ಸೋಮವಾರ, ಜೂನ್ 21, 2021
22 °C

ಮಾಂಸದ ಬಿರಿಯಾನಿಗಾಗಿ ಮುರಿದ ಮದುವೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಂಗಳೂರು: ವಿವಾಹಪೂರ್ವ ಔತ­ಣಕ್ಕೆ ಮಾಂಸದ ಬಿರಿಯಾನಿ ಮಾಡಿ­ಸಲಿಲ್ಲ ಎಂಬ ಕಾರಣಕ್ಕೆ ಮದುವೆ­ಯೊಂದು ಮುರಿದು ಬಿದ್ದಿದೆ. ದುಬೈನಲ್ಲಿ ಉದ್ಯೋಗದಲ್ಲಿರುವ ನಗ­­ರದ ಕಾಡುಗೊಂಡನಹಳ್ಳಿಯ ಸೈಫುಲ್ಲಾ ಮದುವೆ ಯಾಸ್ಮಿನಾ ತಾಜ್‌ ಎಂಬುವರ ಜತೆ ಸೋಮ­ವಾರ (ಮಾ.10) ನಿಶ್ಚಯವಾಗಿತ್ತು.



ಶುಕ್ರವಾರ ನಡೆದ ವಿವಾಹ­ಪೂರ್ವ ಔತಣಕ್ಕೆ ಮಾಂಸದ ಬಿರಿ­ಯಾನಿ ಮಾಡಿ­­ಸುವಂತೆ ವರನ ಕಡೆ­ಯವರು ಹೇಳಿದ್ದರು. ಆದರೆ, ವಧು­ವಿನ ಕಡೆ­ಯವರು ಕೋಳಿ ಬಿರಿಯಾನಿ ಮಾಡಿ­ಸಿದ್ದರು. ಇದರಿಂದ ಅಸಮಾಧಾನ­ಗೊಂಡ ವರನ ಕಡೆಯವರು ತಗಾದೆ ತೆಗೆದಿದ್ದಾರೆ.



ಮಾಂಸದ ಬಿರಿಯಾನಿ ಮಾಡಿ­ಸದೆ ಸಂಬಂಧಿಕರ ಎದುರು ಅವ­ಮಾನ ಮಾಡಿದ್ದೀರಿ ಎಂದು ಸೈಫುಲ್ಲಾ ಕುಟುಂಬದವರು ವಧು­ವಿನ ಪೋಷ­ಕರ ವಿರುದ್ಧ ಆರೋಪ ಮಾಡಿದ್ದಾರೆ. ಆದರೆ, ಅಡುಗೆಯ ವಿಷಯಕ್ಕೆ ಇಷ್ಟೆಲ್ಲಾ ರಾದ್ಧಾಂತ ಮಾಡಿರುವ ವರನ ಪೋಷಕರು ಮದುವೆ ಬಳಿಕ ತನ್ನನ್ನು ಚೆನ್ನಾಗಿ ನೋಡಿಕೊಳ್ಳುವುದು ಅನುಮಾನ ಎಂದು ವದು ಯಾಸ್ಮಿನ್‌ ಆರೋಪಿಸಿ ಮದುವೆಗೆ ಅಸಮ್ಮತಿ ಸೂಚಿಸಿದ್ದಾರೆ.



ಪ್ರಕರಣ ಸಂಬಂಧ ಎರಡೂ ಕುಟುಂಬ­ದವರು ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದಾರೆ. ಪೊಲೀಸರು ನಡೆ­ಸಿದ ರಾಜೀ ಸಂಧಾನವೂ ವಿಫಲ­ವಾಗಿದೆ.  ಎರಡೂ ಕುಟುಂಬಗಳು ಮದು­ವೆಗಾಗಿ ನೀಡಿದ್ದ ಉಡುಗೊರೆ­ಗಳನ್ನು ಪರಸ್ಪರ ಹಿಂದಿರುಗಿಸಿವೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.