ಟು ಇಂಧನ ಇತ್ತು. ಹಾಗಾಗಿ ಅದನ್ನು ಮಲೇಷ್ಯಾ ಪರ್ಯಾಯ ದ್ವೀಪದ ಮೇಲ್ಭಾಗಕ್ಕೆ ಇರುವ ಅಂಡಮಾನ್ ಸಮುದ್ರ ಮತ್ತು ಹಿಂದೂ ಮಹಾಸಾಗರದ ಭಾಗಕ್ಕೆ ಒಯ್ದಿರಬಹುದು’ ಎಂದು ಅನುಮಾನ ಪಟ್ಟಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಲಂಡನ್ (ಪಿಟಿಐ):</strong> ನಾಪತ್ತೆಯಾಗಿರುವ ಮಲೇಷ್ಯಾ ವಿಮಾನಯಾನ ಸಂಸ್ಥೆಯ ‘ಎಂಎಚ್370‘ ವಿಮಾನದಿಂದ ಸಂಕೇತಗಳು ಬಂದಿದ್ದವು ಎಂದು ಜಾಗತಿಕವಾಗಿ ಮೊಬೈಲ್ ದೂರವಾಣಿಗಳಿಗೆ ಉಪಗ್ರಹ ಸಂವಹನ ಸೇವೆಗಳನ್ನು ಒದಗಿಸುವ ಬ್ರಿಟನ್ನಿನ ಉಪಗ್ರಹ ಆಧಾರಿತ ದೂರಸಂಪರ್ಕ ಕಂಪೆನಿ ‘ಇನ್ಮಾರ್ಸಾಟ್’ ಹೇಳಿದೆ.<br /> <br /> ‘ದಿನನಿತ್ಯ ಸ್ವಯಂಚಾಲಿತ ಸಂಕೇತಗಳು ಉಪಗ್ರಹದಲ್ಲಿ ದಾಖಲಾಗುತ್ತಿವೆ. ಹೀಗೆ ದಾಖಲಾದ ಸಂವಹನಗಳನ್ನು ವಿಶ್ಲೇಷಿಸಿದಾಗ ಒಂದು ಸಂಕೇತವು ನಾಪತ್ತೆಯಾಗಿರುವ ಮಲೇಷ್ಯಾದ ವಿಮಾನದಿಂದ ಮಾರ್ಚ್ 8ರಂದು ಬಂದಿದೆ ಎಂದು ನಮ್ಮ ಕಂಪೆನಿಯ ಪಾಲುದಾರ ಸಂಸ್ಥೆ ಎಸ್ಐಟಿಎ ಒದಗಿಸಿದೆ. ಇದನ್ನು ಮಲೇಷ್ಯಾದ ವಿಮಾನಯಾನ ಸಂಸ್ಥೆ ಜೊತೆಗೆ ಹಂಚಿಕೊಳ್ಳಲಾಗಿದೆ’ ಎಂಬ ‘ಇನ್ಮಾರ್ಸಾಟ್’ ಹೇಳಿಕೆಯನ್ನು ‘ಕ್ಸಿನ್ಹುವಾ’ ಸುದ್ದಿಸಂಸ್ಥೆ ವರದಿ ಮಾಡಿದೆ.<br /> <br /> ವಿಮಾನವು ನಾಪತ್ತೆಯಾದ ಕನಿಷ್ಠ ಐದು ತಾಸಿನ ನಂತರ ಈ ಸಂಕೇತಗಳು ‘ಇನ್ಮಾರ್ಸಾಟ್’ ಉಪಗ್ರಹಕ್ಕೆ ಬಂದಿದೆ ಎಂದು ‘ಬಿಬಿಸಿ’ ವರದಿ ಮಾಡಿದೆ.