ಮಲ್ಲಿಕಾರ್ಜುನ್ ಪತ್ನಿ ಬಳಿ ಒಡವೆಗಳೇ ಇಲ್ಲ!

ದಾವಣಗೆರೆ: ಶಾಸಕ, ದಾವಣಗೆರೆ ಲೋಕ­­ಸಭಾ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿ ಎಸ್‌.ಎಸ್‌.­ಮಲ್ಲಿಕಾರ್ಜುನ್‌ ಅವರ ಪತ್ನಿ ಪ್ರಭಾ ಮಲ್ಲಿ­­ಕಾರ್ಜುನ್‌ ಒಡವೆಗಳ ಒಡತಿ­ಯಲ್ಲ!­



ಮಲ್ಲಿಕಾರ್ಜುನ್‌ ಅವರು ಜಿಲ್ಲಾ ಚುನಾವಣಾಧಿಕಾರಿಯೂ ಆದ ಜಿಲ್ಲಾಧಿಕಾರಿ ಎಸ್‌.ಟಿ.ಅಂಜನ­ಕುಮಾರ್‌ ಅವರಿಗೆ ಶುಕ್ರವಾರ ಸಲ್ಲಿಸಿದ ಆಸ್ತಿ ವಿವರದಲ್ಲಿ ಈ ವಿಷಯ ನಮೂದಿಸಿದ್ದಾರೆ.



‘ದಾವಣಗೆರೆ ಧಣಿ’ ಸಚಿವ ಶಾಮ­ನೂರು ಶಿವಶಂಕರಪ್ಪ ಅವರ ಸೊಸೆಯೂ ಆದ ಪ್ರಭಾ ಅವರ ಒಟ್ಟು ಆಸ್ತಿ ಮೌಲ್ಯ ₨ 11.80 ಕೋಟಿ ಆಗಿದ್ದರೂ, ಅವರ ಬಳಿ ಯಾವುದೇ ಚಿನ್ನಾಭರಣ, ವಾಹನ ಇಲ್ಲ ಎಂದು ಆಸ್ತಿ ವಿವರದಲ್ಲಿ ಮಲ್ಲಿಕಾರ್ಜುನ ಅವರು  ಉಲ್ಲೇಖಿಸಿದ್ದಾರೆ.