ಯೋಗದತ್ತ ನಗರದ ಜನತೆಯ ಚಿತ್ತ

ಕೊಪ್ಪಳ : ನಗರದ ಜನತೆ ಇದೀಗ ಆರೋಗ್ಯ ಕಾಳಜಿಗೆ ಹೆಚ್ಚು ಆದ್ಯತೆ ಕೊಡುತ್ತಿದ್ದಾರೆ. ಅದಕ್ಕೊಂದು ಹೊಸ ಸೇರ್ಪಡೆ ಯೋಗಾಸನ. ನಗರದ ವಿವಿಧ ಭಾಗದಲ್ಲಿ ಬೆಳಿಗ್ಗೆ, ಸಂಜೆ ಯೋಗಾಸನ ನಿರತರು ಕಾಣಸಿಗುತ್ತಾರೆ. ಅಂತರರಾಷ್ಟ್ರೀಯ ಯೋಗ ದಿನಾಚರಣೆ ಬಂದ ಮೇಲಂತೂ ಇದಕ್ಕೊಂದು ವ್ಯವಸ್ಥಿತ ರೂಪ ಸಿಕ್ಕಿದೆ.

ನಗರದಲ್ಲಿ ಪತಂಜಲಿ ಯೋಗ ಸಮಿತಿ, ರಾಮಕೃಷ್ಣ ವಿವೇಕಾಶ್ರಮದ ಸಹಯೋಗದ ಶಿಬಿರಗಳು, ರಾಷ್ಟ್ರೀಯ ಸ್ವಯಂ ಸೇವಕ ಸಂಘ, ಪತ್ರಕರ್ತ ಚಾಮರಾಜ ಸವಡಿ ನೇತೃತ್ವದ ತಂಡಗಳು ಅಲ್ಲಲ್ಲಿ ಯೋಗಾಭ್ಯಾಸಿಗಳಿಗೆ ನಿರಂತರ ವೇದಿಕೆ ಒದಗಿಸಿವೆ.

ಯೋಗ ದಿನಾಚರಣೆ ಆರಂಭವಾಗುತ್ತಿದ್ದಂತೆಯೇ ಕೆಲವು ಯೋಗ ತಂಡಗಳು ಹುಟ್ಟಿಕೊಂಡು ಆಚರಣೆ ಮುಗಿಯುತ್ತಿದ್ದಂತೆಯೇ ಹಾಗೇ ಮರೆಯಾದದ್ದೂ ಈ ಕ್ಷೇತ್ರದ ಇನ್ನೊಂದು ಮುಖ. ಉಳಿದಂತೆ ಏಕಾಂಗಿಯಾಗಿ ಅಭ್ಯಾಸ ನಿರತರಾಗಿರುವವರಿಗೂ ಕೊರತೆ ಇಲ್ಲ. ಒಟ್ಟಿನಲ್ಲಿ ಈ ವರ್ಷ ಯೋಗಾಭ್ಯಾಸಕ್ಕೆ ನಗರದ ಜನತೆ ಹೆಚ್ಚು ಆದ್ಯತೆ ಕೊಟ್ಟಿದ್ದಾರೆ.

ನಗರದ ಸಾರ್ವಜನಿಕ ಮೈದಾನದಲ್ಲಿ ಇತ್ತೀಚೆಗೆ ಧಾರವಾಡ ಮನಗುಂಡಿಯ ಗುರುಬಸವ ಮಹಾಮನೆಯ ನಿಸರ್ಗ ಚಿಕಿತ್ಸಾ ತಜ್ಞ ಬಸವಾನಂದ ಸ್ವಾಮೀಜಿ ನೇತೃತ್ವದಲ್ಲಿ ಯೋಗ ಮತ್ತು ನಿಸರ್ಗ ಚಿಕಿತ್ಸೆಯ ಉಚಿತ ಶಿಬಿರ ನಡೆಯಿತು.

. ನೂರಾರು ಮಂದಿ ಹಾಜರಾಗಿದ್ದೂ ಅಲ್ಲದೇ ಆರೋಗ್ಯ ಸಂಬಂಧಿ ಹಲವು ಸಮಸ್ಯೆಗಳಿಗೆ ಪರಿಹಾರ ಕಂಡುಕೊಂಡರು. 21 ದಿನಗಳ ಉಪವಾಸ ಮತ್ತು ಜಲ ಚಿಕಿತ್ಸೆಯ ಪರಿಣಾಮ ಅತಿ ತೂಕ ಇಳಿಸಿಕೊಳ್ಳಲು ನೆರವಾಯಿತು ಎಂಬುದು ಫಲಿತಾಂಶ ಪಡೆದವರ ಅಭಿಮತ.

ಇತ್ತ ಪತಂಜಲಿ ಯೋಗ ಸಮಿತಿ 10 ವರ್ಷಗಳಿಂದ ಜಿಲ್ಲೆಯಲ್ಲಿ ಸದ್ದಿಲ್ಲದೇ ಕಾರ್ಯನಿರ್ವಹಿಸುತ್ತಿದೆ. ಭಾಗ್ಯನಗರ, ಸ್ವಾಮಿ ವಿವೇಕಾನಂದ ಆಂಗ್ಲ ಮಾಧ್ಯಮ ಪ್ರೌಢಶಾಲೆ ಆವರಣ, ಗವಿಸಿದ್ದೇಶ್ವರ ಡಿ.ಇಡಿ ಕಾಲೇಜು ಆವರಣದಲ್ಲಿ ಶಿಬಿರ ಏರ್ಪಡಿಸಿದ್ದಾರೆ. ಈ ವರ್ಷ ಒಂದು ಹೆಜ್ಜೆ ಮುಂದುವರಿದ ಸಮಿತಿಯು ಯೋಗ ಸಹ ಶಿಕ್ಷಕರ ತರಬೇತಿ ಶಿಬಿರ ಹಮ್ಮಿಕೊಂಡಿದೆ.

