ಯಾರದ್ದೋ ದಾಖಲೆ, ಯಾರಿಗೋ ಸಿಮ್

ಬೆಂಗಳೂರು: ನಕಲಿ ದಾಖಲೆ ಬಳಸಿ ಚಾಲೂ (ಆ್ಯಕ್ಟಿವೇಷನ್) ಮಾಡಿದ ಸಿಮ್ಗಳನ್ನು ಹೆಚ್ಚಿನ ಬೆಲೆಗೆ ಮಾರಾಟ ಮಾಡುತ್ತಿದ್ದ ಮೋಹನ್ (22) ಎಂಬಾತನನ್ನು ಸಿಸಿಬಿ ಪೊಲೀಸರು ಬಂಧಿಸಿದ್ದಾರೆ.

‘ಹೊಂಗಸಂದ್ರ ಸಮೀಪದ ಬಾಲಾಜಿ ಲೇಔಟ್ನಲ್ಲಿ ‘ಗಗನ್ ಮೊಬೈಲ್ ಸೆಂಟರ್’ ಅಂಗಡಿ ಇಟ್ಟುಕೊಂಡಿದ್ದ ಮೋಹನ್, ಸಿಮ್ ಖರೀದಿಸಲು ಬರುತ್ತಿದ್ದ ಗ್ರಾಹಕರ ದಾಖಲೆ ಮತ್ತು ಭಾವಚಿತ್ರ ಪಡೆದುಕೊಳ್ಳುತ್ತಿದ್ದ. ನಂತರ ಅವರಿಗೆ ತಿಳಿಯದಂತೆ ಅವುಗಳನ್ನು ಸ್ಕ್ಯಾನ್ ಮಾಡಿ ಕಂಪ್ಯೂಟರ್ನಲ್ಲಿ ಇಟ್ಟುಕೊಳ್ಳುತ್ತಿದ್ದ. ಬಳಿಕ ಅವೇ ದಾಖಲೆಗಳನ್ನು ಬಳಸಿ, ಸಿಮ್ಗಳನ್ನು ಚಾಲೂ ಮಾಡುತ್ತಿದ್ದ’ ಎಂದು ತನಿಖಾಧಿಕಾರಿಗಳು ಹೇಳಿದ್ದಾರೆ.

‘ಒಂದು ಸಿಮ್ ಚಾಲೂ ಮಾಡಿದರೆ, ಕಂಪೆನಿ ಕಡೆಯಿಂದ ಈತನಿಗೆ ₹ 10 ಕಮಿಷನ್ ಬರುತ್ತಿತ್ತು. ಹೀಗಾಗಿ ಚಾಲೂ ಮಾಡಿ ತನ್ನ ಬಳಿಯೇ ಸಿಮ್ಗಳನ್ನು ಇಟ್ಟುಕೊಳ್ಳುತ್ತಿದ್ದ ಆರೋಪಿ, ಹೆಚ್ಚು ಹಣ ಕೊಡುತ್ತಿದ್ದ ವ್ಯಕ್ತಿಗಳಿಗೆ ದಾಖಲೆ ಪಡೆಯದೆ ಅವುಗಳನ್ನು ಕೊಡುತ್ತಿದ್ದ. ‘ಮಾರಾಟವಾಗದೆ ಉಳಿಯುತ್ತಿದ್ದ ಸಿಮ್ಗಳನ್ನು ಮೂರು ತಿಂಗಳ ನಂತರ ಬೇರೆ ಕಂಪೆನಿಗಳಿಗೆ ಪೋರ್ಟ್ ಮಾಡಿ, ಆ ಕಂಪೆನಿಗಳಿಂದಲೂ ಕಮಿಷನ್ ಪಡೆಯುತ್ತಿದ್ದ’ ಎಂದು ಮಾಹಿತಿ ನೀಡಿದರು.

ಒಬ್ಬನ ದಾಖಲೆಗೆ 150ಸಿಮ್: ‘ಆರೋಪಿಯು ಒಬ್ಬ ವ್ಯಕ್ತಿಯ ದಾಖಲೆಗಳಿಂದ ಕನಿಷ್ಠ 150 ಸಿಮ್ಗಳನ್ನು ಚಾಲೂ ಮಾಡುತ್ತಿದ್ದ. ಈ ಸಂಗತಿ ಗೊತ್ತಿದ್ದರೂ ಲಾಭದ ಉದ್ದೇಶದಿಂದ ಮೊಬೈಲ್ ಸೇವಾ ಕಂಪೆನಿಗಳು ಸುಮ್ಮನಾಗಿವೆ. ಹೀಗಾಗಿ ವಿಚಾರಣೆಗೆ ಹಾಜರಾಗುವಂತೆ ಆ ಕಂಪೆನಿಗಳ ಆಡಳಿತ ಮಂಡಳಿಗೂ ನೋಟಿಸ್ ನೀಡಲಾಗುವುದು’ ಎಂದು ಹಿರಿಯ ಅಧಿಕಾರಿಗಳು ತಿಳಿಸಿದರು.

