ಭಗತ್ ಸಿಂಗ್ ವಾರಿಯರ್ಸ್‌ಗೆ ಜಯ

ದಾವಣಗೆರೆ: ಕಿಕ್ಕಿರಿದು ನೆರೆದಿದ್ದ ಪ್ರೇಕ್ಷಕರಿಗೆ ಪ್ರೊಕಬಡ್ಡಿ ಲೀಗ್ ಎರಡನೇ ದಿನವಾದ ಶುಕ್ರವಾರವೂ ಮನರಂಜನೆ ಸಿಕ್ಕಿತು. ಕೆ.ಟಿ.ಜಿ ಭಗತ್ ಸಿಂಗ್ ವಾರಿಯರ್ಸ್ ತಂಡ 31 –25 ಅಂಕಗಳಿಂದ ಭರತ್ ಗ್ರೂಪ್ ತಂಡವನ್ನು ಸೋಲಿಸಿ, ದಿನದ ಎರಡನೇ ಗೆಲುವು ಸಾಧಿಸಿತು.

ಜಿಲ್ಲಾ ಕ್ರೀಡಾಂಗಣದಲ್ಲಿ ಶುಕ್ರವಾರ ನಡೆದ ರಾಷ್ಟ್ರೀಯ ಕಬಡ್ಡಿ ಆಟಗಾರ ಎಸ್.ಎಸ್.ಮಂಜುನಾಥ್ ಸ್ಮರಣಾರ್ಥ ನಡೆಯುತ್ತಿರುವ ಕಬಡ್ಡಿ ಲೀಗ್ ಪಂದ್ಯದಲ್ಲಿ ಭಗತ್ ಸಿಂಗ್ ವಾರಿಯರ್ಸ್ ತಂಡದ ಅಂಜುನಾಯ್ಕ ಉತ್ತಮ ರೈಡಿಂಗ್ ಗಾಗಿ ಮತ್ತು ಇದೇ ತಂಡದ ಸುನೀಲ್ ಉತ್ತಮ ರಕ್ಷಣೆ ಆಟಕ್ಕಾಗಿ ವೈಯಕ್ತಿಕ ಬಹುಮಾನ ಗಳಿಸಿದರು. ಇದಕ್ಕೆ ಮೊದಲು, ಭಗತ್ ಸಿಂಗ್ ವಾರಿಯರ್ಸ್ ತಂಡ 19–13 ಅಂಕಗಳಿಂದ ಎನ್ ಸಿ ಟೈಗರ್ ತಂಡವನ್ನು ಸೋಲಿಸಿತು.

ರೋಚಕ ಹಣಾಹಣಿ ಕಂಡ ಇನ್ನೊಂದು ಲೀಗ್ ಪಂದ್ಯದಲ್ಲಿ ಎಬಿಎಂ ಬುಲ್ಸ್ ತಂಡ 27 –23 ಅಂಕಗಳಿಂದ ಎನ್ ಸಿ ಟೈಗರ್ ತಂಡವನ್ನು ಮಣಿಸಿತು. ಎನ್ಸಿ ಟೈಗರ್ ತಂಡದ ಕಿರಣ್ ಉತ್ತಮ ದಾಳಿಗಾರ ಮತ್ತು ಬುಲ್ಸ್ ತಂಡದ ಬಾಬು ಉತ್ತಮ ರಕ್ಷಣೆ ಆಟಗಾರ ಗೌರವಕ್ಕೆ ಪಾತ್ರರಾದರು. ಪವನ್ ಶಾಮನೂರು ತಂಡ ರೋಚಕ ಅಂತ್ಯ ಕಂಡು ಎರಡು ಪಂದ್ಯಗಳಲ್ಲಿ 1 ಪಾಯಿಂಟ್ ಅಂತರದಿಂದ ಜಯಗಳಿಸಿತು.

ದಿನದ ಮೊದಲ ಪಂದ್ಯದಲ್ಲಿ ಶಾಮನೂರು ತಂಡ 27–26ರಲ್ಲಿ ಭಗತ್ ಸಿಂಗ್ ವಾರಿಯರ್ಸ್ ತಂಡವನ್ನು ಸೋಲಿಸಿತು. ವಿರಾಮದ ವೇಳೆ ಶಾಮನೂರು ತಂಡ 6 ಪಾಯಿಂಟ್ ಗಳ ಹಿನ್ನಡೆಯಲ್ಲಿತ್ತು. ನಂತರ ಇನ್ನೊಂದು ಪಂದ್ಯದಲ್ಲಿ ಶಾಮನೂರು ತಂಡ 25 –24ರಲ್ಲಿ ಕೆಟಿಆರ್ ಗ್ರೂಪ್ ತಂಡವನ್ನು ಸೋಲಿಸಿತು. ವಿರಾಮದ ವೇಳೆ ಶಾಮನೂರು ತಂಡ 2 ಪಾಯಿಂಟ್ ಗಳಲ್ಲಿ (8–10) ಹಿನ್ನಡೆಯಲ್ಲಿತ್ತು.

