ಯೋಗೇಶ್ವರ್, ವಿಜಯ್‌ಗೆ ಖೇಲ್‌ರತ್ನಕ್ಕೆ ಶಿಫಾರಸು

ನವದೆಹಲಿ (ಐಎಎನ್‌ಎಸ್): ಒಲಿಂಪಿಕ್ಸ್‌ನಲ್ಲಿ ಬೆಳ್ಳಿ ಗೆದ್ದ ಶೂಟರ್ ವಿಜಯ್ ಕುಮಾರ್ ಹಾಗೂ ಕಂಚು ಪಡೆದ ಕುಸ್ತಿಪಟು ಯೋಗೇಶ್ವರ್ ದತ್ ಅವರ ಹೆಸರನ್ನು ದೇಶದ ಉನ್ನತ ಕ್ರೀಡಾ ಪ್ರಶಸ್ತಿಯಾದ `ಖೇಲ್‌ರತ್ನ~ಕ್ಕೆ ಶಿಫಾರಸು ಮಾಡಲಾಗಿದೆ.



ಪ್ರಶಸ್ತಿ ಆಯ್ಕೆ ಸಮಿತಿಯು ಈಗಾಗಲೇ ಅಂತಿಮ ಪಟ್ಟಿಯನ್ನು ಕೇಂದ್ರ ಕ್ರೀಡಾ   ಇಲಾಖೆಗೆ ಸಲ್ಲಿಸಿದೆ. ಅಧಿಕೃತ ಪ್ರಕಟ ಕೆಲವು ದಿನಗಳಲ್ಲಿ ಹೊರಬೀಳುವ ನಿರೀಕ್ಷೆಯಿದೆ. ಕ್ರಿಕೆಟಿಗ ಯುವರಾಜ್ ಸಿಂಗ್ ಅವರೇ ಅಲ್ಲದೆ, ಈ ಸಲ ಒಲಿಂಪಿಕ್ಸ್‌ನಲ್ಲಿ ಪಾಲ್ಗೊಂಡಿದ್ದ ಅಶ್ವಿನಿ ಪೊನ್ನಪ್ಪ, ದೀಪಿಕಾ ಕುಮಾರಿ, ಗೀತಾ ಫೋಗಟ್, ಪಿ.ಕಶ್ಯಪ್, ಸರ್ದಾರ್ ಸಿಂಗ್ ಮುಂತಾದವರಿಗೂ ಅರ್ಜುನ ಪ್ರಶಸ್ತಿ ಸಿಗುವ ಸಾಧ್ಯತೆ ಇದೆ. ಕ್ರೀಡಾ ಪ್ರಶಸ್ತಿಯ ಅಂತಿಮ ಪಟ್ಟಿ ಬಿಡುಗಡೆ ಮಾಡಿಲ್ಲವೆಂದು ಕೇಂದ್ರ ಕ್ರೀಡಾ ಇಲಾಖೆ ವಕ್ತಾರ ರಾಜೇಶ್ ಮಲ್ಹೋತ್ರಾ ತಿಳಿಸಿದ್ದಾರೆ.