‘ಭಯೋತ್ಪಾದಕರು, ರೌಡಿಗಳು, ಆನ್ಲೈನ್ ವಂಚಕರು ಸೇರಿದಂತೆ ಅಪರಾಧ ಕೃತ್ಯ ಎಸಗುವ ಬಹುತೇಕರು ಇದೇ ಮಾರ್ಗದಿಂದ ಸಿಮ್ ಖರೀದಿಸಿರುತ್ತಾರೆ. ಕೃತ್ಯ ನಡೆದ ನಂತರ ಕರೆಗಳ ವಿವರ (ಸಿಡಿಆರ್) ಆಧರಿಸಿ ಪತ್ತೆ ಮಾಡಿದಾಗ, ಆ ಸಿಮ್ ಕಾರ್ಡ್ನ ದಾಖಲೆ ಯಾರ ಹೆಸರಿನಲ್ಲಿರುತ್ತದೋ ಆ ವ್ಯಕ್ತಿ ಸಿಗುತ್ತಾನೆ. ಹೀಗಾಗಿ ನಿಜವಾದ ಸಮಾಜಘಾತುಕರನ್ನು ಪತ್ತೆ ಮಾಡುವುದು ಕಷ್ಟವಾಗುತ್ತಿದೆ’ ಎಂದು ಹೇಳಿದರು.

ಬಂಧಿತನಿಂದ 2,500 ನಗದು, ಗ್ರಾಹಕರ ದಾಖಲೆಗಳು, ನಕಲಿ ಸಿಮ್ ಕಾರ್ಡ್ಗಳು, ಅಂಗಡಿಯ ಸೀಲು ಸೇರಿದಂತೆ ಮತ್ತಿತರ ಪರಿಕರಗಳನ್ನು ಜಪ್ತಿ ಮಾಡಲಾಗಿದೆ. ಈತ ಆರು ತಿಂಗಳಿನಿಂದ ಈ ದಂಧೆಯಲ್ಲಿ ತೊಡಗಿದ್ದು, ಮೊಬೈಲ್ ಸೇವಾ ಕಂಪೆನಿಗಳು ಇಂಥವರ ವಿರುದ್ಧ ನಿಗಾ ವಹಿಸಬೇಕು ಎಂದು ಅಧಿಕಾರಿಗಳು ಮನವಿ ಮಾಡಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಯಾರದ್ದೋ ದಾಖಲೆ, ಯಾರಿಗೋ ಸಿಮ್

ಗೋಕರ್ಣದ ಗುಹೆಯಲ್ಲಿ ಎರಡು ಮಕ್ಕಳೊಂದಿಗೆ ರಷ್ಯಾದ ಮಹಿಳೆ ರಹಸ್ಯವಾಗಿ ವಾಸ!

ಚಿನಕುರುಳಿ Cartoon: 12 ಜುಲೈ 2025

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ಧರ್ಮಸ್ಥಳದಲ್ಲಿ ಅಪರಾಧ ಕೃತ್ಯ ಕುರಿತ ಆರೋಪ | ಪ್ರತ್ಯೇಕ ತನಿಖೆ: ಎಸ್‌ಪಿ

WI vs AUS | ಸ್ಟಾರ್ಕ್‌ಗೆ 100ನೇ ಟೆಸ್ಟ್: 12 ವರ್ಷದ ಬಳಿಕ ಲಯನ್ ಕೈಬಿಟ್ಟ ಆಸಿಸ್

ಮಹಿಳಾ ಕ್ರಿಕೆಟ್ | 5ನೇ ಟಿ20 ಪಂದ್ಯದಲ್ಲಿ ಗೆದ್ದ ಇಂಗ್ಲೆಂಡ್; ಭಾರತಕ್ಕೆ ಸರಣಿ

Wimbledon 2025: ಆಧಿಪತ್ಯಕ್ಕೆ ಸಿನ್ನರ್–ಅಲ್ಕರಾಜ್‌ ಪೈಪೋಟಿ

ಪ್ಯಾರಾ ಅಥ್ಲೆಟಿಕ್ಸ್: ರಕ್ಷಿತಾ, ಶರತ್‌ಗೆ ಚಿನ್ನ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಗೋಕರ್ಣದ ಗುಹೆಯಲ್ಲಿ ಎರಡು ಮಕ್ಕಳೊಂದಿಗೆ ರಷ್ಯಾದ ಮಹಿಳೆ ರಹಸ್ಯವಾಗಿ ವಾಸ!

ಚಿನಕುರುಳಿ Cartoon: 12 ಜುಲೈ 2025

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ಧರ್ಮಸ್ಥಳದಲ್ಲಿ ಅಪರಾಧ ಕೃತ್ಯ ಕುರಿತ ಆರೋಪ | ಪ್ರತ್ಯೇಕ ತನಿಖೆ: ಎಸ್‌ಪಿ