<p><strong>ದುಬೈ (ಪಿಟಿಐ):</strong> ಭಾರತ ಇರಾನ್ ನಡುವಿನ ದ್ವಿಪಕ್ಷೀಯ ವಾಣಿಜ್ಯ ವಹಿವಾಟನ್ನು ಮುಂದಿನ ನಾಲ್ಕು ವರ್ಷಗಳಲ್ಲಿ 2,500 ಕೋಟಿ ಡಾಲರ್ಗೆ ಏರಿಸುವ ಗುರಿ ಹೊಂದಲಾಗಿದೆ.ಇರಾನ್ಗೆ 80 ಜನರ ವಾಣಿಜ್ಯ ನಿಯೋಗ ಕರೆದೊಯ್ಯುತ್ತಿರುವ ವಾಣಿಜ್ಯ ಸಚಿವಾಲಯದ ಜಂಟಿ ಕಾರ್ಯದರ್ಶಿ ಅರವಿಂದ್ ಮೆಹ್ತಾ ಈ ವಿಚಾರ ತಿಳಿಸಿದ್ದಾರೆ.<br /> <br /> ಪ್ರಸ್ತುತ ಭಾರತ ಮತ್ತು ಇರಾನ್ ನಡುವಿನ ವಹಿವಾಟು 1,500 ಕೋಟಿ ಡಾಲರ್ಗಳಷ್ಟು ಇದೆ.<br /> ಖಾಸಗಿ ಹಾಗೂ ಸಾರ್ವಜನಿಕ ವಲಯದ ಪ್ರತಿನಿಧಿಗಳನ್ನು ಒಳಗೊಂಡ ಭಾರತದ ನಿಯೋಗ ಐದು ದಿನಗಳ ಕಾಲ ಇರಾನ್ನಲ್ಲಿ ಇರಲಿದ್ದು, ಹೊಸ ವಾಣಿಜ್ಯಾವಕಾಶಗಳನ್ನು ಹುಡುಕಲಿದೆ.<br /> <br /> ಭಾರತೀಯ ರಫ್ತುದಾರರ ಸಂಘಟನೆಗಳ ಒಕ್ಕೂಟದ ಅಧ್ಯಕ್ಷ ರಫೀಕ್ ಅಹ್ಮದ್ ಸಹ ಈ ನಿಯೋಗದಲ್ಲಿ ಇದ್ದಾರೆ ಎಂದು `ಟೆಹರಾನ್ ಟೈಮ್ಸ~ ವರದಿ ಮಾಡಿದೆ.<br /> <br /> ಇರಾನ್ನ ಪರಮಾಣು ಚಟುವಟಿಕೆ ವಿರುದ್ಧ ಅಮೆರಿಕ ಮತ್ತಿತರ ದೇಶಗಳು ಆರ್ಥಿಕ ದಿಗ್ಬಂಧನ ವಿಧಿಸಿರುವ ಸಂದರ್ಭದಲ್ಲಿ ಹಾಗೂ ಇರಾನ್ಗೆ ಭಾರತ ಪಾವತಿಸಬೇಕಾದ ತೈಲದ ಹಣದ ಕುರಿತು ಸಮಸ್ಯೆ ಮುಂದುವರಿದಿರುವಾಗ ದ್ವಿಪಕ್ಷೀಯ ವಾಣಿಜ್ಯ ಸಂಬಂಧ ಸುಧಾರಿಸಿಕೊಳ್ಳುವತ್ತ ಭಾರತ ಈ ಹೆಜ್ಜೆ ಇಟ್ಟಿದೆ. <br /> <br /> ಈ ಕುರಿತು ಕಳೆದ ತಿಂಗಳು ಹೇಳಿಕೆ ನೀಡಿದ್ದ ವಾಣಿಜ್ಯ ಕಾರ್ಯದರ್ಶಿ ರಾಹುಲ್ ಖುಲ್ಲರ್, ರಫ್ತು ಚಟುವಟಿಕೆಗೆ ಉತ್ತೇಜನ ನೀಡಲು ಹಾಗೂ ಆರ್ಥಿಕ ದಿಗ್ಬಂಧನದಿಂದ ಉದ್ಭವಿಸಿರುವ ವಾಣಿಜ್ಯಾವಕಾಶಗಳ ಕುರಿತು ಮಾಹಿತಿ ಪಡೆಯಲು ನಿಯೋಗ ಕಳುಹಿಸುತ್ತಿರುವುದಾಗಿ ಹೇಳಿದ್ದರು.<br /> <br /> ಭಾರತಕ್ಕೆ ಆ ದೇಶದಲ್ಲಿ ದೊಡ್ಡ ಅವಕಾಶವಿದೆ. ತೈಲ ವಹಿವಾಟಿನ ಶೇ 45ರಷ್ಟು ಮೊತ್ತವನ್ನು ಆ ದೇಶಕ್ಕೆ ರಫ್ತು ಹೆಚ್ಚಿಸುವ ಮೂಲಕ ಇತ್ಯರ್ಥಪಡಿಸಿಕೊಳ್ಳಲು ಉಭಯ ದೇಶಗಳೂ ಆಶಿಸಿವೆ ಎಂದೂ ಖುಲ್ಲರ್ ತಿಳಿಸಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ದುಬೈ (ಪಿಟಿಐ):</strong> ಭಾರತ ಇರಾನ್ ನಡುವಿನ ದ್ವಿಪಕ್ಷೀಯ ವಾಣಿಜ್ಯ ವಹಿವಾಟನ್ನು ಮುಂದಿನ ನಾಲ್ಕು ವರ್ಷಗಳಲ್ಲಿ 2,500 ಕೋಟಿ ಡಾಲರ್ಗೆ ಏರಿಸುವ ಗುರಿ ಹೊಂದಲಾಗಿದೆ.