ಯೋಗ ಶಿಕ್ಷಕರಾಗಲು ಬಯಸುವವರಿಗೆ 100 ಗಂಟೆಗಳ ವೃತ್ತಿಪರ ತರಬೇತಿ ನೀಡಲಾಗುತ್ತಿದೆ. ಶಾಲಾ ಕಾಲೇಜುಗಳ ದೈಹಿಕ ಶಿಕ್ಷಕರು, ಆಸಕ್ತರು ಈ ಶಿಬಿರದಲ್ಲಿ ಭಾಗವಹಿಸುತ್ತಿದ್ದಾರೆ.

ಕೇವಲ ಯೋಗ ಮಾತ್ರವಲ್ಲ. ಆಹಾರ ಪದ್ಧತಿ, ಜೀವನ ಶೈಲಿ, ರಕ್ತದಾನದ ಮಹತ್ವ, ಉಪವಾಸ ಪ್ರಯೋಜನಗಳು ಸೇರಿದಂತೆ ಆರೋಗ್ಯಕರ ಬದುಕಿನ ಹಲವು ಆಯಾಮಗಳನ್ನು ತಿಳಿಹೇಳಲಾಗುತ್ತದೆ ಎಂದು ಯೋಗ ಸಮಿತಿ ಉಪಪ್ರಭಾರಿ ಭೀಮಸೇನ ಮೇಘರಾಜ್ (ಮೊಬೈಲ್: 96637 99777).

ಒತ್ತಡದ ಬದುಕು, ಬದಲಾದ ಜೀವನಶೈಲಿ, ಕಾಡುತ್ತಿರುವ ಹೊಸ ಹೊಸ ಸಮಸ್ಯೆಗಳನ್ನು ಸ್ವಲ್ಪಮಟ್ಟಿಗಾದರೂ ನಿವಾರಿಸಲು ಯೋಗಾಭ್ಯಾಸಕ್ಕೆ ಒಗ್ಗಿಕೊಂಡಿದ್ದೇವೆ ಎನ್ನುತ್ತಾರೆ ಯೋಗ ನಿರತರು.

. * ವಿಶ್ವ ಯೋಗ ದಿನಾಚರಣೆ ಜಾರಿಗೆ ಬಂದ ಮೇಲೆ ಯೋಗಾಸಕ್ತರ ಸಂಖ್ಯೆಯಲ್ಲಿ ಹೆಚ್ಚಳವಾಗಿದೆ. -ಭೀಮಸೇನ ಮೇಘರಾಜ್, ಉಪ ಪ್ರಭಾರಿ, ಪತಂಜಲಿ ಯೋಗ ಸಮಿತಿ ಕೊಪ್ಪಳ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಯೋಗದತ್ತ ನಗರದ ಜನತೆಯ ಚಿತ್ತ

ಚಿನಕುರುಳಿ: 02 ಜುಲೈ 2025, ಬುಧವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...

ಭಾಗ್ಯನಗರವಾದ ಬಾಗೇಪಲ್ಲಿ, ಗ್ರಾಮಾಂತರ ಇನ್ನು ಬೆಂಗಳೂರು ಉತ್ತರ: ಸಂಪುಟ ನಿರ್ಧಾರ

ವಿಂಡೀಸ್ ಕ್ರಿಕೆಟಿಗನ ವಿರುದ್ಧ ಲೈಂಗಿಕ ದೌರ್ಜನ್ಯ ಆರೋಪ: ಕೋಚ್ ಸಾಮಿ ಹೇಳಿದ್ದೇನು?

ಎಫ್‌ಸಿ ಬೆಂಗಳೂರು ಯುನೈಟೆಡ್‌ ತಂಡದ ಮುಖ್ಯ ಕೋಚ್ ಆಗಿ ಮೋಹನ್‌ರಾಜ್ ಮರುನೇಮಕ

ಕೆನಡಾ ಓಪನ್‌: ಎರಡನೇ ಸುತ್ತಿಗೆ ಶ್ರೀಕಾಂತ್‌

ದೂರವಾದ ಪತ್ನಿ, ಮಗಳಿಗೆ ₹4 ಲಕ್ಷ ಪರಿಹಾರ ನೀಡಲು ಶಮಿಗೆ ಕೋಲ್ಕತ್ತ ಹೈಕೋರ್ಟ್ ಆದೇಶ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 02 ಜುಲೈ 2025, ಬುಧವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...

ಭಾಗ್ಯನಗರವಾದ ಬಾಗೇಪಲ್ಲಿ, ಗ್ರಾಮಾಂತರ ಇನ್ನು ಬೆಂಗಳೂರು ಉತ್ತರ: ಸಂಪುಟ ನಿರ್ಧಾರ