<p><strong>ಚೆನ್ನೈ: </strong>ಹಾಲಿ ಚಾಂಪಿಯನ್ ರಾಜಸ್ತಾನ ತಂಡದವರು ಮೊದಲ ದಿನವೇ ತಮಿಳುನಾಡು ತಂಡದವರಿಗೆ ಬಿಸಿ ಮುಟ್ಟಿಸಿದ್ದಾರೆ. ಆತಿಥೇಯ ತಂಡದವರು ದಿನವಿಡೀ ಬೆವರು ಹರಿಸಿದರೂ ಹೃಷಿಕೇಶ್ ಕಾನಿಟ್ಕರ್ ಪಡೆಯ ಒಂದೂ ವಿಕೆಟ್ ಕಬಳಿಸಲು ಸಾಧ್ಯವಾಗಲಿಲ್ಲ.<br /> <br /> ಎಂ.ಎ.ಚಿದಂಬರಂ ಕ್ರೀಡಾಂಗಣದಲ್ಲಿ ಗುರುವಾರ ಆರಂಭವಾದ ರಣಜಿ ಟ್ರೋಫಿ ಕ್ರಿಕೆಟ್ ಟೂರ್ನಿಯ ಪಂದ್ಯದ ಮೊದಲ ದಿನದ ಗೌರವವೆಲ್ಲಾ ರಾಜಸ್ತಾನ ತಂಡಕ್ಕೆ ಸಲ್ಲಬೇಕು. ಈ ತಂಡದವರು ಮೊದಲ ದಿನದ ಆಟದ ಅಂತ್ಯಕ್ಕೆ 90 ಓವರ್ಗಳಲ್ಲಿ ವಿಕೆಟ್ ನಷ್ಟವಿಲ್ಲದೇ 221 ರನ್ ಗಳಿಸಿದ್ದಾರೆ.<br /> <br /> ಐದು ದಿನಗಳ ಈ ಪಂದ್ಯದಲ್ಲಿ ತಮಿಳುನಾಡು ತಂಡವನ್ನು ಕಾಡಿದ್ದು ಆರಂಭಿಕ ಬ್ಯಾಟ್ಸ್ಮನ್ಗಳಾದ ವಿನೀತ್ ಸಕ್ಸೇನಾ (ಬ್ಯಾಟಿಂಗ್ 120; 268 ಎಸೆತ, 16 ಬೌಂಡರಿ) ಹಾಗೂ ಆಕಾಶ್ ಚೋಪ್ರಾ (ಬ್ಯಾಟಿಂಗ್ 86; 273 ಎಸೆತ, 10 ಬೌಂಡರಿ). ನಿಧಾನಗತಿಯ ಆಟಕ್ಕೆ ಮೊರೆ ಹೋದ ಇವರಿಬ್ಬರು ಯಾವುದೇ ಅಪಾಯಕ್ಕೆ ಆಸ್ಪದ ನೀಡಲಿಲ್ಲ. ತಾಳ್ಮೆಯ ಆಟವಾಡಿದರು. ಈ ಮೂಲಕ ಚಾಂಪಿಯನ್ ಪಟ್ಟ ಉಳಿಸಿಕೊಳ್ಳುವತ್ತ ಮೊದಲ ದಿನವೇ ದಿಟ್ಟ ದಾಪುಗಾಲಿಟ್ಟಿದ್ದಾರೆ.<br /> <br /> ಆದರೆ ನಾಯಕ ಲಕ್ಷ್ಮಿಪತಿ ಬಾಲಾಜಿ ಪ್ರಯೋಗಿಸಿದ ಎಲ್ಲಾ ತಂತ್ರಗಳು ವಿಫಲವಾದವು. ಬೌಲಿಂಗ್ ಮಾಡಲು ಏಳು ಮಂದಿಗೆ ಚೆಂಡು ಕೊಟ್ಟು ನೋಡಿದರು. ಆದರೆ ಆರಂಭಿಕ ಜೊತೆಯಾಟವನ್ನು ತುಂಡರಿಸಲು ಸಾಧ್ಯವಾಗಲಿಲ್ಲ. <br /> <br /> 2010-11ರ ಸೆಮಿಫೈನಲ್ನಲ್ಲಿ ಕೂಡ ತಮಿಳುನಾಡು ಎದುರು ರಾಜಸ್ತಾನದ ಆರಂಭಿಕ ಬ್ಯಾಟ್ಸ್ಮನ್ಗಳು 181 ರನ್ ಗಳಿಸಿದ್ದರು. ಆ ಪಂದ್ಯದಲ್ಲಿ ಯಶಸ್ಸು ಪಡೆದು ಚಾಂಪಿಯನ್ ಆಗಿದ್ದರು. ಈ ಬಾರಿಯೂ ಅದು ಪುನರಾವರ್ತನೆಯಾದಂತಿದೆ. <br /> <br /> <strong>ಸ್ಕೋರ್ ವಿವರ:</strong><br /> ರಾಜಸ್ತಾನ ಮೊದಲ ಇನಿಂಗ್ಸ್ 90 ಓವರ್ಗಳಲ್ಲಿ ವಿಕೆಟ್ ನಷ್ಟವಿಲ್ಲದೇ 221<br /> ಆಕಾಶ್ ಚೋಪ್ರಾ ಬ್ಯಾಟಿಂಗ್ 86<br /> ವಿನೀತ್ ಸಕ್ಸೇನಾ ಬ್ಯಾಟಿಂಗ್ 120<br /> ಇತರೆ (ಬೈ-5, ಲೆಗ್ಬೈ-5, ವೈಡ್-2, ನೋಬಾಲ್-3) 15<br /> ಬೌಲಿಂಗ್: ಎಲ್.ಬಾಲಾಜಿ 13-6-33-0 (ನೋಬಾಲ್-2), ಜಗನಾಥನ್ ಕೌಶಿಕ್ 18-6-30-0, ಯೋ ಮಹೇಶ್ 13-2-42-0 (ವೈಡ್-2), ಆಶಿಕ್ ಶ್ರೀನಿವಾಸ್ 30-11-55-0, ಸನ್ನಿ ಗುಪ್ತಾ 13-1-40-0, ಅಭಿನವ್ ಮುಕುಂದ್ 2-0-6-0, ಕೆ.ವಾಸುದೇವದಾಸ್ 1-0-5-0<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಚೆನ್ನೈ: </strong>ಹಾಲಿ ಚಾಂಪಿಯನ್ ರಾಜಸ್ತಾನ ತಂಡದವರು ಮೊದಲ ದಿನವೇ ತಮಿಳುನಾಡು ತಂಡದವರಿಗೆ ಬಿಸಿ ಮುಟ್ಟಿಸಿದ್ದಾರೆ. ಆತಿಥೇಯ ತಂಡದವರು ದಿನವಿಡೀ ಬೆವರು ಹರಿಸಿದರೂ ಹೃಷಿಕೇಶ್ ಕಾನಿಟ್ಕರ್ ಪಡೆಯ ಒಂದೂ ವಿಕೆಟ್ ಕಬಳಿಸಲು ಸಾಧ್ಯವಾಗಲಿಲ್ಲ.<br /> <br /> ಎಂ.ಎ.ಚಿದಂಬರಂ ಕ್ರೀಡಾಂಗಣದಲ್ಲಿ ಗುರುವಾರ ಆರಂಭವಾದ ರಣಜಿ ಟ್ರೋಫಿ ಕ್ರಿಕೆಟ್ ಟೂರ್ನಿಯ ಪಂದ್ಯದ ಮೊದಲ ದಿನದ ಗೌರವವೆಲ್ಲಾ ರಾಜಸ್ತಾನ ತಂಡಕ್ಕೆ ಸಲ್ಲಬೇಕು. ಈ ತಂಡದವರು ಮೊದಲ ದಿನದ ಆಟದ ಅಂತ್ಯಕ್ಕೆ 90 ಓವರ್ಗಳಲ್ಲಿ ವಿಕೆಟ್ ನಷ್ಟವಿಲ್ಲದೇ 221 ರನ್ ಗಳಿಸಿದ್ದಾರೆ.