<br /> <br /> <strong>ಕ್ವಾಲಾಲಂಪುರ ವರದಿ:</strong> ವಿಮಾನ ಕಣ್ಮರೆಯ ನಂತರ ಇದೇ ಮೊದಲ ಬಾರಿಗೆ ಶನಿವಾರ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಮಲೇಷ್ಯಾ ಪ್ರಧಾನಿ ನಜೀಬ್ ರಜಾಕ್, ‘ಮಾಧ್ಯಮಗಳಲ್ಲಿ ವಿಮಾನ ಅಪಹರಣದ ಬಗ್ಗೆ ವರದಿಗಳು ಬರುತ್ತಿದ್ದರೂ ನಾವು ಸಕಾರಾತ್ಮಕ ನಿರೀಕ್ಷೆಯನ್ನೇ ಇರಿಸಿಕೊಂಡು ಎಲ್ಲ ಸಾಧ್ಯತೆಗಳ ಬಗ್ಗೆಯೂ ಪರಿಶೀಲನೆ ನಡೆಸುತ್ತಿದ್ದೇವೆ’ ಎಂದರು.<br /> <br /> ‘ವಿಮಾನದ ಸಂವಹನ ವ್ಯವಸ್ಥೆಯನ್ನು ಉದ್ದೇಶಪೂರ್ವಕವಾಗಿ ನಿಷ್ಕ್ರಿಯಗೊಳಿಸಿರಬಹುದು. ಇದರಿಂದಾಗಿ ವಿಮಾನ ರೆಡಾರ್ ಸಂಪರ್ಕಕ್ಕೆ ದೊರಕಿಲ್ಲ. ಬಹುಶಃ ವಿಮಾನ ವಾಪಸ್ ಬಂದಿರುವ ಸಾಧ್ಯತೆ ಇದ್ದು, ಈ ಹಂತದಲ್ಲಿ ಪಶ್ಚಿಮ ದಿಕ್ಕಿಗೆ ತಿರುಗಿದ ವಿಮಾನ ನಂತರದಲ್ಲಿ ವಾಯವ್ಯ ದಿಕ್ಕಿನತ್ತ ಸಾಗಿರಬಹುದು. ಈ ಸಾಧ್ಯತೆಗಳನ್ನು ಗಮನಿಸಿದರೆ ವಿಮಾನದ ವಿರುದ್ಧ ನಿಶ್ಚಿತ ರೀತಿಯಲ್ಲಿ ಪಿತೂರಿ ನಡೆದಿದೆ’ ಎಂದ ಅವರು, ವಿಮಾನ ಅಪಹರಣವಾಗಿರುವ ಸಾಧ್ಯತೆ ಇದೆ ಎಂದು ಬಾಯಿಬಿಟ್ಟು ಹೇಳಲಿಲ್ಲ.<br /> <br /> ಮಲೇಷ್ಯಾದ ತನಿಖಾಧಿಕಾರಿಗಳು, ವಿಮಾನ ಅಪಹರಣವಾಗಿರುವ ಸಾಧ್ಯತೆ ಹೆಚ್ಚಿದೆ ಎಂದು ಸ್ಪಷ್ಟವಾಗಿ ಹೇಳಿದ್ದಾರೆ. 14 ರಾಷ್ಟ್ರಗಳ 43 ಹಡಗುಗಳು, 58 ವಿಮಾನಗಳು ಆಗ್ನೇಯ ಏಷ್ಯಾದ ಭಾಗದಲ್ಲಿ ಶೋಧ ಕಾರ್ಯ ನಡೆಸಿದರೂ ಇದುವರೆಗೆ ವಿಮಾನದ ಬಗ್ಗೆ ಯಾವುದೇ ಸುಳಿವು ಅಥವಾ ಅದರ ಭಗ್ನಾವಶೇಷ ದೊರಕಿಲ್ಲ.<br /> <br /> ನಾಪತ್ತೆಯಾಗಿರುವ ಬೋಯಿಂಗ್ 777–200ಇಆರ್ ವಿಮಾನದಲ್ಲಿ 12 ಸಿಬ್ಬಂದಿ ವರ್ಗದವರು ಮತ್ತು 227 ಪ್ರಯಾಣಿಕರು ಸೇರಿ ಒಟ್ಟ 239 ಜನರು ಇದ್ದಾರೆ.