ಇರಾನ್ಗೆ 80 ಜನರ ವಾಣಿಜ್ಯ ನಿಯೋಗ ಕರೆದೊಯ್ಯುತ್ತಿರುವ ವಾಣಿಜ್ಯ ಸಚಿವಾಲಯದ ಜಂಟಿ ಕಾರ್ಯದರ್ಶಿ ಅರವಿಂದ್ ಮೆಹ್ತಾ ಈ ವಿಚಾರ ತಿಳಿಸಿದ್ದಾರೆ.<br /> <br /> ಪ್ರಸ್ತುತ ಭಾರತ ಮತ್ತು ಇರಾನ್ ನಡುವಿನ ವಹಿವಾಟು 1,500 ಕೋಟಿ ಡಾಲರ್ಗಳಷ್ಟು ಇದೆ.<br /> ಖಾಸಗಿ ಹಾಗೂ ಸಾರ್ವಜನಿಕ ವಲಯದ ಪ್ರತಿನಿಧಿಗಳನ್ನು ಒಳಗೊಂಡ ಭಾರತದ ನಿಯೋಗ ಐದು ದಿನಗಳ ಕಾಲ ಇರಾನ್ನಲ್ಲಿ ಇರಲಿದ್ದು, ಹೊಸ ವಾಣಿಜ್ಯಾವಕಾಶಗಳನ್ನು ಹುಡುಕಲಿದೆ.<br /> <br /> ಭಾರತೀಯ ರಫ್ತುದಾರರ ಸಂಘಟನೆಗಳ ಒಕ್ಕೂಟದ ಅಧ್ಯಕ್ಷ ರಫೀಕ್ ಅಹ್ಮದ್ ಸಹ ಈ ನಿಯೋಗದಲ್ಲಿ ಇದ್ದಾರೆ ಎಂದು `ಟೆಹರಾನ್ ಟೈಮ್ಸ~ ವರದಿ ಮಾಡಿದೆ.<br /> <br /> ಇರಾನ್ನ ಪರಮಾಣು ಚಟುವಟಿಕೆ ವಿರುದ್ಧ ಅಮೆರಿಕ ಮತ್ತಿತರ ದೇಶಗಳು ಆರ್ಥಿಕ ದಿಗ್ಬಂಧನ ವಿಧಿಸಿರುವ ಸಂದರ್ಭದಲ್ಲಿ ಹಾಗೂ ಇರಾನ್ಗೆ ಭಾರತ ಪಾವತಿಸಬೇಕಾದ ತೈಲದ ಹಣದ ಕುರಿತು ಸಮಸ್ಯೆ ಮುಂದುವರಿದಿರುವಾಗ ದ್ವಿಪಕ್ಷೀಯ ವಾಣಿಜ್ಯ ಸಂಬಂಧ ಸುಧಾರಿಸಿಕೊಳ್ಳುವತ್ತ ಭಾರತ ಈ ಹೆಜ್ಜೆ ಇಟ್ಟಿದೆ. <br /> <br /> ಈ ಕುರಿತು ಕಳೆದ ತಿಂಗಳು ಹೇಳಿಕೆ ನೀಡಿದ್ದ ವಾಣಿಜ್ಯ ಕಾರ್ಯದರ್ಶಿ ರಾಹುಲ್ ಖುಲ್ಲರ್, ರಫ್ತು ಚಟುವಟಿಕೆಗೆ ಉತ್ತೇಜನ ನೀಡಲು ಹಾಗೂ ಆರ್ಥಿಕ ದಿಗ್ಬಂಧನದಿಂದ ಉದ್ಭವಿಸಿರುವ ವಾಣಿಜ್ಯಾವಕಾಶಗಳ ಕುರಿತು ಮಾಹಿತಿ ಪಡೆಯಲು ನಿಯೋಗ ಕಳುಹಿಸುತ್ತಿರುವುದಾಗಿ ಹೇಳಿದ್ದರು.<br /> <br /> ಭಾರತಕ್ಕೆ ಆ ದೇಶದಲ್ಲಿ ದೊಡ್ಡ ಅವಕಾಶವಿದೆ. ತೈಲ ವಹಿವಾಟಿನ ಶೇ 45ರಷ್ಟು ಮೊತ್ತವನ್ನು ಆ ದೇಶಕ್ಕೆ ರಫ್ತು ಹೆಚ್ಚಿಸುವ ಮೂಲಕ ಇತ್ಯರ್ಥಪಡಿಸಿಕೊಳ್ಳಲು ಉಭಯ ದೇಶಗಳೂ ಆಶಿಸಿವೆ ಎಂದೂ ಖುಲ್ಲರ್ ತಿಳಿಸಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
