<p><strong>ನವದೆಹಲಿ (ಪಿಟಿಐ):</strong> ಗಣರಾಜ್ಯೋತ್ಸವ ಪಥಸಂಚಲನದ ಭಾಗವಾಗಿ ರಾಜಪಥದಲ್ಲಿ ಹೆಜ್ಜೆ ಹಾಕುವ ಮೂಲಕ ಫ್ರಾನ್ಸ್ನ ಸೈನಿಕರು ಇತಿಹಾಸ ಸೃಷ್ಟಿಸಿದ್ದಾರೆ. ಇದೇ ಮೊದಲ ಬಾರಿ ವಿದೇಶದ ಸೇನಾ ತುಕಡಿಯೊಂದು ಗಣರಾಜ್ಯೋತ್ಸವ ಪಥ ಸಂಚಲನದಲ್ಲಿ ಭಾಗವಹಿಸಿದೆ.<br /> <br /> ಫ್ರಾನ್ಸ್ ಸೇನೆಯ 35ನೇ ಕಾಲಾಳು ದಳದ 76 ಯೋಧರು ಲೆ. ಕ. ಪಾಲ್ ಬುರಿ ನೇತೃತ್ವದಲ್ಲಿ ಪಥ ಸಂಚಲನ ನಡೆಸಿದರು.<br /> ಫ್ರಾನ್ಸ್ ಸೇನೆಯ ಕಾಲಾಳು ಸಂಗೀತ ದಳದ 48 ಸದಸ್ಯರು ಎರಡು ರಾಗಗಳನ್ನು ನುಡಿಸಿದಾಗ ಸಭಿಕರಿಂದ ಭಾರಿ ಕರತಾಡನದ ಮೆಚ್ಚುಗೆ ವ್ಯಕ್ತವಾಯಿತು.<br /> <br /> ಗಣರಾಜ್ಯೋತ್ಸವ ಸಂಭ್ರಮ ಮತ್ತು ಪಥ ಸಂಚಲನದಲ್ಲಿ ಭಾಗವಹಿಸುವುದು ತಮಗೆ ಮತ್ತು ತಮ್ಮ ತುಕಡಿಗೆ ದೊಡ್ಡ ಗೌರವ ಎಂದು ನಂತರ ಮಾತನಾಡಿದ ಬುರಿ ಹೇಳಿದರು.<br /> <br /> <strong>18ನೇ ಶತಮಾನದ ನಂಟು:</strong> ಪಥ ಸಂಚಲನದಲ್ಲಿ ಭಾಗವಹಿಸಿದ್ದ ಫ್ರಾನ್ಸ್ನ ಪದಾತಿ ದಳಕ್ಕೆ 18ನೇ ಶತಮಾನದಲ್ಲಿಯೇ ಭಾರತದೊಂದಿಗೆ ನಂಟು ಇತ್ತು. ಈ ದಳ ಹೈದರಾಲಿಯ ಜತೆ ಸೇರಿ ಬ್ರಿಟಿಷರ ವಿರುದ್ಧ ಹೋರಾಡಿತ್ತು.<br /> <br /> ‘35 ಪದಾತಿ ದಳ’ ಫ್ರಾನ್ಸ್ನ ಅತ್ಯಂತ ಹಳೆಯ ಸೇನಾ ದಳಗಳಲ್ಲಿ ಒಂದಾಗಿದ್ದು, 1604ರಲ್ಲಿ ಆರಂಭವಾಗಿದೆ. ಈ ದಳದ ಒಂದು ದೊಡ್ಡ ತುಕಡಿ ಮೂರು ವರ್ಷಗಳ ಕಾಲ ಭಾರತದಲ್ಲಿ ಇತ್ತು. ಭಾರತದಲ್ಲಿದ್ದ ಫ್ರೆಂಚ್ ವಸಾಹತುಗಳಿಗೆ ರಕ್ಷಣೆ ಒದಗಿಸಲು ಅಡ್ಮಿರಲ್ ಬೈಲಿಫ್ ನೇತೃತ್ವದಲ್ಲಿ ಈ ತುಕಡಿಯನ್ನು ನಿಯೋಜಿಸಲಾಗಿತ್ತು. ಹೈದರಾಲಿಯ ಸೇನೆಯ ಜತೆ ಸೇರಿ ಈ ತುಕಡಿಯು ಕಡಲೂರ್ ಪ್ರದೇಶವನ್ನು ವಶಕ್ಕೆ ಪಡೆದಿತ್ತು. ಅದಕ್ಕೂ ಹಿಂದೆ ಈ ತುಕಡಿಯು ಶ್ರೀಲಂಕಾದ ಟ್ರಿಂಕಾಮಲಿಯನ್ನೂ ವಶಕ್ಕೆ ಪಡೆದಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ (ಪಿಟಿಐ):</strong> ಗಣರಾಜ್ಯೋತ್ಸವ ಪಥಸಂಚಲನದ ಭಾಗವಾಗಿ ರಾಜಪಥದಲ್ಲಿ ಹೆಜ್ಜೆ ಹಾಕುವ ಮೂಲಕ ಫ್ರಾನ್ಸ್ನ ಸೈನಿಕರು ಇತಿಹಾಸ ಸೃಷ್ಟಿಸಿದ್ದಾರೆ. ಇದೇ ಮೊದಲ ಬಾರಿ ವಿದೇಶದ ಸೇನಾ ತುಕಡಿಯೊಂದು ಗಣರಾಜ್ಯೋತ್ಸವ ಪಥ ಸಂಚಲನದಲ್ಲಿ ಭಾಗವಹಿಸಿದೆ.<br /> <br /> ಫ್ರಾನ್ಸ್ ಸೇನೆಯ 35ನೇ ಕಾಲಾಳು ದಳದ 76 ಯೋಧರು ಲೆ. ಕ. ಪಾಲ್ ಬುರಿ ನೇತೃತ್ವದಲ್ಲಿ ಪಥ ಸಂಚಲನ ನಡೆಸಿದರು.<br /> ಫ್ರಾನ್ಸ್ ಸೇನೆಯ ಕಾಲಾಳು ಸಂಗೀತ ದಳದ 48 ಸದಸ್ಯರು ಎರಡು ರಾಗಗಳನ್ನು ನುಡಿಸಿದಾಗ ಸಭಿಕರಿಂದ ಭಾರಿ ಕರತಾಡನದ ಮೆಚ್ಚುಗೆ ವ್ಯಕ್ತವಾಯಿತು.<br /> <br /> ಗಣರಾಜ್ಯೋತ್ಸವ ಸಂಭ್ರಮ ಮತ್ತು ಪಥ ಸಂಚಲನದಲ್ಲಿ ಭಾಗವಹಿಸುವುದು ತಮಗೆ ಮತ್ತು ತಮ್ಮ ತುಕಡಿಗೆ ದೊಡ್ಡ ಗೌರವ ಎಂದು ನಂತರ ಮಾತನಾಡಿದ ಬುರಿ ಹೇಳಿದರು.<br /> <br /> <strong>18ನೇ ಶತಮಾನದ ನಂಟು:</strong> ಪಥ ಸಂಚಲನದಲ್ಲಿ ಭಾಗವಹಿಸಿದ್ದ ಫ್ರಾನ್ಸ್ನ ಪದಾತಿ ದಳಕ್ಕೆ 18ನೇ ಶತಮಾನದಲ್ಲಿಯೇ ಭಾರತದೊಂದಿಗೆ ನಂಟು ಇತ್ತು. ಈ ದಳ ಹೈದರಾಲಿಯ ಜತೆ ಸೇರಿ ಬ್ರಿಟಿಷರ ವಿರುದ್ಧ ಹೋರಾಡಿತ್ತು.<br /> <br /> ‘35 ಪದಾತಿ ದಳ’ ಫ್ರಾನ್ಸ್ನ ಅತ್ಯಂತ ಹಳೆಯ ಸೇನಾ ದಳಗಳಲ್ಲಿ ಒಂದಾಗಿದ್ದು, 1604ರಲ್ಲಿ ಆರಂಭವಾಗಿದೆ. ಈ ದಳದ ಒಂದು ದೊಡ್ಡ ತುಕಡಿ ಮೂರು ವರ್ಷಗಳ ಕಾಲ ಭಾರತದಲ್ಲಿ ಇತ್ತು. ಭಾರತದಲ್ಲಿದ್ದ ಫ್ರೆಂಚ್ ವಸಾಹತುಗಳಿಗೆ ರಕ್ಷಣೆ ಒದಗಿಸಲು ಅಡ್ಮಿರಲ್ ಬೈಲಿಫ್ ನೇತೃತ್ವದಲ್ಲಿ ಈ ತುಕಡಿಯನ್ನು ನಿಯೋಜಿಸಲಾಗಿತ್ತು. ಹೈದರಾಲಿಯ ಸೇನೆಯ ಜತೆ ಸೇರಿ ಈ ತುಕಡಿಯು ಕಡಲೂರ್ ಪ್ರದೇಶವನ್ನು ವಶಕ್ಕೆ ಪಡೆದಿತ್ತು. ಅದಕ್ಕೂ ಹಿಂದೆ ಈ ತುಕಡಿಯು ಶ್ರೀಲಂಕಾದ ಟ್ರಿಂಕಾಮಲಿಯನ್ನೂ ವಶಕ್ಕೆ ಪಡೆದಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