<br /> <br /> <strong>ವಿಮಾನ ಪೈಲಟ್ ಮನೆಗೆ ಪೊಲೀಸರು:</strong> ನಾಪತ್ತೆಯಾಗಿರುವ ವಿಮಾನದ ಮುಖ್ಯ ಚಾಲಕ (ಪೈಲಟ್) ಜಹರಿ ಅಹ್ಮದ್ ಷಾ ಅವರ ಮನೆಗೆ ಪೊಲೀಸರು ಶನಿವಾರ ಭೇಟಿ ನೀಡಿದ್ದರು.<br /> <br /> ವಿಮಾನದ ಸಿಬ್ಬಂದಿ ಮತ್ತು ಪ್ರಯಾಣಿಕರ ಕುರಿತ ತನಿಖೆಯನ್ನು ಮರುಪರಿಶೀಲಿಸಲಾಗುವುದು ಎಂದು ಪ್ರಧಾನಿ ರಜಾಕ್ ಸುದ್ದಿಗೋಷ್ಠಿಯಲ್ಲಿ ಹೇಳಿದ ಕೆಲವೇ ನಿಮಿಷಗಳಲ್ಲಿ ಇಬ್ಬರು ಪೊಲೀಸ್ ಅಧಿಕಾರಿಗಳು ಪೈಲಟ್ ಷಾ ಅವರ ಮನೆಗೆ ಹೋಗಿದ್ದರು ಎಂದಿರುವ ಮೂಲಗಳು, ಈ ಕುರಿತು ಹೆಚ್ಚಿನ ಮಾಹಿತಿ ನೀಡಲಿಲ್ಲ.<br /> <br /> ಈ ಮಧ್ಯೆ, ವಿಮಾನ ಪೈಲಟ್ ಕ್ಯಾಪ್ಟನ್ ಜಹರಿ ಅಹ್ಮದ್ ಷಾ (53) ಅವರ ಪ್ರಾಮಾಣಿಕತೆ ಬಗ್ಗೆಯೂ ಶಂಕೆಗಳು ವ್ಯಕ್ತವಾಗಿದ್ದವು. ಆದರೆ, ಇದನ್ನು ಅವರ ಸಹೋದ್ಯೋಗಿಗಳು ಮತ್ತು ಪರಿಚಿತರು ಅಲ್ಲಗಳೆದು ಅವರೊಬ್ಬ ನಿಷ್ಠಾವಂತ ಮತ್ತು ದಕ್ಷ ಪೈಲಟ್ ಎಂದಿದ್ದರು.<br /> <br /> ಕ್ಯಾಪ್ಟನ್ ಷಾ ಅವರಿಗೆ ತಮ್ಮ ಹವ್ಯಾಸವನ್ನು ಮುಂದುವರಿಸಲು ನಿರ್ಬಂಧಗಳನ್ನು ಹೇರಿರಲಿಲ್ಲ. ಅನೇಕ ಪೈಲಟ್ಗಳು ತಮ್ಮದೇ ಆದ ‘ಸಿಮ್ಯುಲೇಟರ್’ಗಳನ್ನು ಹೊಂದಿದ್ದಾರೆ ಎಂದು ಮಲೇಷ್ಯಾ ವಿಮಾಯಾನ ಸಂಸ್ಥೆಯ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಅಹ್ಮದ್ ಜೌಹರಿ ಯಾಹ್ಯಾ ಈ ಹಿಂದೆಯೇ ಸ್ಪಷ್ಟಪಡಿಸಿದ್ದರು.<br /> <br /> <strong>ಅಮೆರಿಕದ ಅತ್ಯಾಧುನಿಕ ವಿಮಾನ ರವಾನೆ:</strong> ವಿಮಾನದ ಶೋಧ ಕಾರ್ಯಕ್ಕೆ ಅಮೆರಿಕ ತನ್ನ ಅತ್ಯಾಧುನಿಕ ವಿಮಾನ ‘ಪಿ8ಎ ಪೊಸೆಡನ್’ನ್ನು ನಿಯೋಜಿಸಿದೆ.