<br /> <br /> ಐದು ದಿನಗಳ ಈ ಪಂದ್ಯದಲ್ಲಿ ತಮಿಳುನಾಡು ತಂಡವನ್ನು ಕಾಡಿದ್ದು ಆರಂಭಿಕ ಬ್ಯಾಟ್ಸ್ಮನ್ಗಳಾದ ವಿನೀತ್ ಸಕ್ಸೇನಾ (ಬ್ಯಾಟಿಂಗ್ 120; 268 ಎಸೆತ, 16 ಬೌಂಡರಿ) ಹಾಗೂ ಆಕಾಶ್ ಚೋಪ್ರಾ (ಬ್ಯಾಟಿಂಗ್ 86; 273 ಎಸೆತ, 10 ಬೌಂಡರಿ). ನಿಧಾನಗತಿಯ ಆಟಕ್ಕೆ ಮೊರೆ ಹೋದ ಇವರಿಬ್ಬರು ಯಾವುದೇ ಅಪಾಯಕ್ಕೆ ಆಸ್ಪದ ನೀಡಲಿಲ್ಲ. ತಾಳ್ಮೆಯ ಆಟವಾಡಿದರು. ಈ ಮೂಲಕ ಚಾಂಪಿಯನ್ ಪಟ್ಟ ಉಳಿಸಿಕೊಳ್ಳುವತ್ತ ಮೊದಲ ದಿನವೇ ದಿಟ್ಟ ದಾಪುಗಾಲಿಟ್ಟಿದ್ದಾರೆ.<br /> <br /> ಆದರೆ ನಾಯಕ ಲಕ್ಷ್ಮಿಪತಿ ಬಾಲಾಜಿ ಪ್ರಯೋಗಿಸಿದ ಎಲ್ಲಾ ತಂತ್ರಗಳು ವಿಫಲವಾದವು. ಬೌಲಿಂಗ್ ಮಾಡಲು ಏಳು ಮಂದಿಗೆ ಚೆಂಡು ಕೊಟ್ಟು ನೋಡಿದರು. ಆದರೆ ಆರಂಭಿಕ ಜೊತೆಯಾಟವನ್ನು ತುಂಡರಿಸಲು ಸಾಧ್ಯವಾಗಲಿಲ್ಲ. <br /> <br /> 2010-11ರ ಸೆಮಿಫೈನಲ್ನಲ್ಲಿ ಕೂಡ ತಮಿಳುನಾಡು ಎದುರು ರಾಜಸ್ತಾನದ ಆರಂಭಿಕ ಬ್ಯಾಟ್ಸ್ಮನ್ಗಳು 181 ರನ್ ಗಳಿಸಿದ್ದರು. ಆ ಪಂದ್ಯದಲ್ಲಿ ಯಶಸ್ಸು ಪಡೆದು ಚಾಂಪಿಯನ್ ಆಗಿದ್ದರು. ಈ ಬಾರಿಯೂ ಅದು ಪುನರಾವರ್ತನೆಯಾದಂತಿದೆ. <br /> <br /> <strong>ಸ್ಕೋರ್ ವಿವರ:</strong><br /> ರಾಜಸ್ತಾನ ಮೊದಲ ಇನಿಂಗ್ಸ್ 90 ಓವರ್ಗಳಲ್ಲಿ ವಿಕೆಟ್ ನಷ್ಟವಿಲ್ಲದೇ 221<br /> ಆಕಾಶ್ ಚೋಪ್ರಾ ಬ್ಯಾಟಿಂಗ್ 86<br /> ವಿನೀತ್ ಸಕ್ಸೇನಾ ಬ್ಯಾಟಿಂಗ್ 120<br /> ಇತರೆ (ಬೈ-5, ಲೆಗ್ಬೈ-5, ವೈಡ್-2, ನೋಬಾಲ್-3) 15<br /> ಬೌಲಿಂಗ್: ಎಲ್.ಬಾಲಾಜಿ 13-6-33-0 (ನೋಬಾಲ್-2), ಜಗನಾಥನ್ ಕೌಶಿಕ್ 18-6-30-0, ಯೋ ಮಹೇಶ್ 13-2-42-0 (ವೈಡ್-2), ಆಶಿಕ್ ಶ್ರೀನಿವಾಸ್ 30-11-55-0, ಸನ್ನಿ ಗುಪ್ತಾ 13-1-40-0, ಅಭಿನವ್ ಮುಕುಂದ್ 2-0-6-0, ಕೆ.ವಾಸುದೇವದಾಸ್ 1-0-5-0<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
