ಶನಿವಾರ, ಜೂನ್ 19, 2021
23 °C

ಮಹಿಳೆಯರ ಸುರಕ್ಷಿತ ಬಸ್‌ ಪ್ರಯಾಣಕ್ಕಾಗಿ ಅಭಿಯಾನ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ನವದೆಹಲಿ(ಪಿಟಿಐ): ಮಹಿಳೆಯರಿಗೆ ಸುರ­­ಕ್ಷಿತ ಬಸ್‌ ಪ್ರಯಾಣ ಒದಗಿ­ಸುವ ಉದ್ದೇಶದಿಂದ ಜಾಗತಿಕ ಮಾನವ ಹಕ್ಕುಗಳ ಸಂಘಟನೆ ‘ಬ್ರೇಕ್‌ಥ್ರೂ’ ಶನಿ­ವಾರ ಇಲ್ಲಿ ಅಭಿಯಾನವನ್ನು ಆರಂಭಿಸಿದೆ.



ಅಂತರರಾಷ್ಟ್ರೀಯ ಮಹಿಳಾ ದಿನಾ­ಚರಣೆಯ ಸಂದರ್ಭದಲ್ಲಿ ಆರಂಭಿ­ಸ­-ಲಾದ ಈ ಅಭಿಯಾನವು ಪ್ರಮುಖ­ವಾಗಿ ಸಾರ್ವಜನಿಕ ಸಾರಿಗೆಗಳ ಬಳಕೆ­ಯಲ್ಲಿ ಮಹಿಳೆಯರ ವಿಶ್ವಾಸವನ್ನು ಮರು­ಸ್ಥಾಪಿಸುವ ಕುರಿತಂತೆ ಸರ್ಕಾರ, ಸಾರಿಗೆ ಸಂಸ್ಥೆಗಳು ಮತ್ತು ನಾಗರಿಕ ಸಮಾಜದ ನಡುವೆ ಸಮನ್ವಯ ಸಾಧಿಸುವ ಉದ್ದೇಶ ಹೊಂದಿದೆ.



‘ಅಭಿಯಾನದ ಅಂಗವಾಗಿ, ಎಲ್ಲ ವರ್ಗದ ಮಹಿಳೆಯರನ್ನೂ ಒಗ್ಗೂ­ಡಿಸಿ, ಅವರನ್ನು ಬಸ್‌ನಲ್ಲಿ ಕರೆದು­ಕೊಂಡು ಹೋಗಿ ಚಿತ್ರಗಳು, ಪಠ್ಯ, ಮತ್ತು ದೃಶ್ಯಗಳ ಮೂಲಕ ನಗರವನ್ನು ತೋರಿ­ಸ­­ಲಾ­ಗುವುದು. ತನ್ಮೂಲಕ ಸಾರ್ವ­ಜನಿಕ ಸಾರಿಗೆಗಳಲ್ಲಿ ಬಳಕೆ ಮಾಡು­ವುದು ನಮ್ಮ ಹಕ್ಕು ಎಂದು ಅವರಿಗೆ ಮನವರಿಕೆ ಮಾಡಿಕೊಡಲಾ­ಗು­ವುದು’ ಎಂದು ಬ್ರೇಕ್‌ಥ್ರೂನ ಭಾರತ ಘಟಕದ ಉಪಾಧ್ಯಕ್ಷೆ ಸೋನಾಲಿ ಖಾನ್‌ ಹೇಳಿದ್ದಾರೆ.



‘ಮಹಿಳೆಯರು ತಮ್ಮ ಅನುಭವ­ಗಳನ್ನು ಹಂಚಿಕೊಳ್ಳು­ವುದರ ಜೊತೆಗೆ ಅವರಿಗೆ ಸುರಕ್ಷಿತ ವಾತಾವ­ರಣ ನಿರ್ಮಿ­ಸುವ ಕುರಿತು ಸಲಹೆ­ಗ­ಳನ್ನು ನೀಡಲು ವೇದಿಕೆ ನಿರ್ಮಾಣ ಮಾಡುವುದು ಅಭಿಯಾನದ ಉದ್ದೇಶ’ ಎಂದು ವಿವರಿಸಿದ್ದಾರೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.