ಮಾ. 7ರಂದು ಉಚಿತ ನೇತ್ರ ಚಿಕಿತ್ಸೆ

ನಾಗಮಂಗಲ: ರೋಟರಿ ಕ್ಲಬ್ ನಾಗಮಂಗಲ ಮತ್ತು ವಿವಿಧ ಸಂಘ ಸಂಸ್ಥೆಗಳ ಸಹಯೋಗದೊಂದಿಗೆ ಲೇ. ಅನುರಾಧ ನಾಡಿಗೇರ್ ಅವರ ಸ್ಮರಣಾರ್ಥ ಮಾ.7 ರಂದು ಪಟ್ಟಣದ ತಾಲ್ಲೂಕು ಸಾರ್ವಜನಿಕ ಆಸ್ಪತ್ರೆಯಲ್ಲಿ ಬೆಳಗ್ಗೆ 9ರಿಂದ ಸಂಜೆ 5ರವರೆಗೆ 100ನೇ ಉಚಿತ ನೇತ್ರ ಮಸೂರ ಅಳವಡಿಕೆ ಮತ್ತು ಶಸ್ತ್ರ ಚಿಕಿತ್ಸಾ ಶಿಬಿರವನ್ನು ಏರ್ಪಡಿಸಲಾಗಿದೆ ಎಂದು ರೋಟರಿ ಸಂಸ್ಥೆಯ ಅಧ್ಯಕ್ಷ ಡಾ.ಫಯಾಜ್ ಅಹಮದ್ ಷಾ ಬುಧವಾರ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದರು.



ಕ್ಯಾಟರ್ಯಾಕ್ಟ್ ಹೊರತು ಪಡಿಸಿ ಇತರ ದೃಷ್ಟಿ ದೋಷಗಳನ್ನು ತಪಾಸಣೆ ಮಾಡಿ ಸೂಕ್ತ ಸಲಹೆ ಹಾಗೂ ಚಿಕಿತ್ಸೆ ನೀಡಲಾಗುವುದು. ಸಂಸ್ಥೆ ಸ್ಥಾಪನೆಯಾಗಿ 31 ವರ್ಷಗಳು ಕಳೆದಿದ್ದು, ಇದುವರೆಗೂ 3,500ಕ್ಕೂ ಹೆಚ್ಚು ಫಲಾನುಭವಿಗಳು ಇದರ ಪ್ರಯೋಜನ ಪಡೆದಿರುವುದಾಗಿ ತಿಳಿಸಿದರು. ಈ ಬಾರಿ 100ನೇ ನೇತ್ರ ಶಸ್ತ್ರ ಚಿಕಿತ್ಸಾ ಶಿಬಿರ ಆಯೋಜಿಸುತ್ತಿದ್ದು, ತಾಲ್ಲೂಕಿನ ಜನತೆ ಈ ಶಿಬಿರದ ಸಂಪೂರ್ಣ ಪ್ರಯೋಜನ ಪಡೆಯಲು ಕೋರಿದರು.  



ಶಸ್ತ್ರ ಚಿಕಿತ್ಸೆಗೆ ಆಯ್ಕೆಯಾದವರಿಗೆ ಬೆಂಗಳೂರಿನ ಶಾರದ ರೋಟರಿ ಹೆಲ್ತ್ ಕೇರ್ ಸೆಂಟರ್‌ನಲ್ಲಿ ಉಚಿತ ವಾಗಿ ಶಸ್ತ್ರ ಚಿಕಿತ್ಸೆ ಮಾಡಿಸಲಾಗು ವುದು. ಶಸ್ತ್ರ ಚಿಕಿತ್ಸೆಗೆ ಒಳಪಡುವ ರೋಗಿಗಳಿಗೆ ಔಷಧ ಮತ್ತು ಕನ್ನಡಕಗಳನ್ನು ಉಚಿತವಾಗಿ ನೀಡ ಲಾಗುವುದು. ಉಚಿತ ಊಟ, ವಸತಿ ಸೌಕರ್ಯ ಮತ್ತು ಬೆಂಗಳೂರಿಗೆ ಹೋಗಿ ಬರಲು ಉಚಿತ ಏರ್ಪಾಡು ಮಾಡಲಾಗುವುದು. ಬಿ.ಪಿ ಮತ್ತು ಸಕ್ಕರೆ ಕಾಯಿಲೆ ಇರುವ ರೋಗಿಗಳು ಔಷಧಿಯನ್ನು ಜೊತೆಯಲ್ಲಿ ತರಬೇಕು ಹಾಗೂ ಶಸ್ತ್ರ ಚಿಕಿತ್ಸೆಗೆ ಮೊದಲು ಬಿ.ಪಿ ಸಕ್ಕರೆ ಕಾಯಿಲೆ ಹತೋಟಿ ಯಲ್ಲಿರಬೇಕು ಎಂಬ ಸೂಚನೆಗಳನ್ನು ನೀಡಿದರು. ಶಿಬಿರದ ಮುಕ್ತಾಯ ಸಮಾರಂಭವನ್ನು ಮಾ.11 ಸಂಜೆ 5 ಗಂಟೆಗೆ ರೋಟರಿ ಶಾಲೆಯ ಮುಂಭಾಗದಲ್ಲಿ ಹಮ್ಮಿಕೊಂಡಿರು ವುದಾಗಿ ತಿಳಿಸಿದರು.