<br /> <br /> ನಿಖರ ಮಾಹಿತಿ ಕೋರಿದ ಚೀನಾ: ನಾಪತ್ತೆಯಾಗಿರುವ ವಿಮಾನದ ಬಗ್ಗೆ ನಿಖರ ಮಾಹಿತಿಗಳನ್ನು ಹಂಚಿಕೊಳ್ಳುವಂತೆ ಮಲೇಷ್ಯಾ ಸರ್ಕಾರವನ್ನು ಚೀನಾ ಕೇಳಿದೆ.<br /> <br /> <strong>‘ನುರಿತವರಿಂದಲೇ ಅಪಹರಣ’</strong><br /> ವಿಮಾನ ಹಾರಾಟದಲ್ಲಿ ನುರಿತ ಒಂದಿಬ್ಬರು ವ್ಯಕ್ತಿಗಳು ವಿಮಾನ ಅಪಹರಿಸಿ, ಅದರ ಸಂವಹನ ಸಾಧನಗಳನ್ನು ನಿಷ್ಕ್ರಿಯಗೊಳಿಸಿರುವ ಸಾಧ್ಯತೆ ಇದೆ. ಈ ನಿಟ್ಟಿನಲ್ಲಿ ತನಿಖೆ ಸಾಗಿದೆ ಎಂದು ಮಲೇಷ್ಯಾದ ತನಿಖಾಧಿಕಾರಿಗಳು ಹೇಳಿದ್ದಾರೆ.<br /> <br /> ವಿಮಾನ ಅಪಹರಣದ ಉದ್ದೇಶ ಮತ್ತು ಬೇಡಿಕೆಗಳ ಬಗ್ಗೆ ಯಾವುದೇ ಮಾಹಿತಿ ಬಂದಿಲ್ಲ. ವಿಮಾನ ಎಲ್ಲಿದೆ ಎಂಬ ವಿವರವೂ ತಿಳಿದುಬಂದಿಲ್ಲ ಎಂದು ಹೆಸರು ಹೇಳಲು ಇಚ್ಛಿಸದ ಅಧಿಕಾರಿಯೊಬ್ಬರು ಹೇಳಿದ್ದಾರೆ. ‘ನಾಗರಿಕ ವಿಮಾನಯಾನದ ರೆಡಾರ್ನಿಂದ ವಿಮಾನ ತಪ್ಪಿಸಿಕೊಂಡರೂ ಸೇನೆಯ ರೆಡಾರ್ಗೆ ಅದರ ಸಂವಹನ ದೊರಕುವ ಸಾಧ್ಯತೆ ಶೇ 50ರಷ್ಟು ಇದ್ದೇ ಇತ್ತು. ಅದರೆ, ವಿಮಾನ ಸೇನೆಯ ರೆಡಾರ್ಗೂ ಸಿಕ್ಕಿಲ್ಲ ಎನ್ನುವುದು ತೀವ್ರ ಅನುಮಾನಗಳನ್ನು ಹುಟ್ಟಿಸಿತು.<br /> <br /> ರೆಡಾರ್ ಸಂಪರ್ಕದಿಂದ ವಿಮಾನ ನಾಪತ್ತೆಯಾದ ಮೇಲೂ ಅದರಲ್ಲಿ ಕನಿಷ್ಠ ಐದು ತಾಸುಗಳ ಕಾಲ ಹಾರಾಟ ಮಾಡುವಷ್ಟು ಇಂಧನ ಇತ್ತು. ಹಾಗಾಗಿ ಅದನ್ನು ಮಲೇಷ್ಯಾ ಪರ್ಯಾಯ ದ್ವೀಪದ ಮೇಲ್ಭಾಗಕ್ಕೆ ಇರುವ ಅಂಡಮಾನ್ ಸಮುದ್ರ ಮತ್ತು ಹಿಂದೂ ಮಹಾಸಾಗರದ ಭಾಗಕ್ಕೆ ಒಯ್ದಿರಬಹುದು’ ಎಂದು ಅನುಮಾನ ಪಟ್ಟಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