ಇತರ ಪಂದ್ಯಗಳಲ್ಲಿ ಕಟ್ಟೆ ಬಾಯ್ಸ್ ತಂಡ 22– 15ರಲ್ಲಿ ಕೆಟಿಆರ್ ಗ್ರೂಪ್ ತಂಡವನ್ನು; ಭರತ್ ಗ್ರೂಪ್ 33– 27ರಲ್ಲಿ, ಎಬಿಎಂ ಬುಲ್ಸ್ ತಂಡವನ್ನು; ಕಟ್ಟೆ ಬಾಯ್ಸ್ 39–22ರಲ್ಲಿ ಭಗತ್ ಸಿಂಗ್ ವಾರಿಯರ್ಸ್ ತಂಡವನ್ನು ಸೋಲಿಸಿತು.

ಪರದಾಟ: ಸಂಕ್ರಾಂತಿ ಹಬ್ಬದ ಹಿನ್ನೆಲೆಯಲ್ಲಿ ರಜೆಯಿದ್ದ ಕಾರಣ ಪ್ರೇಕ್ಷಕರು ಹೆಚ್ಚಿನ ಸಂಖ್ಯೆಯಲ್ಲಿ ಸೇರಿದ್ದರು. ಪೊಲೀಸರು ಮತ್ತು ವ್ಯವಸ್ಥಾಪಕರು ಪ್ರೇಕ್ಷಕರನ್ನು ನಿಯಂತ್ರಿಸಲು ಪರದಾಡಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಭಗತ್ ಸಿಂಗ್ ವಾರಿಯರ್ಸ್‌ಗೆ ಜಯ

ಚಿನಕುರುಳಿ | ಶನಿವಾರ, 19 ಜುಲೈ 2025

ಚುರುಮುರಿ | ಮನೆ ಖಾಲಿ ಇಲ್ಲ!

ಡಿ.ಕೆ.ಶಿವಕುಮಾರ್ ಬೆಂಗಾವಲು ವಾಹನ ಪಲ್ಟಿ: ನಾಲ್ವರಿಗೆ ಗಾಯ

ಬಸವಜಯ ಮೃತ್ಯುಂಜಯ ಸ್ವಾಮೀಜಿ ಅವರಾಗಿಯೇ ಪೀಠ ತೊರೆದರೆ ಸಂತೋಷ: ಕಾಶಪ್ಪನವರ

National Sports Board:ರಾಷ್ಟ್ರೀಯ ಕ್ರೀಡಾ ಮಂಡಳಿ ಸ್ಥಾಪನೆಗೆ ಕೇಂದ್ರ ನಿರ್ಧಾರ‌

INDW vs ENGW | ಇಂಗ್ಲೆಂಡ್‌ಗೆ ಮಣಿದ ಭಾರತ

FIDE Women’s World Cup: ಕೋನೇರು ಹಂಪಿಗೆ ಯುಕ್ಸಿನ್ ಸವಾಲು

ಕಬಡ್ಡಿ ಟೂರ್ನಿ: ಎಪಿಎಸ್ ಶಾಲೆಗೆ ಪ್ರಶಸ್ತಿ

ಒಳನೋಟ | ಬದಲಾಗುತ್ತಿದೆಯೇ ಅವಿಭಜಿತ ದಕ್ಷಿಣ ಕನ್ನಡ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಚಿನಕುರುಳಿ | ಶನಿವಾರ, 19 ಜುಲೈ 2025

ಚುರುಮುರಿ | ಮನೆ ಖಾಲಿ ಇಲ್ಲ!

ಡಿ.ಕೆ.ಶಿವಕುಮಾರ್ ಬೆಂಗಾವಲು ವಾಹನ ಪಲ್ಟಿ: ನಾಲ್ವರಿಗೆ ಗಾಯ

ಬಸವಜಯ ಮೃತ್ಯುಂಜಯ ಸ್ವಾಮೀಜಿ ಅವರಾಗಿಯೇ ಪೀಠ ತೊರೆದರೆ ಸಂತೋಷ: ಕಾಶಪ್ಪನವರ