ಮೋರಿ ನಿರ್ಮಿಸಿ
ಅಕ್ಷರ ಗಾತ್ರ :ಆ |ಆ |ಆ
ವಿವೇಕನಗರ ಮುಂದುವರೆದ ಬಡಾವಣೆ, ಈಜಿಪುರದ ಮುಖ್ಯರಸ್ತೆಯ (ಶಾಲಿಮಾರ್‌ ಹೋಟೆಲ್‌) ಪಕ್ಕದ 2ನೇ ಅಡ್ಡರಸ್ತೆಯಲ್ಲಿ ಚರಂಡಿ ನೀರು ನಿರಂತರವಾಗಿ ಹರಿಯುತ್ತಿದೆ. ಒಂದು ಕಡೆಯಿಂದ ಮೋರಿಯಲ್ಲಿ ಹರಿಯುತ್ತಿರುವ ಒಳಚರಂಡಿಯ ತ್ಯಾಜ್ಯ ನೀರು ಮತ್ತೆ ಮೋರಿಗೆ ಅಥವಾ ಚೇಂಬರಿಗೆ ಹರಿದುಹೋಗಲು ಈ ರಸ್ತೆಗೆ ಮೋರಿಯೇ ಇಲ್ಲದೆ ರಸ್ತೆ ಮೇಲೆಲ್ಲಾ ಹರಿಯುತ್ತಿದೆ. ನಾಗರಿಕರು ಈ ತ್ಯಾಜ್ಯ ನೀರನ್ನು ತುಳಿದುಕೊಂಡೇ ರಸ್ತೆ ದಾಟಬೇಕಾಗಿದೆ.
ಅದರಲ್ಲೂ ದ್ವಿಚಕ್ರ ವಾಹನ, ಕಾರುಗಳು ಬಂದಾಗ ಪಾದಚಾರಿಗಳ ಮೇಲೆ ಮಲಿನ ನೀರು ಸಿಡಿಯುತ್ತದೆ. ಅಲ್ಲದೆ 1ನೇ ಕ್ರಾಸ್‌ನಲ್ಲಿ ಒಳಚರಂಡಿ ಪೈಪುಗಳು ತುಂಬಾ ಹಳೆಯದಾಗಿದ್ದು, ಈ ರಸ್ತೆಗೆ ಹೊಸ ಪೈಪುಗಳನ್ನು ಅಳವಡಿಸಬೇಕೆಂದು ಹಲವಾರು ಬಾರಿ ಕೌನ್ಸಿಲರ್‌, ಶಾಸಕರಿಗೂ ಮನವಿ ಸಲ್ಲಿಸಲಾಗಿದೆ. ಆದರೂ ಹೊಸ ಪೈಪುಗಳನ್ನು ಅಳವಡಿಸಿಲ್ಲ. ಹಾಕಿಸುತ್ತೇವೆ ಎಂದು ಭರವಸೆ ನೀಡುತ್ತಲೇ ಬಂದಿದ್ದಾರೆ. ಮೇಯರ್ ಈ ಸಮಸ್ಯೆ ಕುರಿತು ಗಮನಿಸಬೇಕೆಂದು ಹಾಗೂ ಶೀಘ್ರವೇ ಒಳಚರಂಡಿಗೆ ಹೊಸ ಪೈಪುಗಳನ್ನು ಹಾಕಿಸಲು ಕ್ರಮ ಕೈಗೊಳ್ಳಬೇಕೆಂದು ಕೋರುತ್ತೇನೆ.
–ಎಲ್‌. ನಾರಾಯಣ
ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
